لا أستطيع أن اقيم صداقات

[helana_gergs]

انا انسانة خجولة ذكية جدا بشاهدة أساتذتى متفوقة و لكن لا أستطيع أن اقيم صداقات و أنا اعتقد أنى أنسانة مملة و أفتقد روح الفكاهة و اتعامل مع الناس بكل احترام مما يؤدى ذلك انهم لا يفضلون مصادقتى و يكتفون بان يعاملونى بمثل اسلوبى المنمق شديد الاحترام مما يشعرنى ذلك بأنى وحيدة و لا أستطيع أدخال نفسى فى اى صداقة
أرجو منكم التعليق على مشكلتى و افادتى بهل لى حل لمشكلتى و كيف استطيع ان اغير من نفسى و هل يمكن ذلك؟
صلوا من اجلى

[aymonded]

لكل إنسان طبعة الخاص ، ولكل شخص ميزاته التي ميزها له الله من مواهب وقدرات ، وليس كل الناس تقدر أن تفهم طبيعة الشخصية التي تتعامل معها ... فلكل شخص طبع يتوافق مع من يصادقه ، فلك يا صديقتنا الحلوة ان تعلمي ما هي مميزاتك وتثقي في قدراتك الحلوة الموهوبه لك من الله ، وتبحثي عن صديقة تتوافق معك وتفهمك ، وأكيد ستوفقي في صداقات قد تكون قليلة لأن ليس كل شخص له أن يتأقلم مع كل طبع أو شخصيه ...

ممكن الإنسان يتغير من مرحلة لمرحلة في حياته ، حسب العمر والزمان والاهتمامات المختلفة والثقافة والمعرفة ... الخ الخ ، وأكيد لكل مرحلة ليها الزملاء الذين يتفقون معها وغيرها من العلاقات العامة وقد يوجد من نصادقة من خلال معرفة الزملاء وميولوهم واتجاهات تفكيرهم الخاصة ، أما عن الصداقة عموماً ربما تكون قلية ولكنها ليست مستحيلة ، وأكيد هاتجدي صديقة تفهمك وتقدرك ، ولابد أن تسعي دائماً للتغير ولكن للأفضل طبعاً ، وحاولي أن لا تتعجلي الصداقة لأن لكل شيء تحت السماء له وقت ، والمستعجل برجليه يُخطأ ، وربنا يدبر حياتك ويوفقك في اختيار صديقة تفهمك وتقدر أن تعينك ...

والسؤال الذي أطرحه ، هل أقمتِ علاقة صداقة مع اي شخصية ، أو حاولتي التعرف على زميلة عمل أو سكن ... الخ ، أم لم تحاولي على الإطلاق ، وما هي طبيعة علاقاتك بالآخرين هل فيها حوار أم هي سلامات عادية ورد على السؤال بإجابة ... الخ الخ ...

النعمة معك يا محبوبة الله

[مارسيلكو]

ان اقترح عليكى يا اختى انك تحاولى تخففى من اسلوبك الجاد جداً دا وبالتتدريج وابتدى مع اقرب اصحابك
وشوية شوية هتحسى انك معتدلة

[mrm29r]

انا كمان عندى نفس المشكله بس انا زياده شويه اصدقائى قليلين وكمان مش بحس انهم فى وقت الضيق الاقيهم جنبى ومش بعرف اصاحب وبس لكن بعتبر اللى اصاحبها زى اختى بالظبط وافرح لفرحها ومعها فى ضيقتها من قبل ماتقول لكن مش بحس فيهم كده وقت ما بقع فى ضيقة مش بلاقى حد جنبى ومع ذلك بدور ليهم على عزر بقعد اقول اكيد فى حاجة واقلق عليهم واروح اتصل انا انا حاسة انى عبيطة مش كده كتير الناس بتضايقنى وانا بدور ليهم على اعزار بس من جوايا بتألم وبيصعب عليا نفسى تفتكروا اعمل ايه انا بقول الحل انى ابعد عن الناس خالص واسفه ازاى كنت طولت واسفه مش هقدر ارد على صحبة الموضوع لانى زيها وربنا معانا

[تونى كويك]

حاولى ان تغيرى من طباعك
اللى ربما تكون انطوائية شوية
واندمجى مع الناس فى حدود المسموح

[اميل الفرد فهمي]

خليكي علي طبيعتك ومتحاوليش انك تكوني غير نفسك وحاولي تبدائي في دراسه نفسك وتشوفي ايه اهم الاشياء اللي بتبعد او واقفه عقبه في طريق تكوين صداقات وابدائي واحده واحده في التعرف علي اشخاص يشبهوا شخصيتك وحاولي تشوفي ايه اللي في الاخرين يساعد في تكوين الصداقه وقبل كل شي صلي الي الله ان يساعدك في تكوين صداقه ومتخافيش ربنا هيساعدك الرب معاكي

[rovina]

لازم يكون عندك روح الفكاهة علشان الناس يحبوا قضاء الوقت معك ولا يشعرون بلملل ومش غلط انك تحطى لنفسك خط احمر واللى يعديه يستحق انك متتعمليش معاه وساعتها هيعرف انك مش زى اى حد وبكدة تكونى بتهزرى و فى نفس الوقت ليكى احترامك

[megomagamego]

اللي يحب الناس مش محتاج أبداً أبداً إنه يدور عليهم ومش محتاج أبداً إنه يقول فين الأصحاب
صدقيني الحل الوحيد هو حب الآخرين دون تغيير في شخصيتهم ( أحبهم زي ما هما وأتعامل معاهم دون تكليف ودون إنتظار نوع معين من المعاملة تجاهي )
إوعي تنتظري من الناس إنهم يبادلوكي نفس مشاعر الحب علشان إنك بتحبيهم ( لأنك هتتعبي أوي من الموضوع ده ) ربنا حبنا بدون مقابل
علي فكرة إوعي تفهمي من كلامي إنك بتكرهي الناس
أنا أقصد إنك تنزلي لمستوي شخصية كل واحد وإنتي بتتعاملي معاه وهو هيحبك ويرتاحلك علي طول
مثلاً : لو لقيتي ست غلبانه في الكنيسة هل ممكن تتعاملي معاها بالطريقة دي ( أهلاً يافندم ... إزي حضرتك ... معاليكي نزلتي لوحدك ......) ، ولو لقيتي نفس الست الغلبانة وإتعاملتي معاها كده ( إزيك يا ماما وإزي صحتك وأخبار أولادك إيه ربنا يديكي طولة العمر ويخليكي لينا دا إنتي بركتنا... إدعيلي )
طبقي المثل ده علي كل علاقاتك وإفهمي إن في فرق كبير بين الإحترام المتبادل والإحترام الشديد الذي ينفر منه الأصدقاء
علي فكرة أنا بقترح عليكي إنزلي خدمه مسنين في كنيستك ... هتلاقي نفسك أصبحتي واحدة تانية خالص لأن معاملتهم بتخلي الواحد يكتسب الكثير من الإجتماعية في الشخصية ويكتسب أيضاً ثقة كبيرة في النفس وبالتالي حب الناس من القلب مش بالطلب
ربنا معاكي
ماجد