حد يلحقنى ارجوكم

[horus1987]

حد يلحقنى انا حبيت ولكن مش عارف اقول للطرف الاخر انا بحبك لكن بحاول ابين انى خايف عليه و بحبة جدا وواحشنى ووكده بس مش عارف اعمل ايه اكمل ولا اشترى دماغى بدل ماتعب واقول وممكن الاجابة تبقى لا انا محتاس اعمل ايه مش فاهم مرة واحدة الدنيا ضلمت قدامى ارجوكم ردوا عليا بخبراتكم
اعمل ايه ارجوكم انا هتجنن

[Shosei]

حد يلحقنى انا حبيت ولكن مش عارف اقول للطرف الاخر انا بحبك لكن بحاول ابين انى خايف عليه و بحبة جدا وواحشنى ووكده بس مش عارف اعمل ايه اكمل ولا اشترى دماغى بدل ماتعب واقول وممكن الاجابة تبقى لا انا محتاس اعمل ايه مش فاهم مرة واحدة الدنيا ضلمت قدامى ارجوكم ردوا عليا بخبراتكم
اعمل ايه ارجوكم انا هتجنن
اسئل نفسك الاول حبيتها وبعدين عاوز ترتبيط بيها ولا حب بس وبعدين يحلها ربنا
لو عاوز ارتباط كلمها ايه المشكلة ادخل من الباب احسن
مش هقولك غير كدا

[megomagamego]

صديقي العزيز
من طريقة كلامك باين وواضح جداً إنك لسة صغير في السن
لأن اللي بيكون كبير في سنه بيكون ناضج في طريقة تفكيره وعقله وحتي الكلام اللي بيخرج منه بيبقي كلام ناضح
أولاً : هل إنت جاهز وقادرإنك تقول للطرف الآخر كلمة خطيرة جداً هي (أنا بحبك وعايز أرتبط بيكي)
ثانياً : هل موضوع الحب والإرتباط عندك سهل أوي كده لدرجه إنك خايف لا تتعب وبتقول (مش عارف اعمل ايه اكمل ولا اشترى دماغى بدل ماتعب واقول وممكن الاجابة تبقى لا )
ثالثاً : هل فكرة الإرتباط عندك زيها زي الخروج وشراء اللبس ممكن تشتري دماغك منه ( علي حسب كلامك )
أنا آسف جداً لأني حسيت إن كلامي اللي فات شديد وفكرت أحذفه علشان خايف علي مشاعرك وإنك تضايق بسببي
لكن صدقني أنا إتعلمت من أخواتي هنا في المنتدي علي قول الصراحة والصدق بدون تردد حتي لو كانت صعبه
لازم تصحح مفاهيم الإرتباط عندك لأن الإرتباط هو مسئولية كبيرة جداً جداً جداً وحاجة هتفضل عايش فيها عمرك كله
تخيل لما ربنا يعطيك أمانه (زوجة ) ويقولك حافظ عليها لحد ما آجي وآخذها منك وحافظ عليها دي تعني (مشاعر ناضجة / حنان / أكل / لبس / أمان / مصروف / شقة / جهاز / أولاد / روحيات / أدوية ................ )
هل إنت في الوقت الحالي قادر إنك تكون مسئول عن كل الكلام ده ولا لسة بدري
أرجوك فكر كويس وأقف وقفة راجل مع نفسك وقول هل أنا قادر في الوقت ده علي الإرتباط ولا لسة ؟ لو لسة أرجوك حرام إنك تعلق بيك بنت مالهاش أي ذنب سوي إنها هتستجيب لمشاعرك ناحيتها لفترة وأكيد بعدها هتيجي تدخل علي منتدي أرثوذكس وتسأل وتقول إلحقوني ياجماعة أنا مش عارفة أعمل إية ...؟ وهتكون الإجابة !!!!!!!!!!!!!!!!!!
أخطيت سامحني أنا آسف علي الإطالة والأسلوب الجامد وأرجوك تفهمني صح .
أخوك ماجد

[samerco75]

حبيب قلبى انا مش فاهم حاجة ممكن شوية تفاصيل
السن الوظيفة الامكانيات؟
ربنا معااك ويحافظ عليك

[اباكير]

الاول لازم نعرف سنك ومؤهلك وعملك وعمل الطرف الآخر وبعض من صفاتك وصفاتها علشان النصيحة تكون كاملة ومفيدة

[جرجس البغدادي]

الرب يبارك حياتك اخوي
بس اقلولك لا لا لا تخليها اتولع يمك اضبط نفسك وصلي كتير واسترشد بالاباء والمؤمنين الي عندك علاقه معاهم وضروري ضروري تقول لها من البدايه ممكن هي تكون من نصيبك وممكن لا فانت في الحالتين تكون ضابط نفسك ومسيطر اكككككككيد لا تروح ابد بالاحلام دلوءتي خليها بعد لا قبل .النعمه معك

[لولا الشقية]

اسأل ربنا الأول الحب ده من عنده و لا حب جسدى أعتقد أن الحب الذى يملأ الرب به فلبك تجاه شريك حياتك يدوم و يحلو أكثر من الحب الجسدانى أو الإنسانى الطبيعى

