دى مش موضه ده جنان...

[بونبونه سكر]

الموضوع دة انا عايزة اتكلم فية معاكم

هو عبارة عن الموضة الغريبة اللى نازلة دلوقتى دى

نبتدى بالولاد

فى الاول نتكلم عن لبسهم كل واحد فيهم عايز يقلد تامر حسنى وعمر دياب ومش عارف مين
بس بيقلدوهم بغباء شوية

يعنى مثلا تلاقى الولد ماشى فى الشارع ومسقط البنطلون بطريقة غبية اوى
وكل يوم بيبقى مسقطة اكتر عن اليوم اللى قبلة ههههههههههه
ولما يشوف واحد مسقط البطلون اكتر منة بيتغاظ ويضايق
محسسنى انهم بيعملو مسابقة مين يسقط بنطلونة اكتر
بس طبعا بيبقى منظرهم صعب اوى
انا لما بشوف واحد زى كدة ببقى ماشية مكسوفة فى الشارع

دة بالنسبة للبنطلون
نيجى بقى للبادى او القميص
لو لابس قميص يبقى فاتح نصة

ولو لابس بادى بيلبسة قصير وضيق
والبادى بيبقى مليان ترتر وقلوب وحجات غريبة كدة
او بادى لونة اسود ومليان جماجم (لا يليق بالمسيحية طبعا )

نيجى بقى لتسريحة الشعر بتاعتهم

تلاقى الولد موقفلك شعرة بطريقة غريبة كدة بيبقى محسسنى انة متكهرب قبل لما ينزل (واخد حمام اتنين فولت) هههههههه
او حد خضة قبل لما ينزل

وياسلام بقى لو سابغ اطراف شعرة بلون اصفر او احمر


كدة خلصنا من الولاد

نيجى بقى للبنات
تلاقى البنت لابسة بنطلون بوسط ساقط وضيق موووووووووووووووووت
انا من اعتقداتى ان الناس يتبقى مسكاه وهى تنطلة من الدور العاشر علشان تعرف تلبسة

والبادى تلاقية عند الكامر بتاع البنطلون
ولو البادى طويل حبتين تروح تدخلة فى البنطلون وتلبس حزام عجيب كدة
ولو بقى فكرت تلبس جيبة يالهووووووووووووووووووىبل اش احسن هههههههههههه

نيجى بقى لتسريحة الشعر
تلاقى الواحدة ضاربة شعرها فى الخلاط ونازلة
او مسرحتش شعرها من عشر سنين
وقال اية تقولك دة كيرلى
كيرلى اية ياحجة؟ الكيرلى مش كدة خالص ههههههههههه
انا مستعدة اتبرع لكل واحدة بمشط علشان تسرح شعرها
المشط الواحد ب 2 ونص تقريبا

طبعا الكلام دة مش على كل الناس طبعا
بس الحاجات دى انا بشوفها بعينى
وبتضايق لما بشوف ناس مسيحيين عاملة كدة
لان اى حد لما يشوفهم يقول ادى اولاد المسيح شوفو لابسين اية؟
بجد كدة بيشوهو اسم ربنا وصورتة قدام الناس

وكمان هم بيعملو كدة لية يعنى
تقليد للاجانب؟؟؟؟
ولا علشان الولد يخلى البنات تعجب بية والبنات تخلى الولاد تعجب بيها؟؟؟؟؟

انتم اية رايكم ووجهة نظركم؟؟؟؟؟؟
ياريت تشاركونى فى الموضوع دة

[مريان نادى]

وكمان تلاقى البنت واقعه فى برطمان البويا***** انا هارد بعنوان الموضوع دى مش موضه دا جنااااااااااااااااااااااا ااااااااااان

[bolboladra]

نحن صور المسيح ولايمكن تكون صور المسيح كده

[–•(مشتاق اليك يا الهى)•–]

