مشكلة خادم

[روزى راجى]

:em4600::em4600::em4600:أنا باعانى من مشكة فى كنيستى وخدمتى أنا أول لما أنتقلت للخدمة فى الكنيسة جديد لم أرى محبة من أحد بل وجدت نفور من الجميع مع أنى حاولت التقرب من هؤلاء الخدام والخادمات ولكن مع مرور حوالى سنتين فى الخدمة بدأيذوب هذا الفاصل بينى وبينهم بل وأصبحت قريبة من الجميع من الخدام والخادمات بلا أستثناء ولكن ما حيرنى فى الفترة الاخيرة هو اننى لاحظت حالة النفور مرة أخرى ولكنى لاأعلم لماذا كنيستى هذه من الكنائس التى نشأت فى المناطق العشوائية وأنا كنت قبل ذلك أخدم فى كنيسة السيدة العذراء مريم بالزيتونوكنت أعلم قبلا أن هذا هو السبب الذى يجعلهم ينفرون منى ولكن صدقونى كل ما أفعله أنى أنقل اليهم أفكار جديدة تصلح للخدمة وتعمل على رقيها .ماذا أفعل الأن عندما أذهب للخدمة لاأجد من أحد ترحاب بأى شكل من الآشكال ماذا تنصحنى هل أنقل خدمتى الى مكان أخر فى نفس المنطقة مع العلم أنى لاأستطيع أن أرجع أخدم فى كنيسة العذراء مرة اخرى لآننى أستقرت فى هذه المنطقة الان حلوا لى هذه المشكلة وربنا يعوض تعب محبتكم

[aymonded]

سلام لنفسك يا محبوب الله الحلو
" ان لم يبن الرب البيت فباطلا يتعب البناؤون ان لم يحفظ الرب المدينة فباطلا يسهر الحارس " (مز 127 : 1)

باطل كل علاقة أو خدمة تقام والمسيح إله المحبة غايب عن النفس ، أو بمعنى أصح : الإنسان هو الذي يغيب عن الله ولا يتشرب منه عمله الحلو ولا يُقيم علاقة صحيحة وسليمة معه ، وبذلك يعمل بذاته وكبرياء قلبه لمصلحة ذاته وليس لله ، وبذلك لا نندهش حينما نجد خادمة أو خادم لا يقبل آخر معه أو يشترك في خدمة المحبة لأولاد الله بالحب مع شركاءة الخدام في الخدمة !!!

عموماً كلامك كله يصب في معنى واحد ، غياب الله عن الخدام ، والناس في حالة بعد عن الله وكل احد يهمة ذاته ، وعموماً أصول الخدمة هي في محبة ربنا يسوع بقلب طاهر وأن يكون الإنسان في ملئ الروح القدس روح المحبة ، وله موهبة الخدمة من الله !!!!

أعطانا الله أن نستفيق ونصحى ونتعقل ونعرفه إله حي وحضور محيي ؛ النعمة معك يا أجمل أخ حلو محبوب ربنا يسوع والقديسين

[samerco75]

الحقيقة كنت محتاج لهذا الرد الرائع والشافى
اشكرك استازى ايمن

[Manno2008_2010]

سلام ونعمة ليكي ولخدمتك ياخدامة رب المجد يسوع وسلام لكل من يهمك امره ومقرب إليكي وسلام حتى لأعدائك
‏
كل الأحترام للرد السابق وبجد رائع وانا هرد في نقطتين
انا لاحظت ان اغلب الضيقات والمشاكل اللي شفتها في حياتي وحياة صحابي ناقصها صلاة وقبل اي كلام صلي لربنا.
اولا احب اقولك ان خدمتك بتقدميها لربنا وكويس جدا انك تحاولي تطوريها بس الذين بلا مرشد يسقطون . استشرتي امين الخدمة شفتي رأي اصحابك الخدام وبرضو شفتي ثمر التطوير إللي ادخلتيه في خدمتك من المخدومين وقبل دا كله سألتي ربنا اقدم خدمتي بالشكل ده ولا لأ سألتيه انت عاوز تطور خدمتك ازاي ولا افتكرتي قدراتك الذهنية والعملية وبس

