ألم شديد تحت الابط

[meva.]

بسم الثالوث الاقدس
أرجوكم افادتي الي اين تذهب؟
ماما لها اسبوعين تعاني من الم مبرح تحت ابطها الايسر و قد ذهبنا للطبيب الجراح قال ده كيس دهني و لازم جراحة وهي خايفة لانها تعاني من فيروس سي خامل والبنج ممكن ينشطه.
فهل تذهب لدكتور اخر ؟ وما تخصصه؟

[aymonded]

طبعاً للأسف مش معانا هنا في المنتدى دكتور يقدر يفيدك ...
ولكن ليه مش تذهب لدكتور آخر وتشوف لو قال نفس الكلام هو هو يبقى تمام ، وبعدين تذهب لدكتور متخصص في أمراض الكبد قبل أن تقرر أن تعمل العملية أم لا ( وهذا هام لغاية ) وتسأله عن الموضوع ، هذ رأيي الشخصي ، ربنا يمد يده بالشفاء العاجل لها يا محبوبة الله الحلوة ؛ النعمة معك

[الملك الحزين]

بسم الثالوث الاقدس

أرجوكم افادتي الي اين تذهب؟
ماما لها اسبوعين تعاني من الم مبرح تحت ابطها الايسر و قد ذهبنا للطبيب الجراح قال ده كيس دهني و لازم جراحة وهي خايفة لانها تعاني من فيروس سي خامل والبنج ممكن ينشطه.

فهل تذهب لدكتور اخر ؟ وما تخصصه؟



اخى كلام الدكتور صح دة كيس دهنى
بس ما تخاف العملية بسيطة جدا وسهلة
اما بخصوص فيروس سى فهناك دواء يوخذ قبل العملية لوقف نشاط الفيروس عند اخذ البنج
والف سلامة

[meva.]

طبعاً للأسف مش معانا هنا في المنتدى دكتور يقدر يفيدك ...

ولكن ليه مش تذهب لدكتور آخر وتشوف لو قال نفس الكلام هو هو يبقى تمام ، وبعدين تذهب لدكتور متخصص في أمراض الكبد قبل أن تقرر أن تعمل العملية أم لا ( وهذا هام لغاية ) وتسأله عن الموضوع ، هذ رأيي الشخصي ، ربنا يمد يده بالشفاء العاجل لها يا محبوبة الله الحلوة ؛ النعمة معك

شكرا كتير هي فعلا راحت للدكتور جراحه اخر و قال لها دا التهاب وادها شوية مسكنات وقالها تعالي بعد اسبوع وطلب اشعه

[MICKEY]

ربنا يشفيها يارب
وعلي فكرة ممكن من غير عمليات جراحه وبمجرد الادوية كل حاجه تبقي تمام

ده علي حدود خبرتي الضعيفه جدا

وربنا يقومها بالسلامه

[dr mina]

عزيزى meva < اولا ألف سلامة لماما ,وماتقلقش الموضوع بسيط جدا , ونبداه بالترتيب :
1 التأكد من الكيس الدهنى وتشخيصه تشخيصا سليما مهم جدا لأن على أساس حجمه وعمقه يتم اتخاذ قرار العملية سواء بنج موضعى أو بنج كلى , لهذا دقة التشخيص مطلوبة
2 بالنسبة لمرضى التهاب كبدى وبائى سى , يمكنهم اجراء عمليات ولكن تحت شروط معينة , اولا ان يكونوا منتمين لفصيلة child s A وهو تعبير عن حالة المريض الصحية , من حيث الصفراء ووظائف الكبد وسيولة الدم وسرعة التجلط والاستسقاء , وعلى هذا الأساس فيمكن اجراء العملية ولا تقلق لان الاحتياطات التى سيتخذها الجراح لمنع انتشار عدوى المرض ستكون بالأولى للحفاظ على حياة مريضته ,
3 أنت لم تذكر أى معلومات عن حالة الفيروس ونشاطه , من حيث تحليل ال PCR أو مضادات الفيروس , وهل المريضه على علاج أم لا ؟ فى كل الأحوال التشخيص السليم , وتفنيد حالة المريضة ووظائف الكبد مع نشاط الفيروس و سيؤدى بلا شك إلى عملية ناجحة , إضافة طبعا إلى مهارة الطبيب , إذن فالترتيب كالتالى :
1 أشعة فحص للتأكد من التشخيص وحجم الكيس الدهنى ـ إذا كان كيسا دهنيا ـ و مكانه
2 تحديد إذا كان بنج موضعى أم كلى
3 تحليلات وظائف كبد ونشاط فيروسى لوضعها فى ال child classification إذا كانت ستخضع لبنج كلى
وألف سلامة

[Malak sokar]

سلامة ماما الف سلامة ياهدار وبجد انت لازم تعرضها علي دكتور تاني عشان تتاكد
ويارب تكون فهمت حاجة من مينا ويبقي خلي ماما تقرا الكلام دة عشان هي هتفهم اكتر منك
وربنا يقومها بالسلامة