عندنا مع سؤال جديد

[Shosei]

هو للبنات والشباب

بس البنات اولا
لو حد جه اتقدملك انتى مش تعرفى اوى بس على حسب سؤال عنه طلع حد كويس بس مشكلته انو بيشتغل بره مصر يعنى نظام هينزل يخطبك وشهر ويمشى وينزل على الاكليل تكلمية موبيل او انترنت توافقى على رغم انو ماديا مرتاح جداا وعلى حسب مسئلتو عنه حد محترم وكويس

تعملى ايه توافقى ومنغير شعارات بليز لانى تعبت منها ؟

وانتا لو حد بيشتغل بره مصر وحبيت ترتبط تخلى اهلك يختارولك ولا انتا تختار طاب انتا مش بتنزل متعرفش الدنيا ايه ولا البنات انتا هتعمل ايه ؟

[dr.salsa]

لا مش هوافق يا ميرنا حتي لو الناس كانت بتقول عليه انه كويس

الله واعلم هو بيعمل ايه بره وعمر ما عيوبه هتبان عن طريق النت او التليفون

ده راي الشخصي ميرسي ليكي علي مواضيعك الجميله

[miro_rook]

مرسي ليكي ميرنا بالنسبه للجزء الخاص بالاولاد
طلما عايش بره ومشغول واكيد مش عايش قصه حب هسمح للاهلي انهم يختارولي

[nona queen]

لا مش هوافق لانى معرفش هو بره عايش اذاى وبيعمل ايه
ممكن يكون متزوج او تزوج من اجنبيه واخد الجنسيه بسرعه ودى بسمع عنها كتير
كمان الخطوبه فتره تعارف وتقارب فى الفكر والمشاعر وتعارف على الطباع
وده مش هايبان عن طريق النت او التيلفون
بصراحه موضوع صعب الموافقه عليه لكن لو نزل فتره وقدرتوا تخرجوا وتتعرفوا على بعض اكتر طبعا فى وجود الاسره
يكون افضل شىء وربنا يوفق الجميع فى الاختيار السليم

[SAMOOOOO]

ههههههههههههه

سؤال جميل فعلا

وبالنسبه لسؤال الولاد

طبعا بصفتى حاليا بره مصر
بالنسبه لاختيارى صعب اخلى اهلى يختارولى لان لازم انا اللى اختار اللى هتكمل معايا باقى حياتى
هما من حقهم يعرضو عليا لكن الاختيار لازم يكون من ناحيتى

وادينا هنشوف اراء الولاد والبنات بردو

[بنت الراهب الصامت]

بجد ياميرنا دى مشكله انا عايشه بيها لان اغلبية اللى بيجو بيشتغلو بره مصر وفعلا بنسال عليه كويس لدرجة انى بسال عليه فى البلد اللى بيشتغل فيها بس ده بيترفض حتى ولو طلع كويس لانى من الاول برفض اللى بيشتغل بره واكيد لحد دلوقتى وبعدين هرفض برضو انا مش بحب الغربه او شريك حياتى يسبنى ويمشى لازم يكون معايا ربنا يباركك على الموضوع الجميل ده

[أملى فيك يا يسوع]

مش هوافق طبعاً انى أتخطب لواحد اشوفه كل شهر مره ده ان شفته مش بس عشان انا مش ضامنه هو بيعمل ايه بره لكن كمان لو انا وافقت على الوضع ده تبقى ايه فايدة فترة الخطوبه؟
فترة الخطوبه مش بس كلام حلو واتفاقات على الجهاز والفرح لكن المفروض انها فتره عشان الطرفين يعرفوا بعض كويس ويقتنعوا ببعض وكل واحد يفهم مميزات وعيوب الطرف التانى وده طبعا مش ممكن يحصل من خلال النت والمكالمات ولا ايه رأيك يا ميرنا؟
الجواز ده حياه تانيه لازم أكون على يقين بالشخص اللى هيشاركنى فيها
ميرسى ليكى على المواضيع الجامده دى
ربنا يباركك

[meraie]

الموضوع ده مهم بس افرضى انه حد كويس ومحترم ومستواه وتعليمه وسنه كويس وعلاقته بالكنيسه كويسه ياترى هتسيبى كل ده وترفضى علشان بيشتغل بره؟ مش ذنبه انه ملقيش شغل هنا راح اشتغل بره وبعدين الشخص الكويس بيتعرف اهم حاجه الصلاه واللى بيها هتعرفى ارادة ربنا وعايزاكى تعرفى حاجه انك مادام طلبتيه مش هيسيبك ابدا مش ممكن يسيب بنته حطى علامه وقولى هيا ده يارب اللى هتعرفنى ارادتك ساعات كتير بنبقى محتارين ومش عارفين نقرر وبنقول انه شخص مينفعش يترفض لكن بنلاقى ربنا بيتدخل فى الموضوع وهيا ده نتيجةصلاتك ربنا بيحبنا قوى علشان كده ما بيسبناش الموضوع ده حصل معايا كتير وربنا بيتدخل فى الوقت المناسب.

[nadyadel]

لو هيا فترة سفرو موقت هوافق لو كان عالطول مش هوافق

[vooot]

مش هوافق طبعا لانه مش معني انه حد كويس انه يناسبني والحكم عليه انه يناسبني او لأ دا شئ بيبان مع مرور الوقت وف القرارت السريعة اللي بتيجي فجاة وهو معايا بس انا ممكن اغير رايي ف حالة وحدة لو قدر ف خلال الشهر ده يقنعني بسلوكياته وبشخصيته مع العلم اني مش بقتنع اي حد بسهولة فلو اقنعني هكمل

[ramaro]

بالنسبه للشباب : هو قبل ما يسافر الشاب اكيد كان يعرف بنات من الكنيسه او الكليه او الشغل او.....................................
ممكن يختار منهم عل أساس انه بيختار شريك الحياه الى اخر الحياه فلازم يكونوا يعرفوا بعض كويس ويعرفوا العيوب وميخافوش منها
يتأكدوا ممكن يعيشوا مع بعض فى وجود العيوب
"" ولازم قبل كل حاجه الصلاهorsozoxorsozoxorsozoxorsozoxوصوت ربنا""

[saras]

من غير شعارات .... طبعا هارفض لعدة أسباب أولا لأنه شخصية أنا مش عارفاها ومش هاقدر اتعرف عليه كفاية من خلال النت أو التليفون ومش هاقدر أحكم أن كان صادق فى كلامه ولا لأ ..... أنا دارسة علم نفس كويس ولازم علشان احكم على الشخص لازم أشوفه واتكلم معاه مرة واتنين وتلاتة واشوف تصرفاته ..... وبعدين ايه اللى يخلى واحد بيسافر بره وبعدين ينزل علشان يرتبط بانسانة هو مايعرفهاش ... ولا الحكاية بقيت جواز والسلام

[جانيت سمير]

لامعتقدش ان شهر فترة كويسة وبعدين اجمل حاجة فترة الخطوبة لانها الحاجة الوحيدة الى بتفتكريها حلوة بعد الجواز وبعدين هاتقدرى تبعدى عن كل الى بيحبوكى
حاولى تسالى نفسك لو جة طفل مين من اهلك هايكون معاكى ؟ وهاتعرفى اخلاقة منين ماهو ممكن قبل مايمشى كان كويس لكن بعد كدة اللة واعلم بس خليكى فى المحلى حلو سامحينى على الاطالة

[مادونا-دودو]

لا مشهوافق لانى كدة مشهعرف اتعرف عليه اكتر مهما كان مرتاح مدينا:em4500:

[remo911]

عن تجربه

لكل بنت بيتقدملها عريس بيسافر وبيشتغل بره انا عيزه اقول انه حتى لو كان الشخص ده ممتاز خلوقيا وعلميآ وروحيآ وأبن ناس كويسين ومستواه المادى كويس جدآ ومعاه عربيه اوعى اوعى تقبلى لأنى انا متزوجه شخص كويس اوى وفى كل المميزات بس للأسف بيسافر بسبب الظروف السيئه عندنا فى مصر وتقريبآ مبنشفش بعض الا كل سنة مره وقعده عند أهلى وحسيت انه مفيش تغير حصل فحياتى وده شئ صعب جدآ وعلى فكره اللى يقولك انه بيسافر بشكل مؤقت لحد الظروف متتحسن متصدقيش لأن اللى بيتعود على عيشة بره صعب يرجع يعيش فمصر بليز تخدو بنصيحتى كأخت مجربه عذاب الغربه.

