( إزاي تثبت بنت ) [الأرشيف] - †† ارثوذكس ††

minabobos

09-23-2007, 06:23 PM

أنا عايز أكلمكم النهاردة على فن لازم يبقى عند معظم الشباب
( إزاي تثبت بنت )
في مؤتمر في سويسرا لبحث كيفية تثبيت البنات تقدمت ببحث في تأثير حركة العين الشمال عند الولد على عملية التثبيت و توصلنا في البحث إن البنت أول حاجة بتلاحظها في الولد حركة النني و عدد شعرات الرمش لذلك لابد أن تحرص على تدريب عضلة النني من أربع إلى خمس ساعات يومياً مع إتباع نظام غذائي محدد علشان تعرف تثبت ..
البنـــــــــــات
(مش عايز أتوهكم و أدخل في مسائل علمية لإني عارفكم 00000 ولذلك هشرحلكم بالبلدي)
يعني أول ما تشوف البت تروح يا معلم مشغل العضلة الشمال للنني و تغمز غمزة 2 قدم و نص بزاوية ألفا 27 درجة و تروح قايلّها (لوسمحتي ممكن دقيقتين من وقتك؟) أول ما تسألها السؤال ده
-:اللي هيحصل كالأتي
الإحتمال الأول انها تقول ( نعم ) و ده بنسبة 65% و هيترتب عليه اللي هنقوله بعدين ....
الإحتمال الثاني انها طبعا تقول ( لا ) و ده بنسبة 80 % و محدش يسألنتي إزاي و هيترتب عليه اللي هنقوله بعدين برضه... و في طبعاً آخر إحتمال بنسبة 100% إن هي هتبصلك بقرف و مدام بصتلك بقرف يبقى انت مفهمتش موضوع العضلة...
-:ونرجع للإحتمال الأول
انها تقول ( نعم ) ترد انت تقول (نعم الله عليكي) هتقولك (خير) قولها (خير ان شاء الله) و تشغل العضلة بس اتوصى و إتّك عليها شوية هتقولك (مال عينك ؟) قولها (خناقة) و بكده تصعب عليها تروح هيا مكلماك و تظبط يا معلم وهتعيش بس ابقى عرفني على بنت خالتها ......
الإحتمال الثاني انها تقول ( لا ) في الحالة دي بقى عايزة تتكلم بس هي بتتقل و مدام تقلت يبقى خرشمت و موضوع العضلة صعب في الحالة دي ، إذن مفيش غير موضوع أنا كنت عرضته في مؤتمر تاني في السنغال الشرقية لأن الطريقة دي أثبتت فعالية في تثبيت البنات السود و اللي بيتقلوا اللي هي (طريقة 325 جنايات) تقولها بستهزاء و انت بتبتسم إبتسامة ساخرة ( ايه التقل ده انتي حاطة في جيوبك ظلط ؟ ) طبعاً هي ممكن يغما عليها من دمك الخفيف يا خفيف ، فا هتروح انت مدي ميزد كول للإسعاف بالموبيل بتاعك ، هما طبعاً مش هيفهموا حاجة من الميزد ده لكن هي هتفوق و تروح مرمية في حضنك بمجرد انها شافت الموبيل معاك ويسلام لو بكاميرا
و بكده انت بدأت تحط رجلك على طريق التثبيت بس اغسلها الأول وبلاش تحط رجلك و هي معفنة و خطي برجلك اليمين وابقى قابلني لو إتعرفت على أي بنت.
عموماً ، أنا بكتب في مواضيع كتير عن التثبيت لأنها دي در اسة الدكتوراة بتاعتي و في مقالات هتنزل في المستقبل القريب منها (التثبيت بالعربية) و (ثبت نفسك بنفسك) و (ثبت صنم) و (شكل توكت الحزام و تأثيره على البنت)....ترقبوا قريباً كل جديد في عالم التكنولوجيا خلي بالكم في باب رائع بعنوان (التثبيت بالموبيل) حالياً بالاسواق على سي دي وكاسيت

مينا

Cheeeva

09-24-2007, 01:11 AM

انا مش فاهم حاجة

Team Work®

09-24-2007, 01:19 AM

لا تعليق بجد

اللة يرعانى

09-29-2007, 04:03 PM

كل دة انتا بتتعب اوى محدش يعمل كدة ينضرب على طول

minabobos

12-24-2007, 03:44 PM

هههههههههههههههههههههههه

مع منتدى ارثوزكس تتعارف تثبت البنت

هههههههههههههههههههههه

ميرسى لمرورك الجميل دى

ghada2000

12-25-2007, 08:27 PM

rabna kber

kamer14

12-25-2007, 08:36 PM

هههههههه ايه يامينا عايز تخلى العيال تنحرف ماشى ماشى

bolalover

12-26-2007, 07:30 AM

ههههههههههه يا جامد يا جامد
ايه يا مينا الفن ده
لا علي فكرة المفروض المعلومات دي تدرس في المدارس
بجد يا مينا موضوع جميل ربنا يبارك حياتك يا جميل

mask of zoro

12-30-2007, 04:01 AM

ههههههههههههههههههههه
حلوة مينا ربنا يعوض تعب محبتك

b o b b a

12-30-2007, 04:43 PM

ممممممممممممممممم مش هفكر اجرب

astra9500

12-30-2007, 10:05 PM

هو إيه العضلة دى؟؟؟؟؟؟؟؟؟؟؟؟؟؟؟؟

MOSHAOK

09-08-2008, 10:45 PM

موضوع بايخ جداً كان الاولة تتكلم عن حاجة مفيدة تغذي الاعضاء روحياً ده منتدي ارثوذكسي

iyiy

09-09-2008, 02:49 AM

ههههههههههههههههههههههههه ه
جااااااااااااااااااااامدة ةةةةةةةةةةةةة

kottah_sh

09-09-2008, 03:46 AM

يا عينى يا مينا بتتعب اوى فى دراستك دى بجد كتير الف خيرك
ياجماعه كلنا ندعى لمينا انه يخلص الدكتوراه على خير
ويحل عن دماغنا بتجاربه الجباره دى
هههههههههههههههه

SAMOOOOO

10-29-2008, 11:24 AM

ههههههههههههههههههههههههه ه

ربنا يساعدك ويقويك يا مينا

مينا+لكم

11-29-2008, 01:33 AM

مع احترامى ليك موضوع بايخ