حوار مثالى بين الشباب و البنات ((موضوع للنقاش))

[جوسى]

(( الحوار المثالي بين الشبــاب و البنــات ))


*
*


اهلا بيكم يا احلا اخوة واخوات

الموضوع عبارة عن حوار مثير بين فريقين

فريق [ الشباب ]

فريق [ البنات ]


وضعتها من باب المداعبة وتخفيف حدة التوتر بين الفريقين.


هناك أمور يكرهها الرجل في المرأه أو لا يستطيع فهمها


(( و ))


هناك أمور تكرهها المرأة في الرجل أو لا تستطيع فهمها


وسنقوم في هذا الحوار بتسليط الضوء على كل ما لا يعجبنا في الجنس الآخر بكل صراحة

و موضوعية وبعيداً عن التعصب حتى نستمتع و نخرج منه بنتائج إيجابية.


[ بداية الحوار ]


سيقوم فريق الشبـاااب بطرح تساؤل عن أمر معين لا يعجبه في البنــاات


وسيقوم فريق البنااات بالرد وتبرير الموقف


وبعد إعطاء الإجابات والمبررات الكافية يصبح فريق البنات في وضع الهجوم


ويطرح سؤال على فريق الشباب.....


وهكذا يستمر الحوار



[ملاحظة]



يحق للجميع المشاركه وابداء الرأي



وأرجوا أن نكون مع الحق دائماً بعيداً عن الإنتماء و التحيز


(( صافرة البداية ))


سؤالي موجه للشباب

لماذا بعض الشباب يفضلون البنت الفائقة الجمال على البنت المتوسطة الجمال

بغض النظر عن دينها واخلاقهاا؟؟

اتمنى الإجابة عنه من قبل الشباب


ملاحظة

اتمنى من الجميع المشاركة على الموضوع بصورة جادة وعدم الاكتفاء بكلمات الشكر فقط

واي رد خارج عن المضمون سيتم تحريره فوراً حفاظاً على جمال الموضوع

لــــــكـــــــــم تحيــــــــــاتـــــــــى

جــــــــــــــــــــــــ وســـــــــــــى

[Team Work®]

مليش دعوة بالحاجات دى ربنا معاكم

[جوسى]

ليه بس يا هيما؟
هو الموضوع مش عاجبك ولا ايه؟
عموما انا فى انتظار رد الشباب عليا

[مكاريوس]

هقولك حاجة يا جوسى الواحد مننا قبل ما بيتعرف على واحدة مش بيشوف شخصيتها ولا بيشوف الشكل الخارجى الاول اللى بيخلية بنجزب ليها ويحاول انة يتعرف عليها باى طريقة لكن بعد ما بيتعرف عليها مهما البنت كانت حلوة فى المنظر الخارجى بس وسامحونى مش كويسة فى شخصيتها بتلاقى الولد كره البنت دى لكن ممكن الصدفة تخلية يتعرف على بنت مش حلوة بس تعجبة شخصيتها عن البنت الجميلة بس
وشكرا لموضوعك الجميل وصلى من اجل ضعفى

[poula adel]

عاوزة اعلق على الموضوع دا انو شباب اليوم كلهم يطلعو على حلاوة الشكل الخارجي وقسمها وشكلها بس ما يهتمو في الشكل الخارجي اقولكوا حاجة دا نصيحة للشباب والبنات مش كل حاجة الشكل الخارجي لازم الشاب او البنت اول حاجة يبصوا على الشكل الداخلي قبل الشكل الخارجي يعين لازم البنت او الشاب لازم يكون عندهم روح حلوة قلبهم طيب بيعرفو ربنا ان كل حاجة من دول كانو في الشاب او البنت يبقى دي الحلاوة مش مهم خالص من الخارج

[poula adel]

ارجو التعليق من الشباب والبنات على كلامي بليز صديقة المنتدى. ماري

[love_lorn199]

على فكرة لو الولد كان بيحب يتعرف على البنات الحلويين فى الشكل فقط فيكون هذا الشخص تافه.......فى كتير بنات حلويين فى الشكل بس مش حلويين فى الشخصية و انا بشوف كدة كتيير اوى ..........اخوكم مينا

[جوسى]

ميرسى ليكوا يا شباب على ردودكو و مستنين منكو سؤال للبنات
و اتمنى انه يكون فى مشاركه اقوى من كده
عشان تبقى مناقشه جيده بشرط كلنا نستفاد من تجارب بعض
و ربنا معاكو

[مينا نشأت]

طيب انا عندي سؤال موجه للشبات


ليه اغلبيه البنات تفضل الارضباط من شاب اولا ان يكون قادر ماديا علي تلبيه تطلعاتها الحياتيه من فسح ومسكن راقي وعربيه ياريت تكون اخر موديل وا وا وا وتحطه تحت بند متطلبات الحياه بالرغم انها ممكن تتغاضي عن شخصيته ارجو اجواب بصراحه

