مشكلتي

[nmb]

انا فتاة في الواحدة والعشرين من عمري انا مشكلتي ممكن تكون تافهه في نظر بعض الناس ولكن هي مشكلة تهز كياني الداخلي وتفقدني سلامي الداخلي
ومشكلتي هي عدم اهتمام الناس بي وعدم مقدرتي علي جذب الناس لي واحساسي بالوحدة القاتلة حيث وجدت احدي قريباتي القريبة مني بعدت عني لظروف كليتها وفي نفس الوقت تفسخ خطبتي واتعرض لازمة عاطفية صعبة جدا وكذلك جاء وقت ذهاب اخي( القريب مني ) الي كليته الجديدة وبعد فترة ليست قصيرة تم سيامة خالي(الذي كنت احكي له عن مشاكلي ) كاهنا فانشغل عني تماما وبذلك وجدت نفسي في وحدة وحن شديد خاصة وانا بعيدة كل البعد عن رب المجد الذي من الممكن ان يعوضني عن هذه الوحدة
انا مخنوقة ومحتاجة افضفض واسمع تعليقاتكم اللي انا محتاجلها وعلي فكرة انا فكرت اروح لدكتور نفساني لكي افضفض معه لاني محتاجة لانسان اتكلم معه
معلش انا دوشتكم واعذروني في صيغة الكلام لاني انا من طبعي مش بعرف اعبر عن نفسي
وربنا يبارك حياتكم وحياتي

[اسير الحب]

صلى كتير لربنا لانو هو اللى هترتاحى معاه وهو الله الذى بأسطتاعه كل شئ مستحيل اطلبى منه ان يبعد عنك هذه الوحدة بس اطلبى بأيمان وياريت تصلى كتير عشان تبعدى عنك شيطان الوحدة ربنا معاكى

[ساندي صبري]

اناكنت اشعر بالوحدة مثلك ولكن لا احد يملأ فراغك غير الرب يسوع تكلمي معه فتجديه خير من يسمعك
وانا ابضا ارحب بأن اكون صديقة لكي نحكي لبعض عن مشكلاتنا

[goneer]

ياغالية انت مش محتاجة طبيب نفسى ولا حاجة
بس انت مقولتيش مامتك ..لية مش قادرة تتكلمى معاها..انت كبرتى وبقيتى فاهمة انها اكتر حد تخاف عليكى وتحس بيكى.. وظروفك كلها طبيعية واغلبنا مربيها لكن تخطيناها....
بصى انت دلوقتى قدامك اختيارات كتيرة
1- أكتشفى مواهبك الداخلية وأخرجى كل طاقتك بها وقد تكون خدمة
2- جربى تكتبى ما بداخلك فى هيئة قصص مثلا..اوشعر جربى تخرجى ما بداخلك على الورق...واذا كان على النصيحة اب اعترافك موجود وخالك واخوكى مهما بعدوا لكن مانسيوكيش.
3- اهلا وسهلا بيكى وسط اخواتك فى اروع منتدى انا حقيقى فرحانة بيه وكلنا اذان صاغية لك ياجميل كاصدقاءك واخواتك
وأتمنى ياقمر أنك تقبلى وتتواضعى وتعتبرينى صديقتك...ممكن ههههههههههههههههههه
واللى قبلنا كلنا هو رب المجد يسوع... روحى من غير استعداد وكلمية كصديق كحبيب كأخ كأب حنين عليكى والأحن بالعالم... ارتمى فى حضنة وقوليلة ياصاحب الحنان بصرخ ليك محتاجة ارجع لحضنك.....
صلى صلى صلى ....وبركة ايام الصوم المبارك تكون معكى........
أمين

[samerco75]

دة انت اسلوبك رائع وبتكلمى كويس جدا جدا
انتى بس محتاجة تفهمى انك ممتازة والناس اللى هما احنا يتمنوا يكلموكى
وزى ما فهمتك الدكتورة goneer
انتى بس محتاجة تقربى لربنا يسوع وهو اهه واقف على بابك انتى بس افتحيله الباب
غمضى عنيكى وقليله كل اللى جواكى ويا بختك ياستى
وادينا عرفنا ان خالك كاهن واخوكى مؤهل عالى والعيلة كلها بركة
ربنا يبارك حياتك ويفرح قلبك

[ماروبوب]

المشكلة دى سببها الاساسى هو الفراغ عموما وأكتر حاجة ممكن تملى فراغك هى علاقتك بربنا حاولى تنزلى خدمة ومحبتك لربنا هتشغل فكرك وقلبك و عقلك و وقتك ومعاه مش هتحسى بأى فراغ

[marcos sadek]

يا بنت المسيح انت ربنا خلق جواك مواهب كتيرة فكري كده في واحدة بس من الكل..... هتلاقي نفسك مليانا عطاء . واشغلي نفسك بالخدمة .... اي خدمة هتقدميها لربنا هتفيدك وتشغل فراغك...
وعلي فكرة موقع ارثوزوكس ده مليان باشياء كثيرة ممتازة ممكن بس تشغلي نفسك بتعلم اي شي مفيد
وزي ما قال د.مارتن لوثر كينج.
إذا دعي شخص ما ليكون كناسا ،
يجب أن يكنس الشارع بنفس الطريقة التي رسم بها مايكل انجلو ،
والتي عزف بها بتهوفن الموسيقي ،
أو التي كتب بها شيكسبير الشعر .
يجب أن يكنس الشوارع بإتقان تام ،
حتي أن قوات السماء والارض تتوقف لتقول :

" هنا عاش كناس عظيم عمل عمله بإتقان "

. والرب معك ويكلل كل عملك بالبهجة وصلي من اجل الخدمة ومن اجلي

[مارسيلكو]

انتى ممكن تبتدى من النت ومن الموقع دا كمان

[Just Love Jesus]

احكى للرب يسوع عن كل ما بداخلك.....و ثقى انك ستجدين اجابة و ستشعرى براحة داخلة عجيبة و سلام عميق

[تونى كويك]

اشغلى نفسك باى حاجة مفيدة واندمجى فيها وانسى
اى شىء تانى ومع الوقت هتلاقى نظرتك اختلفت ومش
هيهمك اى حاجة تانى
ولابد قبل ده كله علاقتك برب المجد
لابد ان تكون علاقةقوية هتريحك نفسيا كتير

[وزير]

شكرا لكم والرب يعوضكم

[Shosei]

انى مش محتاجة دكتور ولا حاجة صدقينىكل الموضوع انى كل الظروف جت عليكى مرة واحده خالك اخوكى خطيبك قريبتك كل دا فى فترة واحده ملقتيش منهم

خدى فترة نقاهها وارجعى اعملى اصحاب تانى ولاول اقعدى مع ربنا واشكيلة همك وهتحسى بلفرق
دى نصيحة مجرب على فكرة