[مادونا-دودو]

سؤال جديد محتاجة الرد ضرورى ( انا بحب حد وقال لى متقوليش لحد وانا حست انى لازم اخد راى حد فقولت وهو عرف ومشعايز حتى يسمع دفاعى على الرغم من انه من يوم مقال لى بحبك محسسنيش بيها وكل مكلمه يقول عنده مشاكل ومشعايز يحكيلى ويقولى انى مش بقدر اعمل ايه انا محتارة وتعبانةو عرفت انه قايل كلام عنى فى الكنيسة انا فكرت اسيب الكنيسة انا غلطانة فى الى عملته

[remo911]

شوفى يامدونا رأيي ان الحب المبنى على الصراحه بيستمر وهو لو بيحبك بجد هو اللى هيقول انه بيحبك لكل الناس وكون انه قالك متقوليش لحد يبقى بيلعب بيكى وطالما بتسمعى انه بيقول عنك كلام فالكنيسه يبقى بيلعب لعبة بينه وبين صحابه وهى شوفوا انا هوقع البنت دى ازاى ويبين لصحابه انه فالنتينوا وهو مش خسران حاجه لكن دايمآ البنت هي اللى بتخسر سمعتها وشكلها قدام الناس ونصيحه انك تبعدى عنه خالص لأنه مش صريح معاكى وربنا يرشدك للصالح.نرم.

[تي اجيا ماريا]

بسي هو لو حد تعرفيه كويس مثلا قريبك وعارفاه كويس قوي وكان ليكي معاه تعامل قبل كده يعني عارفاه وعارفه شخصيته وعيوبه ماشي ولو انتي مرتحاله وافقي لكن ان كان حد جيبهولك وانتي متعرفهوش كويس ارفضي تبعا لان انتي متعرفهوش وبتوع بره ميضمنوش ودا راي الشخصي

[nariman]

المشكلة ليست في عمله خارج البلاد...
بل بأسلوب التعارف والإختيار,,,
نحن في قرن 21
حتى ولو الأهل اختاروا... فهذا لايكفي
وحتى ولو عنده المال الوفير وسمعته محترمة...
أيضا لايكفي بل يجب أن تأخذا فترة تعارف وجه لوجه وتضعا النقاط على الحروف...
يجب أن يكون هناك تجاذب فكري ونفسي وروحيّ بينكما...
وبعدها تقرّران...
هذا موجز فقط لما يجب أن يكون...

[nooovy]

انا عن نفسى مش هوافق لان لازم اكون عرفا كويس والناس كتير مطيبتية وتحب تجامل فطبيعى يقولوا عليه كويس وبعدان الكويس في نظر الناس ممكن يكون مش كويس فى نظرى حقيقى ان مدياته مغرية لكن متهيألى اى بنت لو فكرت كويس مش هتوافق لكن لو كنت مخطوبة و بعد سنة مثلاً جه لخطيبى سفرية مش همنعو بس هحاول اعجل جوزنا علشان نسافر سوا ولو بردة مش هنسافر سوا مش هوافق ولو اصر ممكن يبقى ده سبب فسخ الخطوبة ..... وده لسبب شخصى شوية لان اللى جرب البعد يحرم يبعد تانى اصل انا جربت البعد مع اختى لانها سافرت تشتغل في الكويت انا اسفة انى طولت عليكم

[nooovy]

الرسالة ديه لمدونا

ما تسبيش كنستك علشان اى حاجة مهما كانت الاسباب وحولى تتقلى علية شوية واعملى نفسك زعلانة منه حولى تخليه يصلحك و لو صلحك اسأليه ليه مش عايز يقول للناس وقوليله انا بنت ومش عندى مانع انت ازاى عندك مانع لكن لو مصلحكيش يا مدونا خلاص كبرى وخيرها في غرها الكنايس ملايانة ولاد كويسين وربنا دايما بيرزق في الوقت المناسب ما تزعليش وسبيها على ربنا بس ادى لحبيبك رنج مش تسبيها مفتوحة مثلاً شهر

[aghaby mshraqy]

لا طبعا مش هوافق لان وببساطة المثل البلدى بيقول : تعرف فلان قال : اه قال له : عاشرته قال له: لا قال له : يبقى ماتعرفهوش.......
يعنى فترة الخطوبة معمولة عشان الواحد يكتشف الاخر والاكتشاف ده بيكون مش عن طريق الكلام وبس كمان عن طريق الملامح والانفعالات
والله اعلم هو عايش ازاى.............؟

[zena]

انا بالنسبه لي امراه متزوجه ولما اتقدم زوجي لخطبتي ماكنت اعرفو بس سالنا عليه وقالو انو شاب طيب ومن عائله محترمه ومثقف فوافقت عليه وشفتو قبل الزواج 3مرات بس وتزوجنا حتى فترة الخطوبه ماعرفته لان كان من غير محافظه بس من نفس البلد وتزوجنا وطلع فعلا انسان طيب وحبينا بعض بعد الزواج وبعدين ساءت الاحوال في بلدنا فضطرينا لترك بلدنا والهجره لدول مجاوره وبعدها وصلنا اميركا وبكل دوله رحناها كنا بنشجع بعض ونتمسك ببعض اكثر.يعني حتى لو انت اتزوجتي في بلدكي وبعدين الحياة اضطرتكي للمغادره حتسافري غصبا عنك فلا تلومي المغتربين لان ضروفهم اضطرتهم للسفر.وبعدين هو لوكان بحب واحده برا ومرتبط ليه حتى يجي ويعذب حالو وياخذ بنت بلدو ويصرف عليها؟؟؟؟؟؟بالعكس هو بدو وحده من بلدو عشان يطمءن على حالو وحال اولادو معاها وانت لازم تكوني السند والعون حتى تكملو حياتكم وربنا يهديكي للطريق الصح

[تاماف]

شوفي ياست البنات الناس اللي رائيهم فية انة كويس عاشروة ؟ اتعاملو معاة؟ يعني يعرفوة من قريب مششششششش علي اي حال لو بنتى وانا شخصيا لم اعرف هذا الشخص مش هوافق لكن اذا كنت اعرفة معرفه شخصية واثق انا شخصيا فيه فئية المانع

[sozyhany]

أنا رايى الشخصى ان الخطوبه و الزواج مش فستان و طرحة بالنسبه للعروس و مش ناس و كنيسة فقط لكن حياة بتعيشها مع رجل فى بيت كل واحد فيهم ليه الدور اللى ها يقوم بيه
ده طبعا مع الحب و الاحترام و المودة و مادام هو عايش بره و ليه فترة يبقى من الافضل انه يجوز من هناك على الاقل معاه واحدة فاهمة حياة الخارج و عايشاها و عارفاها يعنى مش ها تتعب فى حاجة
اما موضوع انه مرتاح ماديا فانا من رايى ان الحياة هى صحيح اساسها الفلوس لكن ما تخلقش الراحة النفسيه لشخص

