غريبه قوي

[غير مسجل]

هاي

مش عارفه ابتدي منين بس انا كنت محتاجه اتكلم مع حد

انا بنت من بنات الكنيسه وبحب وجودي فيها جدا وخادمه يمكن مش مجتهده قوي في خدمتي بس بحاول

في حاجه غريبه بتحصل معايا كل لما يتقدملي حد لازم لازم تحصل حاجه والموضوع يخلص من بعيد من غير حتي مايدخلو بيتنا كأنه سحر

واللي مستغرباله اكتر اني مش شايفه اني فيا حاجه غلط بالعكس كليتي كويسه وخادمه وشكلي بشكر ربنا عليه

هتقولولي نصيبك لسه ماجاش ؟؟ مش مقتنعه لان علي الاقل بس واحد من الناس اللي بيجولي دول يدخل البيت حتي ارفضه اقبله انما مش كده خالص

بنات كتير في العيله واصغر مني واتخطبو وانا شكلا واخلاقي مش هقول احسن بس مش زيهم خالص

بجد تعبانه قوي وحاسه بوحده وحشه قوي كل يوم اتعزم في خطوبه حد من اصحابي طيب انا ربنا نسيني ليه

هو انا كده بفكر في حاجه غلط او عيب لما اتمني ان ربنا يبعتلي حد مناسب واكون فرحانه زي باقي البنات

حاسه ان ربنا هيكسر بخاطري قوي

اسفه اني طولت عليكم بس كنت محتاجه اتكلم

[menalouka]

بصى يا اختى العزيزة
لكل شئ تحت السماء وقت
دا اللى أقدر أقولهولك
زمان الأنبا غريغوريوس العلامة المتنيح أسقف البحث العلمى قال
إن المسيحية لا تؤمن بالنصيب ولا بالمكتوب ولا بالقضاء والقدر
علشان إنتى بتقولى ( نصيبى لسه مجاش )
نقول إن ربنا مش سامح ليا بالشخص دا
أكيد ربنا محدد يوم وساعة ولحظة للشخص اللى يسعدك
مش يمكن الشخص اللى انتى كنتى بتحبيه او اللى انتى عايزاه يكون من نصيبك أو أى حد انتى كنتى عايزة ترتبطى بيه مش يمكن مكانش هيسعدك وتيجى اللحظة اللى تقولى فيها ليه يارب سمحت بإنى أرتبط بهذا الشخص
وساعيتها هتقولى إن ربنا ناسيكى
اختى الكلام مش هيخلص فى الموضوع دا
بس بجد اللى أقدر أقولهولك إن ربنا يختارلك الصالح ولكل شئ تحت السماء وقت
والمر اللى يختاره الله لنا خير من الحلو الذى نختاره لأنفسنا
ربنا معاكى يا أختى العزيزة وأسف إذا كنت طولت عليكى
وربنا يبعتلك الإختيار الصالح

[samo1984]

هاى ازيك انتى بتقوللى انك بنت خادمة يعنى المفروض انك فهمة ان كل حاجة وليها وقتها وهتم اوك انتى مش تستعجلى ودة اعتبرية اختبار وصدقينى التقرب من ربنا اكثر والبعد عن كلام الناس والتفكير الخاطى هيبعد عنك التفكير ومش تحسبى انة سحر وعلى العموم انا شايف ان المسيح لسة مبعتش اللى تستهلية بسالموضوع بسيط سيبى ربنا هو اللى يبعتة اخوكى sam

[samerco75]

السلام لك يا ابنة المسيح
دة طبيعى جدا انك تفكرى كدا
لاتتعجلى الامر فى الوقت الذى يراه ابوكى السماوى مناسب سوف يرسل لك الشخص المناسب
لا يستطيع اى احد ان يؤثر فينا طالما نحن فى حضن يسوع
لا تخافى

[راندا مجدي]

