كفايه

[loosing my self]

أنا كتبت قبل كده فى المنتدى هنا نفس الموضوع القديم الجديدو كنت بتكلم عن العاده السريه مكن تبقوا ترجعوا للموضوع ده عشان تفهمونى أكترأنا بجد بلف فى دواير مقفوله و بغرق فى دوامه مش عارف أطلع منها مبقتش عارف أبتدى منين و لا الغلط أصلا فين لأنى مش لاقى أى حاجه فى حياتى صح و كل ما أفتكر أن موضوع معين هو سبب مشاكلى ألاقى فى ميت ألف حاجه تانى يعنى مثلا أقول أن العاده هى السبب فى اللى أنا فيه فأبطلها شويه و ألاقى مفيش أى حاجه أتغيرت و حياتى بايظه زى ما هيا و شويه أقول يبقى أكيد الكليه و أنى منفض للمذاكره و بسقط و كده فأذاكر و تيجى الأمتحانات و أرجع لنفس الخوف و القلق و التوتر و المزاوله اللى بتضيعنى أكتر ما أنا ضايع خلقه مع أنى مش عارف أصلا أنا خايف من أيه أو على أيه لأنى خلاص مبقاش عندى حاجه تانى أخسرها بعد ما خسرت روحيا و صحيا و نفسيا و سنين بتضيع فى الكليه و أصحاب كليه ببعد عنهم برضه بسبب سقوطى أنا كل ده مش فارق معايا أصلا و تخلص الأمتحانات و أرجع تانى للنت و التلفزيون اللى أنا أصلا بقيت معرفش أستعملهم غير فى الغلط فطبيعى أنى أرجع للعاده تانى كالعاده و تفضل كل حاجه زى ما هيا أنا خلاص بقيت هاين على نفسى و حتى نفسى مستعد أخسرها بس أنا دايما بقول ربنا لما بكلمه أنا لو هونت على نفسى أكيد مش ههون عليك و مهما خسرت حتى نفسى فأنت الوحيد اللى أنا مش عايز أخسره بس أنا بحس أنى ببعد عنه أكتر لأنى عمال أجرح فيه بقلب ميت مع أنى الحاجه الوحيده اللى عمرى ما فقدت و لا هفقد الثقه فيه طول عمرى هيا أنه بيحبنى و بيموت فيا و كل ما بغلط أكتر هو بيسامح أكتر بس أا نفسى أدوق الحب ده و أحسه و أعيشه بجد.ياريت تردوا عليا عشان أنا مش عارف أعمل أيه بجد

[aymonded]

سلام لنفسك يا محبوب الله الحلو
المشكلة في الأساس نفسية ، وهناك شيء ما في داخلك سبب العطلة اللي انت فيها ، والخطية الجنسية عموماً دائماً هي هروب من المشكلة الأساسية التي اختفت داخلك وتاهت معها نفسك وتحولت الخطية لعادة لا تقدر على الخلاص أو الهروب منها ، لأن حينما تعالج الداخل تسقط كل المشاكل وتصغر وتضمحل وتجد الحلّ !!!

فحاول أن تفتش عن سبب مشكلتك الرئيسية بمعونة أب روحي محنك ذو خبرة ، يرشدك إرشاد سليم ويوجه قلبك لله ، وأيضاً حاول أن تبحث عن أخ كبير أو صديق واعي يحمل أبوة في قلبه ويحاول أن يُساعدك بأن تتعرف على أساس المشكلة لتخرج مما أنت فيه بسلام ، وطبعاً لا تكف عن طلب الله بكل إصرار حتى يعطيك المعونة ، ولا تخشى الاقتراب منه مهما كانت خطاياك وعيوب نفسك لأنه قادر على تجديد القلب وتطهير الضمير ...

