شقاوة ميرو نص عرائس يصلح لعيد الأم

[Mmk_media]

عيد الام .. ( ماسكات )
:em4500:


راوى : احنا النهارده ياولاد هانحكيلكم حكايه حلوه خالص .. وحكايتنا النهارده عن ولد اسمه ميرو ..تعالوا
بينا نشوف الحكايه بتقول ايه ..وهانتعلم منها ايه ..ياللا بينا نسمع حكايه النهارده..
..تفتح الستار ويظهر ميرو ..وتدخل ماما وتبدا تطلب طلب من ميرو وتقول ..
ماما : ميرو .. يا ميرو ..
ميرو : نعم ياماما
ماما : ممكن يا ميرو تنزل تجيب عيش .. لاحسن مفيش فى البيت عيش خالص
ميرو : ا م م م م .. حاضر ياماما
..تخرج ماما ويبدا ميرو يفكر ويكلم نفسه .. مع وجود موسيقى تصويريه عن التفكير ..ووجود اضاءه
مركزه على ميرو .. ويقول ..
ميرو : كل شويه ماما تطلب منى طلب .. وانا اعمله .. انا لازم اعمل ورقه .. واكتب فيها ثمن تعبى .. واى
حاجه ماما تطلبها منى .. اعملها .. واكتب فى الورقه حق تعبى
.. يبدا ميرو يمسك ورقه ويقول
ميرو : وادى الورقه اللى ها اكتب عليها .. فاتوره لماما .. اكتب فيها ثمن كل حاجه ماما تطلبها منى ..علشان
اخد من ماما فلوس حق تعبى .. علشان ماما بتطلب منى حاجات كتيره .. وانا بتعب واعملها .. واول
حاجه ها اكتبها فى الفاتوره جنيه علشان ماما نزلتنى اجيب عيش..
.. تدخل ماما وهو بيكتب الفاتوره .. وتقول له ..
ماما : جبت العيش ياميرو ..
ميرو : لســــــــــه .. هاانزل دلوقتى اجيب العيش ..
ماما : وعايزاك ياميرو تبقى تعلق هدومك فى الدولاب ..وتوضب الاوضه بتاعتك
ميرو : حاضر ياماما .. وادى كمان جنيه علشان ماما طلبت منى اعلق هدومى .. وكمان جنيه علشان ماما طلبت
منى اوضب الاوضه بتاعتى .. ايوه كل واحد ياخد حق تعبه ..
.. يبدا ميرو يوضب الاوضه .. ويعلق هدومه .. وينزل يشترى عيش .. وفى اثناء ذلك يكون هناك موسيقى تصويريه .. ويدخل ميرو مره تانيه المسرح .. ويقول ..
ميرو : ماما .. انا جبت العيش .. اتفضلى ياماما ..
ماما : شاطر ياميرو .. ياللا بينا نذاكر .. علشان الامتحان قرب .. وانا ها احضر الاكل
ميرو : حاضر يا ماما .. انا ها اذاكر .. وها اعمل الواجب..
.. يطلع ميرو الورقه ويكتب فيها
ميرو : وادى كمان جنيه علشان ماما طلبت منى .. اذاكر واعمل الواجب ..
ماما : ياللا ياميرو علشان تاكل ..
ميرو : حاضر ياماما ..
.. يبدا يخرج ميرو الورقه ويكتب فيها ..
ميرو : وادى كمان جنيه علشان ماما طلبه من ميرو ييجى ياكل ..
.. ويبدا ميرو يقول بصوت عالى .. وفى اثناء ذلك تكون ماما بتحضر الاكل
ميرو : انا دلوقتى اجمع كل اللى كتبته فى الورقه .. اجمع يا ميرو .. ياللا ياشاطر .. علشان تاخد من ماما
الفلوس.. جنيه لما ماما نزلتنى اجيب عيش .. و جنيه لما ماما طلبت منى اعلق هدومى .. وجنيه لما
ماما طلبت منى اوضب الاوضه بتاعتى .. وجنيه لما ماما طلبت منى اذاكر واعمل الواجب .. وجنيه
لما ماما طلبت منى اجى اكل .. يبقى كام ياميرو .. جنيه + جنيه يبقى ( 2 ) جنيه +جنيه يبقى ( 3 )
جنيه + جنيه يبقى ( 4 ) جنيه + جنيه يبقى ( 5 ) جنيه .. ياللا بسرعه ياميرو علشان تاخد من ماما حق
تعبك ..
..يقدم ميرو الورقه لماما .. ويقول ..
ميرو : ماما مطلوب منك ياماما كل اللى فى الورقه دى ..
.. تفتح ماما الورقه .. وتقول ..
ماما : جنيه لما ماما نزلتنى اجيب عيش .. و جنيه لما ماما طلبت منى اعلق هدومى .. وجنيه لما ماما طلبت
منى اوضب الاوضه بتاعتى .. وجنيه لما ماما طلبت منى اذاكر واعمل الواجب .. وجنيه لما ماما طلبت منى اجى اكل .. يبقى المجموع ( 5 ) جنيه.. حاضر يا ميرو .. تعالى علشان تاكل .. وانا ها اجيب لك
الفلوس ..
.. فرح ميرو وبقى يتنطط .. ويقول ..
ميرو : يا سلام .. انا كل ما ماما تطلب منى حاجه..علطول اكتبها واخد فلوس .. حق تعبى ..
.. تبدا ماما تحضر الاكل .. وتقول ..
ماما : ياللا يا ميرو الاكل جاهز
ميرو : حاضر ياماما
..ييجى ميرو ياخد الفلوس .. ويحطها فى جيبه .. وكان جنب الفلوس ورقه ماما حتطها
.. ياخد ميرو الورقه ويقراها بصوت عالى . . ويقول ..
ميرو : ببلاش لما ماماقعدت جنب ميرو لما كان تعبان .. ببلاش لما ماما راحت توصل ميرو المدرسه ..
ببلاش لما ماما قعدت تذاكر مع ميرو .. ببلاش لما ماما غسلت هدوم ميرو .. ببلاش لما ماما
حضرت الاكل لميرو .. يبقى المجموع ببلاش ..
..يبدا ميرو يشعر انه غلط .. ويروح لماما .. ويقول لها ..مع موسيقى تصويريه عن الندم ..
ميرو : انا متاسف ياماما .. علشان كتبت الورقه .. وقلت انا عايز فلوس .. حق تعبى .. وانت ياماما دايما
بتتعبى .. وبتسهرى جانبى .. ومش بتاخدى فلوس لتعبك معايا .. سامحينى ياماما انا متاسف
.. تبدا تدخل ترنيمه الام .. وتقول الام ..
ماما : انا مبسوطه منك يا ميرو علشان دايما شاطر .. وبتسمع الكلام .. ودايما بتعمل واجبك .. انا عايزاك
علطول تكون شاطر وتجيب مجموع كبير علشان تفرحنى ..
راوى : وميرو عرف انه غلط .. وكتب ورقه لماما علشان ياخد منها فلوس حق تعبه .. وعرف ان ماما دايما
بتتعب من غير ماتطلب فلوس على تعبها .. وكل حاجه بتعملها ببلاش .. واحنا كلنا لازم نعرف ان
ماما دايما تتعب علشانا .. ولازم نساعدها ونسمع كلامها .. ونقولها فى عيد الام .. كل سنه وانت
طيبه ياماما .. ونصلى لربنا انه يحافظ عليها ويخليها لينا دايما بصحه كويسه..

