المساعد الشخصي الرقمي

مشاهدة النسخة كاملة : لبس البنت في المصيف و ما حدوده ؟؟؟


masias_1
06-27-2009, 07:39 AM
سامحوني اذا كنت اثرت هذا الموضوع
لأنه بالفعل أصبح مشكلة كبيرة

و بنات كتير اصبحوا مستعدين لهدم كل مبادئهم التي تربوا عليها، بمجرد دخولهم البلاج أو رؤيتهم للشاطئ و الميه.

و كأن المصيفدعوة صارخة للملابس العارية.



هل خفة الملابس (الملابس التي تناسب المصيف) تتناسب طرديا مع العري؟؟؟ يعني هو مش ممكن البس لبس يناسب المصيف و يكون محتشم و شيك؟؟؟


هل الشياكة معناها أعري نفسي قدام الناس؟؟
هل اللبس الخفيف معناه اللبس العريان؟؟

و للا خايفة يقولوا عليكي فلاحة أو صعيدية...أنا ماقلتش ننزل البحر ببنطلون و جاكت طبعا....أنا لا أقصد هذا


هو مش ممكن انزل الميه و انا لبسي محتشم الي حد ما- بطريقة لا يلومني أحد عليها.


في بنات كان ردها إني البس براحتي في المصيف علشان مفيش حد يعرفني

قلت في بالي هو البنت بتلبس محتشم عشان الناس تعرفها بس...يعني لو انتي في مكان ماحدش يعرفك فيه ممكن تلبسي عريان.

و هو الناس اللي في المصيف كائنات أخري غير اللي في بلدك؟



يا جماعة المصيف مكان عام زي غيره من الأماكن و الناس موجودة هنا و هنا...و اللي بيلبس محتشم بيراعي ربنا مش الناس.

فلو كنت بعد ارضي الناس لم اكن عبدا للمسيح (غل 1 : 10)


سامحوني فأنا متضايق علي بنات المسيح و لولا هذا لما كنت أتفوه بهذه الالفاظ بكل صراحة.لكن شعرت أن هذا موضوع يجب علاجه.


و لو أنا غلطان في حاجة ياريت لو فيه بنات ممكن توضح لي...يمكن هناك أشياء تغيب عن ذهني كولد..


كذلك ان النساء يزين ذواتهن بلباس الحشمة مع ورع و تعقل (1تي 2 : 9)
الآية دي قالها بولس الرسول علشان لبس البنت في كل مكان و زمان. في كنيستك و في بلدك و في شارعك و في المصيف و في الافراح.


المصيف مش فرصة نلبس فيها اللي احنا عايزينه كأن المصيف دي حاجة تاني لم تذكر في الانجيل.


اشكركم علي سعة صدركم و احتمالكم لهذا الكلام الذي ربما يجرح مشاعر القليل منكم..الرب يبارك حياتكم


صلوا لأجلي

لينا ميخا
07-01-2009, 12:46 AM
عندك حق في كل اللي قولته بس المشكلة هنا ان الاب والام ماعلموش لبناتهم الكلام دة انا واحدة من البنات لبسي في المصيف زي لبسي اللي باروح اتناول بيه بابا وماما علموني كدة
اعذر البنات اللي انت بتشوفهم باللبس الغير محتشم في المصايف و لوم الاب والام
انا ملاحظة ان مافيش حد رد عليك عارف ليه؟الكلام مش جاي علي مزاجهم ع العموم ربنا يسترها علينا
وميرسي كتييييييير لاهتمامك ببنات المسيح
ربنا يعوض تعب محبتك
اسفة طولت عليك وصدعتك

كراكيب
07-01-2009, 10:41 AM
واضح يامسياس غيرتك الشديدة علي بنات المسيح اونا طبعا اؤيدك في هذه الغيرة
ولكن دعني اختلف معك فيما ذكرته في المقدمة بان البنت تهدم مبادئها حين تصل للبلاج
هي اصلا معندهاش مبدا بيقولها البسي ازاي لان لو عندها المبدا ده يبقي مش هتغيره تحت اي مسمي او في اي ظروف
عامة اهم حاجة ان البنات دول يقورا الموضوع ويحافظوا علي اجسادهم اللي هي مش ملكهم ويبقوا امنا عليها

romy_lover
07-01-2009, 12:19 PM
عند حق
بس موش كل البنات بيلبسو عراة القليل
والعيب فى كل دة تربية الاباء
موضوع جميل ربنا يبارك حياتك

masias_1
07-02-2009, 08:45 PM
اشكرك لينا و كراكيب و رومي علي ردودكم الحلوة المفيدة الرب يبارككم.
يبقي الاساس هو تربية الاباء....لم يعودوهم علي اللبس المظبوط في البلاج....
سامحوني في الكلام
انا قصدي في هدم مبادئهم....سورررري يعني للتوضيح....البنت اللي مش بتلبس فوق الركبة هنا....هناك ممكن تلبس فوق الركبة....اللي بتلبس نص كم هنا...ممكن تلبس كت أو حمالات هناك و ممكن مايوهات...اللي مش بتلبس استرتش هنا ....ممكن تلبس هناك شورت استرتش قصير جدا و الحجة طبعا إنه مش بيشرب الميه....فيه بنات ممكن ماتلبسش بديBody هنا ....هناك ممكن تلبس بدي من الضيق الاسترتش و انتو فاهمين الباقي
الشئ اللي محيرني ليه تتغير المبادئ في المصيف...أنا اعرف ان اللي لبسه محتشم في مكان...بيكون محتشم في اي مكان....ممكن أغير نوع اللبس ايوه...بس مش لازم يكون ضيق و استرتش و مفتح....هو البنات واخدين الموضوع دا من ضمن المساواة بين الرجل و المرأة و للا ايه؟؟؟
أنا مش عارف هانوصل لحد فييييييييييييين!!!!
أرجوكم يا جماعة قولولي هلاللبس الضيق و المايوهات و المحزق و المفتوح و الاسترتشات الضيقة اصبح شئ من المحتم أن نراه من بنات المسيح في كل مصيف؟؟؟ أم أنا اللي انسان مش بأفهم و مش ماشي مع الموضة...الموضة اللي هاتجيب راسنا في الطين

صدقوني ! صدقوني ! صدقوني ! فيه ناس بتلبس لبس محترم جدا و شيك جدا جدا في المصيف لكن مش عريان بالمرة.... هو ان ما كنش اللبس عريان و ضيق و مفتح يبقي المصيف مش مصيف.

