من فضلكم محتاجه راى كل واحد يكم

[MARMORAM]

انا متقدملى شاب بس انا متردده جدا جدا من الموضوع لانى انا محتاجه انسان يكون ابن ربنا قووووووووووووى وانا بجد مش عارفه احكم عليه هو بالنسبه للسن مناسب جدا عنده 28 وانا25ومؤهله مناسب بس مش عارفه عدم الارتياح جاى منين هو مش بيشرب سجاير على كلامه يعنى وفعلا سنانه بيضه جدا لكن انا خايفه ومش عارفه ايه الاختبارات الى اعملهالو عشان اتاكد منه هو بيقول انه بيعترف وبيتناول بس مش بانتظام عشان شغله ومش بيحضر اجتماعات ولا مشترك فى خدمه فى حين انى انا مشتركه فى كذا خدمه.
انا محتاجه ارشاد جامد جدا
شكرا لمحبتكو.

[megomagamego]

1 . الصلاة بدء كل شيء ، صلي كتير أوي علشان ربنا ينور عنيكي وتسمعي صوته هل هو الإنسان المناسب ولا لأ .
قولي لربنا " أنا يابابا متقدملي واحد مواصفاته كذا وكذا وكذا ..... وأنا مش عارفة إذا كان إنسان كويس ولا لأ ممكن تساعدني ، عايزاك تسألي عنه وعن أهله وأخلاقة وكل حاجة ، هو يارب مش إنت أبويا وأنا بنتك لو سمحت إتصرف "
وصدقيني بعد ماتصلي الصلاة الحلوة دي واللي هتكون طالعة من أعماق قلبك وصادقة جداً جداً ، أنا متأكد من إن ربنا هيسيب كل اللي في إيده وينظر لبنته حبيبتة وهيعمل حاجة من إتنين :
1 . لو الشاب ده كويس وينفع ليكي : هتلاقي بركة في الموضوع وهتلاقي صوت ربنا بيرن في أذنيك ويقولك هو ده يا بنتي الولد المناسب وهتلاقي نفسك حبيتي الشخص ده مووووت والمواضيع بقت زي الفل
2 . ماينفعش : إنتي أكيد عارفة إيه اللي هيحصل
صلي من أجلي

[مارسيلكو]

و راى الله النور انه حسن و فصل الله بين النور و الظلمة . تكوين 1 - 4
فالذي جمعه الله لا يفرقه انسان . متى 19 - 6
وعلى رأى البابا كيرلس . اللى من الرب يثبت واللى من الشيطان يزول

[ميرو جو]

اختى الحبيبة
سلام الرب معكى
اولا ..زى ما قالت اختى السابقة اتركى الموضوع فى يد الله قبل اى شيء
فاعطى لنفسك مهلة محددة كثلاثة ايام مثلا و ضعى الموضوع على المذبح ليد الله مع صلواتك المستمرة

ثانيا ..فى اول زياره له بعد ذالك شوفى هاتشوفيه ازاى
بالنسبة لتقصيره فى القداسات و الاجتماعات فهذا ليس مبرر لبعده عن الله فقد يكون افضل بكثير من خدام يتواجدون يوميا
و يحضرون كل القداسات و الاجتماعات

ثالثا..اول شيء لازم تخلى بالك منه هل انتى مرتاحة له كشكل مبدائى ام لا
فالارتياح النفسى اول شيء للقبول
و ثقى ان فترة الخطوبة هى المقياس الاساسى اللى فيها ممكن تتعرفى على هذا الشخص معرفة صحيحة
و اذا لم ترضيكى اخلاقه او ظروفه او علاقته مع ربنا او حاسيتى بالندم بعد الخطوبة فالموضوع كله فى يدك
فلم يكون الاوان قد فات
و اذا كان هو الشخص المناسب فستتاكدى من هذا لان...........

(ما جمعه الله لا يفرقه انسان )

[bebotop]

صلي لربنا وكلميه وهو اكيد لازم يرد عليكي

وكمان كلمي اب اعترافك ف الموضوع وهو كمان ممكن يفيدك

وكمان ممكن حد من اهلك يساعدك ويسأل عنه واكيد لازم يوصل لمعلومات عنه

ربنا معاكي ويحافظ عليكي

ابانوب

[marcos sadek]

قبل ما اختار شريكة حياتي
اب اعترافي قالي كلمة ريحتني في الاختيار وانا لي سنتين متزوج وربنا رزقني بحبيبي مايكل
الكلمة دي ممكن تفيدك وهي
هل انت حاسة براحة عندما تقابليه ولا لا ان كان بنعم فتقدمي علي بركة المسيح وان كان لا ... فلا
هل انت حاسة بفرحة العرس ان كان نعم فربنا يبارك هذا الارتباط
وان لم تكن فيه هناك اي عقبات من جهة الاشخاص اللي حواليكي فربنا يبارك
وبعدين التفاصيل الخارجية اعرفي من هم اصدقاءه كي تعرفيه لان هناك مثل شهير وهو " الطيور علي اشكالها تقع "
حاولى تدخلي اب اعترافك في الموضوع وربنا يساعد ويكلل محبتك
وكما قال كارلوس كاستريد: " نحن نختار مرة واحدة ؛ نختار ان نكون محاربين أو أن نكون عاديين ، لا يوجد أختيار أخر ، ليس علي هذه الأرض "

[ميمى فايز]

اختى فى المسيح
اولا الخطوبه هى فتره اختبار (لان الانسان عشان نعرفه لازم نعاشره) ولا تقلقى
ثانيا زى ماقالو الاصدقاء نترك الموضوع فى ايد ربنا بالصلاه و فى يد اب الاعتراف للارشاد
والرب يسوع المسيح قادر ان يوفقك فى الاختيار المناسب لكى