[armia1987]

انا من رايى تقول واللى يحصل يحصل هتعمل ايه يعنى هتموت بخوفك كده

[nona queen]

طبعا لو الحب ده صادق من ناحيتك ومش فيه اى عوائق ممكن تكلمها وتشوف رايها
وتبدا تدخل من الباب لو امكاناتك وظروفك تسمح
ربنا يوفقك ويباركك

[–•(مشتاق اليك يا الهى)•–]

حد يلحقنى انا حبيت ولكن مش عارف اقول للطرف الاخر انا بحبك لكن بحاول ابين انى خايف عليه و بحبة جدا وواحشنى ووكده بس مش عارف اعمل ايه اكمل ولا اشترى دماغى بدل ماتعب واقول وممكن الاجابة تبقى لا انا محتاس اعمل ايه مش فاهم مرة واحدة الدنيا ضلمت قدامى ارجوكم ردوا عليا بخبراتكم
اعمل ايه ارجوكم انا هتجنن

حبيبى اولاً انا احب اعلق على كلام وياريت مش تعتبر تناقض
اعتبر الكلام اللى انا هقوله دى نصيحه مش عارف بقه ازى كان من اخوك الكيبر ولا اخوك الصغير مش ده المهم .... المهم انك بتقول فى موضوعك (حد يلحقنى ارجوكم )...
انا مش عارف ارد عليك اقول ايه ؟؟؟
ياجدع انا قولتك ان مشكلتك جامده وعويصه لدرجه انك مش عارف توصل ليها لحل
وبتقول فى نهايه كلامك ( ارجوكم ردوا عليا بخبراتكم )
صدقنى مفيش فى الحياه دى خبير فى الحب قد اللى بيحب ربنا
هو اللى يقدر يوصفلك ايه هو الحب وايه معنى كلمه الحب دى معنها كبير قوى فوق ما تتصور
ميرنا كانت بتقولك فى ردها


اسئل نفسك الاول حبيتها وبعدين عاوز ترتبيط بيها ولا حب بس وبعدين يحلها ربنا
لو عاوز ارتباط كلمها ايه المشكلة ادخل من الباب احسن
مش هقولك غير كدا

وانا بقولك يابنى متحاولش تسال نفسك ولا تفكر اساسا لان الموضوع منتهى لما انت قولت فى كلامك (ولا اشترى دماغى بدل ماتعب واقول وممكن الاجابة تبقى لا )
كلمة اشترى دماغى وبدل ما تعب نفسى معنها انك مش بتحبها... الحب معنى العناء لاجل الحبيب اومال المسيح مات علشانا ليه هو مش مكتوب فى الانجيل...
*(( اهكذا احب الله العالم حتى بذل ابنه الوحيد لكى لا يهلك كل من يؤمن بيه بل لتكون له الحياه الابديه ))*
اجبنى وتالم وعاش العناء من اجلى انا الخاطى ....
يااااااااااه على دى حب وانت راح تقول ولا اشترى دماغى بدل ما اتعب اومال تقول ايه على الضحى بنفسه من اجلك ..... العنااااء يا اخى العنااااء ...... حب + تضحيه = عنااااء
ممكن تكون انت حبتها علشان هى جميله وجمالها حرك نشوه الشهوه اللى فيك وقولت بس اقوف عندك يا قلبى.... هى دى اللى هيعيش معها بس يا خساره يا الف خسار مش هو ده حب الكمال ......
حب الكمال دى غير حب الجمال حب الكمال ربنا اعطاك نعمه وهى العقل اللى باقى الاعضاء قوله عليها لازم تفكر هل عمرك يسمح انك تحب فى الفتره دى ؟
هل معاك امكانيات انك تتجوز وتعمل اسره ؟ وقبل الاسئله دى ودى
هل انت بتحبها لمجرد انك شفتها ولا علشان يومين والسلام
اخر نصيحه اقدر اقولهالك الا الشهوه ابتعد عنها لانها باب من ابواب الجحيم واسمع كلام البابا شنوده وهو بيقول ...بعد الموت مفيش فرصه بعد الموت بيقول الكتاب قد اغلق الباب والجهلات وقفاً خارجا

سامحنى لو انا كلامى زعلك بس لازم يزعلك لان النصيحه لازم توجع الانسان والا هيعتبرها مجرد كلام بتقال وخلاص وتبقى يا مولاى كما خلقتنى صلى واعترف ورح لبونا فى الكنيسه وقوله على كل رد هنا اتكتب ليك وهينصحك بس متندمش انك غلط الغلطه دى بس اتعلم لانه اللى بيتعلم من غلطه

[samerco75]

مشوفتش تعليقك على التعليقات ؟
ايه رايك؟

[ماريان سعد]

لازم انت اللى تحدد عايزها بجد ولا لآ لو عايزها متفرطش فيها لآن الحب الحقيقى مبيتعوضش وكمان لو بتحبها حقيقى هى اكيد هتحس بحبك ولما هتلقيق واخد الموضوع جد هتقف جنبك