-ارجوكم يا بنات المسيح
-لأجل الجنب الجريح
-بلاش اللبس المستبيح

ارجوكم ساعدونا بعدم لبس الملابس المعثرة

دا ويل لمن تأتي بواسطته العثرات

لكن ويل لذلك الانسان الذي به تاتي العثرة - مت 18 : 7

أحب اشوف ردودكم و تعليقاتكم يا جماعة

كراكيب
07-02-2009, 08:51 PM
الشئ اللي محيرني ليه تتغير المبادئ في المصيف...أنا اعرف ان اللي لبسه محتشم في مكان...بيكون محتشم في اي مكان....ممكن أغير نوع اللبس ايوه...بس مش لازم يكون ضيق و استرتش و مفتح....هو البنات واخدين الموضوع دا من ضمن المساواة بين الرجل و المرأة و للا ايه؟؟؟


وده برده الي انا اقصده ياماسياس
هي لو كويسة هتبقي كويسة علي طول وفي كل مكان
لكن هي ممكن تكون مبتلبسش اللبس ده في الاوقات العادية غصب عنها عشان المجتمع مثلا والاسرة

masias_1
07-02-2009, 08:51 PM
صدقوني رد علي رد و رأي علي رأي هانوصل لحل و فيه ناس حتي لو قلة قليلة جدا هاتستفاد و تنقل استفادتها الي كل من حولها

ثقوا أن كلمة الله لا ترجع فارغة أبدا...و ثقوا ان هذا الكلام ربنا هايستخدموا

أنا واثق في كدا جدا جدا

ربنا يبارككم و يحافظ عليكم و علي كل أولاد المسيح

masias_1
07-02-2009, 09:06 PM
فعلا يا كراكيب رأي مظبوط و حكيم من انسان حكيم

ممكن فعلا تكون مش بتلبس اللبس دا او ما شابه ذلك لأجل المجتمع و الأسرة

و لأجل انها ممكن تنتقد

أو يقال عليها كلام مش كويس

لأن في المدينة كل الناس شايفاها

أما في المصيف ف عدد قليل جدا من الذين يعرفونها و غالبا ما يكون الاصدقاء أو الاقارب أو بعض افراد رحلة

لكن ذلك يختلف عن البلد تماما

فلو انتقد هذا قلة قليلة في المصيف

أفضل من أن ينتقد هذا ناس كتير

فعلا رد حكيم

و احب اشوف ردود تانية

فيه ناس بتدخل كتير

ياريت ما تهربش و شارك برأيك

حتي لو بكلمتين

ممكن يكون فيهم حل و شفاء لأي نفس مخطئة

الرب يرحمنا جميعا

لأن كلنا في الموازين الي فوق

الناى الحزين
07-02-2009, 09:49 PM
صدقنى يا مسياس
انا شاب اهو
اخر مره كنت فى المصيف
وكنت لابس شرط مش مايوه
وكنت مكسوف جدا جدا من نفسى
ازى البس كدا قدام الناس
مع ان محدش يعرفنى
لما انا وشاب وبحس بكدا
اومال البنت اللى بتلبس اللبس اللى تقصده
احساسها يكون ايه وهى ماشيه بتتمخطر قدام اللى قاعد واللى رايح واللى جاى
بص حبيبى خلاصه الكلام
العيب من الاهل لو فيه توعيه فى البيوت يفهموا الشباب يعنى ايه حشمه ويعنى ايه بنات المسيح
مكنش يحصل كل ده
احب اقول بس ايه صغيره فى الانجيل
ياريت كل بنت بتعمل كدا تفتكرها كويس الايه بتقول
هكذا فليضئ نوركم قدام الناس
لكى يروا اعمالكم الحسنه
فيمجدون اباكم الذى فى السموات
هل الناس بتمجد ابوكى السماوى لما تشوفك بتعملى كدا
اسف حبيبى على الاطاله
ربنا يفرح قلبك

rrrrrr
07-04-2009, 11:14 AM
أتفق مع قدسك ومش عارف أكتب حاجة فى الموضوع
محتاج لصلواتك

gigi2007
07-04-2009, 11:37 AM
للاسف ان لبس البنات المسحيين بقا يكسف واصبحنا احنا عراه مش بس في المصيف لا في كل مكان على النت في مواقع الفيس بوك البنات عارضين صورهم حاجة تكسف وتخجل في الكنايس بندخل بلبس محزق وقال ايةواحنا داخلين نتناول نحط اشرب على كتافنا وفي الشارع لابسين قصير ومحزق وحاجة بلا واخواتنا التانين لابسين حشم ومحترم وفي الاخر نقول فلان ضايقنا وفلان اتحرش بينا
للاسف ان الحالة العامة بقت تخجل مش بس في المصيف ربنا يرحمنا واوقات بقول اللى بيتعمل فينا ده غضب من ربنا

enjoy
07-04-2009, 01:32 PM
كل كلام قدسك صح بس احنا بردو معزورين من المعروف ان فى المصيف الواحد بيغير فيه جو و الواحد بيكون براحته مش براحته اوى يعنى بس انا عندى
هو فيها حاجه لو الواحد لبس فى البحر او البسين مايوووه حمالات و جيب عادى ولا فيها حاجة؟؟؟؟؟؟

enjoy
07-04-2009, 01:35 PM
ارجو الرد بسرعةةةة

mina_cool
07-04-2009, 02:33 PM
صح كلامك صح ومش غلطان

angluos
07-04-2009, 02:42 PM
شكرا ليك وشكرا لشجاعتك في انك تتكلم في موضوع زي دا بس الموضوع اسبابة تكون في التربية من ناحية الاب او الام وعدم الاهتمام وان المصيف حالة فرعية يمكن نعمل فيها اللي احنا عايزينة علي الرغم بان المبدا لايتجزا وان اللي عندة مبدا يلبس بما يليق باولاد الله في اي مكان هيلبس بما يليق باولاد الله في المصيف بردة واللي يرضي ربنا مش الناس واعتقد اننا علشان نلاقي الحل في علاج الموضوع دا لازم ندور علي علاج الاب والام في حالة الاهمال وعدم اللامبلاه او البعض بيتصرف من قبيل الاتيكيت ودا مش مظبوط اذا كان يتنافي مع عقيدتنا المسيحية ولازم علي كل اب وام ان يكون في رد فعل حازم وان يكون في حوار حتي في اختيار الملابس اللي تناسب جو المصيف واللي لاتتنافي مع عقيدتنا واخلاقنا

enjoy
07-04-2009, 02:44 PM
صح كلامك صح ومش غلطان








:em4500: ايوه بس ايه الرد برده

enjoy
07-04-2009, 02:48 PM
thx angluo
s

mrmr_adolf
07-04-2009, 09:44 PM
على فكرة ياجماعة المشكله مش فى المصيف بس طيب ما اللبس الطبيعى بتاع البنات بقى ملفت والى حد ما عريان

