اتعلم من المـــــواقف

[rose]

الخطأ الاول
:worried:
انك تفترض ان الشخص اللى قدامك خلاص بقى محل ثقه
لا وايه مش اى ثقه دى ثقه مطلقه
وانك مادمت بتستريحله بدرجه كبيره يبقى احساسك مابيكدبش
وساعتها بقى بتجيلك نوبه صراحه مفاجئه
وتقول للشخص اللى قدامك كل اسرارك ومشكلاتك
يعنى من الاخر

تفضح نفسك يعنى
ـــــــــــــــــــــــــ ــــ

الخطأ الثانى
:worried:

انك تبالغ فى تعبيرك عن مشاعرك عشان تكسب ود الطرف التانى
لا وايه وتبالغ وتاخد من المبالغه دى اسلوب لعلاقتك معاه
يعنى
تتصل بيه كل شويه وتطلب منها الخروج كل يوم
وكل خروجه بورد وكل مناسبه بهديه
حتى لو عيد العمال
وتبالغ فى اهتمامك بنفسك وفى ارسال
sms
ملتهبه الاشواق كل نص ساعه
المشكله هنا ان الطرف التانى مايعرفش انك بتبالغ فى اهتمامك بنفسك
وبيعتقد ان دا
هو العادى بتاعك
ولما بقى ترجع لطبيعتك وتنتهى المرحله دى
هيعتقد الطرف التانى ان حبك ليه اصبح بارد
وانك فقدت اهتمامك بيه


ـــــــــــــــــــــــــ ــــــــــــــــــ


الخطأ الثالث
:worried:

انك تركز مجهودك فى انك تسيطر على الطرف الاخرتحت شعار
انا بحبك وبخاف عليك
مع ان العلاقه هتستمر لو انت ركزت جهودك
فى انك تسيطر على نفسك

ـــــــــــــــــــــــــ ـــــ

الخطأ الرابع
:worried:
انك تدى انطباع للطرف التانى ان العلاقه دى مسروقه
فترفض انك تظهر معاه فى الاماكن العامه
وماتكلموش الا فى نص الليل
ولو اتصلت بيك اللى بتحبها ترد عليها على اساس انها راجل
ايوة يا اسماعيل بيه
او العكس طبعا
الاداء ده بيخلى فى شعور بعدم الامان
والشعور دا هينمو مع قصه الحب نفسها فتكبر وهى ضعيفه وهشه

ـــــــــــــــــــــــــ ـــ

الخطأ الخامس
:worried:

انك تعيش فى انتظار ان يقدم لك الحب حاجه
اى حاجه
والحب مش انك تستنى تاخد حاجه
لالالالالالالالا
الحب انك تتعب علشان الحاجه اللى عايزها

ـــــــــــــــــــــــــ ــــ


الخطأ السادس
:worried:

انك تاخد راى اى حد فى الطرف الاخر
او مثلا تسال صاحبك ولا صديقك
ايه رايك فى فلانه؟
يعنى انك مابتحبش فلانه
كده يعنى
ـــــــــــــــــــــــــ ــــــــ

الخطأ السابع
:worried:
انك تكتر فى كلامك جمل من نوعيه
اصلى انا ماباحبش كذا
انا ماينفعش معايا كده
خدى بالك انا فيا ميزه
عندى عيب بس هو ميزه فى نفس الوقت
بلاش تفضل مركز فى نفسك وفى كرامه نفس سيادتك
ورهافه نفس جنابك وحضرتك

يعنى من الاخر
ركز مع اللى قدامك شوووووويه


ـــــــــــــــــــــــــ ـــــــــــ


الخطأ الاهم
:worried: :worried: :worried:

انك تفترض وتعتقد ان العلاقه دى

one way وماتبقاش عامل حساب انها ممكن تخلص لاى سبب
فتقف مكانك مجروح بعد ماكونت راكب عربيه واحد وماشى بيك
فى طريق كله ورد وزهور جميله وعبيرها اخاذ
وفاجأه
قرر ينزلك فى حته مقطوعه ويمشى لوحده ويسيبك
؟؟؟؟؟؟؟؟؟؟؟؟؟؟؟؟؟؟

نصيحه فى قصص الحب ماتركبش مع حد عربيته!!!!

