ايه رائيكم ؟

[ملكه الاحزان]

سلام ونعمه معاكم
ايه رائيكم في الي بيحصل حولينا ده؟
ايه رائيكم في المجتمع الي احنا في ده؟
كل حاجه بقيت كده قدام الكل
ومفيش حد بيتكسف
في حاجه ظاهره اوي هنا في اليكس
((البحر والكورنيش))
ظاهره مش عارفه ايه ده
كل شاب تلقي ماشي مع بنت وحاطط ايديه علي كتفاها
وحاجات غريبه كده
واكيد في ظاهرات تانيه لكن دي حاجه شوفتها
وبشوفها كل ما اكون ماشيه علي الكورنيش
ايه رائيكم في الي بيحصل حولينا ده؟؟
عايزه رائ كل واحد فيكم
وازي نقدر نعالج مشاكل زي دي؟

[elphilasouf]

وانتى مالك خليكى فى حالك
وربى عيالك

[ملكه الاحزان]

حد قالك رد ياجورج
ماتردش تاني
ماشي
هه

[نجمة السماء]

فعلا يا ملكة بقيت الظاهرة دى غريبة وفكل حتى مبقاش فى حد بيتكسف
بس عارف العيب برده عالبنت هى اللى بتسمح للولد يتخطه حدوده معاها
سوا كان خاطبها او لا الزمن الى احنا فيه بقى صعب البنت بتصدق اى حاجة
وعلشان بتحب برده بتعمل اى حاجة حتى لو غلط
ربنا يحافظ على اولاده

[ملكه الاحزان]

طبعا انا مش بقول العيب علي الولد كله
بالعكس العيب اكبر علي البنت
مرسي خالص علي ردك

[مانـــوو]

اسبااب الظاهره ديه حاجاات كتير يا مارى
غياب القيم والاخلااق والتربيه

اصل الغرب علينا سيطر والدين مبقااش يتقدر كل اللى البنت عاوزه انها تدلع وتتمختر

التقصير كله من البنت
ومش كل البناات كده لكنهم كتروو اوووووووى

واذا كان ع الولد فهو النهارده مع فلانه وبكرا مع علانه واهى ماشيه معاه ومش فارقه معااه

وازي نقدر نعالج مشاكل زي دي؟

يؤسفنى ان اقولك المشاكل ديه مالهااش حل
دى كل يوم بتزيد

لكن ف النهايه احب اقولك لسه فى نااس وسط كل ده محافظه على نفسها
وبتعرف تعيش وتتمتع بحياتها صح

ربنا معناا ويحافظ عليناا

[elkwaga]

ده ظاهره عاديه هنا في اليكس وفي اكتر من كده وده مرض معدي
بسبب انلفنوانزا الخنازير
هههههههههههههههههههه

[ملكه الاحزان]

هههههههههههههههههههه
ميرسي خالص علي ردوتكم
وعايزه اعرف رائ الباقي

[¯°•.¸¸.•°¯DODO¯°•.¸¸.•° ¯]

كل دة الولد مالوش دعوة
لان الغلط من البنت
هى اللى بتسمح لنفسها
وان كان اهلها مدينها الحريه
فهما مدينها الحريه تستخدمها صح
مش تستخدمها غلط وبصراحه الولد منجبش الغلط عليه
مفيش ولد يلاقى بنت عايزة كدة وميمشيش معاها
لانها هى عايزة كدة وفى مصر كمان في كتيييييييييير زى كدة
والبنت لو بتصارح امها بكل حاجه بتعملها امها ترشدها ايه الصح من الغلط
والبنت اكيد كبيرة تعرف تحافظ وتحمى نفسها من الغلط
بس فى اليكس الحاجات دى هما مش بيشوفوا انها غلط لانهم فاكرين نفسهم فى امريكا
ميعرفوش ان كل خطوة للبنت بحساب كلامها بحساب وهزارها بحساب كل حاجه بتبقى بحساب
ربنا يحمي اولادة من اللى بيحصل دة
لان فى ناس بتغير دينها بسبب حب لولد مش من دينها
ربنا يستر على اولادة

[مانـــوو]

عندك حق ف كل كلمه قولتيها يا دودى

[ملكه الاحزان]