اختي العزيزة صدقيني لو قولتلك ان حكايتك دي كنت انا عايشها بنفس احداثها ويمكن اكتر يعلم ربنا وحاسة بكل كبمة انتي قولتيها لاني مريت بكل دا وكنت كل يوم ابكي علي حالي ومامتي كمان كانت تقولي انتي معمولك عمل وكان البيت ال انا ساكنة فيه كله بنات وكلهم اتجوزوا حتي ال اصغر مني بسنين واقول ليه يارب كدة انا عملت ايه لحد لما قابلت الشخص المناسب من اول مرة شفته قولت دا هيكون جوزي وفعلا دخلت ارادة ربنا واتخطبت واتجوزت في شهر ونص بس وانا دلوقتي عايشة في امريكا ومعايا كمان بنوتة حلوة كل دا في اقل من سنة انا اسفة اني طولت عليكي بس انا عايزة افهمك ان كل شئ ليه ميعاد عند ربنا متقلقيش خالص وابقي قوليلي علي ميعاد الفرح

[haninatoon]

هاى
رأى شخصى
المهم انك تكونى بتقابلى الناس وتتعاملى معاهم ببشاشة وابتسامة وروح جميلة هادية وتكونى بتصلى
الباقى دة بقى مش موضوعك دة من اختصاص ربنا بس
حتة انهم بيجو وبيمشوا دة عادى مش مشكلة الاولاد مش كلهم جاديين
لكن عندما يعجب بيكى حد فعلا ستجدية فى بيتك يطلبك مهما ان كان فالحب رباط قوى === او حتى الاعجاب بك فقط فهذا رباط ايضا كفيل انة يخلى العريس يجى لغاية البيت . لكن اللى بيجى ويمشى دة تلاقية حد قالة فلانة وفلانة وفلانة وهو بيختار بس مش اكتر
حتة اخييرة
انا حاسس ان من كتابتك للموضووع انك كانك حاسة ان الامر فية شعوذة او سحر او عمل
سبق وان البابا شنودة قال العهد الجديد مافهووش الكلام دة ..
مع تحياتى
هانيناتوون

[مريان نادى]

صدقينى يااختى ربنا لايمكن ينسى اولاده لكل شىء تحت السماء وقت ماتستعجليش ...انا هاقولك قصه بسيطه جدا وانتى هاتعرفى من خلالها ان ده حقيقى اراده ربنا وده اختياره ...تزوجت فتاه وعمرها 33 سنه كل اصحابها وقرايبها اتجوزوا وخلفوا..... يعنى من الاخر بتفكيرنا قطر الزواج فاتها ......تتخيلى البنت دى اتجوزت وخلفت 4 اولاد 3اولاد وبنت وكلهم مراكز عليا ....والعجيب اكتر ان البنت بقت راهبه واتنين اساقفه والولد كان دكتو مشهور جدا ورشحوه للكهنوت صدقينى القصه دى حقيقى و اظن انك بعد ماقريتى القصه ان تفكيرك هايتغير تمااااااااااااااااااااااا ااما .فثقى تماما فى تدبير الله لاولاده ......ومن الممكن جدا ان الناس دول مش مناسبين وربنا ما اردتش لانك ممكن تتعلق بيهم وفى الاخر تكتشفى حقيقتهم يبقى انه الافضل من وجهه نظرك .........انا بحب ماقوله البابا كيرلس دى جدا.. انى اثق ان الذى اختار لى اول الطريق لن يتركنى فى منتصفه ..ربنا يفرح قلبك ويسعدك ويبعتلك الشخص اللى يستهلك.

[كراكيب]

هي المشكلة تكمن في الاستعجال انتي مستعجلة وربنا عشان بيحبك بيبعد عنك حاجات انتي مش شايفاها
وعلي فكرة لاعلاقة بين الخطوبة والاخلاق بالعكس ممكن واحدة تكون سوري يعني لافة وعارفة وعشان كدة بتعرف توقع حد او تجيب عرسان وبعد كدة تندم وتعيش عيشة وحشة
طبعا مش هقوللك نصيب والكلام التخاربف ده اللي الناس لسه مصدقاه بس انتي قولي لربنا اختارلي الصالح في الميعاد المناسب
ربنا يفرح قلبك

[armia1987]

تخيلى فعلا المثل اللى بيقول الواحد يشوف بلوة غيره تهون عليه بلوته الفكرة مش كده انتى ليه مش مقتنعة بالموضوع ده هل تفتكرى ربنا بيعمل اى اى حاجة حتى لو كان الطائر اللى فى السماء يقع بدون حساب اسمحيلى ارد عليكى واقل ببساطة شديدة

