محتاجة مساعدة

[غير مسجل]

مشكلتى هى انى معنديش اى ثقة فى نفسى انا عيشت فترة بعيد عن ربنا وكنت مرتبطة عاطفيا انتهت الفترة دي بفشل على كافة المستويات لكن ربنا انتشلنى وكمان غرسنى فى كرمه فى الخدمه لكن انا نتيجة الفشل اللى مريت بيه ثقتي بنفسى ضاعت لا عندي ثقة فى قدراتى ولا حتى شكلى دايما حاسة انى اقل من الناس واللى تاعبنى اكتر انه لو حد حب يرتبط بيا لازم ينصحنى بأنى اعمل عملية تجميل معينة فى شكلى طيب لما انا مش عجباهم بيتقدموا ليه مايسبونى فى حالى ولازمته ايه يجرحونى بكلامهم وكأن شخصيتى عجباهم بس شكلى مش عاجبهم , كمان صعب اقنعهم فى البيت بأنى اعمل عملية لانهم شايفيين انى مش محتاجة كنت فاكرة ان الشكل ده حاجة مش مهمة فى تقييم الانسان لكن اتضح انه اهم حاجة عند الناس وانا ببقى حساسة لاى كلمة عشان كده بتأثر جدا انا تعبت مش حاسة بقبول من الناس ولا قادرة اقبل نفسى ومش قادرة اعيش ياريت تنصحونى وتصلولى كتير .. اختكم فى المسيح

[رفيق حبيب]

اولا ايها الاخت انتى بتقولى انك خارجة من تجربة يعنى هناك تواصل مع الحياةوانك لست منبوزه لا قدر الله ثانيا ان كان هناك من يجرحك بجهلة فهو اقل من انك تعطى لكلامة قيمة ثم هناك امرين يجب ان تضعيهم امامك اولا اننا نحيا للرب وان الحب بين الولد والبنت شى كمالى ( ترفيهى ) ثانيا احمدى ربنا ان ما عطل به حياتك العاطفيه هو الشكل وهو امر نسبى وليس المرض ربنا يعطيكى الصحة واخير يا اختى واضح انك قليلة الخبرة وخجولة وهذا مايعرضك للجراح دون الحزر من رد فعلك فمرنى نفسك ان تفرقى بين العلاقات الجادة والغير جادة من طرف الاخرين والاثنين قلتهم احسن

[كيرلس ملاك]

اختي العزيزة
سلام الرب يسوع معاكي
كل اللي عاوز اقولهولك ان اللي هيرجع ثقتك بنفسك هو انتي
في ايدك كل حاجة وسعادتك في ايدك ومتستغربيش من كلامي
انتي تقدري تعملي اي حاجة وكل حاجة في المسيح
شوفي يا اختي عقلك شئ جميل وقوي جدا الي ابعد الحدود بس لو استخدمناه بكل طاقاته
ها اقولك ازاي
العقل دايماً بيكبرنا في اللي احنا بنختاره يعني لو انا فكرت وقولت اني فاشل بكل المقاييس ومفيش حاجة باعملها بتنجح عقلي ها يكبرني وينجحني في كده وساعتها ها ابقي مش فاشل لكن ناجح في الفشل
ايوه ها انجح اني اكون فاشل كبير ، والعكس طبعا لو حطيت في عقلي اني ذكي وقدراتي كتير وده الاكيد لان ربنا مخلقناش فاضيين لكنه خلق كل حاجة حلوة
كل اللي عاوز اقولهولك بجد انتي شخصية جميلة اوي ده اللي حسيته م كلامك بس ليه تعيشي منكسرة .... في المسيح تقدري .. وهو اللي ها يبعتلك الشخص اللي يستاهلك
علي فكرة كمان مع اني معرفش تفاصيل علاقتك القديمة لكن مين اللي قالك انها فاشلة اقصد يعني مش ممكن يكون ربنا اختارلك صح وده الاكيد لان كل الاشياء تعمل معاً للخير للذين يحبون الله ...
اقبلي نفسك زي ما انتي لان ربنا خلقك علي اجل صورة وهي صورته ومثاله ...
وعيش حياتك واخدمي وارضي مسيحك اللي مات علشانك ...
واي شئ تحتاجيه انا تحت امرك
سلام