فعلا يامانو
ميرسي خالص يادودي
ومستنيا ردود الباقي

[بنت الراهب الصامت]

فعلا كلام دودى صح
والبت لازم تحافظ على نفسها
البنت لما بتحب بتحس انها ملك لحبيبها علشان كده بتطمنله
وهو بينتهز الفرصه دى فى ضعفها لانها اصلا ضعيفه بسبب الحب لان الحب ضعف
وهنا برضو الولد علية غلط لانه هو عايز كده وبيغلط لما بيلاقيها ضعيفه لكن الولد لو بيحبها وبيعتبرها حبيبته بجد المفروض انه يخاف عليها مش يجرحها
بس كمان هى السبب الاكبر لانها بتبقى محتاجه للحنان ومع الاسف الحنان دة مش بيبقى فى البيت علشان كدة بتلاقاه برة
ودى فى حد زاتها مشكله لان البيت المشكله الاكبر فى تربية العيال مقصرين
ومع ذلك فى بنات كويسه اوى بالرغم ان البيت وحش بس هى عارفه تحافظ على نفسها وبالاكتر هنا فى الصيعيد كل خطوة او كلمة محسوبه عليها وبتتحاسب عليها كمان علشان كدة فى الصعيد صعب تلاقى بنت مش كويسه زى بحرى
ربنا يحافظ علينا ويحمينا
وسورى على التطويل

[ملكه الاحزان]

ميرسي ليكي ياجميل

[romy_lover]

خلاص امشى فى مكان تانى غير الكورنيش موش لازم الكورنيش
هو موضوع مهم واتكلمنا فيه اكتر مرة فى اكتر من قسم بس احنا يادوب نتكلم منقدرش نعمل حاجة الا فى اللى يخصنا يعنى مهما قولتى ولا عملتى موش هتغيرى حاجة
انا عايز اسالك سؤال انتى لو روتى كلمتى اتنين من اللى بتشوفيهم وقلتلهم كلام ممكن فى اى كلمة تقوليها يغير بنى ادم هيعملوا حاجة اقل كلمة يقولها ليكى انتى مالك وهتسمعى كلام ملهوش لازمة وهيكون كلام يجرح من البنت نفسها صدقينى

[menalouka]

كل اللى أقدر أقوله فى الموضوع دا
ربنا يرحمنا ويحمينا
ويحافظ على بناتنا
دا انا بشوف بلاوى زرقة فى الغربة
بجد ربنا يحافظ على ولاده ويبعتلهم المرشد للطريق الصحيح

[kamer14]

طب هنعملهم ايه هما حرين وهما الخسرانين احنا نمشى فى حالنا وملناش دعوة

[menalouka]

يا جماعة متنسوش إن سوى الولاد أو البنات
هما الإتنين جواهم بيكونوا عايزين يعملوا الغلط
زى ما قالت بنت الراهب الصامت ( الحب ضعف )
لكن الواحد فينا لو جواه مخافة ربنا وبيروح الكنيسة ومواظب على سر الإعتراف والتناول
أكيد مش هيسمح ولا يدى فرصة للشيطان أن يتملك فى رغباته أو شئ من قبيل ذلك
صلوا كلكوا لأجل الموضوع دا

[ملكه الاحزان]

انا مش هاروح اقول لهم بتعملو ايه
انا بعرض مشكله عليكم

[الماكس مايكل]

هههههههههههه
ده طبيعى بصى ياستى هو مفيش حل للموضوع
ده يعنى امشى وانتى سكتا
لانك لو روحتى قلتلهم كده غلط
هيقولك انتى مالك دى بنت خلتى بنت عمتى دى اختى
والخ ...الخ
الولد بيبقا عارف انو بيعمل غلط وهى كمان عارفه انها بتعمل غلط
فلى بعمل غلط يستحمل النتيجه
وحنا مش هنصلح الكون

[اسامه سمسم]

شكرا يا مارى على الموضوع ده
وبجد انا مش لاقى كلام تانى بعد الردود الجميله
بس هقولك كلمه
ربنا يرحمنا ويحافظ على ولاده

[ملكه الاحزان]

