هل الاقارب فعلا عقارب( موضوع للنقاش)

[بونبونه سكر]

الاقارب عقارب ؟؟
ما رايك فى هذه المقوله

هل هى صحيحه ؟

هل ترتبط بالواقع ام لا ؟

هل هذه العباره مبالغ فيها ؟
ام انها فى محلها مئه بالمئه
وحقيقه لا نستطيع ننكرها
ايعقل ان اقرب الناس الينا هم اعداء لنا ف الحقيقه ؟؟
كيف نتعامل مع هذا النوع منهم
انعاملهم بالمثل ونرد الاساءه اليهم؟
ام ان الابتعاد وقطيعه اللارحام هى الحل الابسط والاسهل ؟
نريد نقاش صريح وموضوعى وجاد لهذا الموضوع الذى اصبح ظاهره خطيره تجتاح مجتمعنا

فلنعرف رأيكم بجديه

[تونى كويك]

هى عبارة مشهورة وبتتردد كتير
وغالبا بتكون صح 100%
وانا بقول غالبا مش دائما

[mr_desigen]

صح مئة بالمئة يا جاسى
واحيكى على الحوار دا

[بنت الراعي]

لا طبعا انا مش مع المقوله دي خالص
طب اقولك تعالي نعرف مقهوم الاقارب الاول
هل هما اعضاء الاسره او العيله الكبيره او معارفك واصحابك
اي ان كان مين في دول
فلا طبعا ازاي يعني اقرب الناس ليا اللي بحبهم وبيحبوني
اللي بترمي في حضنهم وانا متضايقه اللي اول حد بيفرحوا بيا وبيحزنوا معايا
لا لا صعب اوي
ولو كان في اقارب كده طبعا احنا مش معقول هانعامل زي ماهما بيعاملونا
لاننا لانقاوم الشر بالشر لكن الشر بالخير
ميرسي يا بنبونه يا قمر
ربنا يباركك ويبعد عنك العقارب ههههههههه

[تونى كويك]

صح مئة بالمئة يا جاسى



واحيكى على الحوار دا

الواضح ان فى تجربة اليمة
هههههههههههههههههه
عموما احنابنقول مش دايما لان بأمانة
فى اقارب بتكون نوعا زى العسل

[megomagamego]

علي فكرة الردود اللي هتيجي في الموضوع ده هتنقسم إلي جزئين
أشخاص بيحبوا أقاربهم وأقاربهم بيحبوهم وفي علاقة كويسة جداً الرد هيكون = لأ طبعاً المقوله دي غلط إزاي !!!!!!!
أشخاص علي علاقة سيئة بأقاربهم ومش بيحبوهم الرد هيكون = أيوة طبعاً الأقارب عقارب
إحنا لازم ندور علي واحد إتولد لقي نفسه مقطوع من شجرة علشان نأخذ منه الرد السليم
لكني إسمحيلي إني أقولك إن الأقارب حتي لو وحشين إلي أبعد الحدود هنلاقيهم موجودين في :
1 . الفرح لو أنا عندي مناسبة .
2 . الحزن لو عندي وفاه .
3 . المرض .
وربنا كان دايماً يحثنا علي المحبه حتي أعدائنا نحبهم ، طب الأقارب ؟؟؟؟؟؟؟؟؟؟؟؟؟؟؟؟؟
معلش أنا مش مع المقوله دي خالص .
ماجد

[روزى راجى]

بصى يا بونبونية المنتدى أكيد أنت حصل معاك مواقف من أقاربك عشان كدة طلبت المشورة عن هذة المقولة لكن صدقينى فى اقارب كتير كويسين خاصة عندما يكونوا قريبين من ربنا وعند هذه النقطة تندرج مستويات الاقارب ومدى حبهم ببعض وقوة ترابطهم الآسرى وممكن أنت شخصياً تقربى بينهم حتى لوكانت فى بعض المخاصمات وأختلاف فى وجهات النظر .لو أنت صحيح بونبنة هتحلى الصحبة بينهم وتربطى بينهم بالمحبة.

[feby wa]

مش دايما بيكونو ومش كلهم

[bluebird]

لالالالالا انا ضد المقولة دى خالص

حتى لو حصل اى خصام او ابتعاد

ابدا بنفسى امد ايدى ليهم وابين حبى الحقيقى تجاهم(مش المزيف المصتنع*

وعمر الخير مايكون رد فعله شر ولا الحب كره

[hany1982]

هو فعلاً الاراء اللى هتيجى فى الموضوع ده هتنقسم لجزئين جزء بيحب قرايبه والتانى ما بيحبهمش وانا من النوع التانى بصراحه ما بيحبهمش خالص مش عارف ليه بصراحه ممكن يكون ده تكبر عليهم مش عارف بس هو دا الواقع
ميرسى يا سكره على الموضوع الجميل ده

[ادروسيس]

شوفى ياحبيتى
حسب قرب الانسان من ربنا
وكل ما الواحد قرب من مخبة ربنا يسوع
هايلاقى محبة الناس هى اللى بتجرى وراه
وبعد كدة اصابعك مش زى بعضها
وانا اللى اعرفة الانسان اللى يقربنى من ربنا
هو اللى هاقرب منه
واللى بيعيد عنه اصلى من اجلة
اذكرنى انتى بقى فى صلاتك علشان
يكون فى محبة فى قلبى