سيكون لكم ضيق و لكن ثقوا انا قد غلبت العالم (يو 16 : 33)
اه الايه مش ليها اى معنى للموضوع بس انا بستغرب ازى ربنا غلب العالم واحنا لمجرد موضه بنقلدها مش بنغلبها بمعنى ربنا يستر على الجيل اللى جاى
فاذا سمعتم بحروب و باخبار حروب فلا ترتاعوا لانها لا بد ان تكون و لكن ليس المنتهى بعد (مر 13 : 7)
ولسه ياما هنشوف

[megomagamego]

المشكله دي صعبه جداً جداً لأن ليها طرفين
الأول : ( البيت ) ... فين الأب والأم من كل الكلام ده ؟؟؟؟
طبعاً الأب مهموم ومشغول في جمع لقمة العيش في ظروف زي اللي إحنا عايشينها والأم لو مابتشتغلش بتبقي لا حول لها ولا قوه
الثاني : التليفزيون والدش كارثة حقيقية صدقوني هو أساس المصايب كلها
الولد يتفرج علي التليفزيون وغريزة حب التقليد تشتغل والشيطان معاها وياسلام لو مافيش رقابه في البيت !!!!!!!
لازم يبقي في رقابه في البيت شديده جداً ويبقي في حزم في الحاجات دي ومافيش حاجه إسمها خلي الولد والبنت يعيشوا سنهم ، صدقوني أنا شوفت أم بتنزل تشتري لأبنها (في سنة خامسة إبتدائي ) لبس زي اللي بتحكوا عنه وسألتها إيه اللي إنتي بتعمليه ده قالتلي أنا عايزه إبني يطلع (روش) زي بقية أصحابه .... تفتكروا لو ده تفكير الأم يبقي الولد تفكيرة عامل إيه .

الموضوع صدقوني يرجع للبيت لو أنا عندي طفل صغير ربيته علي تعاليم ربنا وركزت دايماً علي سير القديسين ولبسهم وحياتهم وتصرفاتهم وإنهم لما بيشوفوا حاجه وحشة ماكانوش بيقلدوها وكان لبسهم جميل وشعرهم جميل وعندنا أمثله كتيرة ( القديسة مارينا ودميانه وبربارة وتاماف إيريني والأنبا موسي الأسود وغيرهم )وكل يوم كنت بتابع إبني أو بنتي في لبسه وأفعاله وتصرفاته وأصدقائة ولو حاول يخرج عن الطريق أنصحه وأخليه دايماً يتمثل بالقديسين ومايعملش حاجة وحشة أكيد الولد ده هيطلع زي القديسين حتي لو كل اللي حواليه وحشين
بيتهيألي لو جبنا حلة ملوخية ووضعنا فيها شوية ملح هيحصل إيه ... الملوخية كلها هتتغير ... لكن العكس مش ممكن يحصل ... يعني غحنا أولاد ربنا نغير العالم كله لكن العالم مايغيرناش .
أهم حاجة التربية والمتابعة وصدقوني الحرامية واللصوص والسفاحين وغيرهم كانوا أطفال أبرياء لكن بسبب إهمال الأهل وعدم التربية وعدم التوجيه وللأسف بيكون المصير مظلم
وعلي فكرة الكنيسة غير مسئوله تماماً عن إهمال الأب والأم في تربية أولادهم ... الكنيسة عليها التوجيه الدائم والأب والأم التنفيذ والمتابعة
مش عارف أبهات إيه وأمهات إيه اللي بيسمحو لأولادهم إنهم ينزلوا من البيت بالمنظر ده
وياريت نخلي بالنا جداً لأننا بقينا واضحين أوي وظاهرين عن إخواتنا الغير مسيحيين يعني تعرف تفرق المسيحية عن غيرها من شكلها الـمستفز
أنا آسف للإطاله
وربنا يحافظ علي أولادنا

[M@RCO]

المشكله دي سببها كلمه واحده هي الفراغ الروحي لو اواحد مقرب من ربنا وماسك في كويس مش هيعمل كده ابدا وشكرا علي التوبيك

