مشكله ارجو الحل منكم كلكم بسرعه

[ساره2000]

بصو يا جماعه الموضوع كبير كبير كبير

عندى وحده صحبتى عندها مشكله فظيعه
وانا قولت مافيش غير اخواتى الفى المنتدى هما اليحلوهلها

البنت ديه بتحب واحد والواحد ده بيحبها جدا(بينى وبنكم على حد قوله انه بيحبها والله واعلم)ههههههههههههههههههه

المهم الولد ده فى يوم من الايام كان ارطبط بصحبتها لما لقاها انها مش حاسه بيه على اساس ان صحبتها ديه من رحتها يعنى (وبرده ده على حد قوله)

المهم بقى دلوقتى هو راح كلمها ولقها انها فعلا بتحبه وكده هما بقو لبعض

بس طبعا المشكله الواقفه فى النص ان البنتين صحاب بقلهم سنين

الموضوع معقد ومدربك والناس كلها بيقوللها لا الموضوع غلط ومش هيكمل

وبيقولولو هو نفس الكلام

انتو اتلخبطو صح عمتا
ايه الحل

[ساره2000]

ايه يا جماعه محدش عارف يحل الموضوع البنت هتموت وارد عليها ايه انتو لسه نايمين ولا ايه

[Team Work®]

احنا ندعى الموفتى وهو اكيد عندوا الحل

انا مش هاقدر ابدى براي غير بعد ما اشوف الناس رايها اية

[nrmo]

بصراحه انا شايفه انه ميستهلش ولا واحده فيهم لانه مش محدد موقفه ازاى يكون لسه خارج من علاقه ارتباط فاشله على علاقه تانبه علطول حتى ماداش لنفسه فرصه انه يعرف حقيقة مشاعره انا شايفه انه غلطان خالص وهى احسنلها تنساه

[minabobos]

انا رايه ان الاتنين يكون اصحاب احسن
من ان يجى واحد ويفرق الصحبتن عن بعض
واظن ان الموضوع محكوم عليه بالفشلعلشان ميخسروش بعض لو اصحاب اوى يعنى
لان صحابك متقدرش انك تعوضه
ونشوف باقى الردود

[ساره2000]

فى توضيح بس ان البنتين مش صحاب بمعنى الكلمه هما حاجه زى جران او زمايل وميرسى لردودكم اوى وعايزه اسمع الباقى وميرسى اوى على الدبلوماسيه دى يا هيما

[minabobos]

خالض هى تحاول انها تنس احسن
وربنا يرشدها للانسان اللذى يستحقها
لان هذا الانسان بينس بسرع جدا

تجربته وربنا يدبر من عنده

[aymonded]

الموضوع من أوله لأخرة مش مظبوط أساساً
ودوة بصراحة مش حب دية حالة مراهقة وتردد
يعني من الآخر مستحيل يبقى حب أبداً
ولو دخلوا في علاقة مصيرها الفشل الذريع في النهاية
ياريت تصرف نظر أفضل وتنتظر الأفضل من يعرف معنى الحب الحقيقي

وأنا مش هاحاول أشرح معنى الحب وخطورة هذا الموقف لأني شرحتة كتير على صفحات المنتدى
النعمة معك كل حين آمين

[مكاريوس]

بصراحة الواد دة لو بجد بيحب اى واحدة منهم وعارف انم الاتنين بيحبوا بعض يحاول يوفق بينهم على اساس محدش يزعل منة ويمشى مع البنت اللى قالها ووافقت الاول الا واز ان البيت اللى حبها بعدين دى تبقى ياانا شطة يا انا عايز يغظها فى كلا الحالتين لازم يمشى مع اللى كلمها الاول ويكون حكيم فى انة ما يخليش البنتين يفترقوا

[love_lorn199]

اساسا الولد دا مش صادق فى كلامو علشان لو بيحب بجد البنت الاولى مكنش حب تانى لكن هو كدة بيعمل حركات المراهقين و عاوز يمشى مع اى بنت ..............هو عامل زى الولد البيحب بنت و لما حس انها بتنفضلو راح يشوف غيرها.........................اخوكم مينا

[ساره2000]

يا مينا يا جامد


جميل جدا يلا عيزين ناس تانيه ايه خلاص المنتدى فضى

[melanora]

في راي انه اساسا محبش ولا وحدة من الاتنين

[اسامه]