وحاول أن تدخل في قسم الأرشاد الروحي في المنتدى وتدخل على موضوعات التوبة لأنها هاتفيدك لأنها كلها إرشادات آبائية هاتدخلك في خبرة حلوة مع الله ، ولنا أن نصلي ونصوم سوياً من اجل أن يهبنا الله نعمة ويغفر لنا خطايانا ويُغير قلوبنا ويطهرنا بالتمام ؛ النعمة معك يا محبوب الله الحلو

[الرب قوتى]

سلام الرب يسوع وقوة الروح القدس ومحبة الله الاب تكون معك
اولا انت تقول انى خسرت نفسى لكنك لما تخسر شى جميل جدا فى حياتك
وهو الرجاء
++مع أنى الحاجه الوحيده اللى عمرى ما فقدت و لا هفقد الثقه فيه طول عمرى هيا أنه بيحبنى و بيموت فيا و كل ما بغلط أكتر هو بيسامح أكتر بس أا نفسى أدوق الحب ++++
ممكن من هنا اتكلم معك انا كنت مثلك ايام كتير تخيلت اني خسرت كل شى
بسب الخطية وكان ابليس كثير ما يحزني بكلمت انت مش هتغغير انت وحيشه ونعم انا خاطى لكن هل الله ضابط الكل مش هيعرف يضابط حياتى
وكان هذا هو الرجاء انى هتغير وهكون كويس وهبطل كل شى مش بقوتى
لكن بقوة اللة الذى دعانى للقدسة وجعلنى هيكل مقدس له
فاالذى فعلته انى سلمت حياتى له بكل خطية فيا وكل قذرة فعلته وتمسكت بهذا الوعد
من يقبل الي لا اخرجه خارجا (يو 6 : 37)
وكنت لا انظر الى الخطية بل انظر الى محبة اللة الذي غفر الخطية بدم الغالى على الصليب
فاخرج اولا من الياس حينذا ستخرج من الخطية وتفرح بالرب الذى يحبك واقترب من الكنيسة واهم شى جسد ودم المسيح ومتقولش مينفعش دلوقتى لم ابطل العادة دي تقدم بدموع التوبة ومتخفش لنا دم يسوع المسيح يطهرنا من كل خطية
والرب معك وكما خلص الكثير وماذل يخلص يخلصك من كل قيودك

[mickel mohsen]

اه ياعم انتا له محبط كده اي حاجه ممكن نتغلب عليها. ودايما قبل ماتعمل حاجه قول: لو ربنا مكاني هيعمل اه اكيد هتلاقي حاجه من جواك بتقولك اعمل الصح . وانتا ممكن تطلب من ربنا انه يسمحك ويديك قوه ضد الخطيه وانه يديك سلام في قلبك وربنا يساعدك

[ادروسيس]

انا كتبتلك كلام كتير لكن النت قطع
بس هاحاول افتكر
عايزة اقولك اوعى تيأس حتى لو غرقان فى الخطية حتى لو وصل بك الامر ان تعمل الخطية وعينك على صورة المسيح قولة انت شايف مش قادر انا ضيعف انا غرقان فى الطين كلمة حتى بدون كلام كفاية نظرة عينك له
قولة انا مش قادر امنع نفسى انت قادر تجعلنى اكره أى حاجةتزعلك ياربى خلى صورة المسيح مصلوب قدامك والله لو نورت قنديل قدامة
اية رايك لو تصوم معى يوم 7\7للساعة الواحدة بعد الظهر
بس ياريت تروح الكنيسة فى اليوم دة
وانا واثقة فى محبة ربنا ان التجربة دى هاتجعل منك انسان
جديد علشان تقدر أن تعين المجربين بخبرتك الروحية بس خلى عندك مقاومة وجهاد روح:10800:ى
ممكن تقول ز ى امنا ايرينى يارب توتبى قبل ما تاخدنى
اصل بصراحة ممكن الانسان يموت (وهو بعيد عنا )بيعمل حاجة وحشة
ربنا معك ويسندك

[bosbos33]

القادر ان يفعل فوق كل شئ اكثر جدا مما نطلب او نفتكر حسب القوة التى تعمل فينا افسس20:3

[salysamir]

شاهد قصة القديس موسى الاسود وانت تعرف ان ممكن انسان حالته اصعب منك بكتير ومع ذلك النعمه لما زرته اتغيرت كل حياته واصبح كمان قديس من القديسين لازم يكون عندنا رجاء وتقول لا تشمتى بى يا عدوتى فان سقطت اقوم