لو كل واحد صلح نفسه يامايكل
هانبقي احسن
ميرسي مايكل
ميرسي اسامه

[hany1982]

ميرسى على الموضوع الجميل ده يا ملكه
مش فى اليكس بس يا ملكه لأ فى كل مكان وده طبعاً بيرجع لأسباب كتير منها انعدام الأخلاق والتربيه اللى كانت موجوده زمان وعدم اهتمام الاهل بتربية ولادها زى الاول ومكتفين بس بالجرى ورا الفلوس وخلاص ومش سائلين هما بيروحوا فين ولا بيجوا منين ولا كانوا مع مين وكمان قلة تدين ولو كلمت حد من اللى بيعمل كده هيقولك انتى متخلف وانتى عايش فى الزمن الماضى والزمن اتغير ويجيب حجج كتير وحاجات غريبه .
عشان نعالج حاجه زى كده يبقى المفروض نرجع للأهل وبالذات اللى عندهم بنات لازم يخلوا بالهم منهم كويس عشان ميندموش بعد كده

[ملكه الاحزان]

ميرسي ليك كتير

[كراكيب]

لكن دي حاجه شوفتها
وبشوفها كل ما اكون ماشيه علي الكورنيش
ايه رائيكم في الي بيحصل حولينا ده؟؟
عايزه رائ كل واحد فيكم
وازي نقدر نعالج مشاكل زي دي؟


مقلتليش صحيح ياماري انتي ايه اللي بيمشيكي ع الكورنيش
بصي ياماري احنا متضايقيين لغيرنا وهما ولا هما هنا
احنا بنفكرلهم في حلول وهما بيفكروا في طريقة تانية يتقربوا فيها لبعض اكتر ويغلطوا بيها اكتر
احنا مقدمناش غير اننا نصلي لهم
وربنا يهديهم

[ملكه الاحزان]

ههههههههههههههه
بمشي علي الكورنيش من باب الغتاتا
ميرسي ليك ياميلاد

[athraa]

انت حجيك صحيح بس الغلط مو من البنت والولد وبس
الغلط من الاهل الي ما يعرفون اولادهم وتصرفاتهم والحرية الزايدة الي ينطونها للشباب والمراهقين الي ما يفكرون ولا حتى يخطر ببالهم العواقب من هالشي

[athraa]

بس لو سمحتي ممكن اعرف شلون اكدر اظيف موضوع

[Jesus_Heart]

كل واحده ماشيه عارفه هي بتعمل ايه ومش بتعمل
لكن البنات دول بالذات لا لان هما مش بيبقي ليهم دعوه بالعالم وكلام الناس عليهم
ونظرات الناس ليهم
وكمان ما دام اللي في البيت مدينها الحريه الكبيره ديه هتعمل اللي هي عايزاه من غير ما حد يقولها بتعملي ايه
وهي بردو اللي مديه الولد الفرصه ان هو يعمل اللي هو عايزه
سوري يا جماعه عشان كلامي صعب شويه
بس هو ده اللي بيحصل اليومين دول
الموضوع جميل اوي
ميرسي كتييييييير

[elphilasouf]

كل واحد بيفكر يغير العالم ومفيش واحد بيفكر يغير نفسه

مش قولتلك انتى مالك خليكى فى حالك :d

[البوب الجديد]

الحب يابننتى بس مش بشوف مسحين خالص بيعملوا كدة ومش بيحطوا ايديهم فى ايد بعض اسكتى بقى بدل ما اجبلك صور صدقينى بالى بيحصل هههههههههههههههه
عقبالك لما تتخبطى وتطلعى تتمشى على الكوبرى

[emmmy]