[samehtakla]

شكرا علي هذين السؤالين لان فعلا ده الي بيحصل في الوقت الحالي انا لو في مكان البنت اكيد طبعا هرفض لان لا يمكن التعرف عن طريق النت او حتى التليفون ولا اهتم بالماديات ++ اما لو انا في مكان الشاب اكيد هوافق علي اختيار الاهل للعروسه وليس الموافقه عليها الا بعد التعرف عليها بصورة حقيقيه ويكون الاختيار عن طريق انا وليس عن طريق الاهل +++ والف الف الف مبروك ++++

[magdiuk2009]

بالنسبه لسؤال الشباب اا مش اخلي اهلي يخطبولي بس ممكن اخليهم يرشدوني او يرشحوا لي حد وبعدين انا هنزل واشوف الحد ده واتكلم معاه لو فاهمنا وقبلنا بعض بظروفنا المركب تسير غير كده مينفعش

[ابو جان]

مرحبا شباب وصبايا
حلو الكلام بس الصعوبة باننا نستفيد
نحنا لماذا ننظر للمغترب وكانه انسان فاسق وماجن مدخن ومحشش ولاعب قمار ولا ننظر اليه كانسان غامر بشبابه وغادر اهله وناسه ووطنه وذهب للبحث عن عيش كريم او عن فرصة قد لا او لن تتوفر له في بلادنا العجيبة :10800:
كم من المغتربين نجحو ورفعو رؤوس اوطانهم معهم وهناك ايضا السيئين وما اكثرهم
وذات الامر في الاوطان ما اكثرهم الشبان الجيدون واكفر منهم ال......؟؟؟:em17:
اهم شي قبل ابدا الراي هو الصلاة والتامل وطلب العون والبركة السماوية :10500:
وعلى فكرة الانسان قبل ما ينظر للشخص المتقدم عليه النظر لنفسه وبصراحة تامة ويقرر ما يريد هو
جميل ان نكون جميعنا في الوطن وان نتزوج من بنات الوطن وان نعيش في الوطن ولكن اذا الوطن ما سمح شو بنعمل بدنا نساير هــــــــــالوطــــــــــ ـــــــن!!!!!!:10800:

[بنت الأرمي]

علي فكرة الموضوع دة بيبقي حسب إرادة ربنا لأن مش كل الناس إللي شغالة برة وحشة وسلوكياتها مش حلوة فيه ناس كتير ربنا وتعاليمه ووصاياه معاهم في كل مكان عشان كدة اني ارفض الموضوع علي طول كدة صعب لازم اصلي واصلي واصلي عشان اعرف ارادة ربنا واخذ راي اب اعترافي ولو كان فيه خير هثق تماما ان ربنا هيكمله لكن لو كان ما يناسبنيش اكيد ربنا هيبعده مادام دخلت ربنا في الموضوع اما واثفة تماما انه هيعمل للخير لانه اكيد بيحبني وعاوزني ابقي مبسوطة .

[eng_wael]

انا م\ وائل يوسف حابب اشارك برايي المتواضع
انا حاسس انك فرحانة بانة مرتاح ماديا بس الامور المادية مش كل حاجة يا اختي
لما هو ينزل شهر كل سنة انت هتحبية وهو هيحبك ازاي وكمان هو هيراعي اولادة ازاي
وصدقيني اولادة مش هيكونو حاسين بوجودة جواهم لانة بالنسبة ليهم هيكون زي ضيف انا لي زملاء يعانون من سفر والدهم للخارج
وكمان انت هتعيشي ازاي في حمايتة وتحت جناحة
ارجو انك تبصي لبكرة
واعتقد انة بعد كدة هيسأل اهلة عنك كل شوية وهيهتم بتقريرهم عنك
والمسيح معاكي ويختارلك الصالح

[+jeje+]

الموضوع صعب جدا ان الوحدة تاخد باراء الاخرين فىالعريس دى حاجة صعبة لان الناس مش بتشوف كل حاجة وناس كتير بتخدع الى حواليها وده كمان مش عايش هنا وصعب الواحد يتخذ قرار عن طريق التليفون وشات ولا راى الناس

[emy dody]

انا رايى مختلف و يمكن البعض يقول عليا عبيطة او عملية زيادة عن اللزوم
مافيش واحدة بتتخطب او بتحب واحد و يفضل بعد الجواز هو نفس الشخص انا شايفة ان مافيش مشكلة اذا كان السؤال عنة قالوا انة كويس المهم انة مرتاح ماديا يعنى الواحدة تبقى مرتاحة ولو فى جانب واحد دى نظرة مش مادية لكن عملية لان لا يوجد حب بعد الجواز يبقى نص العمى ولا العمى كلة ، ارتاح ماديا ولا اتعب فى كل حاجة emy

[سعد عطيه]

أنا مبسوط لأنى إنضميت لموقغكم وربنا يعوض تعب محبتكم 0 وكل عام وأنتم بخير بمناسبة القيامة المجيدة وعيد إستشهاد القديس مارمرقس الرسول كاروز الديار المصرية وعيد إستشهاد القديسة العظيمة الأم دولاجى وأولادها الأربعة .
اذكرونى فى صلواتكم

[bechomecho]

دي مشكلة فعلا ممكن شاب جات لة هجرة وسافر وممكن يكزن فعلا كويس جدا والبنت اللي يتقدملها تكون لا تستحقة وهو اللي يتظلم من الموضوع دا
انت كلكم بتتكلموا كأن كل اللي برة وحشين ولكن انا بقول ان دي مشكلة بتبقي صعبة علي الشاب اكتر من البنت
بجد بجد

[ماريان سعد]

يعنى الواحدة تبقى مرتاحة ولو فى جانب واحد دى نظرة مش مادية لكن عملية لان لا يوجد حب بعد الجواز يبقى نص العمى ولا العمى كلة ، ارتاح ماديا ولا اتعب فى كل حاجة emy
هوفعلا معاه فلوس ومرتاح ماديا وأنتى أخترتى دة مش ممكن يطلع بخيل بعد الزواج يبقى هتيجى منين الراحة وانتى شايفة انوا فى ايدوة بس بيستخسر وبعدين الآخت صاحبة الموضوع بتقولى سألتوا علية طبعا محدش يعرفوا عشان هو طول الوقت مسافر فالناس بتحكم علية من خلال اهلة أكيد أهلة ناس كويسة بس الله وأعلم هو زى أهلة ولااااااا يييييييية مين فينا بيطلع لاهلة أنا من راى ان الآختيار يجى عن اقتناع بالشخصية مش بشكلة ولا بفلوسه المهم الشخصية ودة تعرفية من المعاملة قبل وبعد فترة الخطوبة أو على الآقل قبل الفرح بتاع الشبكة نأسف على التطويل

[gigi257]

ميرسى على موضوعاتكم الجميله انا عن نفسى مش هاوافق علشان ده حد انا مش عارفه عنه اى حاجه يعنى بيعمل ايه بره
وبعدين مالهم ايعنى الشباب اللى بيشتغلوا هنا ؟ ماهما اهو زى الفل جى حى

[gog]

هقولك علي حاجه مشوره ربنا فوق عقلك وفوق مشوره اي حد صلي وربنا اكيدهجاوبك يمكن يكون كويس ويمكن لا ربنا الي يشوف مش انت او غيرك لو كويس ربنا هيديكي اشاره انك تكملي لو مش كويس مش هتحسي براحه وصومي انقطاعي الصوم برضوا وسله جميله

[maged etry]

اعتقد ان الموضوع صعب وبجد هو مشكلة حقيقية بس فى وجهة نظرى مش مستحيل , وصدقونى ماقصدش شعارات , بس لو شفنا قصة اختيار رفقة لاسحق كانت شبية بس كانت العلامات " المواصفات " اللى وضعها لعازر الدمشقى فى الاختيار كانت ناجحة بحيث كان الاختيار السليم , ولو انى كانت هناك مشاكل اسرية بعد كدة فى بيت اسحق ولكن هذا ممكن ان يحدث مهما كانت هناك فرصة زمنية كبيرة فى الاختيار واختبار من اخترناه !!!!!!

