تعبان اوى

[Michael_Sabry]

فى اوقات كتير بييجى على الواحد مننا وقت بيحس انه تعب اوى
بيحس انه خسر كل حاجه حلوه فى حياته
بيحصله مشاكل فى الشغل
مشاكل فى الحياه
مشاكل فى الدراسه
وحياته كلها بتتحول لمشاكل كبيره جدا
واكبر مشكله بتقابل الواحد ويحس انه عايز يموت عشان يستريح هى لما نخسر حاجه او شخص مهم جدا فى حياتنا
طيب الانسان العنده المشاكل دى كلها مره واحده ايه الممكن يعمله عشان يطلع من مشاكله لانى حاسس ان تفكيرى وقف ومافيش حاجه ليها طعم حوالييه

[magdy totti]

اطلبنى وقت الضيق فا نقذك فا تمجدينى
ربنا يبارك حياتك ويعوضك
استطيع كل شى فى المسيح الذى يقوينى

[بنت الراهب الصامت]

انت عارف بجد لما ببقى فى الموقف بتاعك ده بعمل ايه؟
بقرب من ربنا اكتر بنزل الكنيسه واقعد اعيط لربنا واشكيله واقوله كل ده بيحصلى انا مش قادرة استحمل واروح لاب اعترافى واحكيله ويقولى كل انسان له صليب ولازم يستحمله وكمان ربنا لما بيلاقينا بعدنا عنه بيعطينا تجربه لكن بيعطينا كمان تعزيه من عنده التجربه علشان نرجعله بسرعه ونجرى عليه ونقوله الحقنى يارب انا فى ضيقه تعالى انقذنى والتعزيه انى انا بجرى عليه واقول لاب اعترافى ويدينى التعزيه اللى من عند ربنا وربنا يباركك ويحل كل المشاكل بتاعتك يارب

[Shosei]

مش هقولك كلام واعظ ولا كلام انا ملمستهوش هقولك اوقف قدام ربنا اقف صلى احكيلة عن كل مشاكل كل حاجة مضيقاك عاوز تعيط عيط كل دمعة منك ليه غالية جداا هتحس براحة يمكن وقتها متحسش انى فى حاجة اتحلت او رجعت بس هترتاح بجد
جرب تشكى لصحبك مش هتحس انك ارتحت يمكن فضفضة كلام لكن عنده هو لما تروح تشكيلة حاجة تانى انا جربت الاتنين وحسيت بلفرق جرب انتا كمان وهتفهم قصدى اقفل باب اوضتك وصلى من قلبك عيط عاتبة قوله ليه بس كلمة وصدقنى مش هتندم ومستنية اسمع احساسك

[finyara]

فعلا قالولك احلى كلام ممكن يتقال ماهو هو يابنى اللى قالى ( ادعونى فى وقت الضيق ) ولا ايه

[Manno2008_2010]

حبيب ابويا السماوي وابنه الغالي جدا على قلبه سلام ربنا ليك ولأسرتك ولأصحابك وكل محبيك وحتى اعدائك

بصراحه بعد الردود الرائعة دي معرفتش اقول إي بصراحة بس ربنا يستخدم اراء الجميع لأنها كلمة الروح القدس العامل جواهم ورسالته الشخصية ليك هرد عليك بتأمل كتبته وانا متضايق جدا عبارة عن اراء شخصية وحاجات سمعتها تسندني في وقت مشاكلي وبعض اراء صحابي وقت مشاكلهم وربنا يبارك الجميع على مجهودهم . اسف جدا للإطالة