[Mmk_media]

هاه يا جماعة ايه رأيكم فى الموضوع مستنى مشاركتكم
ونفسى أوى نقدر ننزل كذا نص لمسارح العرائس لان ده هيعم بالنفع علينا كلنا وعلى ولدنا فى الكنائس

[rolagh]

جميل جداً ... وفكرتوا كويسة ...الله يعطيك العافية أنا نزلت نصوص مسرح عرائس إذا كمان حاببب تشوف

http://www.orsozox.com/forums/orsozox-t6578.html

[بنت يسوع]

ميرسى كتيييييييييير
تحياتى

[Team Work®]

حلو قوى الموضوع دة

[bobstar]

بجد جميله جدااااااااااااااااااااااا اااااااا

[ايفا]

ميرسى على تعب محبتك
مسرحية حلوة

[ايرين عازر]

بجد انا مش عارفه اشكرك ازاى لانى بقالى اسبوعين ادور على نص مسرحيه ينفع لسن ابتدائى والنص ده حلو قوى وبسيط ويقدره يستوعبوه بسرعه من غير ما يزهقوا لانه كمان مش طويل ومناسب ليهم قوى انا بجد متشكره جدااااااااااااااااااااااا ليك وربنا يعوضك

[fr_fam]

شكرا جدا وربنا يعوضك

[mmg]

قصة جميلة ورائعة

[انسطاسيا]

ميرسي قوي قوي علي القصه الجميله قوي
ربنا يحافظ عليك ويبارك حياتك
اذكرني في صلاتك

[محب القديسين]

هذه القصة جميله وانا اطلب منكم ايه علي كل نص

[امنيه_jjj]

ياجماعه ساعدونى عايزه شعار عن النظام سن اولى وتانيه ابتدائى ارجوكو ساعدونى

[rooney93]

شكراااااااااااااااااااااا اااااا

[ناردين كامل]

شكرر اوانا اكيد هاخذ النص

[بموا+]

قصه جميله ربنا يبارك حياتك

[zaza2006]

جميلة جدا واحنا نفذناه فخدمتنا وعجب الاطفال جدا شكرا لتعبك

[bassem8800370]

شكرا ليك كتيرا جداااااااااااااااااااا

[bassem8800370]

جميل جدااا الموضوع

[كرستين صفوت]

قصه جميله قووووووووى عاجبتنى خالص . ميرسى ليك كتير اوووووووووى
وميرسى خالص لماما ولكل الأمهات