[مانون]

بل مختصر المفيد الراجل لو حب مبيشوفش بس لازم يحب الاول يعنى انا حبيت بنت كانت فائقه الجمال ولسه بحبها وبعد كده حبيت بنت مش اموره خالص ولكن حبيته جدا بردك المهم مش الجمال المهم انك تلاقى حد ماشى مع دماغك هو ده المفيد ودلوقتى مفيش بنت فاهمه دماغ الراجل كلوه انا وبس

[ريمونة]

لا انا شايف ان كل واحد ليه طموحات معينة في الشكل لو لقيها بيدور علي الاخلاق وغيرها
وهاثبت ليكم كلامي
ممكن واحد تعجبه واحده خالص والتاني متعجبهوش خالص صح ولا لاء

[اس اسامة عوض]

اذكر خليقك فى ايام شبابك

[جوسى]

مش كل البنات بتبص للمظاهر و معظم اللى قولته ده ياللى سالت السؤال مظاهر كدابه
اللى بتفكر فى العربيه و الفسح و الهدايا و متفكر فى الاخلاص تبقى انسانه هايفه
مش كلنا زى بعض و مش كل الولاد بتفكر فى العقل فى ناس بتفكر فى الشكل
مستنيه باقى الاراء ولما نشوف راى البنات لما تقتنعوا برأينا قولوا عشان نحط ليكو سؤال

[مرموره]

اولا الموضوع رائع زى ما عوتينا ديما يا جسى
ثانيا فى موضوعان اطرحوا

1- الولد فعلا فى الوقت كل اهتمامه بالمظهر اولااااا ... أبتدوا يرجعوا انظام الخطبه بتاعت زمان بس بطريقه 2007
يشوف البنت حلوه و جميله و يبتدى انه يتفاخر بيها امام اصحابه و الدنيا كله بس لاسف مع اول مطب و عيب يلاقيه فيها سور معلش و باااى ... و مش بيلاحظ ان العيب الى هو شافه فيها ممكن يكون مليون فيه... و ليه محولش يتعرف عليها اكتر قبل ما يتسرع و يجرحها عشان معجبتوش بعد كده

2- اما السؤال التانى بتاع البنات بقيت مهتمه بالحاجت الخراجيه
انا معترضه على الكلام ده شويه اعزرنى لسبب ...
دلوتى بالذات اساسا البنت مش بقت تهتم بالحاجات ديه بالعكس تلت تربع البنات ومش هقول كلهم باقوا بيفتقدوا انهم يكافحوا مع الانسان الى حبوا و ده بأمانه ما كلام افلام ديه حقيقه شفتها كتتتتييير بس للاسف الولد هو الى مبقاش عايز يستحمل و يكافح شويه عشان الى بيحبها كل حاجه عايزه لغايت عنده مبنتهى البساطه من غير تعب
مش هقول العيب على الولد و لا انه غلطان لانها بتفرق من شخص للتانى
بس هقول ان العيب مش فى البنت لان فعلا البنات دلوقتى غير زمااان نهائى دلوقتى ياريت يلاقوا الانسان الى يقدروا يتعبوا و يستحملوا عشانوا

اسفه جدا جدا جدا للتطويل

[مرموره]

للولاد
س/ ليه بقى فى غرور زياده عن اللزوم من نحيتكوا ان مفيش زيكوا و انتوا تقدروا و تقدروا ... و فكرين انكوا كل حاجه ف الدنيا و انكوا تقدروا تجرحوا اى حد و مينفعش حد يتكلم ؟

[اسامه]

على فكره انتى فهمه الموضوع خطا لان البنت اللى جمالها صارخ بتكون تافهه ومغروره ولا يهمها الا نفسهاوجمالها فقط والشباب اللى يجروا وراء النوع ده يبقوا غاويين تعب قلب اما عن الجمال العادى فهو مطلوب بس فى الاول الى ان يكشف الشاب شخصية الفتاه وهنا اذا كانت كويسه ام مجرد لوحه جميله فقط هناك اشياء كثيره اهم من الجمال بس مش معنى هذا ان تكون الفتاه تشبه القرود ههههه اسف للتطويل عليكم وشكرا للموضوع الجميل وربنا يبارك حياتك

[جوسى]

هـــــــــــــــــــــايل
حلو اوى النقاش ده ابتدينا نشتغل و شكرا على السؤال و على الردود
و نتتظر المزيد
عايزين اكتر من كده يا شباب

[مينا نشأت]