[روزى راجى]

بس الردود كتير جدا وكلها جميلة لو عملت بيها
بس انا عايزة اقولك انت محتاج تقعد مع اب اعترافك وتطلع كل اللى عندك وتعمل زى القديس موسى الآسود وتخل صفحتك بيضا زى الطفل اللى لسة مولود وداوم على تدريب روحى يتابعه معاك اب الاعتراف وداوم على وسائط النعمة وكون اقوى من الخطية واغلبها وقولها لاتشمتى بى يا عدوتى وكون عندك ثقة ان ربنا يفرج بخاطى واحد يتوب اكثر من 99 بارا وكمان هو جه الى النفوس الضعيفة التعبانة يعنى هو واقف بيقرع على باب قلبك افتح له واتعشى معاه
ربنا يديكك قوة النصرة وربنا معاك
صلى من اجلى:em0400::em0400::em0400:

[loosing my self]

ردودكم كلها جميله بس بصراحه أنا حاسس أنى زى ما أنا .أنا كنت قعدت كام يوم مبطل العاده فقلت أتناول بعدين فى نفس اليوم اللى أتناولت فيه و فى أقل من 24ساعه كنت رجعت للعاده تانى .أنا خلاص قربت أتجنن اذا مكنتش أتجننت فعلا أنا عارف أن الخطيه خطيه طول الوقت و أن جسمى ده هيكل ربنا طول الوقت بس كمان فى اليوم اللى أتناول فيه بصراحه أنا حاسس أنى جبت آخرى و المصيبه أنى أصلا بعمل كده و أنا مش مستمتع أصلا الموضوع بقى بالنسبه ليا مجرد عاده فعلا أو تأدية واجب .كان فى حد بيقول صوم أوكيه أنا هصوم فى اليوم اللى قلتى عليه و ربنا يسهل .و فى حد كان بيقول روح أعترف أنا على فكره أكتر حاجه مواظب عليها هيا الأعتراف لدرجه أن أب أعترافى بيصعب عليا من كتر ما أنا داوشه معايا و أنا أصلا بقوله كل حاجه بجد و مش بخبى عنه أى حاجه خالص و مش حاسس بأى تقدم .كان فى حد بيقول أن الموضوع أصلا بالنسبه ليا مشكله أختفت جوايا و تاهت معاها نفسى و أن كل اللى أنا فيه ده مجرد هروب من الواقع و أنا مقتنع بكلامك بس تقدر تقولى أزاى أعرف المشكله دى أصلا اذا كنت أنت نفسك بتقول أنها أختفت جوايا و تاهت معاها نفسى يبقى هوصلها أزاى؟ و على فكره أنا حتى الطب النفسى جربته و كل اللى عندهم شوية مضادات أكتئاب ملهاش أى لازمه لحد ما زهقت و أتخنقت بجد و مش عارف أعمل أيه فى حياتى كلها اللى بتتفتفت حبه حبه قدام عينيا و أنا بتفرج عليها

[aymonded]

صديقي الحلو مشكلتك في وقت فراغك ، العقل الفاضي معمل للشيطان ( كما قال آباء الكنيسة ) ، والشيء اللي نركز عليه يكبر ويزيد ، يا حبيب قلبي حاول تنسى المشكلة وتتبع الإرشاد في التوبة وتسعى سعي الأسود في الإصرار على أنك تصير رجلاً تحارب شهوات قلبك طالباً معونة الله بلا يأس بل بكل رجاء حي وبلا هوادة ، فالرغبة وحدها لا تكفي للتخلص من عادة بل قوة عزيمة الشجعان في الحروب ، والحرب ممكن أن تُجرح فيها ولكن في النهاية تصير لك نُصره قوية أن أصريت على النجاح ، لأن الطفل لا يسعى بقوة أن يغلب رغباته بل يطلبها في ضعف ، أما متى صار رجلاً فيحكم ذاته ويبتعد عن كل ما يثيره ، ويشغل وقته بما ينفع و يُفيد ، فحاول أن يكون لك نشاط وهواية وعمل لكي تهدأ شهوات قلبك ورغباتك ، وانفصل عن كل ما يثيرك أو يبعدك عن جهادك ضد ذاتك ، وبالصوم والصلاة بمواظبة وإصرار للنصره ستفوز بالنهاية وتغلب ....

