محتاجة صلواتكم ليا

[خايفة]

انا بنت اتعرفت علي شاب وحبنا بعض وقبل ان نحب بعض صلينا وصومنا كتير عشان نعرف ارادة ربنا ويكون معان لحد اخر الطريق
وكنا دايما نصلي ونقول يارب لو احنا مش من نصيب بعض ابعدنا عن بعض بس كنا كل مدا نلاقي اتشدنا اوي لبعض وحبنابعض اكتر
وانا اهلي ميعرفوش الموضوع ده نهائي لانهم رافضين اي حب بنسبالهم حب يعني زواج والشاب اللي انا حبيته عنده دراسته ولسه قدامه 3 سنين لحد ميخلص ولسه هيشتغل ويكون نفسه ومينفعش يتقدملي خالص دلوقتي وقولت لاب اعترافي رفض الموضوع بشدة وقالي دة طريق غلط انتي ماشية فيه وللاسف مسمعتش كلامه انا بالفعل بعد عن الشخص دة بس مقدرتش ورجعتلو تاني واستمريت مع الشاب اللي حبيته وبنتقابل علي طول بس ما بنا مخافة ربنا وبنتقابل في اي كنيسة وبيكون بنا احترام شديد جدا وبنتقابل كل شهر مرة ومش عارفة ارجوكم ارشدوني انا صح ولا غلط ارجوكم قولولي اعمل ايه !

[megomagamego]

للأسف غلط إسمعي صوت ربنا
إنتي بتقولي إنك صليتي كتير جداً ورفعتي الموضوع لربنا
ربنا رد عليكي من خلال أب إعترافك والظروف اللي مش مناسبة وأهلك اللي هيرفضوا لماذا الإعتراض إذاً !!!!!!!
أنا شايف إن رأي أب إعترافك صح وإنك تبعدي عن الموضوع ده لأن ربنا شايلك شخص مناسب لما الظروف تتحسن وتلاقي أب إعترافك وافق وأهلك كمان وساعتها ربنا هيكون فرحان بيكي لأنك بنتة اللي نفذت مشيئتة
أنا عارف ومجرب إن اللي بيحب بيبقي صعب جداً يسمع كلام اللي يقولة " لأ " وييحب أوي اللي يقوله " ok " لكن سامحيني
ملحوظة :
هو الشخص اللي بتحبية لسه فاضل له 3 سنوات علشان يخلص دراسته يعني في سنة أولي جامعة مثلاً يعني لسة خارج من ثانوية عامة !!!!!!!! وبعد 3 سنوات ( دا لو نجح علي طول ) هيتخرج وممكن يدخل الجيش ، والجيش سنه كمان وبعدين يبدأ من الصفر ويشتغل ويكون نفسه في 4 أو 5 سنوات علي الأقل علشان يقدر يعمل حاجة في ظل الظروف الصعبة للمعيشة وكمان لازم يكون في ال5 سنوات بيأخذ مرتب مش أقل من 1500 جم علشان يحوش منهم مبلغ 1000 جم يبقي في السنة 12000 جم وفي 5 سنوات 60000 جم ممكن تجاوبيني علي الأسئلة التالية :
1 . حضرتك ساعتها هيكون عندك كام سنة ؟
2 . تضمني منين إن الحب اللي بينكم هيستمر عدد ( 3 + 1 + 5 ) = 9 سنوات ؟
3 . تضمني منين إن أهله هيوافقوا بيكي بعد مرور 9 سنوات إنتظار ومش هيقولوا خد واحدة صغيرة ؟
4 . تضمني منين إنه مش ممكن يحب زميلته الجميلة اللي هيقابلها في شغله الجديد ؟
5 . 60000 جم بعد 9 سنوات هيجيبوا شقة ؟ هيجيبوا عفش ؟ هيجيبوا أجهزة ؟

أنا آسف إني كلامي ده جامد وهيضايقك وآسف كمان إني طولت عليكي جداً جداً جداً لكن أنا حاولت أركن قلبي شوية وأفكر معاكي بعقلي ، وهو ده اللي حاول أب إعترافك يوضحهولك
أرجوكي فكري بعقلك
وربنا معاكي
ماجد

[samerco75]

