هتساعدها................؟

[dr.salsa]

النهارده السؤال موجه للشباب الصاعد اللي معانا في المنتدي

هل بعد ما تتزوج ممكن تساعد زوجتك في اعمال المنزل؟ خصوصا وظروف الحياه ماشيه بسرعه ما بين شغل وبيت واطفال بعد كده في المستقبل ولا هتقول انا مالي دا شغل الست وانا ماليش في شغل البيت وبعدين دي قله قيمه للراجل؟؟؟؟
ولا ممكن لو لقيتها تعبانه شويه تقوم تغسل المواعين بدل منها او ترتب الاوضه اللي حضرتك قاعد فيها بتتفرج علي التليفزيون لو لقيتها هي ملحقتش توضبها؟؟
مستنيه ردود الشباب الجامد ....اللي هيبانوا قد ايه هم متعاونين مع زوجات المستقبل
وياريت لو حد عنده تجربه زي دي يحكيلنا عليها من غير كسوف دي حاجه ماتعيبش الراجل ابدا بالعكس دي بتزيد من غلاوته في عيني مراته....
ولا ايه يا بنات انتوا كمان ممكن تدخلوا تقولوا لنا تحبوا الراجل اللي هيساعد في شغل البييت ولا مش فارقه معاكم؟؟

[Shosei]

هو انا ناس جرانا رجالة بشوفها بساعد مراتها حتى فى نشر الغسيل الصراحة

هو انا سمعت رد لقداسة البابا فى حاجة زى قال ممكن تساعدها باى طريقة ولو محرج حد يشوفك بلاش تنشر غسيل قعدت اضحك ضحك
هو انا مش فارقة بس بتبقى جميلة لما يكون هو واقف جنبى وبيحاول يساعد لونى مساعدة الراجل هتبقى زيادة مواعين وربنا عالم
مرة اخويا جه يساعدنى وقالى اطبخى انتى وانا هعمل رز ومن يومها مخلتوش يدخل يساعدنى تانى كل ميقلب يمسك معلقة جديدة دا غير السمن اللى نزل على البوتجاز

[la tristeza y el dolor]

ههههههه يعنى دا جزائه يا ميرنا انه ساعدك انك متدخلهوش المطبخ تانى , اما بالنسبه لسؤال صلصه انا شايف انه عادى يعنى ان الراجل يساعد مراته مش شرط علشان هو يعنى الى بينكش الدنيا لا فى اى حاجه تانى هو مالوش فيها يد بغض النظر عن المعالق الى استخدمها اخو مرنا والسمنه الى كانت فى كل حته .

[Shosei]

اه جزاته منا بعمل رز هى معلقة ولا هى بتحط فى الرز بتتوسخ بقى ولا ايه لا وايه علبة السمن كانت على ابوتجاز يعنى كتر خيرة الصراحة هو عيل اللى يخلى حد يساعده

[la tristeza y el dolor]

ااااااااايه دا كل دا , خلاص الرجل المفروض يأنتخ و الاكل والشرب يجوله على الجاهز طالما بيبهدل الدنيا و بعدين معذور يعنى هو كان فاهم الاكل دا بيتعمل ازاى , كفايه يا جماعه النيه الحلوه .

[Shosei]

ايواااااااااااااااااااااا ااااااااااااااااا هى النية دى قال يعمل فيها يروح يساعدها وربنا ميوريك كوم مواعين يتنضف والارض بقى بتبقى سكر مقلكش
عاوز تساعد يبنى يبى تنضف وراك ويبقى كتر خيرك يعنى

[love_lorn199]

واية المانع انو يساعد الواحد مراتو
يعنى افرض شاف مراتو تعبانة والاولاد عاوزين اكل يبقى بكل رقة و زوق يقول لمراتو حبيبتو انتى ترتاحى وانا هعملك كل حاجة هو انا عندى اغلى منك

[hany1982]

انا بصراحه ناوى بعد ما اتجوز ( بعد عمر طويل) أن أساعد مراتى فى كل شغل البيت وبالذاااااااااااااااااااا اااات الطبيخ بس مش هنشر الغسيل لحد يتحك عليا ولا حاجه