اعتقد ان دول الغرب ليها تاثير كبير جدا فى الموضوع دة يعنى احنا اتربينا على القيم والاخلاق بس فى ناس كتير بتسئ فهم القيم والاخلاق وبتحولها لكبت رهيب عند اولادهم كل حاجة عيب وحرام وغلط ولما بيكبروا بيكونوا عايزين يفجروا طاقات الكبت دة
انتى عايزة حل يا ملكة للاسف صعب بس ممكن على الاقل نكون فى نفسنا بمعنى احنا كاولاد اللة نحاول فى الكنيسة يكون عندنا براءة وبساطة فى التعامل مع بعض كاخوات الولد يخاف على البنت زى اختة والبت تحترم الولد زى اخوها دة هيشبعنا نفسيا وفى نفس الوقت مش هيضرنا لو تحت اشراف الاباء والخدام لان لاسف فى كنائس بتفصل الاولاد عن البنات فى الاجتماعات حتى فى سن الطفولة لما يكبروا طبيعى انهم يعوضوا الحرمان دة الموضوع موضوع تربية ونشاة وحدمة كنيسية صح

[bebo_coach]

انا بقا ردى مختلف عن الباقى تقدرى تقولى انو جديد الغلط هنا على الاتنين الولد والبنت علشان البنت هتسمح ان اناس تتكلم عليها وكمان الولد تقدرى تقولى انو هو الى سمح باكلام الى هيتقال والى بيحبحد بيخاف علية وربنا معاكم ومعايا بيبو كوتش

[ملكه الاحزان]

ميرسي خالص علي ردتكم فعلا كلها كلام صح

[الجوهرة الثمينة]

بجد مشكلة مهمة ربنا يباركك ويعوض تعب محبتك يا ملكة
ودايما تجيبي لنا مشاااااااااااااااكل
ههههههههههههههه
اولا بجد كل مشكلة وليها حل
وايد ربنا تقدر تغير وتحرر من كل خطية
ثانيا ممكن يكون الحل في ادينا ليه ليه
سالتوني ليه
عشان انا من وجهة نظري ان البنات دي بتبقي مفتقدة الحب والحنان من البيت فبتلاقيه برة فبتسيب له نفسها علي امل انه هيخلصها من كل القسوة اللي شافتها
فارجوكم يا اخواتي في الرب بدل ما ننقضهم نحاول بايد يسوع نغيرهم
ويسوع جة اساسا عشان الناس الضايعة دي
نحاول بصلاوتنا من اجلهم
افتقادنا لهم
انا اعرف كنايس بتعمل مؤتمرات للبنات اللي ضايعة والضالة
وبعد المؤتمر البنات بتتغير بجد
لان يسوع يقدرررررررررر علي كل شئ صدق صدق انه يقدر
انا اسفة اني طولت عليكم
صلوا لاجلي

[تماف و نانسى]

بصى يارومى عندك حق بس ارجع واقول العيب على البنت انها اديتلة الفرصة دى وبعد كدة هتطور الحكاية المهم لو انا بنت المسيح صح عمرى مااسمح لنفسى او لغيرى بكدة وكمان لو احنا سبنا للشباب الحكاية دى اكيد هتطور وانا شفت حكاية كانت صغيرة وبعدين تطورت

[ملكه الاحزان]

بالظبط ياجماعه
ميرسي ليكم

[اب حنون]

دا مش ظاهرة لكن دى حقيقية بس العيب ع مش عرف يربى لكن العيب برضوا من شباب لانى شباب هم مش عندهم ضمير وبنات هم برضوا سبب لى خليهم يعملوا كدا لو كل بنت محترمة مش كان حال بنات كدا ومش كان خالى لى حد يتكلم عليه ولا كانوا عاملوا كدا
شكرا ع موضوع جامد دا

[ملكه الاحزان]

ميرسي ليك يا اب حنون علي ردك

[roma_malak]

احنا مجتمعنا دلوقتى اصبح لا يطاق
بيحولو يقلدو الغرب طب على خيبة ايه فى الغرب الكلام ده عادى بس فى مجتمعنا الشرقى ابوها لو شافها
هيحلل دمها ليه وهيخلص عليها وبعدين الولد اللى يعمل مع بنت كده استحاله انه يكون بيحبها لانه لو بيحبها هيخاف عليها وعلى سمعتها
موش يمشى ايده على كتفها وكده
يعنى هى كده بتخلص على نفسها الودا ده عمره ما هياخدها زوجه ليه وهيسبها ومحدش هيرضى بيها وغير كده لو حد من اهلها عرف
وطالما هى سمحت بكده يبقى تتحمل اللى يجرالها

[ملكه الاحزان]

ميرسي ليك ياروما