طكمنتا
07-04-2009, 11:30 PM
هو يا ابونا كل الكلام دة صح هو فى نظرى ان مفيش كلام تانى يقال ولكن يوجد حل اخير كل اب كاهن يكلم البنت اللى بتعترف عندة مرسى جدا

kottah_sh
07-05-2009, 12:16 AM
بأمانه المسيح الموضوع ده لسه كان فى تفكيرى امبارح
انا من اليكس وخرجت مع عيلتى فى مكان
يعتبر مصيف او قريه صغيره مصيف
وطبعا شوفت مناظر تحرق الدم
البنت لابسه من غير هدوم وزعلانه اوى ان الشباب بتعاكسها او بتضايقها
طبعا دا غير طريقه مشيتها اصلا
تخلى الاخرس يتكلم والاعمى يشوف
قعدت افكر هل البنات دى نازله من بيوتها
واهلها شايفين لبسها كده؟
طيب ايه احساسهم وهيه نازله باللبس ده؟



انا بنت اهو وعايشه فى اليكس
وبقالى فوق 4 سنين منزلتش البحر
ولا حتى بحب اروح هناك
انا بحب منظره باليل بس اتفرج عليه من بعيد

الله اعلم دى عقده نفسيه ولا احترام لنفسى ولمسيحى

بجد الواحد مبقاش فاهم ولا عارف ايه اللى بيحصل ده


فعلا دلوقتى بقى المصيف لعرض .............


الموضوع كبير جدا وطويل جدا
ومهم جدا جدا جدا

ربنا يرحمنا ويحافظ على بناته ويحميهم
ميرسى اوى ماسياس لعرضك للموضوع

امندا
07-06-2009, 06:43 PM
انا مبسوطة اوى ان فى حد بيكلم فى الموضوع دة .المشكلة مش في لبس المصايف بس دة كمان في لبس الافراح! وفعلا زى ما المسيح قال ان ابناء الظلمة احكم من ابناء النور في جيلهم وكلام الكتاب المقدس عن الناس في اخر الايام يكون لهم صورة التقوى وهم ينكرون قوتها وتعاليم المسيح للتلاميذ في الدسقولية(ويل لمن يجدف من الامم علي اسمى بسببه)انا عاملة جروب على الfacebook اسمه "انتم نور العالم" علشان الموضوع دة ياريت تشارك فيه وتنزل الموضوع دة بلينك علشان البنت مش بتعري جسدها لكن بتعري المسيح!

ماريان
07-07-2009, 01:21 AM
انا عن نفسى مشفتش الكلام الى انتو بتقولوا علية
يمكن لانى بروج المصايف الشعبية
هههههههههههههه
ولا لانى بقالى سنتين مروحتش لظروف الامتحانات
وتكون الناس اتغيرت
مش عارفة
بس انا مش عايزة اعلق على لبس البنات لان الى اتقال فية كفاية
بس نفسى اقول للولاد مش معنى انها لبسة وحش
ان دة يديك الحق انك تبص او تعاكس
لان الولاد مبقاش تفرق معاهم بيعاكس اى حد
حتى لو نموسة معدية هيعكسها

امندا
07-07-2009, 06:27 PM
المشكلة كمان ان كل واحدة بتقارن نفسها باللى لابسة اقل منها يعنى لو واحدة لابسة كت شايفة نفسها احسن من اللى لابسة حمالات و اللى لابسة حمالات احسن من اللى لابسة سابمييوتاه وما الى ذلك سواء فى المصيف او الفرح ما حدش حاسس انه غلطان !واللي يحرق الدم لبس الصليب علي اللبس دة و كان المسيحية تنادى بكده!لا ننسى قول الكتاب انت بلا عذر ايها الانسان.

tota .atef212
07-07-2009, 09:22 PM
هاى ماسياس انا توتا انا عامة بقرة المواضيع من غير تعليق بس عندى تعليق ان لما بلبس اللبس المحتشم فى بلدى لا الناس زى مانت عارف بيتلككوا عشان يعاكسوا بس لو لبست شورت وكت فى المصيف دة شئ عادى عشان المكان اللى انا فية والكت والشورت مش عريان وفى نفس الوقت بتيقى كل الناس كدة فدة شئ طبيعى هناك اكيد وانا على البحر حلبس شورت او كت ولو خارجة بليل حلبس كدة وطبعا الكلام دة مينفعش فى اسكندرية مثلا بس يبقى عادى جدا فى الغردقة وشرم ومرسى مطروح فالمكان بيلزمنى البس اية زى الفرح برضة لازم البس مثلا فستان علية من فوق شال خفيف والفستان على الركبة دى شياكة وبتيقى برضة باحترام ومينفعش البس اللبس دة فى بلدى مش عشان الناس الى انا عرفاها عرفانى لا لانة مينفعش باى طريقة من الطرق وارجو احترام وجة نظرى زى ماانا بحترم وجهة نظركم وبحس ان دة اكتر بيرجع للتعود

bolalover
07-07-2009, 10:27 PM
انا كنت انهارده في مصيف
و شوفت شوية بنات و شوية لبس
اوووووووف
اعوذوا بالله
ايه ده
فعلا ليها حق درجة الحرارة ترتفع كل يوم عن ايل قبله

Nana_English
07-08-2009, 05:10 PM
البنت المفروض تلبس بادى
بكم ورقبة وبنطلون طويل

اولآ : علشان تبقى محتشمة ومحترمه ومش تعثر حد
ثانيآ : علشان مش تسود من الشمس
بأمانة بجد مش هزار

