انطقوا بقــــــــــــــــــــــى

[ساره2000]

تعالو يا جماعه كلنا نعرف راىء بعض فى حاجه







الحب الحقيقى




ياريت كل واحد يقولى يعنى ايه الحب الحقيقى

يلا عايزه اشوف كلامكم الجامد

:36_3_9::36_3_9:

[IO-Mena]

الحب يمنح الحرية وليس العبودية

ربنا معاكم

[مكاريوس]

بصى الحب الخقيقى انك تحبى الشخص وتخاف علية وتضحى باى حاجة علشان تسعدى اللى بتحبية وفى نفس الوقت يكون هى بيضحى كمان علشان يسعدك وتعملى اى حاجة بيحبها واللى بيزعلة منك ما تعملهوش وتكونى صريحة معاه حتى لو كنتى غلطانة وهو لو بيحبك هيسامحك على اى غلط صدر منك بس طبعا تحاولى ما تتكررهوش واهم حاجة يكون بنكم السيد المسيح وافتكروا دايما انكم ابناء المسيح اللى مش ممكن يعملوا اى حاجة غلط وتسعدوا بعض وما تخلوش اى حاجة تفرقكم او تزعلكم من بعض دة اختصار للحب

[ساره2000]

جميل جميل جميل يلا عايزه اراء اكتر

[Team Work®]

ربنا معاكم واتمنى اتعلم منكم الحاجات الحلوة دى واريد ان استفاد اكثر واعرف اكثر عن هذا الموضوع

[love_lorn199]

الحب هو ان تعطى الذى تحبة و لا تنتظر منه مقابل

[مرموره]

الحب الحقيقى
مش لازم يكون حب ولد و بنت
الحب الحقيقى اوله حب ربنا لينا ده اول حب حقيقى
و حب اهلنا لينا
الحب الحقيقى اننا ندى من غير ما نستنا
هو مش كلمه بتتقال بس مشاعر بتتحس و بيظهر فى الفعل
الحب الحقيقى هو الى كل الناس شيفاه ( فى النور )
حب ربنا لينا كان فى النور و العالم كله عارف
حب اهلنا لينا ديما فى النور بيسبتوه بكل كلمه بيقلوها و كل فعل بيعملوه
الحب الحقيقى معانى كتير صعب تجمع

:) موضوع رائع

[ساره2000]

حلو جدا عايزه اعرف اكتر ميرسى اوى لكل الشارك وعايزه اكتر

[maro_mero]

الحب الحقيقى هو التضحية من غير مقابل وتحمل الطرف الاخر بقدر الامكان والحب اساسه السيد المسيح لانه حبنا وضحى من اجلنا ولازم نتعلم منه وهو اكبر مثال لينا فى التضحية وربنا يعوض تعب محبتك

[اسامه]

لا يوجد كلام اكتر من الذى قاله الاستاذ مكاريوس فاحب عطاء وان لا يفكر الشخص فى نفسه بل يكون تفكيره دائما ماذا يريد حبيبه وأن يكون مصدر السعاده فى حياته شكرا وربنا يباركك

[مرمورة]

الحب الحقيقى هو اكتر من كلام هو حياه و عطاء بدون مقابل وبذل بدون حساب هوما تعلمناة من معلمنا الذى احبنا اولا

[jero]

الحب اجمل حاجة ربنا خلقها فينا واجمل احساس الشخص ممكن يحسة الحب يعنى اضحى واتعب واجتهد من غير ما انتظر مقابل مع اللى بحبة انى اهتم بيه واخاف عليه وانى استحمله واسامحة حتى لو غلط فيه والتمسله العذر فى وقت غضبة الحب كلمه ليها معانى كتير اوى لو كل انسان يقدر يفهمها بجد مش هنلاقى فى شر ابدا وطبعا فى الاول نتعلم من ربنا الحب زاى ما هو حبنا وبذل نفسة من اجل كل الناس عشان بيحبهم اللى يحب لاازم يحب الناس اكتر مايحب نفسة ويحب ربنا اكتر من كل الناس ربنا يعطى كل واحد فينا قلب مليان بالحب
وصلولى كتير اوى

[melanora]

ههههههههههه
معرفش لاني محبتش لسة
بس متهيالي ممكن يكون العطاء والتضحية
وربنا يباركك

[SAMOOOOO]

الحب الحقيقى باختصار هو ان اى اتنين بيحبوا بعض مش لازم ولد وبنت لا انا اقصد اى حب يكون فى بينهم استعداد تام ان يعمل اى حاجه عشان خاطره
ربنا يبارك حياتك يا ساره

[Temey]

الحب مش مجرد كلام بيقوله الحبيب لحبيبته بس هو ينبوع عطاء مستمر من غير ولا كلمة بس بالمشاعر وده بنلاقيه واضح جدا في شخص المسيح الذي سيق الي الذبح ولم يفتح فاه ووضع الحب كغريزة في قلب الأم والأب اللي بيبذلوا حياتهم كلها لأجل أولادهم وبناتهم وهو الحب اللي ممكن تلاقيه في أي شخص بينصحك وبيكلمك بكل صراحة في كل عيوبك مش بنظرة إنتقاد بس بنظرة حب وبيفرح وقت فرحك مش عشان حاجة غير إنك مبسوطة .