ثانيا افتكري انك انتي والخدام اعضاء في خدمة واحده في الروح الواحد مش كل واحد يطور جانب من نفسه اتركي نفسك للروح ده وتأكدي ان مستحيل حد يقوى على روح ربنا في تطوير الخدمة متعتمديش على ذاتك وتنسي روح ربنا العامل فيكي

وربنا يبارك خدمته وخدامه ويزرع المحبة في قلوب الجميع وينزع من قلوبنا اي افكار اعتماد ع الذات او غيرة غير مقدسة لصالح ارضاءه الكامل وخير ولاده المخدومين وخدامه القائمين على خدمتهم

صلي من اجل ضعفي

[peter_naser]

لازم فى حاجه غلط؟
المشكله(تحديدها)
اسبابها...!!! انا المسؤله عنها ولا؟

دعينى اختى اجيبك المشكله هى احساسك بالنفور منك
اسبابها:
1_ممن الممكن نظرا لخدمت فى مكان ذو مستوى معين. يظهر هذا فى اقترحاتك عليهم تكون بعيده عن واقع خدمتك فى هذا المكان
2_سامحينى من الممكن انك تظهرى نوع من التعالى فى الكلام والافكار
3_احساسهم بانك بالبلدى اكلتى الجو ممكن فعدو الخير يجربنا وهذا نظرا لنشاط معين عملتيه.
الحل:
(توكلت عليك يارب فلا تدعنى اخذى مدى الدهر
نجينى بعدلك)
1_ عاملى الصغير على انه الكبير
2_لاتظهرى معرفتك على اقل منك معرفه




الخدمه تعب
متسبيش الخدمه

عدو الخير مستنى قرار ذى ده
ربنا معاكى

[روزى راجى]

ربنا يبارك كل من ساهم فى حل مشكلتى ربنا يعوض تعب محبة الجميع. (سامحينى من الممكن انك تظهرى نوع من التعالى فى الكلام والافكار
3_احساسهم بانك بالبلدى اكلتى الجو ممكن فعدو الخير يجربنا وهذا نظرا لنشاط معين عملتيه.)عايزة أقول أنى أنا لم أحاول أبدا أنى أتعالى عليهم بل بالعكس نزلت لمستواهم بل أقل حتى فى أفكارى راعيت أن تكون فى حدود المعقول والمتاح لدى الخدمة.عايزة أقولك أنى أتهنت أكثر من مرة أمام مخدومى الكنيسة وأولياء الامور ولم أرد بسوء لاحد وسبب تكرار هذه الاهانة أنهم شعروا منى بالضعف وزى مابيقال ساقوا فيها هل التسامح أصبح ضعف وكان رأى اب أعترافى ومرشدى الروحى أن الخطأمش عندى وفضل أن أسير على منهجى الروحى ولكن بيقولوا جنة من غير ناس متنداس وأنا عايزة أحب الناس والناس تحبنى عايزة فى جو كنسى محب للخدمة الواحدة الهادفة

[aymonded]

أقول الحق والصدق في المسيح له المجد وكما تعلمنا من الآباء المحنكين ذو الخبرة والعمق الإلهي الحلو والممتلئين بالروح القدس ...
أن اي خلل يحدث في حياة الخدام وسلوكهم يُعبر عن تيه النفس ومحبة الذات وكبرياء القلب وتعالي الفكر ، لأنه أن لم يتسلم الإنسان الخدمة بعد الجلوس عند قدمي الكتاب المقدس قارعاً باب كلمة الله باتضاع القلب ، مجاهداً بمحبة وينتظر أن يفتح له الله باب الكلمة ليتلقف روح وحياة منها ليحيا في شركة مع الله ويرسله بروح الخدمة ليخدم لا بذاته إنما بقوة الله ، باطلة هي خدمته وسيظل في تخبط ، وستظهر الخمة في مشاكل لا حصر لها حتى لو لم يختلف مع من حوله سيوصل ويعلم بذاته ويتعالى كل يوم ويمتلأ عقله معلومات تتحول في النهاية إلى كبرياء القلب وضرر بالغ في حياته حتى انه يبتعد عن الله تماماً ...