تماف و نانسى
07-08-2009, 09:55 PM
مرسى اوى على الكلام دة اولا وثانيا ان كل الكلام دة مش يرضى بعض الناس ياعنى لو لبسنا بدى وبنطلون جينس هيبقى شكلنا حلو حتى عند الصعيدا ان دة مش حشم طب نعمل اية نلبس على مدجنا ولا مداج الناس المهم فى دة كلة مش المزهر المهم انك اوانك تتمتعى ودة مش يحدث انك كل واحد يشوفك يقول شوفت البيت المسيحية لبسة اية مش هما احد وطبعا الى بيكرة احد بيحب يطلع القطط الفاطسة علية وكمان احنا اولاد اللة نعمل اية ممكن البانطلون الجينس والبضى اول حاجة شيك وستيل وكمان مختشم على اد ما وكمان محدش لوه انة يكلم عليكى وعلى فكرة كل واحد اما بيتكلمعليكى لفظ مش حلو شور بتخدى علية سيئات ويارب تكونوا قد فهمتوا مش بهمتوا ههههههههههههه سورى ده هزار

medhatgendy
07-09-2009, 11:13 AM
ربنا يباركك يا ماسياس
كلامك عن المصيف و اللي بيروحوا المصيف بيقول أن المصيف من أساسوا ممكن يكون غلط ولأن اللبس جزء من المصيف فا بالتأكيد في غلط أما في المصيف أو في اللبس بتاع المصيف أو الشخص المصيف بس أنا رأيي الشخصي أن لو أن أي شخص طول عمره بيروح شغلة بقميص و بنطلون محتشم مينفعش يروح زيارة لناس و لو كانوا أقرباءة ببجاما حتي لو محتشمة يعني لكل قائم مقام
ولو انا رايح ألعب سباحة يبقي مش هلبس بدلة بقميص و جرافت انزل بيها من بيتنا علشان أروح أغير البدلة و ألبس مايوه لا علي الأقل هلبس شورت يبقي المبداْ اللي لازم نتفق عليه هو الموضوع نفسه ليه أنا بروح المصيف و البحر و اي بلد فيها صيف مش موجود في بلاد تانيه ليه ؟؟؟؟؟؟ المبداْ هو لأجل أمتاع النفس بشيئ غير متكرر يومياً أي راحه بعد تعب و طبعاً هتسألني و أيه التعب لبنت لسه شابه أو لسه بتتعلم ولا خلصت و مستنيه وظيفه و عريس ولا متجوزة جديد أقولك الأنغلاق يعني البنت اللي عايشه في الصعيد مش ممكن تلبس مايوه او كت او فوق الركبه اوميكروجيب قدام ناس كتير من اللي يعرفوها لأنها في مجتمع مش بيلبس الحاجات دي بس دا ممكن يحصل بالمصيف لأنها في مصيف و دا لبس البحر اللي المفروض الناس تلبسه وهما رايحين البحر اللي في المصيف اللي هو الراحة بعد تعب اللي هو مش ممكن البس فيه الا لبس يليق بالبحر محتشم ولا مش (دي أزواق) لأن ممكن المحتشم يثير البعض من الناظريين أكثر من الغير محتشم و السؤال هنا هل الكلام للنساء فقط ولا ممكن يكون للرجال كمان و الشباب اللي ملي الدنيا بالموضات الغريبة و العجيبة اللي مبتطلعش الا في المصيف كمان و الأفكار الغريبة زي معاكسة البنات و الشرب و الرقص كل ده موجود بالمصيف وعلي العكس بالنسبة للعايشين طول عمرهم بالمصيف مهما لبسو محدش بيقولهم حاجة .
أما حل هذه القضية يجب أن ينبع من الداخل أي من داخل الشخص نفسه يجب أن يعرف كل منا أن الروح القدس الذي بداخلنا يطلب ضد الجسد و هو حق لأن الجسد يطلب راحة و خلاعة و رزيله وتهاون و عدم مبالاه بالأخرين و لكن الروح يطلب وقار و تعب و محبه و الأهتمام بالأخرين (المولود من الجسد جسد هو و المولود من الروح هو روح )(يو 3:6 )
فيجب أن نعرف جميعاً أن راحة الروح في الصلاه و العبادة و الجلوس في حضن مخلصنا
أما راحة الجسد فهي كثيرة في عالمنا و أعتقد ان المصيف شئ منهــــــــــــا

امندا
07-09-2009, 11:45 AM
هاى ماسياس انا توتا انا عامة بقرة المواضيع من غير تعليق بس عندى تعليق ان لما بلبس اللبس المحتشم فى بلدى لا الناس زى مانت عارف بيتلككوا عشان يعاكسوا بس لو لبست شورت وكت فى المصيف دة شئ عادى عشان المكان اللى انا فية والكت والشورت مش عريان وفى نفس الوقت بتيقى كل الناس كدة فدة شئ طبيعى هناك اكيد وانا على البحر حلبس شورت او كت ولو خارجة بليل حلبس كدة وطبعا الكلام دة مينفعش فى اسكندرية مثلا بس يبقى عادى جدا فى الغردقة وشرم ومرسى مطروح فالمكان بيلزمنى البس اية زى الفرح برضة لازم البس مثلا فستان علية من فوق شال خفيف والفستان على الركبة دى شياكة وبتيقى برضة باحترام ومينفعش البس اللبس دة فى بلدى مش عشان الناس الى انا عرفاها عرفانى لا لانة مينفعش باى طريقة من الطرق وارجو احترام وجة نظرى زى ماانا بحترم وجهة نظركم وبحس ان دة اكتر بيرجع للتعود انا احترم وجة نظرك ولكن وجدت بنات اعرفهم ذات مستوى اجتماعى راقى جدا يلبسن بشياكة وذوق عال دون ان ياخذ احد علي لبسهم شئ فاعتقد هؤلاء سوف يدينون باقى البنات ممن يعيشون فى جيلهم

saboor
07-09-2009, 11:55 AM
وده برده الي انا اقصده ياماسياس
هي لو كويسة هتبقي كويسة علي طول وفي كل مكان
لكن هي ممكن تكون مبتلبسش اللبس ده في الاوقات العادية غصب عنها عشان المجتمع مثلا والاسرة[/center]
حد يقولى فين كراكيب
تايه بدور عليه ده حبيب
مستخبى من المنتدى ومش قريب
فين مواضيعه اللى تقيد الدنيا لهيب
دورو معاى على حبيبى كراكيب
وقولو اقوم انشط وخليك قريب
يا كراكيب يا كراكيب للمنتدى انت حبيب
وعجبى
saboor شاعر على باب الله
خادم سيرة القديس اباهور السرياقوسى