لكل شى تحت السموات وقت


ولا انتا مش معايا يا عمو ايموند

[sonofgod]

انا حالياً بمر بنفسس ظروفك و باحزن و باكتئب و لكن واث تماماً ان الله الذى خلقنى على صورته و مثاله لن يتركنى هو عايز يعلمنى الصبر ............يمكن ، عايز يخلينى اتخلص من بعض الافكار عن الزواج و الشكليات المرتبطة به .........يمكن ، عايز يقربنى منه اكثر من خلال لصلاة و الدموع ............... يمكن ، عايز يخلينى ارمى كل اتكالى عليه ...........يمكن ، عايز يقولى فى النهاية انا بحبك و ازاى يا عبيط تصدق انى نسيتك ؟؟؟؟؟؟؟؟؟؟؟؟ هو مش انا اللى نزلت من سماء مجدى و فديتك و اتحملت كل الالام من اجللك .......................... و فى الاخر تصدق انى نسيتك .ازاااااااااى؟؟؟؟؟؟؟؟؟؟ ده انا اللى نقشتك على كفى .

[مينا اوحنا]

سلام ونعمة ومحبة ربنا يسوع المسيح للجميع, اختى فى المسيح ليتقو وليتشدد قلبك وانتظرى الرب, اما منتظرو الرب فيجددون قوة,اولا احب اتكلم معاكى واسألك هو اذاى يعنى بيتقدموا واذاى مش بيدخلوا البيت اساسا اليست غريبة اريد ان افهم ,ام انها مجرد مشاعر واعجاب من اشخاص فقط يحتاجون للحب للهروب من وطأة الظروف الأجتماعية والأقتصادية , وحينما يصل الأمر للأتفاق على ميعاد , مش بتلاقيه, فلو هو ده اللى بيحصل, مش هقولك غير رأيك ايه ؟هل تحبى تكملى معاه باقى حياتك ام تنتظرى لتكملى مع شخص افضل؟ثانيا يا اختى انت موضحتيش عمرك,عامة سن الزواج ارتفع لأسباب يعلمها الجميع,يعنى الأمر لا يتعلق بيك وانما بظروف الشباب,اما من ناحية غيرك من البنات اللواتى تنظرين اليهن ما ادراك حياتهم الاسرية حتى لو ظهروا لك سعداء,تلذذ بالرب فيعطيك سؤل قلبك, يعنى افرحى الأول مع ربنا , انمى فى المسيح ومحبته لكى تتحول مشاعرك الان لربنا زيدى خدمتك,وخليك مع ربنا ثابتة وقوية,صدقينى فى شباب كتير بيبحثوا عن بنات ذيك ورافضين يرتبطوا غير ببنت ذيك انا اول الشباب دى محتار الاقى البنت اللى الاقى فيها ربنا بجد تعرف تاسس كنيسة على الصخر,تكون بنت الكنيسة,واكيد ده مطلب شباب كتير اولاد ربنا,لا تنظرى لنقاط الضعف التى بداخلك مثل احتياجك للحب ولشريك الحياة الذى يرافقك الطريق وانت بجانبه, لكن انظرى لنقاط القوة التى تمتلكينها وقولى انك مش هتتنازلى عن عريس بمواصفات جيدة مش اى عريس, لأنك لو استمريتى على هذه المشاعر المكسرة واسف للفظ صدقينى هتستعجلى وهترضى بحد لا يناسبك ويمكن تتعبى طيلة حياتك,استمرار وجودك بالكنيسة هو الحب والشبع الحقيقى ولا اقلل من قيمة شريك الحياة وانما من خلال الكنيسة سوف تجدين من تبحثين عنه, ولو سألنا الشباب او البنات فى وجهة نظركم ماهى الطريقة المناسبة لاختيار الزوجة او الزوج؟ صدقينى هتلاقى معظم الشباب هيردوا من الكنيسة او اسأل اب اعترافى, وصدقينى اكتر اللى بيجذب الشباب وده عن رأيى الشخصى هو البنت الخادمة لبيت الله على محبة وليس حب ظهور,اخوكم مينا\اداب علم نفس

[غير مسجل]

