ليه؟ (( موضوع للنقاش))

[ملكه الاحزان]

سلام ونعمه
الموضوع انهارضه للنقاش وكله يقول وجه نظره
هو ليه المجتمع بيفرق بين الولد والبنت؟
يعني مثلا
الولد لو عمل 40 الف علاقه حب في حياته عادي
البنت لو عملت علاقه ولا اتنين كل الي يجي يتكلم عليها يقولك دي عملت وعملت ومينفعش تبقي مراتي
مثل تاني
الولد يرجع البيت 2 و3 بليل
والبنت لو اتاخرت عن 12 تبقي مش محترمه
مثل تالت
الولد تلاقي في الموبيل بتاعه 100 اسم بنت وعادي خالص
البنت لو لقيت في موبيلها اسمين ولا تلاته دي بتكلم شباب دي معرفش ايه وكده
عايزه اعرف ليه المجتمع بيفرق بين الولد والبنت؟؟!!
:em0400:

[alber helme]

للاسف ثقافة متوارثه اضافة الى عدم وصولنا للنضج الفكرى الذى يسمح بمثل هذه الامور وده وجه نظر قابلة للنقاش. مع تحياتى

[بنت الراهب الصامت]

بصى يابنتى
بما اننا صعايدة هنا
الحاجات دى بتفرق كتير عندنا
الولد له كل السلطه فى التصرفات لانه ولد
لكن البنت مكسورة الجناح ياعينى
ملهاش اى سلطه فى اى تصرف لازم كل حاجه بحساب لانها زى ما تقولى كدة كل خطوه محسوبه عليها
علشان كدة الولد لما بيعمل علاقه حب او بيكلم بنات مش بتفرق
لكن البيت لو حصل وكلمت ولاد دى بتفرق اوى بجد وممكن تسبب مشاكل كتير اوى
وياسلام لو الناس سمعت بكدة الله تبتدى تتكلم على البنت ياعينى وتضيع صمعتها
علشان كدة بجد الحريه للولد وليست للبنت فى الصعيد يمكن اكتر من بحرى عندكوا فى مصر يمكن مش فى كل البيوت لكن على الاقل لها الحريه شويه
احنا صعب نتاخر عن الساعه 9.30 او 10 مش الساعه 12
علشان كدة الولد براحته لانه ولد
لكن البنت مش براحتها لانها صعب تعيش زى الولد
بجد موضوعك حلو اوى وفعلا يتناقش فيه
ميرسى اوى ليكى
ربنا يعوضك

[ملكه الاحزان]

ميرسي يا البير
وميرسي يابنت الراهب الصامت

[G.a.L.a.x.y]

ملكه مشموضوع ليه
الموضوع مش مجتمع بيفرق
الموضوع سببه الست وعشان كدة احنا الا بنتعاقب هقولك مقوله ابويا دايما يقولهالى
الست بايديها تبنى وبايدها تهدم
بمعنى الراجل الا عنده مليون علاقه غراميه ماهى كل علاقه فيها ست يعنى الست الا بايديها تقول لالالالالالا
لانه منها بتبدى المشاكل ومتنسيش حواء كانت السبب فى سقوط ادم
البنت الا بايديها توقف الحد وتخلى الراجل يمشى ولا يمين ولا شمال وساعتها مشهيبقى فى فرق

[السامرية7]

انا الموضوع دة مضايقنى جدا وميرسى لانك طرحتى الموضوع
مبدئيا (لية) علشان احنا فى مجتمع متخلف بيدى الولد يعمل كل حاجة والبنت لا
بس المشكلة ان احنا مهضوم حقنا وساكتين
طلاما احنا مش هانعمل حاجة غلط لية نتقيد بالتقاليد الغبية دى

[ملكه الاحزان]

وتفتكرو احنا مسؤلين عن مجتمع عايز يعمل حاجز بين البنت والدنيا؟

[القلب المرنم]