[mrm29r]

اولا اهلا بيكى وسطينا والحمد لله انك رجعتى للرب تانى بعد التجربه اللى عشتيها لان احيانا الرب يدخلنا فى تجربه كى نرجع له من تانى "وطوبى للرجل الذى يقبل تاديب الرب" كما ان الضيقات هى عمليات تجميل يجريها الرب فى نفوسنا كى نفهمه اكتر ونلمس روحه فى حياتنا افرح بالتجربه وشوفى ايه الاخطاء اللى انتى عملتيها واتعلمى منها
اما بالنسبة لثقتك فى نفسك هترجعلك بس صلى وقوليله يارب رجع ثقتى فى نفس والرب قادر على كل شئ اما بالنسبة للى بيقوليلك اعمل عمليه تجميل انا مش اعتبر ده حب لان الذى يحب شخص يقبله كما هو ولا يرى فية عيب وان راى فية عيب يكون قابله كما هو
لان الحب مش شكل فقط واكيد ربنا شيلك نصيبك سلمى حياتك لربنا وقوليه
"ربى لست اعلم ماتحمله الايام لى ولكن ثقتى انك معى هذا يكفينى"واسفة اذا كنت طولت عليكى وربنا معاكى وصلى من اجلى

[goneer]

أختى الغالية فى المسيح
أنتى حبيبتى مش محتاجة ابدا لاى عملية جراحية حتى لو كنتى كلك على بعض مش حلوة مش بس جزء معين فيكى ....ولا اى حد لازم يعمل عملية جراحية اصلا...عارفة لية......لانك من صنع الفخارى الاعظم-------> يسوع
افهمى كويس الناس لانهم فى الغالب بيكونوا نوعين:

نوع بيهتم بالشكل واللبس---------->ودول صدقينى بيبقوا تفيكرهم تافهة جدااااااااااااااااا لان اى واحدة مهما كانت جميلة مع العمر والوقت ومشاكل الحياة والبعد عن ربنا...تفتكرى ياترى الناس دول لسة هيشوفها جميلة زى الاول ولاهيغيروا رايهم.....اكيد هيغيروا رايهم فيهاومش بعيد يبدأوا يبصوا لغيرها لانهم زى ماقلتلك النوع دة من الناس بيكونوا تافهين وفارغين من الداخل--------->يبقى النوع دة من الناس منهتمش بكلامهم ولايفرقوا معاكى اصلا...لانهم بيهتموا بالمظهر وبينسوا مابداخل الانسان من اشياء رائعة.
النوع التانى بقى بيهتموا بجمال الانسان الداخلى وبيستخدموا العقل فى الحكم على الامور------>بالروح والقلب والطيبة الموجودة بداخلك ومدى قربك من الله...وصدقينى من اخت اكبر منك ان النوع دة موجود منهم كتير وهم افضل نوع فى البشر....لان تفكيرهم بيكون عميق ونظرتهم للحياة بتكون اعمق وهتبقى مرتاحة لحكمهم على الاشياء...
ومتصدقيش ابدا الانسان اللى يقولك انا بحب اجمع بين الاثنين يعنى انة بيفكر يرتبط بانسانة جميلة وفى نفس الوقت تكون رائعة من الداخل...ولان مفيش حد كامل غير ربنا..يبقى الانسان دة بيكدب على نفسة وبيضحك عليكى ...أتمنى انك تفكرى فى كلامى كويس جداااا وتوزنى الامور بعقلك وتأنى فى اختيارك لشريك حياتك....بالصوم والصلاة لربنا
وعلشان تكونى واثقة فى كلامى انا حبيبتى بحضر ماجستير فى علم النفس
ولازم يكون عندك ثقة فى نفسك لسبب مش قليل ابداااااااااااااااااااااا اااااااااااااااا
وهو انك لازم تفتكرى دائما انك من صنع رب المجد وملك الملوك يسوع وانة مابيصنعش حاجة وحشة نهائى....وتذكرى دائما ورددى دائما فى داخلك وقت ماتحسى انك معندكيش ثقة فى نفسك...قولى
أنا بنت رب المجد وخالق الكون وصاحب القدرة ربى يسوع المسيح
أنا حبيبتة ...أختة...صديقتة...أنا بنت الملك
يابختك تفتكرى بعد كل دة فى حد قدك ازاى تكونى ضعيفة وانت معاكى الأقوى