القمر الحزين
07-09-2009, 12:33 PM
كلامك صح يامسياس
وعندك حق فى كل اللى قولته
بس مش كل البنات كدة
فى بنات فعلا زى مانت قولت
يعنى انا واصحابى بنلبس بنطلون وبادى نص
ومحدش له دعوة احنا صعايدة ولابسين صعيدى ولا لا
علشان احنا بنلبس لبس يليق بينا كابنات للمسيح
ميرسي يامسياس على موضوعك الجميل دة
ربنا يعوضك

masias_1
07-14-2009, 07:41 AM
اشكركم يا شباب علي آرائكم الجميلة...
و اشكر مشاركتكم

و انا بالفعل رحت المصيف قريب للفسحة

و صدقوني حاجة تحزن و تبكي
بنات كثير من بنات المسيح
لابسين مايوهات في منتهي الخلاعة
بل للاسف شبيه بالملابس الداخلية

صدقوني كنت قربت ابكي و اقول ليه كدا...ايه جري لبناتنا...فين المسيحية....فين الحشمة
و حزنت بالاكثر لما لقيتهم مرنمين و خادمات

و حزنت اكثر لما لقيت واحدة امها امينة خدمة
قلت في بالي ازاي دا؟؟؟ قعدت اسأل و انا حيران و بأضرب اخماس في اسداس

و قلت في بالي يمكن اكون انا المخطئ...انا الغلط...يمكن انا مش فاهم

قلت هو المسيح قال ان لباس الحشمة في المدينة و الكنيسة بس
لكن براحتكو في المصيف و الافراح دول مش من ضمن

و شفت خادمات في منتهي الشياكة و الوقار لابسين لبس محترم و يناسب الماء ايضا
قلت في بالي فعلا....العيب علي الاب و الام و مش علي البنت

و ياسلام علي منظر البنات و هم جايين لابسين المايوه و قال ايه؟؟
ملفوفين بملاية قبل ما ينزلوا البحر....و ماشيين مكسوفين
قلت ايه دا ؟؟ ايه دا ؟؟؟ ايه اللي بيحصل لبناتنا يا رب..

و الام الخادمة فرحانة عادي خالص بأن بنتها نازلة بالمايوه الشبيه بالملابس الداخلية

يا جماعة يا جماعة فوقوا فوقوا شوية
دا ويل لمن تأتي بواسطته العثرات

و جسدك دا مش ملكك تعري فيه أو تبوظ فيه

صدقوني دا اخواتنا المسلمين لبسهم في غاية الحشمة مع انهم بينفزوا هذا بحرفية و ليس بروحانية

دا في احد المرات سمعت اب غير مسيحي بيعاير بنته و يقولها...انتي هاتلبسي زي النصاري
فيه ايه تاني اكتر من كدا

ربنا معاكو و يرشدكو و ياريت اي حد قبل ما يكتب رأيه يقرا أول مشاركه عشان يعرف ايه وجهة نظري في الموضوع بدل ما اشرحه تاني

الرب يبارككو

saboor
07-14-2009, 10:51 AM
كلامك واقعى وجميل
ومفيهش اى تحميل
على شخص عادى اوجميل
وياريت الناس تسمع
ولكلامك تدقق مش ترفع
الاذن عن الجمجمه والراس
وتكون بدون اعين كمان ياناس
ياناس اسمعوا الكلام المفيد
اللى فيه على الحشمه التاكيد
وكله واضح مش تفنيد
وبدون ححج اكيد
مضحكوش الاديان الاخرى علينا
داحنا اصلا القدوه لينا
استرو البنات العرايا
علشان منبكيش زى الولايا
وعجبى
ِ

saboor
07-14-2009, 11:03 AM
انا عن نفسى مشفتش الكلام الى انتو بتقولوا علية
يمكن لانى بروج المصايف الشعبية
هههههههههههههه
ولا لانى بقالى سنتين مروحتش لظروف الامتحانات
وتكون الناس اتغيرت
مش عارفة
بس انا مش عايزة اعلق على لبس البنات لان الى اتقال فية كفاية
بس نفسى اقول للولاد مش معنى انها لبسة وحش
ان دة يديك الحق انك تبص او تعاكس
لان الولاد مبقاش تفرق معاهم بيعاكس اى حد
حتى لو نموسة معدية هيعكسها
كلامك حق يا ماريان
شبابنا اليومين دول عيان
بداء معاكسات البنات
حتى على باب الكنيسه ممكن يبات
لحد مايشوف اى بنات
ولكن عندى كلام للبنات
لاحظى ودققى ياست الستات
فى لبس ام البنين والبنات
السيده مريم ام البنين والبنات
لابسه حسشمه كمان وطرحات
وكمال لبس وقور يابنات
واخر موضه ولوزمنها فات
ليه العرى والبدى يابنات
ما نللبس اوسع البديهات
ونوسع بنطلونات الجنيسات
وياريت ترجع زمن الجيبات
المحترمه بدون تكليفات
وكفايه كد يابنات
وكمان شبابانا الصبينات
بلاش البنطلون الساقط
والبدى المقطع اللافت
لنظر كل هافت
على موضه ملهاش ناقد
وهى الموضه ياشباب جنان
وبنصرف الفلوس بجنان
وعجبى

saboor
07-14-2009, 11:12 AM
عايز اايد اخونا الحبيب
الشاب الجدع كراكيب
واقول من غير تأليب
ليه بنغير المبادئ فى المصيف
والحرام حنا بنلاقيه هناك حلال وملطف
وكأن اللابس عامل زى الورد يتقطف
لما يجى الصيف يتاطف
ونقلل من الملابس والحسشمه
وبنعمل الكلام ده بنشاط وهمه
فين بقى المبادئ يا شباب
من البس العرى الهباب
وفين تقاليد اولو الالباب
وعجبى

heba nage
07-14-2009, 01:45 PM
اشكرك على هذا الموضوع انا فعال بحس ان ناس كتير بتغير مبادئة وتربيتة فى لحظة لمجرد تغير المكان مش بس المصيف دةفى بنات مجرد انها بتسافر بلد تانية بتلبس وتغير فى شكلها وتقول لازم اتاقلم مع البلد دى انا بجد مش عارفة هو لية كدة المفروض المبدا واحد لا يتجزا ابدا لا بالمكان ولا بالناس اللى حوالية

rmk3777
07-14-2009, 11:55 PM
احلى رد عجبني هو رد الناي الحزين
وانا متفق معاه تماما
ولكن سمعت ردا او اقتراح من احد الاخوات
وهو : اللبس اللي بيتلبس دلوقتي برمودة وربع كم و............ يعتبر لبس مصيف مش محتاجة عري اكتر من كدة

rage
07-15-2009, 02:03 PM
احنا بنقول ان الاهل هما السبب فى لبس البنات كده او هم من اهم الاسباب طيب عاوزين نسال سؤال اعتقد انه مهم :-ايه اللى يخلى الاهل يلبسوا او يسمحوا لاولادهم يلبسوا كده انا رأى ان احنا لو حاولنا نجاوب على السؤال ده ممكن نوصل لبعض الحلول

epiphanios
07-15-2009, 02:49 PM
First i am sorry i have to write in english cause i do not have arabic keyboard . In my opinion , i see that most of people are still focusing on the exterior side of life , whaterver i put on clothes , the main important thing is the feeling from inside . Not the clothes which will decide my eternity , i can wear a tent but from inside i am not feeling the presence of God , so what is the use? whatever pople will say about me .. This should be the main concern , everything else will come as a result of this feeling ..