[Team Work®]

كلامك صحيح ميه فى الميه بجد
ربنا يباركك ويفرح قلبك كل حين

وأسفاه إنه من السهل أن تطلب أشياء من الله ولا تطلب الله نفسه كأن العطية أفضل من العاطي. القديس أغسطينوس

[rose]

ميرسى اوووى هيما لمروورك
ربنا يرعاك وحافظ عليك

[مكاريوس]

هو موضوع حلو اوى بس شكلك مجربة علشان كدة مش عايزة حد يوقع تانى انا بشكر تعب محبتك

[nrmo]

موضوع جميل اوى ياروز ميرسى ليكى

[ensan]

شكرا على الموضوع معروض بطريقه سهله وسلسه

[rose]

هو مش انا اللى مجربه يا مكاريوس بس اعرف ناس اصحابى مجربه
وانا اتعلمت منهم
فحبيت انتوا كمان تتعلموا
علشان مش تقعوا فى حاجة زى دى
وميرسى لمرورك

[rose]

ميرسى نرمو لمروورك الجميل
ربنا يبارك حياتك

[rose]

ميرسى انسان لمرورك الرائع
اتمنى الموضوع يكون عجبك
ربنا يبارك حياتك

[jesus's daughter]

بجد بجد موضوع رائع جدا جدا جداااااااااااااا
ربنا يعوضك

[rose]

ميرسى اوى jesus's daughter لمروورك الجميل
ربنا يرعاك ويحافظ عليك
صلى من اجل ضعفـــــــى

[love is the key]

شكرا روز اد اية انا كنت محتاج النصايح دي
ربنا معاكي بس ياريت تفدينا بنصايح من دي تانى
ربنا يخليكي للمنتدى ... صليلي كتير

[rose]

ميرسى love is the key لمرووورك الجميل
وحاضر هحاول انزلكوا نصايح من دى تانى
وميرسى لمروورك كتير
ربنا يبارك حياتك

[مرمر]

مرسي اوي علي الموضوع الجميل
ربنا يعوض تعب محبتك

[rose]

ميرسى ياحبى لمروورك وتشريفك موضوعى
ربنا يرعاكى ويحافظ عليكى

[mora]

موضوع فعلا رائع
ميرسى يا روز انك مهتمه انك تفيدينا دايما

[rose]

ميرسى ليكى ياحبى
لمروورك الجميل
ربنا يبارك حياتك
صلى عشانى

[عماد حسنى]

موضوع فعلا رائع
ربنا يرعاكى ويحافظ عليكى

[rose]

ميرسى كتير عماد
لمروورك
ربنا معاك

[اسامه]

يا نهار ابيض بعد الحب ده كله ينزلنى فى حته مقطوعه وحلنى لما تلاقى حد يعبرك ويركبك معاه فى عربيته من الاحسن ان تسيروا فى طريق حبكم بالتاكسى عشان مفيش حد يقدر ينزل التانى هههههههههههههههه ربنا يباركك

[Team Work®3]

موضوع رائع يا روز

بس انا شايف ان اول بند مبالغ فيه شوية لان الطبيعي اننا بنحكي لبعض عن امور حياتنا وانا لو ملقتش واحد اثق فيه واحكيله يبقي انا مش هعرف اتعامل مع حد خالص لاني شايف انهم كلهم غير اهلين للثقة ومش انا بس لكن كل الناس هتبقي كده

لكن باقي البنود انا متفق معاكي فيها تماما
موضوع رائع ونصايح غالية جدا

[rose]

والله يا استاذ هيما الناس كلها مش زى بعض
يعنى كل واحد ورأيه
انت شايف كدة
فى ناس تانى شايفه حاجة تانى
عموووما ميرسى لمرووورك الجميل
ربنا يرعاك ويحافظ عليك

[ايساك]

اللة اللة يا ابنى .موضوع رائع جدا جدا. ربنا يعوضك

[rose]

ميرسى ميرسى ايساك لمرووووورك الجميل
ربنا يبارك حياتك

[منى ارسانيوس]

موضوع حلو
و معلومات لازم ناخد بالنا منها
شكرا

[melanora]

مش ممكن موضوع تحفة
اما عن نفسي فانا لا اثق في اي حد بس مش كل الناس يعني

[rose]

طبعا يا melanora
مش كل الناس لازم نثق فيهم غير لما ندرسهم ونعرفهم كويس
عموما ميرسى لمروورك الجميل
ربنا معاكى