يااستاز مينا انا سني مش كبير ولا حاجه انا 20 سنه
وانا كاتبه ان في ناس بتتقدملي لكن مابتدخلش البيت انا اقصد انهم بيتصلو ويقولو جايين او اهله بيجو او يتكلمو او هو يشوفني في الكنيسه او في اي مناسبه ويجو يتقدمو لكن مش بيتصلو بعدها ولا كأن حصل حاجه
مع العلم ان مستوانا كويس وبيتنا كويس يعني وعيلتنا معرفوه كمان
وياجماعه انا مش اقصد سحر ولا حاجه بس انا فعلا محتاجه تفسير حاسه ان في حاجه غلط بس مش عارفه اوصلها
انا مش فارق معايا اتخطب دلوقتي انا عاوزه احس ان حياتي طبيعيه يجيلي ناس وارفضهم اقبلهم بس مش كده يعني انتو فهمتوني غلط انا مش مستعجله بس فعلا في حاجه غلط انا بيجيلي ناس كتير بس مش في حد بيدخل بيتنا فهمتوني

[armia1987]

ياه كلام كله معبر يجد بجد هو ده الكلام اللى الواحد يصبر بيه نفسه ويخليه يتعلق بربنا اكتر شكرا بجد

[sendrella]

اللى انا عايزة اقولو ليكى ان لكل شىء تحت السما بميعاد والله له حكمة فى اختيار الوقت والاشخاص
زى ما كان الله له حكمة فى تاخير وقت الفداء حتى ياتى السيد المسيح من نسل داود
حكمة الله صعب على العقل البشرى فهمها
الله سيختار لكى الوقت المناسب والشخص المناسب والنسل المناسب




:8:

[nadiasaeed]

سلام ونعمة
اتركى الموضوع فى ايد ربنا وهو هيتدخل فى الوقت المناسب لكى صدقينى بامانه
فى بنات كتير بتنموا انهم لم يكونوا ارتباطوا او تزجوا الاساس فى الارتباط هو وجود الله
وربنا قارد يظهر مشيئته فى حياتك

[misho]

متستعجلشششششششششششش, مسعجلة على ايه من اهوه صلى من اجلى

[لولا الشقية]

ربنا بيحبك و راسمة لك خطة رائعة جدا فوق ما تتخيلى او تحلمى بس بجد اصبرى للرب يسوع و سترين عظائم و عجائب كثيرة لأنه يعطينا اكثر جدا مما نطلب او نفتكر فقط اصرخى له و هو يعلم احتياجاتك كويس قوى و هو القادر ان يسدد احتياجاتنا حسب غناه فى المجد و ليس حسب ما نريد فقط و فى كل خططه و اموره لك خطة رائعة لخلاصك الأبدى

[SNoW]

كنت بقرأ موضوعك و كان ففية رسالة مبعوتالى على الفيس بوك عنوانها كلمة البابا كيرلس لكل انسان متضايق او مهموم و انا فتحتها بعد ما فتحت موضوعك و لقيتها (سبحان الله) كأنها ليكى و بتذكر كلام عن السحر و اعمال الشياطين فا قلت اكيد ربنا عايز يرد عليك و البابا كيرلس عايز يقولك الكلام دة :

كلمه البابا كيرلس لكل انسان متضايق او مهموم
يابنى انت مهموم ليه ؟

ربنا يسوع المسيح هو اللى هيشيل عنك الهم

انت ليه تحمل الهم ؟

هو ده يا ابنى اللى هيتصرف ويشيل همك
حط همك على المسيح فتستريح

يابنى الحبيب والعزيز...

القى همومك على خالقك ربنا يسوع المسيح
ولا تجعل اليأس يسيطر عليك
فلابد بعد ليل الظلام الحالك
أن يأتى الفجر
ويأتى بروعة
وبعد الظلام تأتى دائماً الشمس بنورها الساطع

فين إيمانك يا ابنى ؟

لا تخافى من اعمال السحر
الشياطين مش هتقدر تضرك
رددى بإستمرار اسم ربنا يسوع المسيح
وربنا راح يرفع عنك ويكافئك عن قريب عن صبرك

قول يايسوع وربنا هينجيك من الخطر

[انا عابر]

سلام ونعمه
نسيتي ان الله موجود وكل شيء تحت السماء له ميعاد
اصبري وصلي واؤمني انو بابا يسوع معاكي وبيحبك