اولا احب ان اقول ان الولد بيلعب بيهم مفيش واحد يكون بيحب واحده وبعدين ياخد صاحبتها عشان من ريحتها ده كلام فارغ ده بيلعب عليهم
ثانيا ازاى البنت ترضى على كرامتها انه بعد ان تركها وارتبط بصحبتها ان يرجع لها والحياه تمشى عادى مينفعش مدام ارتبط بصحبتها لا يكون هناك رجعه ليس عشان صحبتها فقط لكن عشان الموضوع مش تسليه مع ديه يومين ولما يزهق ينقل على الاخره
اسف للتطويل ولكن ده رايى وربنا يهدى ويبارك حياتك

[مادوناممدوح]

[انا شايفة انة مش بيحبها وميستهلش ولا وحدة فيهم اللى بيحب يخلص للبيحبة للابد]

[sawsaw]

لا الموضوع ده صعب المفروض نراعيها هى كده ممكن تتعب و تنهار لو الولد ده سابتو احنا نصللها و نقول لاب اعترافها احسن مننا هى ممكن متتقبلش كلامنا

[adminstor]

انا فاكر الفيلم ده

[andro tomas]

انا رايي انه الموضوع غلط من الاول هو صحيح ممكن تكون البنت الاولى بتحبه لكن هو اكييييييييييييد مش بيحبها لانه لو بيحبها كان حاول يتقدم لها او يكلمها مش يروح يرتبط بصحبتها علشان من ريحتها ده كلام غلط جدا لانه لو هو بيعرف معنى الحب بجد كان دور على طريقه يرتبط باللي بيحبها . اما نصيحتي للاخت اللي بتحب الشخص ده انه الشخص ده ميستاهلش حبك لانه مش بيعرف يميز معنى الحب وسيبك منه وربنا يبعتلك الشخص اللي يقدرك ويحبك بجد

[كراكيب]

ميرجعوش لبعض طبعا

[dr mina]

فى رأيى أنه على البنت ادراك حقيقة واحدة أن الحب ياتى اذا طلبها هذا الشخص للارتباط وحينها فقط يمكن كما قالت سونة المنتدى ان تداوى جرحها اذا ايقنت حقيقته و لكن اذا عدل الولد عن ذلك فمن الواضح انه لم يحبها وان يقضى وقتا فقط كما قال معظم اخوتى فى المنتدى واقول عن صدق ان من يحب مرة بحق سيعلم انه من الصعب ان يحب ثانية
الرب يهبنا حبه الاوحد الذى يملأ القلوب ولا يجعلها تفرغ أبدا

[Malak sokar]

ماهي كانت قصادة من الاول لية بقي راح لصحبتها الي من ريحتها
بجد كلام فاضي كلام ضحك علي البنات العبيطة ولا هي لما تبقي فاضية تبقي وحشة لاما تنشغل تبقي حلوة
وعجبي

[marmargogo]

اولا هو كدة مش بيحب من الاساس اى واحدة من الاتنين هو كدة بيتسلى لان الموضوع اساسا فية حاجات غلط من الاول طبعا الولد دة ماينفعش لاى واحدة منهم

[هشام المهندس]

الموضوع قديم والمشكله انه متكرر وموجود دائما وفيه تشابه لذلك الاجابه عليه ذو فائده اكيد
الحل سهل جدا ويعتمد على درجه الصحوبيه بين البنتين.... بغظ النظر عن التفاصيل عليهن ان يتفقوا على الطلب من الشاب بتحديد موقفه من احداهن والتحرك بجديه ووضع النقط على الحروف وليس بالكلام بل بالعمل....
والنتيجه انهن حيبقو اصحاب في الحالتين اذا تقدم واذا لالا
وبكده منكونش ظلمنا حد

[peter gerges]

محدش يزعل منى ديه اسمها مراهقه

[شنوده جرجس]

هذا الشاب بتصرفة بعيد كل البعد عن الحب الحقيقى فهو يعيش فترة مراهقة
الحل الصحيح من وجهة نظرى هو أن تبادر صاحبة الموضوع وتصارح صديقتها ويقومان برسم خطة للإيقاع به عن طريق صديقة ثالثة تتقرب منه وتقول له أنها معجبة جداً به وعينيها دبلت من قلة النوم ( من كثرة التفكير فيه ) والكلام الحلو المتزوق اللى بتضحكوا بيه على الشباب السذج أمثال صاحب هذه القصة وصدقينى ساعتها سيعرف هذا الشاب على حقيقته وهتعرفوا أنه مش بيحب صديقتك ولا بيحب صاحبتها وأنه مراهق ومش بيحب غير نفسه وبس .