[ايساك]

سلام يا اختى ..اولا القلق والاضطراب اللى انتى فية عشان انتى خارجة من تجربة عاطفية مش اكتر وهو مجرد وقت وهتنسى وهترجعى بطبيعتك هو فى الاول بس لازم تكون ماْثرة عليكى
اما عن الشكل او اللى بيتقدملك دة ويقولك انتى عاوزة عملية طب لية اتقدملك من الاول مادام شايف انك وحشة متحطيش كلام الناس دول فى دماغك ..دول ناس عارفين انك خارجة من ازمة عاطفية عشان كدة عاوزين يتعبوكى وخلاص هما الشباب كدة لكن انتى لازم ثقتك متتهزش فى نفسك ومتخليش حد يتعدى حدودة معاكى وعلى فكرة الجمال مش شرط للزواج اساسا اهم حاجة البنت ومفيش حد بيبص للشكل دلوقتى ببيصوا لشخصيتها وسمعتها والجمال على الاقل يكون الشكل مقبوول مش اكتر لكن اوعى تتعقدى لدرجة انك تقولى عاوز اعمل عملية لالالالا متهزيش ثقتك فى نفسك
ربنا معاكى يا قمر وابقى طمنينا على اخبارك يا قمر ..اخوكى مينا

[jomana2003]

كل انسان منا له صليب وربنا له اراده معينهفى ده وربنا لوشايف انهافى ضرر ليكى مش كان خلققك من الاول كده كان ممكن لو خلققك جميله كان ممكن يسبب لك مشاكل تضركونضر خلاصك اوشخص يرتبطب بيكى لمجرد شكلك ومش تكونى سعيده معاه ربنا خلق ناس كتير عنده شوكه فى الجسد لكن صاروا من عظماء الكنيسه وجمال الروح بيغطى على جمال الجسد ولوعندك ثقه فى ربنا هيكون عندك ثقه فى نفسك
ربنا يبارك حياتك ويجعلك شجره مثمره لثمر جيد

[مارسيلكو]

سلام الى اجمل بنت و اشيك بنت فى المنتدى الجامد دا
انا مش بعاكسك بس كلامك بيوضح انك جميلة اوى
لو عايزة تبقى اقوى شخصية فى الدنيا اعملى زى ما هقولك
فكرى كويس قبل اى قرار
خدى قرار غير قابل للرجوع رغم اى ظرف واستحملى نتيجة قراراتك بحسم
وبعدين احنا كدا حلوين اوى اللى عايزنا على كدا اهلاً وسهلاً واللى مش عايزنا احنا كمان مش عايزينة

[ايريني فيلو2008]

اايتها الاخت الحبيبه انا مبسوطه جدا لصراحتك وانه قليل من الناس اللي ممكن تكشف نفسها لكن انا بشجعك وبحي صراحتك واود ان اقول لك شئ مهم اوعي تنسي انك محبوبه جدا جدا جدا من حبيبك اللي خلقك وهذا وحده يكفي من محبه اي حد تاني من البشر لانه مستحيل حد من البشر يقدر يشبع محبتك غير مخلصنا الصالح واريد ايضا ان اقولك ليس الشكل شئ جوهري كما تتخيلين لان الجمال جمال الروح والانسان الي بيبحث عن الجمال هو انسان يريد الخارج وليس الداخل يريد الشهوه وليس المحبه والهنا خلق كل شئ جميل وفي سفر التكوين قال (وراي الله ان كل ما صنعه فاذا هو حسن جدا) اختي حبيبتي ربنا عنده كتير كتير وهو منتظر الوقت المناسب لان كل شئ تحت السماء وقت واهم شئ احب ان اوصله ليكي لازم تعرفي ان الله محبه وانه نسي كل اللي عملتيه في الماضي طالما انتي قدمتي توبه صادقه لان السماء تفرح بخاطي واحد يتوب اكثر من تسعه وتسعين بارا لا يحتاجون الي توبه ولازم تعيشي باقي ايام عمرك مع رينا ولاتتركيه ابدا مهما حصل وكوني قريبه منه لانه هو مصدر فرحنا الي الابد
ربنا معاكي وامسكي فيه لان هو احن واحد علينا وهو احن علينا من انفسنا
وبركه ربنا وام النور و تماف ايريني تكون معاكي ياحبيبتي ولاتنسي ان تذكريني في صلواتك