شكرا علي ردك علي سؤالي مرموره وكان رد فعلا اعجبني واتمني ان تكوني صادقه في قولك
اما بالنسبه لسؤالك ان الاولاد مغرورين لااظن انا اعتبر ان الاولاد مغلوبين علي امرهم والله سارو غلابه هههههه انما بالنسبه للجرح فهوه عامل مشترك مابين الاولاد والبنات

[جوسى]

شكرا يا مينا على ردك
و منتظرين راى باقى الشباب
هما ولاد المنتدى اختفوا ولا ايه
حزب البنات اثر عليكو ولا ايه؟؟؟؟؟؟؟؟؟؟؟؟؟؟؟؟

[مرموره]

هو واضح جدا ان حزب البنات مأثر عليهم بدليل انهم مش بقوا يتنقشوا ههههههههههههههههههههههههه ههههههههههههههههههههههههه ههه

[melanora]

متهيالي لان الجمال هو شي ملفت بالنسبة للولد
الحمدالله اني وحشة ههههه

[جوسى]

الجمال يا Melanora مش جمال الشكل
الجمال جمال الجوهر وفعلا البنات الحلوين مغرورين و الولاد الحلوين بردو مغرورين
بس البساطه و الطيبه و القلب الحنين اجمل بكتير كفايه ان كل الصفات دى نورها بيظهر و بيبين جمال احلى بكتير من جمال الشكل

[SAMOOOOO]

فعلا ياجوسى الجمال مش جمال الشكل خالص اهم حاجه الحب الصادق ياما ولاد وبنات حلوين بس مش يطاقوا خالص
بس كمان مش كل الحلوين مش كويسين بالعكس الموضوع بيتركز فى الشخصيه نفسها
وربنا معاكم كلكم ومعاكى ياجوسى وانا عاوز اكلمك ياريت فى اى وقت
سامو - المرشد السياحى

[جوسى]

فعلا سامو معاك حق
كل واحد جماله بيبان من شخصيته و عقله
منور كل مواضيعى يا سامو
و ميرسى على كل المشاركات الجميله دى
فعلا مبسوطه ان مواضيعى عجباكوا و اتمنى انكوا تصلولى
و تبقوا فاكرنى دايما

[miladstar]

ممكن لانه شباب من غير هدف وغير بناء فى مجتمعه

[جوسى]

فعلاااااااااااااااااااااا ااا
ممكن يكون كده
شباب هايفه

[yakop]

احنا مش بنطلب حاجات كتيرة اوي للدرجة دي لكن احنا بنطلب الحاجة اللي في المعقول يعني علي الاقل يكون
عندة شقة واظن ان دة واجب علي الراجل ولازم يكون عندة وظيفة علشان علي الاقل يعرف ياكلها
ولازم تعرف حاجة لية البنت بتبص علي الماديات الاول لان البنت لما تحب بتضعف وبتكون صدمة للبنت لو الولد اللي بتحبة اتخلى عنها او ظروفة لم تسمح بانة يرتبط بيها وتستغرق وقت طووووووووويل علي ماتنساه

[piroocool]

ليه البنت مش جا ريئة زى الوا د

[piroocool]

البنت انسا نة اذا الواد مش مو جود مين هيحيما مين غير الرا جل

[amgad nagy]

هو الى بيلفت النظر الجمال طبعا ودى حاجة كل شاب بيحبها أن البنت تكون جميلة لكن بعد ميتعرف عليها ممكن شخصيتها تبقى مش عجباه يرجع بعد كدة فى رأيه فطبعا الجمال مش كل حاجة ممكن البنت متكونش قمة فى الجمال ممكن تكون متوسطة الجمال بس طبعها وشخصيتها جميلة وأهم حاجة يا شباب أنها تكون بتحبك ممكن تكون جميلة وأنت حبتها بس يا خسارة هى مش قادرة تحبك هتتعبك كتيير فى حياتك لكن لو متوسطة الجمال وبتحبك دى بالدنيا كلها. وطبعا كل واحد بيتمنى ان هو يتجوز بت جميلة بس سدقونى الجمال مش كل حاجة أهم حاجة أن أنتم تفهموا بعض وتريحك وتفهمك.

[بيشوى عشم]

انا لسه شايف الموضوع وحبيت اعلق عليه بصى يا جوسى اكيد اى واحد بينجزب للبنت الجميله لكن لما يتكلم معاها فى كتير من الاحيان بيلاقيها شخصيه مش كويسه
وفى طبعاااااااا بنات جميله كويسه

[samehfadl]

الجمال جمال الروح والشخصيه حتى الكتاب بيقول الحسن غش والجمال باطل اما المرأة المتقيه الرب فهى تمدح .............. وبجد موضوع رائع ياجوسى

[bassem8800370]

وانا كمان مليش دعوه فى الحاجات ديه