الخوف من اللي جاي

[marmony]

الخوف من اللي جاي

:em2900:
انا هدخل ف الموضوع علي طول بصراحه انا بحب شاب معي في نفس السنه الدراسيه (احنا ف سنه اولي كليه) بس التخصص مختلف بس متخافووووش انا مامنه نفسي كويس جدا بمعني اني وافقت علي حبنا بعد لما عرفت اد ايه هو انسان عقلاني و واقعي هو بيشتغل من 3 سنين بجانب دراسته مع العلم ان المستوي المادي عالي لكن والده شايف انه لازم يبقي راجل بالشغل..المشكله عندي انا انا اوقات كتيير بفكر تفكيير شهواني اتناولت و اعترفت بس مفييش فايده؟؟... كل اللي بيننا مشاعر حب فقط يعني مفيش مره تعدينا الحدود المسموحه حتي مجرد مسكه اليد محصلتش لان انا طلبت كده من البدايه و هو احترم رغبتي و مفيش مره حاول يخالف اتفاقنا...انا حاكيه الموضوع لامي من البدايه..مبعملش حاجه ف الضلمه...بس انا خايفه من اللي جاي خايفه منكنش لبعض خايفه بعد م حبيته مكنش ليه ...هو قاللي ان اول لمل نخلص هنتخطب علي اساس انه مش محتاج يدور علي شغل و الشقه موجوده و المستوي متوافق ولكن الغلط منييييي انااااا.......
اسفه علي الاطاله.......ارجو الرد..وربنا يعوض تعب محبتكم.

[george corliony]

شكرا على الموضوع ولو ان فيه بعض النقطه مش فاهمها بس لو على اساس ان الحب سليم مفيهوش اى حاجه وحشه ولا لعب يبقا تمام وكملى طالما كمان حكيتى لولدتك بس اهتمى بردةبالدراسة وستقبلك علشان لقدر الله لو محصلش نصيب متبقيش خسرتى الاتنين واهم شئ متعلقيش سعادتك كلها او حزنك كله على شخص واحد
ربنا معاكى

[mrm29r]

الذى يجمعه الله لا يفرقة انسان
اطلبى من ربنا يرشدك ويعرفك هل هى دى مشيئته ولا لا صلى كتير وقوليله يارب لو مش دى ارادتك انا مش عاوزة الموضوع ده ولكن لو هى دى ارادتك كمل يارب واتفقوا على وقت معين فى اليوم تصلوا فيه من اجل الموضوع ده ومن اجل حياتكم وسلمى حياتك لربنا وقوليه مش عاوزة غير ارادتك

[ماريان سعد]

بصى يامونيكا حلو انك تحكى لممتك بس الاحلى انك تحكى لآب اعترافك واسمعى كلامه وكمان اتفقى مع حبيبك على المستقبل اللى انتى خايفة منه احكيله شوفى هيكون رضه أية لما يعرف انك خايفة تكونى لغيرة

[megomagamego]

جميل جداً إنك تأخذي رأي مامتك والأجمل إنك تأخذي رأي أب إعترافك (زي ما ماريان قالت) والأجمل والأجمل إنك تأخذي رأي ربنا وتسمعي صوته ... صلي صلاة طلب المشورة

[نور المسيح]

ان لم يبنى الله البيت فباطلا يتعب البناؤون

[تونى كويك]

ضعى الموضوع بأكمله فى ايد رب المجد
واطلبى منه انه يرشدك ويدللك للصح
وصومى وصلى كتير للموضوع ده حتى
يعطيكى الله علامة وارشاد لعمل الصح

[naderkhalil]

اختى مارمونى

برافو على صراحتك و انك بتقولى الموضوع بأمانه جامده ، بصى انصحك الموضوع ده ممكن يخليك تفقدى طهارتك لان خلينا نتكلم بصراحه انت النهارده عندك افكار بتتعبك ( اكيد ليها مسببات طبعا و انا معرفهاش ) ، مع الوقت شيطان النجاسه هيوقعك فى حاجات انت كنتى رافضها من الاول بس صدقينى هتضعفى و هيوقعك .... انصحك اهربى من الموضوع ده معلشى سنك مش مناسب علشان تاخدى قرار مصيرى زى ده ..

حتى لو انتى صممتى باى سبب هتقوليه ، اقولك اوعى اوعى مقابلات ثنائيه عاوزه تكلميه يبقى داخل مجموعه ، ارجوك بلاش انفردات على جنب .

انتى اختى و خايف عليك بلاش دلوقتى سنك صغير على اتخاذ قرار مصيرى زى ده ،، اشبعى بمسيحك هو هيملى قلبك بالحب و لما يجى الوقت المناسب اللى ربنا محدده هيبتعلك فيه ابن الحلال اللى هيستهلك .

ابعدى ان اى حاجه بتخليك تفكرى افكار وحشه اذا كانت افلام حتى فى التليفزيون العادى ، كتب ، افلام فيديو ، ابعدى علشان ترتاحى لان التناول حلو و الاعتراف كويس بس مش هيعملولك حاجه اذا انت صممتى انك تشوفى او تتفرجى على حاجه ممكن تتعبك عارفه لو جالك ملاك من السما مش هيقدر يعملك حاجه ... اهربى ( كلمه حطيها حلقه فى ودنك )

اخيرا احكى لاب اعترافك علشان برضه ينصحك اكتر منى .

[روزى راجى]

دايما الانسان مخير لكنه أيضا يضع كل حياته امام ربنا وفى يديه ويقول يارب لتكن مشيئتك .أنا معاكى انك تخافى ولكن الخوف هيدمر مستقبلك .دايما هتقعدى تفكرى ايه اللى هيحصل بكرة وهتنسى مذاكرتك ومستقبلك اللى هينفعك سواء مع الشخص ده او مع غيره .سيبى الموضوع فى ايد ربنا وانتبهى لحياتك وصلى كتير جداً.وربنا يعمل الصالح وأفتكرى ان ربنا مبيجبش حاجة وحشة .