[جينا جيد صدقي]

لا ماتوافقيش لان الجواز اساسه هو الحب والتفاهم ولما هو مسافر علي طول امتي هاتعرفية وتتفاهمي معاه علي بناء اسرتكم وحياتكم

[totavico]

هو للاسف فيه ناس كتير متخيلة ان اللى بيطلع بره ده بيبقى طالع علشان يمشى فى سكة غلط!! معرفش ليه التفكير السلبي ده مع انه فى الواقع ان اللى بيطلع ده بيبقى طالع لهدف اساسي هو تحسين وضعه المادى وبالتالى المعيشى. ده طبعا بالنسبة للمسافر شغل مش هجرةلـ(امريكا او كندا او .......)
ومفتكرش ان كل الناس اللى بره وحشين وبرضه محدش قال ان كل الناس اللى فى البلد زى الجنيه الدهب!! فى كل حتة موجود النوعين. والخطوبة فى جميع الحالات متعتبرش عشرة او معايشة بصورة تكفى لاظهار كل العيوب والمزايا عشان فى العادة كل طرف من الطرفين بيركز - للاسف - على اظهار المزايا واخفاء العيوب بكل الطرق الممكنة خلال فترة الكام ساعة اللى بيقضوهم مع بعض فى الزيارات.

بعدين فى نقطة تانى فرضاً واحد مهندس مثلا: ما ده معظم ان ما كنش كل شغله بيقى بره سواء بره المدينة او بره البلد على بعضها وملوش اجازات كفاية فى الحالتين وبالتالى سفر بسفر يبقى حقه يدور على الاجدى بالنسبة ليه. مع الاخد فى الاعتبار انه لو مسافر اسوان مثلا هيرجع بالقطار خلال مش اقل من 12 ساعة (مش هيفكر انه يرجع طيران طبعا عشان التكاليف) اما لو مسافر اى دولة عربية مثلا (شغل) هيبقى بالكتير خلال 5 ساعات فى البيت لو عايز.


نقطة اخيرة اللى طالع يشتغل بره ده فى المتوسط بيقى عمره 25 سنة يعنى شخصيته واخلاقه اتكونت خلاص ده مطلعش وهو عنده 7 سنين عشان فيه ناس تقول (اهله كويسين بس هو الله اعلم بيعمل ايه)؟؟ يعنى بقاله 25 سنة ولا اكتر ماشى زى الفل بشهادة المحيطين بيه مش هيبوظ عشان طلع بره كام سنة حتى لو سافر اخر الدنيا عشان هو مسافر شخص راشد يعنى عارف كويس قوى هو بيعمل ايه ومسافر ليه وايه الصح وايه الغلط وبالتالى السفر مش هياثر عليه سلبيا زى ما الناس فاكره.

والناس اللى بتخاف من ربنا عادة لما بتتسال عن حد معين بتقول الحقيقة باعتبار مبدا (اللى يقدم السبت يلاقى الاحد) ومحدش منهم بيخبي ولا يكذب.


رايى ان السفر للخارج ميعتبرش سبب للرفض اساسا بس طبعا اللى يكون اهله فى مصر وهو مسافر للشغل (يعنى متاسس صح).

وانا كشاب لو بره وطبعا معنديش اى قصة سايبها قبل السفر, اهلى بخبرتهم يرشحولى شخصيات وانا اختار منها بهدف تضييق مجال البحث عشان قصر فترة الاجازة. وطبعا الصلاة بصدق هى اهم حاجة وربنا هو اللى يختار


اعتذر عن الرد الطويييييييل

[lolaemo]

الموضوع مهم اوى بجد طالما مع السؤال عنه طلع كويس يبقى تجربى وتتعاملى معاه وانتى وارشاد ربنا ليكى وهتكلم بصراحة انا جالى واحد ابن كاهن معروف واكبر منى بعشر سنين احنا عندنا فى البيت بابا مش بيحب الخروج والطلوع والنزول فالكلام كان كله بالتليفون فانا لاقيت فيه عيوب من التليفون تحتمل وحددنا ميعاد الخطوبة بس مع الصلاة لربنا طلبت انى لو فى عيب انا مش عارفاه يبينهولى حتى لو يوم الخطوبة الصبح والحمد لله الخطوبة كانت يوم الخميس بس وضحتلى حاجات كتير ماكنتش شايفاها فى مكالمة واحدة يوم الثلاثاء ولاغيت الموضوع والحمد لله على كل شىء صدقونى مش بالمعاملة وجها لوجه بالصلاة والتفكير الصح والعقل ده راى وعارفة ان معظم الناس مش هيعجبها

[بنت الراهب الصامت]

لا صدقينى كلامك حلو اوى فعلا الانسان اللى بيصلى لربنا انه يرشده هو اللى بيفوز ببركة ربنا وارشاد الروح القدس له لانه فعلا لما بنصلى لربنا ونطلب منه علامه بالحاح هو بيعطنا العلامه المناسبه والحمدلله على كل شئ ربنا يباركك

[mervat-eldeep]

انا مخطوبة وخطيبي مسافر وبعد الزواج هسافر معاه وطالما الحب والتفاهم موجودين ايه المانع جايز نحب بعض اكتر لما اسافر معاه لان مش كل المتجوزين عن حب وعايشين مع بعض في بلدهم حياتهم الزوجية ناجحة

[enoo]

بصوا يا جماعه
مع احترامى لجميع الردود السابقه
انا المشكله دى مريت بيها
وعاوز اقولكم حاجه
طالما ان الولد او البنت حاطين ربنا قدامهم يبقى مفيش مشكله
دى حاجه
الحاجه التانيه
انا عندى اخت اصغر منى واتقدم لخطبتها شاب عايش ف امريكا اكتر من 5 سنين واخد الجنسيه ونزل يدّور على عروسه
انا عاوز اقولكم الفتره اللى اخدها الراجل دا ( جوز اختى ) لحد ما اتجوز اختى وعملوا الفرح
مش هتصدقوا
اخدوا فقط 7 ايام يعنى اسبوع بس
خطوبه ف يوم
شبكه ف يوم
والفرح ف يوم
والباقى تجهيزات للفرح
ودلوقتى هى عندها كيرلس وبيشوى
وعلى فكره احنا سالنا عليه مش ف هنا بس لا دا كمان سالنا عليه حتى ف الولايه اللى عايش فيها
حتى اب اعترافه اللى هناك
اللى عاوز اقوله
مش مشكله طبعا ان البنت تاخد حد من بره وخصوصا اذا سالت عليه كويس جداااااااا
بس المشكله انها تاخد واحد ما سالتش عليه بالمره او ما اديتش نفسها الفرصه انها تسال عليه كويس

اما بالنسبه لىّ لو كنت شغااااال بره مصر وعاوز ارتبط
فردى هيكون
ايه المشكله ان اخلى اهلى هما اللى يختاروا لىّ
ساعات كتير بيكون الاهل اختيارهم صائب 1000% مش 100%

[ero_mero]