خطورة من يدخل الخدمة بلا حياة توبة ومنهج آبائي كنسي سليم وصحيح معتمداً على روح الحكمة روح المشورة والفهم اروح القدس الرب المحيي ، سيطعن نفسه بأوجاع كثيرة اولها حب الذات وثانيها عدم قبول الآخرين والنفور من حياة الشركة لأنه يعتد برايه ولا يطلب أن يشاركه آخر !!!

ليتنا نطلب الله بل قلوبنا وأن لا نتسرع بحمل نير الخدمة قبل ان نحيا خبرة حياة التوبة تاركين الخدمة للوقت الذي نكون مؤهلين فيه لها من الله الحي القدوس الذي له المجد كل حين وإلى الأبد آمين

[homa_310]

اولا سلام ونعمة وربنا يعوضكم جميعا ثانيا انا لاحظت من كلامك انك قلت فى الاول كان فى نفور وبعد ذلك فى محبة وقربت جدا ليهم وبعد ذلك حدث نفور مره ثانية مش ممكن يكون هذا الاحساس عندك انت او انهم زعلانين منك مش عدم محبة لانى مش ممكن يكون الكل واخد موقف وهل انت اخدتى رايهم من انك تتركى الخدمة ولو قلت ايه كان رد فعل الخدام الى معاك انا معاك ان ممكن يكون فى سخص واخد موقف بس مش ممكن يكون كل خدام الكنيسة واخدين موقف واحد ولو فى شخصيات معينة هى الى واخدة هذا الموقف مش معقول نقول ان كل الخدام معندهمش محبه وانا شايفة ان لو احساسك صح طب ليه مسالتيهمش وعرفتى ليه الموقف ده وشوفى رد الفعل ودى نصيحة من اخت بتحبك وواثقة من محبتك للخدمة وانت عارفة وياريت مش عشان شخص تظلمى الجميع تلميذتك

[روزى راجى]

http://www.orsozox.com/forums/images/editor/quote.gifممكن يكون فى سخص واخد موقف بس مش ممكن يكون كل خدام الكنيسة واخدين موقف واحد ولو فى شخصيات معينة هى الى واخدة هذا الموقف مش معقول نقول ان كل الخدام معندهمش محبه
صحيح مش كل خدام الكنيسة واخدين منى موقف ولكن الخدام اللى واخدين منى موقف هم من أخدم معهم وتربطنى بيهم خدمة واحدة صدقونى كل ما أصلى من أجله هو أن تنصلح الخدمة وخدامها وأنا أيضا ربنا يصلح من حالى ويكونوا فى محبةلآن عدو الخير عندما يريد أن يهدم خدمة يدخل ويهدم المحبة بين الخدام وربنا يقدم ما فى الخير وشكرا لنصيحتك homa_310

[تونى كويك]

خدمة بتعالى و من غير محبة
قلتها احسن

[wesa_310]