اولا الموضوع رااائع جدا اما عن السبب فهوان احنا فعلا عايشين فى مجتمع متخلف وعمره ما هيتقدم ولو قولنا نبدا احنا نقود المجتمع يبقى احنا بنات مش محترمين وبنعمل الخارج عن الاصول وعلى فكرة المفروض ان احنا ناس مثقفة حتى ولو شوية بس برضو وبكل واقعية وبقولها وانا بجد حزينة عمرنا ما هنقدر نغير حاجة دا حتى الاختلاف موجود من الحكومة اللى هى المفروض الديموقراطية الكاملة؟؟؟؟؟؟؟؟؟؟؟؟؟؟؟؟؟؟ ؟؟؟
ميرسى لتعبك

[elphilasouf]

انتى فى مجتمع يبيح الشهوات للرجل فى حدود طبعا ويحرمها بتاتا ع المراءه
ده مجتمع انتى عايشه فيه
وعمتا البنت صح الى بيتعمله ع اساس انه بتعمل كده عشان تحافظ ع نفسها مش عشان الرقابه الى عليها
والواد بدون رقابه كده هو الى غلط
يعنى انتوا يابنات الى صح مش الولاد هما الى صح
المفروض احنا الولاد نطمح اننا نكون زي مانتوا كده مش العكس
بس نكون - شباب وبنات - بنعمل كده من منطلق اننا نحافظ ع نفسنا مش عشان الرقابه الى علينا -

عمتا كرايي شخصي البنت مش هتكون حاسه باحساس الرقابه والممنوع ده لو هى الى فرضه رقابه ع نفسها
وحطى نفسها بين ضفتى النهر لا تفيض عنهم :)
ميرسي يا ملوكه لموضعك الجميل

[eng_fofa]

انتى فى مجتمع يبيح الشهوات للرجل فى حدود طبعا ويحرمها بتاتا ع المراءه
ده مجتمع انتى عايشه فيه
وعمتا البنت صح الى بيتعمله ع اساس انه بتعمل كده عشان تحافظ ع نفسها مش عشان الرقابه الى عليها
والواد بدون رقابه كده هو الى غلط
يعنى انتوا يابنات الى صح مش الولاد هما الى صح
المفروض احنا الولاد نطمح اننا نكون زي مانتوا كده مش العكس
بس نكون - شباب وبنات - بنعمل كده من منطلق اننا نحافظ ع نفسنا مش عشان الرقابه الى علينا -

عمتا كرايي شخصي البنت مش هتكون حاسه باحساس الرقابه والممنوع ده لو هى الى فرضه رقابه ع نفسها
وحطى نفسها بين ضفتى النهر لا تفيض عنهم :)
ميرسي يا ملوكه لموضعك الجميل


الله عليك يافله
كلامك مظبوط وميه ميه
فعلا الالتزام لما بيكون نابع من البنت نفسها عمرها ما بتحس انها مقيده بالعكس احنا المفروض نكون مبسوطين من اللى بيحصل ده مش نضايق ونبقى عايزين نعمل زى الولاد تفتكرو الولاد اللى عايشه حياة الانحلال دى سعيده بالعكس دول بيبقو حاسين انهم تايهين وبيدورو على نفسهم
ايه معناها ان ولد يكون فى حياته كام قصة حب وانا مجازا هاسميها حب لان طب دا مش حب دى تسيله
ولا ايه معاناها ان الولد يسهر بره البيت لحد وقت متأخر
طبعا كل دى تصرفات غلط محدش بيقبلها
ومتنسوش ان البنت الملتزمه قيمتها اكبر قدام الناس
اسفه للأطاله
ميرسى يا حبيبتى

[Jesus_Heart]

للاسف الناس بتحكم علي البنت بس وسمعة البنت بتتبهدل من كده
ولو الولد هو اللي كلمها يبقي هي مش محترمه
وبصراحه ديه حاجه تحير
بصي هما عايزين البنت اللي هي مالهاش دعوه بحد
يعني لو هتمشي تكلم الحيطان ماشي
هما عايزين النوع ده
وما حدش راضي بكده
معلش اعذريني في طريقة الكلام اصل احنا البلد بتاعتنا كده
وميرسي علي الموضوع الجميل ده
ربنا يحميكي