اوعى تصدقى اللى يقول ده كويس وابن ربنا كلنا كويسين وولاد ربنا ده حتى لو قالولك ده ح يبقي كاهن برضه ما تصدقيش لانى وقعت ف الغلطة دى واتجوزت واحد كان مرشح للكهنوت وعينك ما تشوف اللا النو ر واوعى تقعى ف اكبر غلطة انك تسالى اب اعترافه لانه اكيد ح يقولك كويس لازم تاخدى فترة خطوبة معقولة وتشوفيه وتخرجى معاه كتير وتراقبى وتحللى كل حاجة بيعملها مهما كانت صغيرة واوعى تقولى بكرة يتغير او انا ح اغيره كل ده وهم كبير ما فيش انسان بيتغير لانه هو كمان بيفكر ازاى يمشيكى على مزاجه واوعى تنسي اهم خطوة وهى الصوم والصلاة وسماع ارشاد الله

[انور عاطف]

[code]البنات كلها هاتقول مش هاوافق لكن وقت الجد ومع ازمة الشباب وعدم وجود عرسان هايوافقوا وده الى ماشى اليومين دول
والى تقول هاستنى الى بحبه او الى كان زميلى فى الجامعة يبقى بتحلم وبتعيش فى الوهم لان على ما تستنى واحد لسا هايكون نفسه هاتكون دخلت فى الاربعين واكيد الاب والام يحبوا يفرحوا ببناتهم وهو ده حال الشباب اليومين دول
ونصيحة منى للشباب بلاش تحبوا اليومين دو طالما مش هاتقدرو تتجوزوا الى بتحبوه
لانكم هاتعذبوا نفسكم وهاتعذبوا البنات معاكم

[peter_naser]

بسم الثالوث الاقدس
لوانابنت هرفض....!!!!!!!!
لو ولد لن اقبل بزواج الصالونات ده يمكن يكون نتيجه اختلاف مستوى علمى او ثقافى..وفى نفس الوقت كل الشباب نفسه يسافر علشان يكون نفسه.... الشغل هنا فى مصر موجود ولكن المرتبات تحت اقوى متكفبش حتى مصاريف ايد لفسحه او هديه ....اقعدى معاه بعد القعده يتكون عندك ياما .....تقبليه مبدئيا & او لاتقبليه ده كله من مجرد نظرتك ليه هتتكون عندك فكره مبدائيه اتكلمى معاه شوفى ايه افكاره كلميه انتى مقتنع بانك تنزل تتزوج وتسافر وبعدين ترجع .....اسره مفككه
لو هناك اى ضغط عليكى اطلبى مشورة ربنا ده كلامى كان كده علشان انا شاب وعارف ظروف المعيشه هنا فى مصر........... ربنا يوفق للصالح لو انتى غير مقتنعه 1% ارفضى هيجيلك احسن منه :10300:

[امير مجدى]

انا شايف اني طالما قررت اني احب واتزوج من مصر يبقي لازم انزل واختار شريكة حياتي وماخليش اهلي يختاروا لي لاني انا اللي هتجوز مش هما وبعدين لازم يكون في علاقة بيني وبنها

[novy]

انا طبعا مش هقبل موضوع ارتباط بالشكل ده لانى اكيد مش هقدر اعرف عنه كل حاجه عن طريق التليفون او النت وكمان انا اى اللى يضمن ليا ان راى الناس فيه مظبوط
انا شايفه ان الزواج ده محتاج معرفه وهم وقبول واحتكاك وده هيبقى صعب عن طريق التليفون
وكمان صعب اثق فى حد مش عارفه ايه شكل حياته

[rina shinoda]

سلام المسيح معاكم
انا برضوا اعترض على الفكرةدى لانى اعرف ناس جربوا الفكرة وكانت فاشلة جدا
لابد من الخروج والتعامل من قرب لان الموضوع يختلف تماما عن قرب

[imoo]

انا اوافق الرأي اللي كان بيقول اننا نصلي لاجل الموضوع ده فعلا علشان ربنا يرشد كل فتاه وشاب . طبعا موضوع السفر شئ يقلق جدا أي بنت لانها متعرفشي الانسان كويس وده حقها فأول شئ لازم تصلي من قلبها ان ربنا يرشدها وفعلا ربنا قلبه طيب وحنين ومش هيرضي لبناته انهم يتعبوا وخصوصا لما البنت ميكونشي همها هو الفلوس والماديات وبس . وصدقوني ربنا بيرشد حقيقي ولو ربنا هيريد هتلاقوا الابواب قدامكم بتتفتح وابواب اخري بتتقفل . المهم نصلي بجد ونطلب معونه ابونا السمائي وكمان لا نلغي عقولنا يعني لازم ناخد بالنا كويس من تصرفات الشخص في حاجات كتيره جدا لان أحيانا ربنا بيحط قدامنا بعض الامور وتكون واضحه وضوح الشمس لينا واللي بيقولنا عن طريقها خدوا بالكم الموضوع ده مش حلو , او النقطه دي مش حلوه لكن أوقات احنا اللي بنفوتها ونعتبرها حاجات هيفه ونرجع نقول يا ريت . وكمان السؤال مهم جدا عن الشخص حتي في بلد الغربه عن طريق الكاتدرائيه اعتقد ممكن يتوصلوا للشخص هناك عن طريق سؤال الكهنه في المهجر حتي لو ده كلفنا كارت او اكتر للاتصال خارج مصر لانه مش هيجي شئ بجانب حياه زوجيه وعمر وعشره . وعن طريق اب اعترافه في مصر قبل ما يسافر وممكن عن طريق المعارف . ولازم بقدر الامكان محاوله الجلوس والتعارف مع الشخص اكبر وقت ممكن عند نزوله مصر والخروج معه في الاماكن العامه حتي لو مع احد الاقارب لو البيت لايسمح بذلك لوحدهم . لان تصرفات الشخص داخل البيت غير خارجها وبيظهر فيها حاجات كتيره . وبعدين فيه حاجه مهمه لو اي بنت منا ليها اخ لظروف الحياة الصعبه في مصر سافر وعايز يتجوز لو كل البنات هتخاف يبقي اخويا واخوكي مش هيتجوزوا رغم انهم كويسين . انا علي فكره مش بشجع الموضوع وخلاص . وعايزه اقول اني انا شخصيا متزوجه من شخص سافر رغم اني كنت رافضه السفر نهائيا . وهقول الصراحه ترتيب ربنا كان واضح لينا في حاجات كتيره جدا وكان الارتياح بين الطرفين والاهل وسألنا عليه خارج وداخل مصر والحمد لله نشكر ربنا متخدعناش لاننا فعلا طلبنا ربنا وكنت بحس ان ربنا بيتدخل وبيرتب كل شئ . صحيح عندنا مشكله في الاقامه نتمني ربنا يخرجنا منها ورغم ذلك احنا واحد علشان ربنا مجمعنا يبقي لازم نتحمل الظروف مع بعض , ولازم كل بنت تعرف ان ممكن متكونشي الارض مفروشه ورد وزهور زي ما ناس كتيره بتتخيل ان الناس بره عايشه في نعيم ده في الغالب مش صح الا لو انسان غني فعلا .لكن اهم حاجه ان الواحد يكون متأكد ان ربنا معاه ومش هيسيبه ولازم البنت اللي هتسافر خصوصا لو الرجل ظروفه الماديه مش عاليه تكون فاهمه كويس انها ممكن تتعب شويه . لكن المهم ربنا يكون بينهم . وبعدين انا اعرف انسانه حقيقي غلبانه هي انسانه حلوه جدا واتجوزت انسان من مصر وعاشت في مصر لكن حياتها معاه صعبه جداااااااا رغم انه مكنشي باين عليه خالص قبل الجواز . علشان كده هرجع واقول دايما نقول لربنا اختار الصالح لينا سؤاء رجل او فتاه ونقوله اللي مش من عندك ابعده واتمسكوا بيه وهو هيرشدكم وربنا يوفق فعلا الجميع ويفرح قلب الكل . ولو الفتاه هتسافر مع انسان فقط لمجرد السفر او انه غني حتي لو مكانتشي مرتاحه له او حاسه انه مش ابن ربنا أكيد انه من السهل جدا تحصل مشاكل كبيره زي بعض الشخصيات اللي اعرفها واللي في طريقها للطلاق وده طبعا شئ يحزن .