وده التأمل يارب يفيدك
‏
‏ ‏ ₪ΩΦتـأمـلاتΦΩ₪‏
‏ ‏ للأبصالتس: مينا فـرج‏ ‏ ‏ ‏ التأمل السابع
بعنوان
‏₪ الحقني يارب انا تعبااان ₪
تأمل في وقت التجارب
ليه يارب سايبني في وسط التجارب دي كلها. دي مره على نفسي اوي انا تعبان.
الحقني يارب قبل ما اغرق في بحر الخطية ومرارتها. وافقد الرجاء في محبتك ووعدك، كترت اوي التجارب عليا. اشمعنا انا يارب، ما انت عارف ضعفي. وعارف اني ما استحملش دا كله. انا منهار يارب انا تعبان.
الحقني يارب قبل ما ابعد عنك واروح لدنيا مش ليا، ولا تليق بأولادك. أرحمني حتى خدامك بعدوا عني. حتى اولادك اتخلوا عني. يارب انا تعبان.
الحقني يارب. الدنيا كلها كئيبة في وشي. حزينة وكلها تعب وآلام. انا جايلك شيلها عني، ارفعها. سدد عني ديون الخطية والتعدي على شخصك. اعذرني انا انسان. بطبيعتي دايما غلطان. يارب انا بجد تعبان
الحقني يارب. انت فين انا مبقتش اشوفك. انت قولت وانا جنبك متحسش بألام. وانت في حضني مفيش أي حد يقدر ياخدك مني. ودلوقتي كترت حروب الشيطان. انا تعباااااان.
الحقني يارب من نفسي اللي بتشتهي ضد روحي. شدني ليك، ارحمني من ذاتي منتفخه على إي مش عارف. دي تراب. يارب انا جايلك بسلم ذاتي واخطائي. ارحمني انا تعبان، اسمعلي وأغفرلي. شيل عني وريحني. ارفع عني الآلام. ليه بحس في التجربه انك بعيد عني. ليه بحس انك مستخبي وعاجبك شكلي وسط دموعي وآهاتي. ليه شايفك ساكت وانا بتألم. مش انت برضو بتحبني؟!!. ليه دعيتني ابن ليك علشان اتألم. ادعوني للراحه. يارب بجد انا تعبان
الحقني يارب. انا جيتلك أهه بتجاربي. ادخل معايا جواها وانا استحملها؛ بس متسيبنيش فيها لوحدي. انا تعبان مش هاستحمل. هاضعف وهابيع نفسي لنتيجة التجربه القاسية. ارحمني انا ضعيف لو انت معايا في التجربه هاستحمل؛ وانا شايف نظرات الحب في عنيك. وانت بعيد عني هاموت. انا ضعيف مش اد التجارب دي. حتى اصدقائي شايفهم بعاد عني. خسرت اقرب الناس مني. خسرت مستقبلي. عمري ضاع. انت فين من كل ده يارب.