BESHO BAVARIOS
07-15-2009, 03:00 PM
انا اشايف ان موضوع اللبس دة حرية شخصية وبعدين الحاجات دى بتختلف من مكان لمكان يعنى مثلا لو انت فى شط اجنبى محترم هناك محدش بيبص على حد كل واحد فى حاله يعنى دة مشكلة المجتمع مش مشكلة البنت
زى البنت وهى ماشية ولابسة لبس عادى مهى بتتعاكس هل ده غلطها ولا غلط المجتمع وبردة بتختلف من مكان لاخر يعنى الجيزة مش زى الزمالك

rage
07-15-2009, 03:03 PM
انا معاك يا epiphanios ولكن الكلام ده ممكن مش فى بلدنا لكن حتى المصريين لما بيسفروا بره مصر مش بيعرفوا (معظمهم) يتاقلموا مع لبس الدول الاخرى سواء منحرف يسارى او يمينى .انا اسف على الاسلوب لكن راى ان اللبس مهم جدا فمثلا يعنى ايه بنت لابسه بدون حشمه تماما وتقولى ان قلبها مع ربنا ربنا بنفسه قاللها حافظى على نفسك ( انتم هياكل الله) اعتقد انها حلقه مرتبطه مع بعضها مينفعش نقول الكلام ده.لان اللى بتلبس tent زى ماحضرتك قولت وهى من جواها بعيده عن ربنا هى اللى غلط . هى لابسه كده مش علشان علاقتها بربنا ولكن لغرض اخر فى نفس ابن يعقوب . وخد مثل كمان الراهبات ايه لبسهم بالشكل ده اعتقد انه له علاقه وطيده بالموضوع اللى بنتكلم فيه.

epiphanios
07-15-2009, 03:11 PM
Thanks Rage for the reply , i just wanna clarify one point , i wanted to say that we have to build from inside first , then AS A RESULT , you will not find anybody wearing in a bad way , we have to begin from inside which will determin the rest of life . Thank You

هانى يعقوب
07-15-2009, 03:16 PM
كلام صحيح كل مكان لية ملابسة وظروفة
لكن كل مكان فية المسيح
لان شوفت بنات بكلمة الحرية والتفتح
تقدار تعمل اى شئى غلط
وتهين اى انسان يعترض كمان
لكن احب اقوال ان دا مش اعتراض شباب اوشابات كويسة او اعتراض مجتمع او ناس بتخاف علها

هانى يعقوب
07-15-2009, 03:20 PM
دا اعتراض المسيح
واسف لو كلامى جرح حد ارجوة يسامحنى
ويعرفنى رائية الشخصى

rmk3777
07-15-2009, 04:42 PM
كل الكلام اللي اتقال صحيح
ولكن اولا واخيرا
احنا الكلام عندنا سهل لكن التنفيذ
ممكن تلاقي واحدة من اللي بيلبسوا مايوه وبيعثروا الناس يكلموا بنات عن المسيح كانهم بيحبوه
وممكن شباب من اللي بيعاكسوا البنات يتكلموا مع شباب زيهم عن نفس المشكلة ويقولوا ده عيب
انا شايف ان المشكلة هي العبادة الظاهرية
والازدواجية في الحياة
ساعة لقلبك وساعة لربك
وللاسف كتير من الخدام هما سبب العثرة
وكتير من الناس الغير خدام قديسين
ياريت نصحى لنفسنا
وكل واحد يهتم بخلاصه مش بكلام الناس
اسف للتطويل
بس احنا كمسيحيين دلوقتي بقينا معثرة

rmk3777
07-15-2009, 04:44 PM
سامحوني على كلامي
زمان كانوا يعرفوا الولد المسيحي من ابتسامته ووجهه الابيض المنور حتى لو كانت بشرته سودا سلامه وفرحه الداخلي بيدي نور على وجهه
وزمان كانوا بيعرفوا الواحدة المسيحية من لبسها المحتشم
لكن دلوقتي الخليعة تكون مسيحية والمتغطية تكون غير مسيحية كان المسيحية بتنادي بالعري
للاسف اصبح يجدف على الاسم الحسن بلبس البنات وتصرف الشباب المسيحيين

amerkhairy
07-20-2009, 06:00 PM
انا بشكر تعب محبتكم الموضوع مهم جدا

بس فى حاجة مهمة وهى انة المجتمع مش ذى بعضة يعنى باختصار الطبيعة بتفرض نفسها علينا

مش كل حاجة بتكون من الاب والام الابن الضال ابوة ماقصرش فى ربايتة ومع ذلك ضل اقصد فى اشياء كتير احنا بنكون فيها السبب

وعايزك متزعلش منى انا على فكرا صعيدى

واديلك برهان على الطبيعة اللى بتفرض نفسها انت لو جبت بنت من الصعيد على الشاطى

مش اتلبس اللبس العارى اللى انت شفتة الشاطى بيكون فية من كل الطبقات وكل واحدة بتعيش حسب الطبيعة المحيطة بيها

انا معاك فى جزء من البنات بيزودوها شوية ودة غلط منهم وهما اللى لازم يغيرو من وضعهم الاب والام ايقدرو على اية ولا اية فى الزمن الاغبر دة

سامحونى على كلامى بس دى وجهة نظرى

saadjabr
07-20-2009, 11:56 PM
لو كل المسيحيين زيك كدا
يبقى الدنيا بخير
أشكر حرصك ( قصدي كاتب الموضوع ) على أجساد بنات المسيح
وغيرهم كمان
المجتمع كله غلطات وعثرات
بس مين يقرا ومين يعيد
زمن غريب فعلا
ربنا يحفظنا
ويحمينا

اس اسامة عوض
07-21-2009, 12:20 AM
احنا فى غابة مش فى دنيا الحب
عندك حق
وانا معاك فى الموضوع دة
لحم المسيح بقى رخيص اوى

rmk3777
07-23-2009, 07:58 PM
عندك حق اخونا اس اسامة لحم المسيح بقى رخيص
لكن احنا كمان كشباب " أولاد " بقى عندنا المسيح رخيص علينا
امتى نشوفك يارب
امتى نعرفك امتى نحس بيك في دوامة الحياة امتى نحترمك كأب ونعيش معاك كأبناء غاليين عليك مش بنكون سبب ان الناس يجدفوا على اسمك
امتى نكون بركة مش عثرة
امتى يارب نفهمك ونحبك
امتى يارب نحبك امتى نخافك ....!!!!