[evan]

بصراحة الواحد مش عارف المشكلة فين???
الست وقت تخلف بنت بتزعل ليه مش عارفة مع أنو إنها بنت???
يمكن لأنها بتحس إنها مظلومة والبنت حتكون مظلومة
المشكلة مش في المجتمع ....لان حتى المجتمع الغربي عندو نفس النظرة للبنت بس الفرق إنو يعطي المرأة أولوية الأهتمام
المشكلة كبيرة والمشكلة الأكبر إنو إحنا البنات لوشفنا بنت أتأخرت أو لبست أو عملت بنتكلم عليها والولد مبنتكلمش عليه
أحنا بنتكلم عن المجتمع بننسى إنو إحنا جزء من المجتمع الي بنتكلم عليه....
شكراً على الموضوعالي فعلاً للمناقشة....

[menalouka]

كلام جميل وموضوع رائع وردود فوق الممتاز
بصوا يابنات عامةً الحفاظ على نفسك دا حاجة سهلة
لالالا دا لازم والمفروض يحصل متبصيش للولد وتقولى إشمعنى
هتقولى إشمعنى هتلاقى نفسك إنتى الغلطانة
مش علشان إحنا فى مجتمع متخلف دا كلام مفروغ منه والكل عارف كده
بس صدقينى السمعة سمعة البنت أكتر من سمعة الولد ....
البنت زى الكباية الإزاز لو اتشعرت مرة خلاص تترمى صعب علاجها ... أو أخليها عندى بقى أحتفظ بيها
بتقولوا ليه الولد بيتأخر برة لغاية 1 ، 2 ، 3 ، 4 ويمكن مش بيرجع غير كل فين وفين ...
عايز اقولك الولد حتى لو إتأخر ولو ماشى فى الشارع لوحده عادى خالص لكن تعالى قولى لو بنت ماشية لوحدها فى الشارع بعد نص الليل ... شوفى إيه اللى ممكن يحصل ..
أنا عن نفسى لما كنت بخرج كان أخرى 11 واكون فى البيت
ههههههههههههههههههههههههه
كنت اضايق وأزعل علشان أصحابى بيسهروا وفين مش برة ولا حاجة فى النادى او فى الكنيسة
لكن كنت لازم أكون فى البيت قبل 12
وعارفين دلوقتى معرفش بقى لوحدى كده بقيت أتخنق لما بقعد بعد 12 برة البيت بجد صدقونى
بس عرفت إن إزاى بابا وماما فى البيت كانوا بيحافظوا عليا وعلى اللى ممكن يحصل بكرة وبعده
بجد يابنات ربنا يحافظ عليكوا وعلينا
وأسف إنى طولت عليكوا وياريت كلامى يكون مفهوم ومعلش إذا كنت بكتب بلهجتى

[ملكه الاحزان]

ميرسي خالص علي ردتكم

[الجوهرة الثمينة]

بجد موضوع جميل وتنفع المناقشة فيه
بس ان المفروض مش احنا اللي نطلع بحاجة زي كدة
احنا اولاد يسوع
وبالعكس حاجة زي كدة المفروض بتساعد البنت انها تسلك مع المسيح
وبتقويها في علاقتها مع المسيح
بحيث ان الولد شايف انه معلهوش رقابة
فبيعمل اللي هو عايزه وبيمشي ورا شهواته
لكن فيها اية لما المجتمع يحافظ علينا من النجاسة
يعني مثلا تحبي تكوني زي الاجانب اللي زيهم زي الولاد
وبيغضبوا ربنا بلبسهم وطريقتهم
وارجو ان نتعلم معا ان ننظر للنص المليان من الكوب وليس الفارغ
ونتذكر دائما ان كل الاشياء تعمل معا للخير للذين يحبون اللة