وفجأة سمعت صوت الروح جوايا. ايقظني من تجديفي على ربنا بكلام حقير قاسي. قالي تعال وانظر. ادخلني محل جواهرجي. قعدني على كرسي. شفت الجواهرجي ماسك قطعة فضه بإيده. بيسخنها ع النار. سخنت جدا قولتله كفاية هاتنحرق خسارة النار قاسية عليها. بس مكنش سامعني، مردش؛ وانا شايفها بتنحرق. بعد فترة كبيرة من الوقت والفضة تحت نار قوية جدا. خرجها من النار. ومسحها بقماشة عنده. ودا كله مرفعش عينه من علي قطعة الفضة. وقالي الروح تعال وانظر. بعد ما رفع القماشة دي. لقيتها بتلمع اوي. روعة في الجمال. شفت صورة الجواهرجي فيها. سألت الروح، طب ليه قسى عليها كدا اوي؟!!. دي قربت تسيح وتروح. وكأنها لم توجد.
اجابني الروح اجابة لن انساها.
رد عليا جاوبني وقالي. الجواهرجي ده يبقى مثال لله. مع الفارق الآكيد بينهم. تعالت عظمة ومجد الله. وقطعة الفضة دي الأنسان. وانت موجود كنت بتمثل الضعف البشري. والنار دي هيا التجارب. الجواهرجي ده اخد قطعة الفضة اما شافها مطفية. يبصلها صورته مش فيها. حزينة، شايف شوائب تانية معكوسة فيها. قال لازم ارجعها. ترجع تعكس صورتي جواها. جرب يمسحها لقى الشوائب متمسكه بيها. قال لازم تدخل في النار علشان تظهر صورتي جواها. كان عينه دايما عليها وهي في النار، بعد عنها شوائبها. حرقها. لها وقت معين لو سحبها قبله تفضل مطفية اكتر ولو سابها بعده تسيح وتنتهي بس عينة عليها شايف شوائبها بتتحرق مستني يشوفها في احسن حالتها حرارتها مرتفعه ويخرجها من وسط النار
كذلك التجربه ياانسان. ربنا بيدخلك فيها علشان تخرج تعكس صورته. عينه عليك ميقدرش يشيلها عنك لحظه واحده او طرفة عين. ماسكك وبأيده ساندك .وميقدرش يسحبك من التجربه إلا اما تحس انت بأنك حبيت العالم اكتر منه. وهي دي الشوائب اللي بتنحرق في نار التجربه. وساعتها تنسى حبك للعالم. وتلتفت لربنا تعكس صورته في الوقت المناسب. لو سابك لبعدين كنت انحرقت وضعت. هوا كان بيحرق شوائب حب العالم بس. حب كل الناس بس مش اكتر ابدا من ربنا. شفت بقى نتيجة التجربه. تخرج انسان احلى واحلى. تعكس صورة المسيح. الله غير مجرب بالشرور، بل افرحوا كل حين حينما تقعون في تجارب متنوعه‎، طب ليه يارب؟!. يقول لأنها اختبار الحب. اختبار التنقية.
آه فهمت خلاص. ما احلى التجارب. مادام عين ربنا بتحرسني ودايما عليا. ما احلى التجارب. اللي يحصلي بيها فلتره وتنقية. من شوائب حب العالم والخطية. ما احلى التجارب. ما دمت هاعكس بعد كدا. صورة المسيح فيا. ايوه يارب تعالي وادخل معايا التجربه مهما كانت قاسية. انت تحليها ليا. واخرج منها اعكس صورتك بيا. خسرت مستقبلي. ادور على ابديتي. خسرت اصحابي. انت مستحيل تتخلى عني. خسرت فلوس. خسرت. خسرت. خسرت. باطل الأباطيل الكل باطل وقبض الريح ولا منفعة تحت الشمس. بس انت المكسب كله. قرب واحضني. ضمني ليك يافاديا. ان خسرت العالم. انت مكسبي المضمون. ان كسبت العالم. هاخسرك انت ياحنون. فعلا ما احلى التجارب. وانت معايا ياحبيبي ياأبويا. اشكرك. لأنك وضحتلي قصدك من ادخالي في التجارب. بس اوعدني تنجيني دايما منها. انا جاي وبخضعلك. ادبني بعصا من حديد. ومطرقه من الفخار. مادمت بالتأديب ده هاستحق بنوتك. واعيش معاك ابديتي.
الام معدوده لا تقاس بالمجد العتيد ان يعلن ليا. ولغيري من ولادك ياراعيا. يافخري بمحبتك ورعايتك ليا. دا انت قولت شعر راسي بتحصية. أي اشيل همه تاني. دا انا منقوش على كفك. دا انت حاملني بين إيديك. ومش بس كدا جوا نن عنيك حميتني. اشيل هم إي وليا اب حنون زيك. وإي يحصلي وانا جوا نن عيونك محمي. انا خلاص مش هاهتم بالعالم. هاهتم بوجودي جنبك وبس. وانا واثق انك هاتعتني بيا. علشان بتحبني. بشكرك من كل قلبي ياحبيبي على تجارب الحب والتنقية. واللي هدفها العشره الألهية معاك. يابختك يااللي ربنا يبعتلك التجارب ديا. تأكد انه بيحبك. ونفسه يرجعك تعكس صورته الحلوه جواك. ترجع تلمع وتنور ما ده اصلك. يامحلاك.

[Manno2008_2010]

تابع ردي

ياريت كمان تفتح اللينك ده وتشوف الردود عليه
http://www.orsozox.com/forums/f158/t32028/

[Michael_Sabry]

اولا انا بشكر كل الناس الردو على موضوعى شكرا يا توتيت وشكرا يا بنت الراهب الصامت وشكرا يا ميرنا وشكرا يا فين ياره وشكرا جدا يا مانووو بجد ربنا يعوضكم وارجوكم اذكرونى فى صلاوتكم لانى تعبان فعلا ومحتاج صلاوتكم وشكرا مره تانيه لاهتمامكم بموضوعى

[essi]

ألجا بنفسك الى الله فتستريح
احد الاباء

[دموع ايمان]

الجائي الي ربنا فعلان مفيش غيرة اب حنون علينا هوة الوحيد الي بنرتاح في حضنة هوة وحد الي قدر يشيل عنك حمولك ربنا معاكي ويحل الماشكل كلها
http://files.arabchurch.com/upload/images/625900455

[روفــــا]

الاول كلام الاعضاء مفيش كلام بعده
بس ممكن اقولك حاجة صغيرة انت اول حاجة تعملها تقرب من ربنا اوى وتقعد مع اب اعترافك وتتكلم معاه وتعملى تدريب روحى ليك وانت بنعمة ربنا هترتاح