اس اسامة عوض
07-23-2009, 10:42 PM
المشكلة انى الناس عارفة انى دة غلط لكن الكل يقول
وانا اعمل اية
هو دة اللبس اللى موجود فى السوق المصرى

( ودى حقيقة الملابس كلة
غير محترم )
انا كنت قاعد مع اخوة غير اقباط
وكانو بيعيبو على لبس اخواتنا البنات فا كان الرد
العباية الاسود
دى عباية يعنى محترمة قالو ايوة
قول لكن الخامة لزقة اوى على الجسم يعنى كشافة كل حاجة
يعنى هو دة اللبس الموجود
دى الحاجة بتاعت الناس !!
صح

مانـــوو
07-23-2009, 11:31 PM
انا عاوز اذكر موقف صغير حصل ومش ف مصيف
كنت راكب موصلاه ومروح وكان قاعد جمبى بنت محجبه ومعها ولد صغير وكان فى وحده معديه ف الشارع لبسه جيب فوق الركبه الواد الصغير شفها وقال للبنت اللى معااه

شايفه البنت ديه اكيد مسيحيه
الواد الصغير عرف انها مسيحيه من الجيب اللى فوق الركبه

ده ف الشارع اما ف المصيف
no comment

شكرا ع الموضوع

rmk3777
07-25-2009, 07:58 PM
عندك حق يامانو
العريانة تبقى مسيحية
والمحترمة تبقى مش مسيحية
طبعا دي المسيحية نيو لوك الجديدة

hany1982
07-27-2009, 11:44 AM
اشكرك على الموضوع المفيد
وأنا فى رأيى أن فعلاً ذى ما قالت لينا إن الاساس هى تربية الأباء والأمهات اللى بيها بينشأ الأبناء والبنات وبيتصرفوا على أساسها .
ويا ريت يكون الموضوع على اد المصيف بس لأ دا احنا بشوف الكلام ده فى كل مكان حتى فى الكنيسه ذى فى الأفراح مثلاً ..........

أهم حاجه ان ننمحوا الذنب بالتعليم يعنى المفروض الكنايس والإجتماعات يكون تعليمها فى خدمة الشباب على النقطه دى ويعلموا بناتنا وأولادنا كمان إن اجسادهم هى هياكل للروح القدس وإن أى تصرف غلط بيهين الروح الساكن فيها .........

Jesus_Heart
07-27-2009, 12:42 PM
بجد يا جماعه الموضوع ده مهم اوي
وانا السنه اللي فاتت كنت في مصيف وشوفت مناظر بردو مش حلوه خااااااالص
والبنت ماشيه وشده وراها 4 او 5 اولاد بيعاكسوها
وهي ماشيه بطريقه مش كويسه خالص وبتضحك وعادي
انا بقيت في حالة زهول من اللي بيحصل ده
بجد يا جماعه لازم نحافظ علي نفسنا من كده
والولاد كمان مش لما يشوفوا اي واحده في منظر وحش يفضلوا باصين وهما مش عاجبهم المنظر طيب بتبص ليه ما دام المنظر مش عاجبك
بعني بردو في حاجات كتير جداااااااا بتحصل وحشه في حقنا وفي صورة المسيح اللي الناس بتشوف صورته فينا وللاسف احنا اللي بنشوه صورته قدامهم واحنا مش فاهمين ده
بجد موضوع مهم اوي
ميرسي ليك كتييييير جدااااا
ربنا يعوضك

نانا2
10-01-2009, 08:53 PM
ربنا يعوض تعب محبتك على الموضوع الحلو ده ودى فعلا بقية مشكلة كبيرة هو اولا احنا نقول السبب من البيت لان محطوش حدود معينة للبس وثانيا نعيب على البنت لان حتى لو الاهل بيوافقوافين الروح القدس اللى اخدناه فى كتير بيحبوا يقلدوا البنات ويقولوا مافى ناس بتلبس كده كتير ولو انا مش بلبس كده فى بلدى علشان الناس يعرفونى هروح فين من ربنا وضميرى فى كتير بيلبسوا محتشم وبيبقى شيك فى نفس الوقت ومايعثرش حد انا على نفسى لما بروح المصيف بلبس لبس عادى مش علشان خايفة من كلام الناس لكن علشان جسدى ده هيكل الله وروح الله ساكنة فيه ومن يفسد هيكل الله يفسده الله ده مش كلامى ده كلام الانجيل وبجد كويس ان فى حد بيتكلم فى الموضيع دى وياريت اى حد بيعمل كده يرجع عنه واسفة على التطويل

Katy_Archi-Mekhaeel
10-30-2009, 02:47 AM
فعلا الموضوع دا بيبقى مسؤلية الاهــــــل لو كانو عندهم واعى بكدة اكيد هيواعو اولادهم

متشكرة خالص ع التوبيك الجميل دا

SNoW
11-17-2009, 06:25 AM
ميرسى لكاتب الموضوع ..

جميل جدا اننا ننبه الناس لاخطائها بس نخلى بالنا اننا منقعش فى خطية الادانة

اولا: لا تدينوا لكى لا تدانوا... لان الكمال لله وحده .. يعنى انت او انتى ممكن تكون مبتلبسوش مايوة لكن ليكوا اخطاء تانية فماتاخدوش مكان الله الديان كل ما تشوفوا حد لابس لبس غير لائق و افتكروا خطاياكم اللى ربنا مسامحكم عليها برضة... الادانة انى انظر لخطايا الاخرين و اعتقد نفسى احسن منهم لانى مبعملش دة او دة لكن الخطية هى الخطية ... ممكن تكون مبتلبسوش لبس غير لائق لكن بتغضب على اخيك باطلا .. بتشتم .. بتحلف.. بتكدب ... بتغش ..