فى البداية سلام محبة للجميع المشكلة دى بالذات انا عارفها كويس وعارف صاحبتها كويس جداً جداً انا شاهد عيان على اسلوب حصل قدامى تحت بيتى مع الخادمة الفاضلة التى كتبت الشكوة انا كنت مرة فى بيتى وشوفت حضرتك بتتكلمى بأسلوب غير عادى لازم يحصل نفور انتى كلمتى الناس كأنك فى برج عاجى وغلطتى فيهم كمان ده ماحدش حكالى ده حصل قدام عينى من بعدها عرفت ان حصل بعد ما بينكم انا ماكنتش اعرف اساس المشكلة بس الأسلوب ماكانش اسلوب خدام ( سامحينى ) انتى السبب دورى عن المشكلة عندك مش عندهم لو فيهم واحد قلبه مش حلو انتى عندك باقى الحل اذا كنتى فعلاً عايزة تعرفى السبب لازم تدورى جواكى انتى مش تعرفى الناس دول مين وولاد مين لانتى حسستى الجميع انك فوق وهما تحت انتى السبب فى النفور مش هما والدليل انهم حبوكى وقربوا منك يعنى حسوا ان الفروق اللى كنتى انتى حطاها راحت معنى جوعها تانى لازم يحصل نفور أنا اسف انى اقولك الكلام ده بس انتى طلبتى الحل انا ماكنتش قصدى اجرحك انا قاصدى انصحك ماتزعليش لو كلامى جارح انا اسف مرة تانية وربنا معاكى واللى اعرفه انك خادمة ممتازة اتمنى المشكلة تنتهى ( أنا وسام )

[cutegirl]

سلام ونعمه أنا قريت كويس جداً المشكله أنا جديده علي المنتدي ويمكن دي أول مشكله شفتها أول ما عيني نزلت علي المنتدي مع أحترامي للجميع أنا معاكي أني ممكن يكون في خدام زي ما بتقولي مش عايزينك تخدمي ويكون عدو الخير هو الي داخل في دماغهم وفي كتير وأنا قبلت كده ومعاكي حق لكن بالنسبة للمنطقه العشوائيه أنا مع أحترامي وبأكد علي النقطه دي وبعمل أستوب ليكي لأني كلامك مش هزنلي للحظه أني ممكن يكون أنتي بس ألي بتخدمي في كنيسه كويسه ورجعتي علي كنيسه في منطقه عشوائيه أنتي أكيد كنتي بنت بتخدمي في كنيستك وشكلك دلوقتي متجوزه ودا بيتك الي انتي عايشه في في العشوائيات مع أحترامي ما معني كلمة عشوائيات وأنتي أصلاً عايشه فيها وكل الخدام كانوا زيك وأتجوزوا وجم العشوائيات يعني أنا سكنه في مكان كويس وبخدم في كنيسه عاليا جداًبس بفضل أني خدمتي تبقي في الأماكن المحتاجه ودي بتبقي مع أحترامي للجميع أقل بكتير من العشوائيات ألي أنتي بتتكلمي عليها ومفيش خدام بيخدم ويوقول أنا بخدم فين بقي أنكار الذات وبعدين أنتي بتتكلمي علي مشكلة صحابك مالهم بأني انتي كنتي بتخدمي في كنيسة العذراء بالزيتون علي فكرة أنا الكنيسة دي أعرفها وبخدم فيها وعدو الخير برده موجود وفي خدام مش بيحبوا بعضهم برده في الكنيسة الي بتقولي عليها مشكلتك أنتي ألي عملها وبلاش تظلمي ناس لأني ممكن يكونوا جيني من مناطق أحسن وأحلي بكتير من الزيتون والمنطقة العشوائية مينفعش تظلمي منطقه لأني فيها ناس محترمين أكتر من أي حد وأسلوبهم

[wesa_310]