[MARMORAM]

مفيش حد فينا كامل الجمال لكن اهم حاجه تكونى انتى متقبله نفسك وصدقينى دى اهم حاجه ربنا معاكى

[saydi]

سلام الى اجمل بنت و اشيك بنت فى المنتدى الجامد دا
انا مش بعاكسك بس كلامك بيوضح انك جميلة اوى
لو عايزة تبقى اقوى شخصية فى الدنيا اعملى زى ما هقولك
فكرى كويس قبل اى قرار
خدى قرار غير قابل للرجوع رغم اى ظرف واستحملى نتيجة قراراتك بحسم
وبعدين احنا كدا حلوين اوى اللى عايزنا على كدا اهلاً وسهلاً واللى مش عايزنا احنا كمان مش عايزينة
انا معك
انها اجمل بنت بالعالم العربي المسيحي
تقي بربنا وامنا مريم العذراء و تفكري في مظهرك الخارجي ابدا
قفي امام المرأة وقلي انا اجمل هكذا وعندما تتخذين اول قرار بنفسك تحسين انك تحسنك وانك مهمة مثلما انت

[dodo 26]

بدل ما تعملي انت عمليه تجميل في وجهك يعملوا همه في مخهم سيبك انت رجاله ايه اللي تزعلي نفسك عشانهم دول بيتخلعوا دلوقتي

[megomagamego]

الله الله الله ليه بس كده !!!! وهما لما يكون فيه قله مش كويسين يبقي الرجاله كلهم وحشين
وبعدين إيه موضوع بيتخلعوا ده هو إحنا صف أسنان ولا إيه
أولاً إحنا في المسيحية ماعندناش الكلام ده خالص ... ونصيحتي لكل الرجال إوعي توضع في يدك اليمني الدبله إلا علشان تنقلها ليدك اليسري وليس لأي سبب تاني
ثانياً أختي (صاحبه الموضوع المهم جداً) نصيحتي ليكي (حبي عيبك الناس كمان هتحبه معاكي... إكرهي عيبك الناس كلها هتكرهة معاكي ) ، مافيش حد مافيهوش عيوب بس الناصح هو اللي يحب عيبه ويخلي كل الناس تحبه معاه شوفي كبار الشخصيات اللي كانو فيهم عيوب زي طه حسين مثلاً ، تفتكري الناس ماكانوش بيقعدوا يعيبوا عليهم ويقولولهم إعملوا عمليات تجميل و... و ... و ... .
عارفة لو كان الناس دي سمعت كلام الناس عمرنا ماكنا هنسمع عنهم ... لكن الثقة بالنفس أهم حاجة
أنا فيا عيب وإثنين وثلاثة إيه المشكلة بحب عيوبي وعلشان كده الناس كلها بتحبني بعيوبي أيوة علقوا عليها كتير لكن حبي لعيوبي خلاهم هما كمان حبوها وبقت مصدر سعادة ليا
ماتسمعيش لكلام الناس أبداً ولو فيكي عيب حبيه
علي فكرة يا جماعة إنا معجب جداً بكلام أختنا جونير لأني أؤمن جداً بعلم النفس لأنه مبني علي أسس عقليه وليست مشاعر فقط ، وكمان أختنا جونير بتحضر دراسات عليا في علم النفس يعني في وسطينا كنز لابد أن نستفيد منه
وشكراً
ماجد

[marcos sadek]