[mo73eb]

ممكن نقول : لو السيد المسيح هو اللى فى الموقف ده .. يا ترى هيتصرف إزاى ؟ ؟ .. نرجو فعلا من الوالدين مراقبة أولادنا بشكل سرى و غير ملحوظ مع مراعاة أن يكون هناك رابطة صداقة بين افراد الأسرة حتى يحكى الأبناء و البنات ما يحدث بينهم و بين أمثالهم فى كل جوانب الحياة المحتلفة لنتعرف على أفكارهم و إحتياجاتهم المختلفة ،،،، الموضوع ده صعب جدا و محتاج حكمة إلهية نطلبها للأولاد من رب المجد يسوع االمسيح و للبنات من القديسة كلية الطهر الع>راء مريم . ربنا يعيننا كلنا .

[جرجس البغدادي]

يعني الشىء ده هو صعب ومحزن وياتره ليه محزن ؟؟! محزن لان بيورينا في ايه يهتمون شبابنا !!! يعني بدال ما يكون اهتمامهم في طريق الرب يكون اهتمامهم في اشياء فانيه .هذا محزن لكن نصلي ونصلي ..
+ هي الرتابه والاناقه مش غلط ابدا لكن الانسان بيعملها غلط لما يستخدمها لاهداف اظهار شخصيته, امواله, اظهار الجسد وكل مايخص الجسد, يعني هذا يدل على فكر بعيد اوي عن ربنا وعن مشيئه ربنا وهذا الشىء الي اتكلمتي عليه هو مرحله من الانفلات التي واجهت مجتمعنا المسيحي
وسبب هذا الانفلات انا بتفق مع اخواني الي كتو قبلي عنو فوق ..

يعني هيه بترجع الى( اصل الانسان هو بيته )وياللمصيبه لو كان بيته غير خاشي الرب ياللمصيبه ,, هو تعرفي المسيحي هو ليس الذي يعتمد فقط !! لا ....لا ابدا دي المعموديه هي الباب للدخول الى حياه الشركه مع المسيح اما بعدها يأتي النمو والتغذيه الروحيه وهذا مشروح مسبقا من الكنيسه حفظها الله ورعاها

+ يعني وهاذي اخر يعني البيت الذي لا يعمل حسب التعاليم والوصايا الكنسيه المسيحيه هو بيت ميت وميت وميتتتتتتت روحياً وادبياً وممكن ان يخرج العجب من هذا البيت فلا تستغربي يا اختي الله يسامح جميع هؤلاء الناس انا حزين من اجلهم اوي.

+ هو المسيحي الحقيقي بيمجد مين ؟ المسيح , كيف ؟ بلاعمال التي الرب اعدها له اما دول الشباب بيمجدوا مين ؟؟ ؟؟!! هو هاذ عملهم بيكون عثره وليس رفعه

+ وايضا بترجع اللمشكله دي الى اهمال الاهل وممكن ان يكونوا اهل مؤمنين لكن مهملين

والسلام عليكم ورحمه الله وبركاتو

[jesus_insideme]

ده تقليد غير مسيحي خالص وده راجع للاسف الي تسيب رب وربة الاسرة الولد يلبس اللي هو عايزه والبنت بنفس النمط ولكن المفروض غير كده الابن او البنت هتبقي نازلة من البيت فاكيد شايفن اللبس شكلة ازاي فالمفروض يبقي في تعليق من الاب والام علي اللبس والمفروض يتمنع او تتمنع من الخروج الا لما تعدل لبسها والمفروض يبقي في حالة حوار ما بين ارباب الاسر واولادهم ومناقشة مواضيع كتيرة تكون بناءة من ناحية اللبس او امور تانية كتير.ومش عايز اكتر فالكلام .شكرا

[بونبونه سكر]

دعوه للنقاش يا اعضاء المنتدى