أنا بتقدم بإعتذار رسمى للأخت الخادمة على تعليقى على مشكلتها وبعتذر ليها على كلامى اللى زعلها ( الخادم اللى يتقبل النقد بصدر رحب ) ويتكلم ويتناقش مع الناس ويغير وجهة نظرهم بأسلوبه انا اتعاملت مع حضرتك وماشوفتش منك غير كل احترام وتقدير وقلت انك خادمة ممتازة وخادمة بالمعنى الصحيح بس لازم تفتحى قلبك للنقد كمان مش للمدح بس وانا بعتبر نفسى تعديت حدودى وانا لو خايف من تعليقى ماكنتش عرفتك انا مين انا كتبت عشان افيدك مش اغلط فيكى ( صدقينى ) كنت اتمنى تحاولى تردى عليا فى المنتدى او تكلمينى فى الكنيسة أنا بجد أسف إذا كنت زعلتك بس انا حبيت افيدك والفت نظرك لحاجات ممكن ماتكونيش خدتى بالك منها وعلى فكرة اسلوبك فى عرض مشكلتك فى حد ذاته فيه ( تعالى ) لأنك بصستى للمشكلة بمنظور ضيق جداً على فكرة أنا بقولك الكلام ده وانا جوايا محبة لحضرتك لا توصف والله هو العالم ببواطن الأمور وربنا اللى يعلم انى بحترمك وبقدرك ازاى لكن فى النهاية لا املك غير الإعتذار عن كلامى إذا كان ضايقك وصدقينى مش هتعدى حدودى تانى ( بجد أنا أسف أسف أسف أسف أسف ) وبما إن حضرتك خادمة يبقى أكيد هتتقبلى إعتذارى وتعتبرى إنى معلقتش من أساسه وبجد أنا أسف يا ميس ومش هعمل كده تانى صدقينى مش هتعدى الخطوط الحمرا تانى بس أنا عايزك تكملى قراءة التعليقات مش تعليقى بس دى الناس علقت بإحساسها من غير ما تعرفك
أنا أسف ( أخو تلميذتك اللى بتحبك إللى مسحت بكرامتنا الأرض عشان خاطر عيونك ) أنا أسف

[aymonded]

سلام بمحبة لكم جميعاً يا أجمل إخوة أحباء
انا بالطبع لم أتدخل في اي تعليق او أود أن أصحح تعليق أو ارد على تعليق أحد لا من بعيد أو من قريب ، ولكن أود أن اقول كلمة صغيرة للكل بلا استثناء :
الخدمة أساسها معرفة الله بعمق ومحبة شديدة لله والامتلاء بالروح القدس لأنه هو من يفيض فينا بالمواهب لكي ما نخدم بعضنا بعضاً بالحب ، وان لم يكن هو الذي يعمل فينا ويحركنا فباطل هي خدمتنا ...

ثانياً : الخدمة حمل صليب وتقبل كل شدة ومحنة من أجل الخدمة التي أؤتمنا عليها من قِبَّل الله الحي ...

ثالثاً : المحبة تحتمل كل شيء وتصبر على كل شيء لا من أجل الناس بل من أجل محبة الله التي تسكن القلب ، ولنا أن نتقبل كل نقد بناء لكي ما نتعرف على عيوبنا لأن ليس فينا أحد بلا عيب أو ضعف مهما كان كبيراً أو عظيماً ، أو على شأنه أو ضعف ، وما أروع كلمات القديس الأنبا أنطونيوس الكبير حين قال :
من يعرف عاره يعرف كيف يطلب مجده

هذه المقولة منهج حياتي بل وحياة كل خادم ، لأننا ينبغي أن نحيا نسعى أن نعرف أنفسنا وأن نطهُر ونصير أنقياء بكلمة الله ونفحص أنفسنا في ضوء نور كلمة الله الكاشف للقلب ، لأن ليس فينا أحد دخل الخدمة من أجل كماله ، أو أنه اصبح كامل ، بل جميعنا نطلب من الله ونسعى للكمال بكل نشاط متمسكين بنعمة الله التي تسترنا جميعاً ، قارعين مع العشار صدورنا قائلين : اللهم ما ارحمني أنا الخاطي ...

ولنا أن نصبر ونحتمل كل مشقة ملتزمين بالمحبة بعضنا نحو بعض كما أحبنا ربنا يسوع ووهبنا غنى مجده ، ويا أختي الحلوة تحملي كل مشقة لأن هذه هي روح الخدمة التي عاشها الآباء وسلموها لنا لا بمنطوق الفكر ونظريات بل بما يعلمه الروح القدس ؛ ولنصلي بعضنا من أجل بعض لأننا واحد بلا فرق ....