بصراحة شديدة جدا هذا الحوار فوق الممتاز واشكر جميع من فكر فهذا العمق

وفعلا كل واحد عنده مشكلة اكيد بنعمة المسيح هيلاقي حل مع هؤلاء الاخوة اللزاز
ربنا يعوض تعب محبتكم جميعا
أما بالنسبة للاخت صاحبة الموضوع +++اني لا استطيع ان اطلق عليها مشكلة...
لأن فعلا كما قال النشيد انا سوداء ولكني جميلة يسوع ربي هو جمالي ومتنسيش ربنا الى قال انتم منقوشين علي كفي ++ فكيف هذا النقش يعاب او يقال عليه شيء.
ويكفيكي يا اختي انك ابنة الملك مثلما قالت الاخت الجميلة بنت المسيح goneer ربنا يعوض تعب محبتها وتظل دائما عطاءه
الرب مع جميعكم وصلوا من اجلنا +++( مريم + مايكل + مرقص )

[مينا اوحنا]

سلام ونعمة ومحبة ربنا يسوع المسيح للجميع,اختى فى المسيح وددت ان اهمس فى اذنك عن اصحاح كامل تقريبا يتكلم عن المرأة الفاضلة,وهذا لأن اخوتى بكل روعة اعطوك كل ماهو بناء لما تريه مشكلة,لكن سوف اتطرق فى الحديث معك عن المرأة الفاضلة التى تحدثت عنها بثشبع والدة الملك سليمان واوصته عن صفات المرأة التى يحلم بها كل شاب,ومن هى هذه المرأة التى تشتغل بيدين راضيتين وتسهر على اولادها وزوجها وتقوم فى الليل تخدمهم وقبل طلوع الشمس وهى تلبسهم من ايديها ووووو كلام كله روعة يبقى ارجعى لأخر اصحاح فى سفر الأمثال تقريبا واقريه وانت بعد كده مش هتحتاجى غير صلاة شكر ترفعيها من قلبك لربنا,الحسن غاش والجمال باطل اما المتقية الرب فهى تمدح, وايضا الجمال هو كزهر الحقل يذبل, تفتكرى اجمل الجميلات بعد 10 سنين هتفضل جميلة,بالطبع لا اذا كان جمالها من الخارج اما زينة ابنة الملك فمن داخل , من داخل فى كنوز يا اختى, صدقينى انا شاب ورأيى رأى كثيرين ليس كل الشباب يبحث عن جمال الشكل لأنه سوف يفنى حتما , عارفة يا اختى بيعجبنى جدا لما بشوف اتنين كبار فى السن اوى تكاد تكون ملامحهم اختفت مقارنة بالشباب ولكن اد ايه حب بينهم وحنينين على بعض, ساعتها بقول ياااااااااه امتى هنوصل للحب ده, وببقى نفسى اعيش المرحلة ديا الحب النقى عشان بيحبها من اجل غلاوتها وقلبها وعشرة العمر, ده لو رحتى سألتى واحد عجوز ناخد منك ديا ياعم ونديك واحدة شباب هيقولك شباب ايه اليومين دولا اللى ميعرفوش الحب,حبيب بقى ههههههه هل لو كان احبها على جمالها كان ظل الحب, وبعدين يعنى احنا جايين على البنات ليه من ناحية الجمال, يعنى الراجل كمان بعد كم سنة هيفضل ذى ما هو لا طبعا تلاقى النص اللى اصبح ليه كرش والحالة ضاعت خالص هههه, صدقينى يا اختى الحب والأسرة مهياش بالشكل, سليمان الحكيم بيقول اثنين افضل من واحد ان سقط احدهما يقيه الآخر والخيط المثلوث لا ينقطع بسهولة, وهى دى الأسرة والرابط الأسرى,متفكريش كتير الشباب مازالوا بخير ويعرفوا يقيموا الجوهرة بس المهم انت تروحى لمن يستحق ويفهم لجواهرجى يعنى , ماهو اكيد غير الجواهرجى مش هيعرف يفرق بين الزجاج اللى بيبرق والجوهرة الحقيقية,ربنا وياكم جميعا,اخوكم مينا اداب علم نفس