الحقيقة انا اعرف ان الحب الذى لايؤدى الى جواز يبقى استهبااااال
مش تزعلى منى انا واثق انك كمان عارفة كدة ذى ما اثق تماما انك لما تخرجى خارج سلطة ما تسميه الحب هاتضحكى على نفسك انك فكرتى باطريقة دى
لما قريت كلامك الاول فهمت انكوا صومتوا وصليتوا علشان مخطوبين وفى الاخر لقيتك بتقولى لسة قدامه 3 سنين ويكون نفسه يعنى يكون عندك دسته عيال !!!
طبعا انتى مش هاتفهمينى دلوقتى ولاتقتعى لنك واقعة تحت سلطان الحب لكن الغلط من البدااااااية مش ينفع يبقى ماأديش لنفسى فرصة وامش فى طريق غلط وانا عارفة انى هارجعه تاااانى
بتفكرينى بواحد بنى برج كبير وعظيم .......بس فى ارض مش بتاعته تفتكرى يعمل ايه ....!!!!
خليكى وااااااااااااااااقعية وثقى ان حياتك فى ايد ربنا هايبعت الانسان المناسب فى الوقت المناسب
الا اذا كااان موضوعك فريد و الانسان اللى بتحبيه سوبر مااان و فيه صفااات مش فى حد يبقى تستنيه من غير ما تقبليه ؟!!!!
وهو اذا كان انسان كويس مش ممكن يكون بيحبك لو بيحبك كان بعد عنك طالما مش جاهز ودة يعتمد على سنك وسنه؟
وانتى عارفة ان الموضوع دة غلط والا ليه الاهل مش بتعرفيهم؟!!!!!!!!
اهربى الى الجبل لألا تهلكى اهربى لحياااااتك
ربنا معاكى

[اس اسامة عوض]

انتى اكيد بتحبى الانسان دة وانتى اكيد شايفة فية حاجات جميلة علشان كدا انتى مش عايزة تسبية
ومش هتقدارى تبعدى عنة لكن لاتنسى انى الله يخليكى تشوفى حد تانى وتحبة ويحبك
وبصى قبل الحب لزم افكر فية كويس هل ..هو دى الانسان اللى هينفع يكون ليا زوج واب الى اولدى
هل .. يقدار يفتح بيت
هل هو الانسان اللى معة امكانيات
هل هو الانسان اللى اهلى هيفقو بية
لازم افكر قبل الحب
لازم احسب كل شىء قبل كل شىء
بجد انا عملت كدا مع حد انا كنت عايزة تكون لى زوجة
وعملت زيك كدا صليت انا وهيا وقعت مع اب كاهن انا وهيا وقعت معة علشان نعرف اية الدينا وعرفنا انى احنا مش لبعض وطبعا كان لازم نسى الموضوع دة نهائى
ربنا قادر انى يخلصك من هذا الموضوع .

بس لازم تفرحى فى الرب وتكونى وثقة فى وعد ربنا
والدينا مش بتقف على حد اكيد ربنا
مخليك حد كويس يسعدك ويهنيكى
وتكونى بركة لينا فى المنتدى

[بنت الراهب الصامت]

انا رائى مع استاذ ماجد وسامحينى يعنى انتى لسه صغيره وهو كمان يعنى ده حب مؤقت سن مراهقه ولانها اول تجربه ليكى فاكره انها هى الحقيقه رائ اب اعترافك هو الصح مينفعش وحاولى تشغلى وقتك بالكنيسه انزلى اشتركى فى الخدمه مدارس احد فى المعوقين اتعلمى تخدمى فى الكنيسه اشغلى وقتك هتلاقى نفسك نسيتيه وهتضحكى على نفسك لما تفتكرى الايام دى لكن طول مانتى فاضيه اكيد هتفكرى فيه وتنشغلى بيه لكن لو انشغلتى بالكنسه هتقدرى تنسيه سامحنى بنت الراهب الصامت

[تونى كويك]

مع احترامى للجميع
اى علاقة من اى نوع جارج الاطار الاسرى
اى فى النور تعتبر خطاء كبير
واول الخطاء هيكون على حسابك انتى
وانتى اللى هتدفعى الثمن فى حالة عدم اتمام القصة
اللى بينكم اقصد طبعا قصة الحب

[egyptologist]

اختى فى المسيح : انتى احساسك عظيم جدا ورومانسيتك ملهاش حدود ولازم تشتغل تحت سيطره يعنى ممكن واحد يكون عنده عربيه مرسيدس بس مبيسوقش كويس فيبهدلها
انتى بردو احساسك الكبير ومشاعرك دى ليها حق عليكى انك تفكرى فى الى ينفعها من الى يضرها
اولا انا متفق مع الاساتذه انك لسه صغيره وفى السن ده الانسان بيكون خالى من جواه محتاج حنان وحب علشان يفرغ المشاعر الى جواه
بس لو مليتى حياتك بنعمة ومحبة رب المجد يسوع هتشوفى الدنيا بمنظور تانى خالص
يقول الاباء الكهنه انى علشان تختارى شريك حياتك لازم تمشى بالترتيب ده : الفكر - الروح - العاطفه
يعنى الفكر الاول انك تفكرى ايه الاصلح ليكى ولمستقبلك وماتنسيش انى الفكر هو الى بيخلق اسره سعيده او حزينه وهو الى بيخلى الحب يستمر او بيختفى نهائى