أقبلي مني كل تقدير واحترام لشخصك الحلو
وليقبل مني الجميع كل تقدير واحترام المحبة
النعمة معكم جميعاً آمين

[wesa_310]

بجد أنا أسف على تفكيرى الخاطىء لأنى حكمت على الموضوع من خلال موقف معين وده كان غلط وبجد أنا بعتذر وصدقينى أنا من البداية للنهاية كنت حابب أفيد وأنا اتشرفت بمعرفتك جداً وإتشرفت بالخدمة معاكى جداً جداً وصدقينى أنا بعتذر من قلبى ونفسى أقولك كلمة ( إنسى كل حاجة وافتكرى خدمتك ومخدومينك بس افتكرى المسيح إنسى الوشوش اللى دايماً مكشرة فى وشك إفتكرى وشوش بناتك فى الخدمة بس وربنا يعوضك وربنا يوفقك فى خدمتك وانا من كل قلبى بتقدم بخالص إعتذارى واسفى وأتمنى إن ربنا يكون معاكى الفترة القادمة ) وسامحينى

[روزى راجى]

الاخت CUTE girl
أنت متعرفنيش عشان تحكمى على وأنا لا أهين أطلاقا من يقيمون فى المناطق العشوائية لآن أغلبهم واردين على المنطقة وزى ما انت قولتى دى منطقة سكنى .يعنى انا مش هاهين المكان اللى بأعيش فية .أو الناس اللى عايشة معاهم. أنتى فهمتى غلط اغلب الكنائس مغلقة على ذاتها لا ترحب بأى خدام جدد أحيانا .هذا ما قصدته .وبعدين كنيسة العذراء دى كنيستى اللى أتربيت فيها عشان كدة مكنتش حاسة بغربة .وكمان أنا عارفة انى كل الناس دى ولاد ناس محترمين أنا لم أعيب فى احد برضة أنتى فهمتى غلط وشكراعلى العموم وربنا يعوضك

[homa_310]

وسام ياحبيبى يااخويا انا مكنتش بتكلم معاك على تعليقك بالعكس دهممكن يكون تعليقك ده يكون سبب حل للمشكلة لان بجد وعلى فكرة كنيستنا كلها محبة والكل بيحب بعض بس للاسف عدو الخير لازم يتدخل بجد الخدمة عندنا ليها شكل تانى وانا فخورة جدا بالخدمة فيها لان لاحظت كتير وقوف الخدام مع بعض فى المحن بس للاسف ممكن يكون فى اختلاف فى وجهات النظر مش اكتر وعلى فكرةتعليقك كان بناء على حاجة انت شفتها مش كدب وصدقنى بجد تعليقك هيكون ليه اهمية كبيرة فى حل المشكلة دى وفعلا انا بشكر لان فى كلامك فى تصحيح وضع كبير للكلوبجد انت انسان جميل لمحبتك وخدمتك ربنا يعوضك والموضوع مش محتاج خالص لاى اسف عشان خاطرى خلاص مفيش مشكلة اختك وتلميذتك برده وتربيتك برده

[روزى راجى]

على فكرة أنا مش زعلانة من أى نقد لانى بأعتبره نقد بناءوأنا بأتقبل أى نقد لآن الخادم لازم يكون صدره رحب وبيقبل اى شىء وأنا صدقونى مش زعلانة من أى تعليق أومن أىحد وربنا يعوض تعب محبتكم .صلوا من أجلى.

[wesa_310]

انتى حد جميل يا هوما بجد انتى مش اختى بس انتى مممممممممممممم مش عايز اقول بنتى بس انتى اقرب حد لقلبى رغم انى بختلف كتير معاكى بس انتى حد قلبه حلو لأنك ببساطة مش بتحبى تزعلى حد منك ...... بحبك يا هوما يا أختى العزيزة