[تونى كويك]

انتى بطبعتيك بتقيمى الناس على اى اساس
هل كل من بيشرب سجاير مش كويس
وهل اللى مش بيبشرب كويس
وهل كل اللى بيروح الكنيسة هو ده الممتاز والباقى لا
ده ياما فى ناس مش بتفوت قداس وبتكون فى الصفوف الاولى
وبيها العبر وحاجات كتيرة تانى
عموما انا شايف انك معندكيش القدرة على تقيم الناس وده مش عيب
عموما انتى مش محتاجة غير للصلاة ومشورة اللى اكبر منك اللى عندهم
الخبرة وديه بتكون متوفرةفى الاهل واب الاعتراف
وربنا يرشدك للصح واللى فيه خير ليكى ان شاء الله

[نايف ميدع]

أختي المحتاره . اول هل يوجد اعجاب اذاكان موجود تعرفي اكثر عليه واطيلي امده ولاتستعجلي وان كان خير ربنا يقدم كل شيء ولاتحتاري القرار مصيري ويحتاج هدوء منكي وسلام

[``DODO``]

مفيش حد حلو اوى
بس انتى بقوة ارتك وبقوة علقتك بربنا ممكن تغيرى فى لو هو وحش وانت مرتحالة بس الاول شورى بابا يسوع طبعا
ومبروك مقدما يا عروسة

[عاطف كامل سيف]

سلام المسيح معك يا اختى ويرشدك للخير اولا لازم تصلى وتطلبى من ربنا انه ينور بصيرتك ويوفقك فى الاختيار وتانى حاجة مشورة اب الاعتراف وتالت حاجة مشورة من هم اكبر منك زى بابا وماما او حد فى العائلة تكونى بتثقى فيه وفى رايه واخير يا اختى العزيزة انا ادعو لك من كل قلبى ان ربنا يوفقك لما فيه الصالح ليكى والمسيح يكون معاكى واخيرا سلام المسيح معاكى عاطف كامل سيف

[بنت الراهب الصامت]

صلى بجد وابكى لربنا وقولوله يارب انا معرفش حاجه عن الشخص دده لو كان من عندك انت يارب خلى الموضوع يستمر وول مش من عندك بلاش يارب واعمل الصالح لى وبعدها روحى لاب اعترافك احكى معاه وشوفى رايه ايه وبعدها لو شوفتى الشخص المتقدم ده لو حسيتى برحاه يبقى من عند ربنا ورينا يوفقك ويختارلك الصالح

[جانيت سمير]

حبية يسوع انا مش هاقولك اكتر من الناس الجميلة الى ردت
صح الصلاة وصح مشورة اب اعترافك ولازم السؤال علية جدا ممكن حد يروح لاب اعترافة ويسال عنة موضوع اصدقاءة دى هاتعرفيها لما حد يروح كنيستة وياخد بالة منهم
نظام شارلوك هولمز يعنى انا عارفة انك بتقولى كل دة علشان عريس معلش احنا السابقون وانتم الاحقون وربنا يضع الشخصية الحلوة فى طريقك
ســـــــــــــامحينى عــــــــــــلى رغيييييييييييييييييي الكتيررررررررر

[MARMORAM]

شكرا لارئكم وفعلا ابتديت احس براحه بس بسيطه جدا وخايفه قوى صلولى مادخلش فى تجربه فاشله

[timo9]

1 . الصلاة بدء كل شيء ، صلي كتير أوي علشان ربنا ينور عنيكي وتسمعي صوته هل هو الإنسان المناسب ولا لأ .
قولي لربنا " أنا يابابا متقدملي واحد مواصفاته كذا وكذا وكذا ..... وأنا مش عارفة إذا كان إنسان كويس ولا لأ ممكن تساعدني ، عايزاك تسألي عنه وعن أهله وأخلاقة وكل حاجة ، هو يارب مش إنت أبويا وأنا بنتك لو سمحت إتصرف "
وصدقيني بعد ماتصلي الصلاة الحلوة دي واللي هتكون طالعة من أعماق قلبك وصادقة جداً جداً ، أنا متأكد من إن ربنا هيسيب كل اللي في إيده وينظر لبنته حبيبتة وهيعمل حاجة من إتنين :
1 . لو الشاب ده كويس وينفع ليكي : هتلاقي بركة في الموضوع وهتلاقي صوت ربنا بيرن في أذنيك ويقولك هو ده يا بنتي الولد المناسب وهتلاقي نفسك حبيتي الشخص ده مووووت والمواضيع بقت زي الفل
2 . ماينفعش : إنتي أكيد عارفة إيه اللي هيحصل
صلي من أجلي
كلام جميل اوى معنديش كلام افضل منه وبشكر اللى كتبه ربنا يباركك

[–•(مشتاق اليك يا الهى)•–]

اختى مش هقدر اقولك غير انك تصلى لربنا وهو اللى هيفيدك
اما لو عاوزه تعمليله حقل اختبارات وتعرفى اذى كان بيكدب عليكى ولا لا
فى كتاب اسمه (Body Language ) والكتاب دى رائع رائع رائع جدا
وبيتكلم عن ازى تعرفى اللى قدامك ده وتحليل شخصيته من خلال تعبيراته هو
الكتاب ده لما كنت رايح اتقدم لواحده كلمتنى عنه وبصرحه علشان كانت عندها الكتاب ده قدره تعرفنى كويس
رغم انى كنت بكدب فى حجات كتير وهى كانت بتعرف وفين وفين لحد ما عرفت هى ازى عرفت انى بكدب
يمكن الكتاب ده يفيده فى الاختبارات زى ماا هى كانت بتختبرنى
وربنا معاكِ . وانشاء الله ربنا هيشوف ويقف معاكِ