[ملكه الاحزان]

ميرسي ياجميله علي ردك

[القطة كيتي]

عشان انت اكيد اكيد اكيد في م ص ر

[ملكه الاحزان]

امممممممممممممم جايز
ميرسي ليك

[تماف و نانسى]

برافووووووووووووووووووووو ووووووو عليكى يارومى صح دى تفرقة عنصرية دى ماخلفوش الا الولد الولد مثلا بيدخل على الشات اما البنت لا عيب مينفعش اما بقى لو على اميلها صبيان يادى الفضيحة بجلاجل طب لية كدة ولو سالتى الولدين يقولولى هما صبى اما انتى مش صبى هههههههههه المهم دى مشكلة جامدة اوووووووووووووووووووووووو وووووى المفروض لزم حد يفهمنا لية كدة بدل مافى فرق بين الولد والبنت دى ماانتم بتقولوا طب هى فين وفين التساوى وفين المرافة بالانسان دة حتى بيرقفوا بالحيوان مش بيرفقوا بالانسان دى كدة الحيوان احسن من الانسان يابختة هههههههههههههه

[ملكه الاحزان]

ههههههههههه شفتي الزمن
ميرسي ليكي ياعسل

[اب حنون]

انا شايف بنت مؤدبة هتكون واثقة من نفسها وتعمل هى لى عاوزة لكن بنت لى مش مؤدبة ممكن تعمل اى حاجة لكن ولد مش حد يحكن علية احنا عمرنا ماهنتقدم فى اى حاجة لكن اوربا وبلاد تانية بيتقدم فى كل حاجة
شكراااااااااااااااااااااا اا ع موضوع دا

[ملكه الاحزان]

ميرسي اب حنون علي ردك

[roma_malak]

هى فعلا طبيعه فينا والكل اتربى على كده وده لان الولد مفيش عنده حاجه يخصرها لكن البنت مع علاقه واحده ممكن تخصر حياتها كلها
والبنت لو محافظه على نفسها تقدر تجبر الكل يحترمها واحنا عارفين ان الراجل الشرقى بيحب الست اللى يعرفها يكون هو اول راجل فى حياتها وحتى لو هو موش اول راجل هو ديما بيحاول يقنع نفسه بكده

[samo1984]

اكيد انى الولد انانى لو
كل ولد اعتبر انى البنت اللى قدامة زى اختة ساعتها انتهى موضوعك

[philolover]

كل الكلام ومهما حصل مش هيقدر يوصف
معني انك تشوف ( انسان ) - بنت - مش بتقدر تمشي براحتها حتي ولو عز الضهر
بحس انها حاسه انها عبده - عند نفسها -
ولا حال شاب ( يعتبر جاهل ) -- صنايع --
بيلف يختار بنت للجواز وكانه بيشتري عربيه 128 بيضا
بجد حاجه تستاهل الحزن

[ملكه الاحزان]

ميرسي خالص علي كل الردود

[شمشون ابن يسوع]

الموضوع جميل جدا ولكن عندما ننظر للموضوع فهو رده فى كلمتين البنت ذى الولد بل تتميز بقدرات تفوق الرجال ولكن نحن فى مجتمع شرقى ينظر للمراءه نظره شرسه جدا وهذا يختلف تماما فى المجتمع الاوربى ينظر للمراءه نظره متفتحه جدافمثال احضروا اختين توام واجعلوا احداهم فى مجتمع شرقى والاخرى فى مجتمع اوربى ولاحظوا الفرق العيب فى المجتمع والعدات مش فى البنات ونشكر ربنا جدا ان المجتمع تطور شوفوا موقف المراءه زمان ودلوقتى فيه تقدم كبير لكن طول ما مجتمعنا الشرقى بعداته المتوارثه موجود لا ارى نظره تقدميه للمراءه زى ما قال سعد زغلول مفيش فايده

[ملكه الاحزان]

ميرسي علي ردك