أسئلة هامة

[minabobos]

سلام ربنا معاكم

1- كيف أضمن ان لي مكان في الملكوت؟

2- كيف أعرف اني احب الرب من كل قلبي و ان له الاولوية في حياتي؟

3- كيف اعرف اني عندما اصلي و اصوم و اقرأ الكتاب المقدس اني لا افعل ذلك (خوفا من الجحيم) أم (خوفا من اني لا اكون معه)؟

4- كيف اعرف ان الرب غفر لي و كيف سيحاسبني؟

5- هل صلاتي مقبولة عند الرب و يسمعها؟

6- كيف أصلي بحرارة من قلبي؟

7- كيف احب ربنا من كل قلبي و فكري و عقلي؟

أرجوكم المساعدة

[Team Work®]

كلمة واحدة بس هاقولها ليك

عيش فى مخافة ربنا او بمعنى اصح

خلى ربنا قدامك كل حين

ربنا يفرح قلبك حبيبي

[nrmo]

اولا موضوع لذيذ
انت ممكن تضمن ليك مكان فى الملكوت عن طريق تنفيذ وصايا ربنا وبكده هتقدر تضمن مكان فى الملكوت
ازاى تعرف انك بتحبه عن طريق كلامك معاه وصلاتك
وانت بتصلى وبتصوم لازم يكون فى مخافة الله لكن مش تخاف منه لان الهنا اله حنون
وتعرف انه غفر ليك عن طريق توبتك الاكيده يعنى مش ترجع للخطيه تانى
صلاتك اكيد مقبوله عند ربنا مادام من قلبك ومادام انت عاوز تصليله
ازاى تحب ربنا من كل قلبك وفكرك وعقلك انت تبدأ فى صلاتك وتقوله علمنى يارب ازاى احبك خلينى يارب احبك من كل قلبى وتاكد ان ربنا هيسمع صلاتك .
ربنا معاك

[Narmar]

شكرا يا مينا بجد
و فعلا انا حطيت نفس الفكرة قبل كده فى المنتدى
اننا المفروض نحب ربنا عشان هو الهنا و الى فدانا و حاجات كتير اوى مش عاشان خوف .
دى اهم نقطة شكرا ليك يا جميل :)

[ماريان]

بص يا مينا
احنا فى اب كاهن قلنا
ان الانسان الاول بيجى لربنا الاول خوف من العقاب دة طبيعى
لكن اما يعيش الوصايا ربنا الطاعة والاحتمال وكدة
بيبدا يحب العشرة والسلام الى ربنا بيدهولة والاحتمال وانة يلاقى ربنا بيدبرلة حياتة
وكل ما يعيش وصايا ربنا هيقرب منة اكتر وهيصلى بحرارة ويحس بالندم على الخطايا انة جرح بيها قلب الى بيحبة وبعدتة عن ربنا مش علشان خايف لا
هيبدا الموضوع يختلف
من خوف لحب
وبعدين فى حكاية الصلى ربنا بيسمع كل كلمة انت بتقولها بس بينفز فى الوقت المناسب
دة الى انا فهماة واقدر اجاوب علية فى اسالتك
وصلى لربنا يرشدك ويرشدنا معاك
ربنا معاك مينا

[love is the key]

مكانك في الملكوت مضمون ولكن اذا كنت خليفة لابوك ... فالابن يرث ابوه اذا كان يستحق

اما عن محبة الله فتعرفها .. من يحبني يحفظ وصاياي

ما انت لو حبيتو مش هتخاف منه ... زي الانبا انطونيوس لا يخاف الله لانه يحبه

الله لا يعود يذكر خطاياك ان انت اعترفت بيها ... هو يطرحها في بحر الظلومات

الرب يسمع صلاتك حتى لو من كلمة واحدة ( يارب ) هو سامع وعامل بما في قلبك ..ا ( ان كانت من قلبك )

ان انت كنت مع حبيبتك تنسى الدنيا هكذا مع الله ( حبيبك ) انسى الدنيا وما فيها

تحب ربنا تعمل ما اوصاك به

ربنا معاك كل سطر هو اجابت سوال

صليلي كتير

[silaazez]

الموضوع جامد اوي . هو عاوز شوية اهتمام منك لربنا اكتر من كدا خاليه هو قدامك في كل حين خالي عينك متشوفش غيره صلي بحراره.. صومي وتنولي.. اقرائي في الكتاب المقدس .. وتجنبي الخطايا . انا عارفه ان ( عدو الخير) مش سايب حد في حالوا .
اسمعي وعظات . افلام دينيه. ترانيم روحيه. هتحسي ان حياتك دخل فيها رب المجد وفعلا هتقربي منو ويسمع صلاتك وهو قال ( صلي كل حين ولا تمل لو1:18 )
والهم انك تقدمي توبه حقيقيه بدون رجوع
وربنا معاكي ويقوي ايمانك اكتر وياريت تذكريني في صلواتك
الموضوع جميل اوي . ويارب كلامي يكون افادك ولو ببمعلومه صغيره

[minabobos]

اشكر ربنا يسوع المسيح اللى اعطى الكلام ده من خلال كل واحد فيكم
واشكركم كلكم ع تعبك وارجو الجميع يستفيد منه الموضوع
واسعدنى كلامك الجميل
وتكونوا بركه لينا

[بنت الراعي]

انا عايزه اشكرك اوووووووووووي مينا بجد
لان نفس الاسئله دي بتدور في دماغي وكمان ميرسي اوي لكل اللي رد
بجد انا استفدت كتيراوي
ربنا يبارككم ويعوضكم وصلولي كتير