معلش انا طولت عليكم جداااااااااااا

[ireen-mof]

امه الرب
ممكن اوافق لو سألت عنه كويس وبعدين الانبا موسى اسقف الشباب كان قال مرة فى برنامج ان ممكن البنت تبعت اسم الشاب وشويه بيانات عنه والكنيسه اللى فى بلد الشاب ده هتسأل عنه ويبعتولها الرد . وربنا يبارك المنتدى ده

[imoo]

احب برضه الفت الانظار لموضوع وهو زواج المغترب مدنيا . ده بخبرتي البسيطه. أن فيه بعض شباب بيلجأوا للزواج المدني وليس الكنسي من اي فتاه معها الجنسيه او من أصل البلد الاجنبي علشان يقدر هو ياخد الجنسيه بسهوله لان طبعا ليها ميزات كتيرة واستقرار . واغلب الشباب اللي بيلجأ للموضوع ده بيتزوج علي الورق فقط وعلشان كده بنلاقيهم بيتجوزا بعد كده كنسي من فتاة مصريه . وجوازهم المدني ده بيكون عن طريق دفع مبلغ للفتاه لعمل عقد الزواج وبعض الحالات تستغل الفتاه الموقف وتطلب طلبات فوق طاقه الشاب في الفتره قبل الانفصال . وحالات اخري البوليس لو عرف بتكون مشكله علي اعتبار ان الشخص تزوج علشان الجنسيه ... وممكن شباب يتزوج علي الورق وينفصل دون اي مشاكل . احب اقول اني اعرف بعض منهم شباب كويسين جداااااااا وممكن يكونوا أحسن من شباب غير متزوج مدني لكن اضطروا لكده ومش عارفه فعلا اقول ايه ؟؟؟ صح والا خطأ... برضه البنت لازم تاخد بالها وتسأل كويس لان ممكن انسان لو مش ابن ربنا حقيقي وعامل حسابه انه هينفصل ويتزوج بمصريه لكن ممكن يعيش حياة زوجيه عاديه وليست علي الورق فقط
المهم زي ما وضحت رأيي قبل كده . نطلب معونه ربنا وهو هيرشد وكمان نفكر كويس ولا ننسي عقولنا اللي ربنا خلقهالنا ونسأل عليه كويس والسؤال مش صعب . وبعدين فعلا الرأي اللي قال ان برضه الشباب دي مشكله بالنسبه ليهم ده صح لان مش كل الفتيات هما اللي كويسين والشباب هما دايما اللي وحشين . يعني ممكن تكون المشكله في الشاب او الفتاه يعني مثلا شخصيه اعرفها انسان ممتاز وتزوج من زمان وللاسف زوجته كانت عارفه انها هتسافر تعيش معاه لان شغله واستقراره في الغربه وعندما تزوجها رفضت السفر نهائيا واهلها شجعوها علي ذلك للاسف وعندها بنت كبيره وكل واحد في بلد وطلبت الانفصال عنه وللاسف اهلها شجعوها لان لها شغل ومركز كبير في مصر . طيب ليه من الاول وافقت هو مخدعهاش وقالها انه هيعيش في مصر وذنب الابنه ايه ؟؟؟ انا عايزه اقول من كده اذا كانت الفتاه مش راضيه ومرتاحه للموضوع جدا فلا توافق لان موافقتها قد تهدم حياه اسره وتتعب انسان ملوش ذنب في حاجه الا انه عايش بره . وبرضه البنت اللي هتسافر لازم تكون فاهمه ازاي تتحمل مسؤليه او علي الاقل تكون علي استعداد لتحملها لان السفر مهواش اكل وشرب وفسح وفلوس لأ هتلاقي انسان ممكن يكون مطحون في عمله طول اليوم ومحتاج يرجع البيت يلاقي زوجته تهتم بيه وتهون علي العمل وتعبه . وبرضه اقول فيه ناس كتيره عايشه حياة زوجيه سعيده في الغربه ودايما ربنا موجود في وسطهم . واذا كان ربنا موجود في مصر فهو موجود في كل مكان . المهم اننا احنا نقبله ونخليه دايما في بيوتنا وقلوبنا .

[سارة2000]

لا مش هينفع طبعا ياميرنا هقولك علي حاجة انا عايشاها او كنت عايشاها لما كنت مخطوبة جديد ماكنش ينفع اقابل خطيبي كتير مع انه في مصر اكتشفت حاجة مهمة جدا ان احنا كل ما نتقابل نكتشف حاجات في بعض اكتر بكتير من التليفون والنت وكمان كانت المناقشات والخناقات كانت اكتر بكتير من اني اكلمه في التليفون اوعي تتجوزي حد ما قعدتيش معاه الاشهر واحد وبعد كدا هو سافر ربنا يحميكي وميرسي ع الوضوع الجميل دا

[Shosei]

انا قريت الردود رد رد
و99%من البنات رافضين يجماعة دا مش حد غريب دا حد بابا يعرفة واتكلم معاه وابن عمه انتيم بابا وبيحب بابا جدااا لو حد غريب انا طبعا مش هوافق بس انا صليت وقلت ربنا اختاربلى وهو بيتصرف
بس عاوزة اسئل سؤال كمان ليه بتظلمو الشباب يعنى واحد يئس من ظروف البلد ضحى باهله باصحابة بكل حاجة علشان يكون نفسه علشان يتقال عليه راجل مش زى شباب اليومين دول عايش على فلوس بابى ومامى انا بحترم الناس اللى بتبنى نفسها وبعدين انا مبصتش ابدا لمستواه المادى كان اتقدملى مستوى افضل من دا بكتير بس الموضوع من اوله ريحنى حسيت انى مبسوطة من الاول غير اى موضوع تانى كنت ببقى قلقانة بطريقة غريبة
وبعدين مش معنى انتى اخدت حد بيسافر بره تعبتى يبقى الكل هيبقى زيك انا عارفة انها نصيحة بس انا كل اللى اقدر اقوله انى ربنا هو هيختتارلى مش انا وبصلى كتير الاهم من التفكير مشورة ربنا ومبقاش شهر بقى شهرين علشان تطمنو
وفى واحدة جران قعدت كلم حد 3 شهور كان فى استراليا ونزل على الاكليل لو ربنا فى الموضوع مفيش اى حاجة تخوف فى الدنيا
كمان مفى ناس بتاخد ناس من البلد بس طول اليوم بره بيجى ينام بس انا مش ببرر الموقف بس لو ربنا رايد بجد انتى نفسك هتطمنى الشباب مش مبسوطين بحكاية السفر دى لكن بيكونو مضطرين لاننا عرفين ظروف كل شاب قبطى بتكون ازاى

[amerkhairy]