جاهد الجهاد الحسن في التوبة وستصلك قوة النعمة إن كانت رغبتك هي أن تحب الله وتكون لك معه شركة ، وليس لمجرد أن تكف عن عادة ، لأننا نبتعد عن الشر لكي نحقق الشركة مع الثالوث وليس العكس ، بمعنى أننا لا نريد الله لكي ما نتخلص من الشر ونبقى كويسين وأسوياء ، بل نريد ان يكون لنا شركة حقيقية مع الله بالحب ، وهذا هو هدف أننا نبتعد عن الخطية حتى يصير القلب نقي ونُعاين الله الحلو ...

أقبل مني كل حب وتقدير يا محبوب ربنا يسوع والقديسين ، النعمة معك

[aymonded]

- أوصانا معلمنا باخوميوس الكبير أن تكون لنا شجاعة الأسود التي تعرف كيف تطارد الفريسة وأين تقتلها . ولذلك ، التوبة هي سعي الشجعان.

عندما نضع الخشب في النار ، يحترق وترتفع ألسنة اللهب بقدر ما ترمي من أخشاب ، لذلك كلما أدركنا عزَّتنا عند الله ، ازدادت حرارة التوبة . أمَّا إذا تملَّك " صغر القلب " ، بردت نار التوبة .

من أين تأتي عزة الإنسان ؟ ليس من المديح ، بل عندما يدرك أن ابن الله ، محبوب الآب ، قد مات من أجله .


رسالة الأب صفرونيوس إلى تلميذه تادرس
عن المئوية الأولى في التوبة
49- 52 صفحة 14
مترجم عن المخطوطة القبطية

[رويس]

صديقي الحلو مشكلتك في وقت فراغك


هو ده مربط الفرس يا أستاذ أيمن بتاع العاده دي
وقت الفراغ
حبيبي loosing my self انت العاده دي - ومش هاقول عليها خطيه - علاجها ينقسم لجزئين

الجزء الاول وانت نفذته بكل مهارة وهو أدراك ان اللي بتعمله ده غلط وأعترافك بيه
الجزء التاني وهو جزء لا يقل أهميه عنه هو الجزء البدني
دلوقتي حضرتك الطاقه اللي جوا حسمك دي بدل ما تخرجها في ممارسه العاده وتبقي بتئذي نفسك لازم تخرجها في الرياضه
حضرتك تروح اي نادي تلعب جيم تلعب كاراتيه أنشالله تمشي في اليوم 3 ساعات أو تجري ساعه كامله
المهم ان الطاقه دي تخرج من جسمك

لكن هاتفضل تعمل العاده وتروح تعترف فقط يبقي انت مكملتش العلاج
لازم تمارس الرياضه وتكون رياضه فيها مجهود بدني كبير

وكون انك تكتب هنا كلام زي ده فدي شجاعه منك كبيرة جدا ومأظنش انسان شجاع زيك هايخلي عاده زيها زي السجاير تتغلب عليه بكل بساطه كده

[ادروسيس]

العقل الفاضي معمل للشيطان ( كما قال آباء الكنيسة انا اؤمن جدا بهذة المقولة خد بنصيحة أيمن صدقنى هاتقدر
أنا بنعمة ربنا كنت عند وعدى وصمت ومازلت اطلب من ربنا من اجلك
وان كنت غير مستحقة
ربنا يعطينا حياة التوبة

[saadjabr]

العقل الفاضي معمل للشيطان ( كما قال آباء الكنيسة انا اؤمن جدا بهذة المقولة خد بنصيحة أيمن صدقنى هاتقدر
أنا بنعمة ربنا كنت عند وعدى وصمت ومازلت اطلب من ربنا من اجلك
وان كنت غير مستحقة
ربنا يعطينا حياة التوبة




بصراحة عجبني قوي الرد العملي ده
ربنا معاك