احب افكركوا بالفريسى و العشار ... الفريسى وقف قال يارب انا بصلى و بصوم و بدفع العشور و بعمل كل حاجة .. انا مش زى العشار دة ... انما العشار قال يارب سامحنى انا الخاطى ... فا قبل الله صلاة العشار الخاطى انما رفض الفريسى الذى يدين الاخرين ...

مشكلة المسيحية ان الناس بتاخد اية و تجرى بيها .. يعنى الناس ممكن تقول انا هلبس حشمة عشان دى وصية الله .. لكن معندهاش مانع تدين و تلقي الاخرين باحجار زى الناس اللى اتلموا على المرأة الزانية و قالوا حسب شريعة موسى اللى زى دية تترجم و دة لانهم ربما موقعوش فى نفس الخطية لكن تلاقى المسيح قام قالهم من كان منكم بلا خطية فليرمها بحجر اولا و دة عشان يفكرهم انهم رب اة ممكن ميكونوش وقعوا فى نفس الخطية انما عندهم ايضا خطايا اخرى نسيوها .. اخدهم الكبرياء و نسيوا ان كلنا لينا سقطاتنا و اخطائنا و ضعفنا

ثانيا: اكيد اللبس مهم لكن المسيحية عمرها ما كانت شكليات و بس ... يعنى اللى بيقولوا بتقول قلبها مع ربنا و لابسة كدة .. دية حاجة ربنا بس اللى يقولها .. ربنا هيحاسيها مش انت او انتى .. ممكن تنبهوا الناس لاخطائهم من غير ما تدينوهم و بمحبة و ليس بكبرياء او عن طريق انكوا تبصولهم من فوق لمجرد انكوا مش واقعين فى اخطائهم ..كلنا لينا اخطائنا و خطايانا اللى ربنا مسامحنا عليها... الحشمة مطلوبة لكن مش معنى ان الشخص المحتشم يدين الاخرين او اللى مبكدبش يدين الكدابين و هكذا انما ينبههم بمحبة

ثالثا : بجد و بأمانة المسيح انا مبشوفش اى حاجة حشمة فى لبس الناس التانية .. بأمانة ربنا ... على الاقل الاغلبية منهم لابسين باديهات كارينا ملزقة و يقولوا دة كم طويل و مغطى الرقبة .. انا مش قصدى ادينهم لكن انا شايفة فى الردود انكوا واخدينهم مثل اعلى للحشمة فا بقولكوا رأيى .. اما باديهات كارينا ملزقة عليهم ايه الحشمة فى كدة؟ و للا واحدة لابسة لبس واسع و واقفة تعاكس ولاد فى الشارع ... و للا ممكن تكون لابسة جلابية و للا عباية و من جواها كره و حقد .. يبقى فايدتها ايه؟ انا شايفة الانسان الكويس هو اللى يكون كويس من جوة و برا و انا عن نفسى شايفة ان جوة مهم زى برا ( عند ربنا ) و يمكن اهم بكتير ( عندى انا )...

ربنا يرشدنا كلنا و يغفرلنا كل خطايانا الخفية و الظاهرة

nadiasaeed
11-17-2009, 03:37 PM
انا ارى ان المشكلة اساسا فى الاب والام والام بالاكتر لانها المسئولة الاولى عن غرس القيم فى اطفالها
انت بتتكلم عن المصيف انا معاك فى كل كلمة بتقولهاووووووووووليس المهم اطلاقا عيون الناس التى ترانا
المهم ان نغرس فى اطفالنا ان عيون الله هى التى ترى وان تصرفتنا تحزن قلبه المهم جدا نغرس مخافة الله بحب فى قلوبهم
وصدقنى بعدها مش هنحتاج نتكلم على لبس ولا على سلوك ولا على تصرف لان مخافة الله وحبه هى التى ستقودهم فى حياتهم
الاهم هو لبس بناتنا فى الكنيسة.........انزل فى اى وقت واتفرج على كمية اللبس الذى وانا امراة اكرهه ان اراه على بنات المسيح
ونفسى بامانه الاباء الكهنة يكون ليهم دور فى منع هذه الاملابس فى الكنيسة
سامحونى لو راى ضايق اى احد

marian magde
12-15-2009, 03:32 AM
:em0400:صدقينى هو فعلا موضوع مهم بس يعنى مش يمنع شوية لبس لذيذ كدة انا مش قصدى حاجة بس يعنى ههههه الواحد بيبقى بيبفرح ويلعب فى المصيف بس طبعاااا مش اوفر ولا عريان لا فى دى طبعا صح وربنا يحمينا كلنا

ماريان سعد
02-10-2010, 03:59 PM
علشان البنت مش بتعري جسدها لكن بتعري المسيح!
الجمله دى جامدة مووووووووووووووت وتأثر فى اى بنت
ربنا يبركك

mena mena1
02-26-2010, 01:38 AM
انا من راى يا جماعه ان الانسانه اللى بتلبس اللبس العارى بيكون عندها قله ايمان بربنا ومش بتعمل اللى قال عليه لانها لو كانت مؤمن بيه وحافظه وصياه مكنتش فكرت انها تعمل كده
ومعندهاش مبدا تمشى عليه فى حياتها لان لو كان لها مبدا مكنش يفرق معاها المكان علشان تلبس اى لبس لكن بيكون اهتمامها الاول والاخير هو المظهر الجيد قدام الناس واظهر مفاتنها وجسدها قدامهم
وانا اسف انى بقول الكلام ده ويريت محدش يزعل منى

عبد الله الخاطى (مينا)

dodo2012
03-08-2010, 01:34 PM
عندك حق وعلي فكرة ده نفس راي بابا وانا معاه اننا نلبس لبس شيك قوي ومحتشم يليق بينا كمسحيات ممكن برمودا وعليه فست صدقوني هيبقي حلو قوي وفي نفس الوقت محتشمومش لازم اللبس العاري لان ده هيكل الله يعني ينفع تبوظي حاجة مش بتاعتك لالالالالالالالالالالالال ا طبعا وعلي فكرة ظاهرة اللبس العاري انتشرت السنتين اللي فاتو قوي لان المصيف بيدخل علية رمضان وبيبقي معظمة مسيحين وده في نظر بعض البنات فرصة لاباحة اللبس العاري ميرسييييييييييي الموضوع مهم جدا