صباح الورد على كل شباب واعضاء المنتدى


الصراحة الموضوع شيق للغاية وردود الشباب حلوة بس مش كلها بصراحة

انا واحد من الشباب اللى بيسافروا ويرجعوا شهر واحد كل سنة واخاطب ليا سنتين ونشكر يسوع لان هو المدبر عايز اقولكم على حاجة مهمة جدا المشاعر ياجماعة مش بتحتاج لوقت وارتياح القلوب بيبان من اول مرة لو انا اتكلمت مع اى شخص وحثيت انة مقبول اكون دايما حابب اكمل معاةولو مش مهدوم يعنى مش كويس اكيد اخد منة موقف لازم تعرفوا انة مفيش شاب بيحب الغربة ولو الواحد لقى شغل كويس ببلدة لية ايسافر من الاساس اللى بيسافر بيسافر من اجل تحسين وضع وكمان من اجل ظروف خاصة التعرف ايكون كافى من خلال الاتصال والانترنت وكمان البنت اتقدر تعرف من خلال الكلام انة كويس ولا لا ياجماعة فى كتير شباب فى مصر مخطوبين وعاملين مشاكل وفى منهم كمان بعد الجواز بتكتر مشاكلة وفى شباب كتير بيسافرو ومخطوبين ووامورهم تمام وفى شباب منهم كتير مجوزين يعنى من الاخر دى مش اول ظاهرة فى الحياة اللى بيجمعة الله لا يفرقة انسان واللى يوضع امورة امام الله ايرشدة على الصالح


اما من ناحية انى اطلب من اهلى انهم يختارولى فدة علشان الاجازة بتكون محدودة لان الشركات فى الخارج بيكون ليها التزامات ودى مش معناة انهم يختارو يعنى يقررو لا انا بطلب منهم وهما بيعرضو عليا وانا بشوف وانا اللى بقرر مش عيب لما اخلى حد يشاركنى الراى فى الاختيار لان الناس اللى بالبلد اكيد بيشوف الشخص اللى بيقوللى علية اكيد عارفين عنة كل سلوكة


بالنسبة للبنات اللى بتقول احنا مش عارفين هو بيعمل اية فى حياتة برة دة كلام مش كويس لانة اللى بيطلع يشتغل مش فاضى للمسخرة
اللى عايز يغلط ايغلط لو فى مصر مش فى الخارج وبلاش نمشى وراه الكلام اللى بنسمعة المثل بيقول اللى تسمعة ماتصدقهش واللى تشوفة صدق نصفة

لكل الشباب والبنات يسوع بيقول من يطلبنى يجدنى اللى عندة موضوع يوضة قدام يسوع وهو اله الصلاح

[amerkhairy]

ميرنا بعد احترامى لكل الشباب ربنا بيحبك وطالما انتى واثقة فية يبقى خلاص فكرة معرفة مشورة الله بتكون فى الارتياح وانتى بتقولى انك مرتاحة يبقى خلاص بس بعد الزواج لو قدر ياخدك معاة ايكون افضل بكتير وربنا يبارك حياتكم ويجعل كل ايامكم فرح مع يسوع

[enoo]

يا جماعه مع احترامى لكل الاراء السابقه
كلها كويسه
بس ارجع واقول برضه
انتوا نسيتوا نقطه مهمه جداااااا
سؤال الرب نفسه
ماهو ممكن يكون موافق
احنا ليه نفكر وناخد قرار مبنى على اراء واعتقادات ومفاهيم ونظرات
مع ان المفروض ان يكون الرب اول هذه الاشياء

[Shosei]

امير قلت حاجة مهمة جداا بجد انا فيا حاجة غريبة يمكن من الكلام عنه ارتحتلة بجد وحاسة انى دا اختيار الرب بس لسه هتاكد من كلامه من تصرفاته
بس امير قال انى الارتياح بيجى من اول مرة هو فعلا كدا فى بنات كتير اعرفها واتخطبو وهما مش مرتاحين على اساس انى الاتياح بيجى بعدين ولحد متجوزو وهما مش مرتاحين اصلى انا حسيت بعدم ارتياح كتير او كنت بحس انى فى حاجة غلط لكن دا لاا لانى كل الموضوع سلس جداا وحاسة انى ربنا فيه وكمان اسبوع هقدر اقرر انى كان الامر خرج من عند الرب ولا لاا بصلوااااااااااااااااااااا اااااات

[rehamroom]

انا من رايي لا اوافق حتي لو فيه الصفات الجميله كلها ولكن هتلاقي شخص هنا يحبك وي هيكون كويس وي صلي كتير وحطي الله في الموضوع والله هيدخل

[imoo]

احب ان اوضح حاجه بسيطه رد علي rehamromm انا بحترم رأيك جدا بس لي تعليق بسيط بعد اذنك
احنا بنقول اننا لازم نصلي ونطلب مشوره ربنا وانه يرتب لنا الخير دايما . طيب انا هقول لو ليكي اخ وانسان ممتاز واضطر انه يسافر لو حب يتجوز هتقوليله ايه ؟ اتجوز من البلد اللي انت فيها علشان مش يتجوز من مصر واحده لسه مش عارفها . وبعدين الاهم من كده انك بتقولي مش هتوفقي حتي لو صفاته جميله وان ميرنا هتلاقي في مصر الانسان المناسب بس هي تصلي ... طيب هل انا هصلي واقوله يارب انا عايزه اتجوز بس لازم يكون من مصر . طيب معني كده اني انا اللي عايزه اختار مش اسيب ربنا اللي يختارلي . وبعدين مش يمكن ربنا يريد يربط اتنين مع بعض ويجمعهم ويبني كنيسه حلوه ويكون كل واحد من بلد .
انا زي ما وضحت قبل كده اني اتجوزت بنفس الطريقه رغم اني زيك الاول كنت بقول مش عايزه اسافر خالص ورفضت اشخاص ممكن اكون مشوفت الشخص اصلا علشان مش عايزه اسافر . لكن علشان ربنا هو اللي رتب كده لقيت الامور بتمشي بطريقه عجيبه لان ده اختياره . وانا كل العيله كنا مرتاحين وفرحانين لانه اتقدم لي كتير وكان يا اما يكون عدم ارتياح او ربنا يظهر اشياء توقف الموضوع .ورغم انه ظهرت بعض الامور اللي تخيلنا انها مش هتكمل الموضوع لكن كل شئ تم حسب مشيئته الصالحه
صدقوني اللي هيطلب من ربنا حقيقي انه يرشده ويرتب ليه الصالح مش ممكن يسيبه هل الابن لما يطلب من ابوه انه يساعده ويفكر معاه ويرشده في موضوع علشان هو اكبر منه وبيحبه هل الاب بيغرق ابنه او يسيبه ؟ امال ربنا هيعمل ايه معانا واحنا ولاده وخصوصا لما ميكونشي هدفي هو الامور الماديه فقط وفي نفس الوقت اشغل تفكيري لان ربنا مش لازم هيظهر بنفسه يقولي فلان ده كويس والا لأ لكن بيظهر اشياء كتيره توضح اما بالسلب او بالايجاب
بس المهم يا ميرنا زي ما وضحت قبل كده انك ممكن تكوني متخيله الحياة شئ تلاقيها حاجه تانيه مش بخوفك ابدا , بس لازم تعرفي انك هتتحملي مسؤليه وممكن تكوني طول اليوم لواحدك وخصوصا لو معرفتيش تشتغلي وده وارد طبعا يعني ممكن تقابلك امور كتيره لازم تكوني مؤهله لذلك وتكوني واثقه ان ربنا معاكي . وصدقوني اعرف ناس متجوزين في مصر وحياتهم حقيقي مش حلوه خالص والعكس . ربنا يرشدك ويفرح قلبك وقلب الجميع

[الحنون الطيب]

بس عاوزة اسئل سؤال كمان ليه بتظلمو الشباب يعنى واحد يئس من ظروف البلد ضحى باهله باصحابة بكل حاجة علشان يكون نفسه علشان يتقال عليه راجل مش زى شباب اليومين دول عايش على فلوس بابى ومامى انا بحترم الناس اللى بتبنى نفسها وبعدين انا مبصتش ابدا لمستواه المادى كان اتقدملى مستوى افضل من دا بكتير بس الموضوع من اوله ريحنى حسيت انى مبسوطة من الاول غير اى موضوع تانى كنت ببقى قلقانة بطريقة غريبة

كلاميك يا ميرنا صح 100%100 لية الشاب ترك اهلة وبلدة واستحمل الغربة طلع يشتغل برة علاشان يكون نفسة ولولقى فرصة عمل فى مصر كان سافر برة واستحمل دة كلة ايديكم شايفين الوضع فى مصر ازاى وبعدين تعالو هنافى تدخل ربنا فى حياتكم فين مشورة ربنااهم شى انكم تصلو ربنا هيدبرحياتكم وهيرشدكو للخير








صباح الورد على كل شباب واعضاء المنتدى


الصراحة الموضوع شيق للغاية وردود الشباب حلوة بس مش كلها بصراحة

انا واحد من الشباب اللى بيسافروا ويرجعوا شهر واحد كل سنة واخاطب ليا سنتين ونشكر يسوع لان هو المدبر عايز اقولكم على حاجة مهمة جدا المشاعر ياجماعة مش بتحتاج لوقت وارتياح القلوب بيبان من اول مرة لو انا اتكلمت مع اى شخص وحثيت انة مقبول اكون دايما حابب اكمل معاةولو مش مهدوم يعنى مش كويس اكيد اخد منة موقف لازم تعرفوا انة مفيش شاب بيحب الغربة ولو الواحد لقى شغل كويس ببلدة لية ايسافر من الاساس اللى بيسافر بيسافر من اجل تحسين وضع وكمان من اجل ظروف خاصة التعرف ايكون كافى من خلال الاتصال والانترنت وكمان البنت اتقدر تعرف من خلال الكلام انة كويس ولا لا ياجماعة فى كتير شباب فى مصر مخطوبين وعاملين مشاكل وفى منهم كمان بعد الجواز بتكتر مشاكلة وفى شباب كتير بيسافرو ومخطوبين ووامورهم تمام وفى شباب منهم كتير مجوزين يعنى من الاخر دى مش اول ظاهرة فى الحياة اللى بيجمعة الله لا يفرقة انسان واللى يوضع امورة امام الله ايرشدة على الصالح


اما من ناحية انى اطلب من اهلى انهم يختارولى فدة علشان الاجازة بتكون محدودة لان الشركات فى الخارج بيكون ليها التزامات ودى مش معناة انهم يختارو يعنى يقررو لا انا بطلب منهم وهما بيعرضو عليا وانا بشوف وانا اللى بقرر مش عيب لما اخلى حد يشاركنى الراى فى الاختيار لان الناس اللى بالبلد اكيد بيشوف الشخص اللى بيقوللى علية اكيد عارفين عنة كل سلوكة


بالنسبة للبنات اللى بتقول احنا مش عارفين هو بيعمل اية فى حياتة برة دة كلام مش كويس لانة اللى بيطلع يشتغل مش فاضى للمسخرة
اللى عايز يغلط ايغلط لو فى مصر مش فى الخارج وبلاش نمشى وراه الكلام اللى بنسمعة المثل بيقول اللى تسمعة ماتصدقهش واللى تشوفة صدق نصفة

لكل الشباب والبنات يسوع بيقول من يطلبنى يجدنى اللى عندة موضوع يوضة قدام يسوع وهو اله الصلاح



امير يابنى ردك جميل اوى فى الصميم ربنا يبارك حياتك ويفرحك
وفعلا الشاب طالع يشتغل برة مش فاضى لاى شى تانى بس حياتة شغل فى شغل لا نو فى تعليقات من اخواتنا البنات بيقولو مش عارفين بيعملو اية برة شكرا على الموضوع الجميل اوى دة ربنا يدبرحياتكم ويرشدكم للخير

[مرفت2]

اكيد مش هوافق لان الانسان مش بيتعرف من مكالمه تليفون او من النت0المواقف هى اللى بتبين الانسان مش الكلام

[kottah_sh]

موضوعك وسؤالك حلو اوى يا ميرنا فعلا
بصى انا مخطوبه لواحد مسافر بره
فتره الخطوبه كانت 18 يوم فقط
بس انا اعرفه قبل كده
بس اهلى مش يعرفوه
و18 يوم مكانتش كافيه علشان يتعرفوا عليه كويس
بس هما حاليا بيحبوه جدا
من تصرفاته واهتمامه بيا ومن حاجات كتير
انا كنت رافضه انى اعيش بره مصر
لكن بصراحه اراده ربنا اقوى بكتير
وهوه اختارلى الصالح
وانا وافقت بكده ومبسوطه اوووووووووى

بجد ياجماعه الشباب مظلوم اوووى
والبنات المفروض تقدر كده
حالوا تفرضوا ان الولد ده اخوكى
وشوفى اد ايه ان صعب عليه اوى انه يسيب اهله
واصحابه ويسافر ويتغرب
حياه الغربه صعبه اوى
لو كان عايش هنا فى وسط اهله وبيشتغل وطالع عينه
وبياخد فلوس قليله
كان اهون بكتيييييييييييييير من الغربه



ربنا يحافظ على كل ولاده وبناته
ويرشدهم للصالح

[hany1982]

شكراً يا مرنا على الموضوع اللذيذ
انا لوشغال بره وعايز اخطب اختار من المكان اللى انا شغال فيه أو اختار حد اعرفه من بلدى ذى الأقارب

[روفــــا]

انا اللى هختار اللى هتعيش معايا لو اهلى اختارو موش هيقدروا يعرفوا ولا يقدروا افهم الل اقدر افهمه ولا اللى اقدر اعرفه منها لازم اكون قعد معها واتكلمت اكتر من مرة علشان برضة هى تقدر تفهمنى وتتكلم معايا ولو بشتغل اكيد فى اجازة وكل اجازة اقعد معها لحد ما اكون خلاص قررت هى اقدر اللى ارتبط بيها واسيبها وانا مسافر واحنا متجوزين ولا لاء

[mira smsm]

بلاش بلاش يا بنات لازم يكون موجود معاكى طول الخطوبه عشان تعرفيه كويس فى حجات كتي مش هتبان غير بالتعامل مثلا البخل والتفاهم لازم لازم
ميرسى ميرنا موضوعك مهم جدااااااااااااااااااااااا ااااااا

[aghaby mshraqy]

ميرنا انا معاكى وبقوللك طول ماانتى مرتاحة ومقدمة ربنا فى كل خطوة فى حياتك اوعى تقلقى من حاجة واطلبى ربنا وقولليله انا بنتك اللى عايزه يكون ومصلحتى بين ايديك وتأكدى انه عمره ماهيسيبك
وبالناسبة لانه مسافر دى مش مشكلة كبيرة طول ماانتى تعرفيه اقبل كده لكن خلى بالك نظرتك ليه هو وقريب او صديق غير نظرتك ليه وهو حبيب وربنا معاكى ويرعاكى واللى فيه الخير ليكى ولبيتك بعدين يقدمه ربنا

[yousef2010]

لا ياجماعه الموضوع ده عاوز صلاه احسن اختيار للبنت انها تصلى ان ربنا يجبلها عريس بتحبوا
أنا حاليا يا جمعاعه من استراليا يعنى بره مصر بدرس وبشتغل عندي قرايب كتير اتجوزوا من مصر هما سعداء واهلهم سعداء لانى اللى بيفكر يتجوز واحده من مصر معنه عاوز يتجوز واحده تحافظ على التقليد اللى اتعلمنها فى مصر غير البنات اللى مولوده هنا

[peter_naser]

بجد الله يفتح عليكى شايفين الناس اللى بتقدر الشباب مظلومه والله معاكو يا بنات الجيل

[Shosei]

حلوة الله يفتح عليا عجبتنى