والي الغرب انظروا

[كراكيب]

ازايكم ياجماعة عاملين ايه يارب تكونوا تمام
اولا انا عارف ان العنوان مستفز بس ارجو ان الناس تقرا الموضوع الاول وبعدين ترد ومتعملش زي ماتعمل معايا في مواضيع اخري
انا مش هعرض فكر ولا هقول راي شخصي
انا هعرض قدامكم موقف حقيقي موجود وملموس وعاوز اعرف راي حضراتكم فيه
اولا قبل ماابدا موضوعي احب اقول اني ايقن تماما اننا كارثوذكس نتجه الي الشرق في صلواتنا كرمز فقط وهذا الرمز بالطبع هااااااااام جدا ويشجع روح النظام فينا لان الهنا اله نظام
والرمز هو ان المسيح حينما صلب كان وجهه للغرب وعليه فنحن ننظر للمسيح المصلوب ونحن ننظر ناحية الشرق
المسيح سوف ياتي من الشرق وعليه نحن ننتظر قدومه
المسيح هو شمس البر والشمس تشرق من الشرق
اقول الموقف بقي انا بس حبيت اعرفكم اني عارف والحمد لله مش مقصر كارثوذكسي وخادم في معلوماتي الطقسية
الموقف هو ان في احدي القري موجود فيها ارض موهوبة للكنيسة وتمت مشيئة ربنا وتم اخذ تصريح ببناء الكنيسة ولكن هناك مشكلة هي ان الارض عرضها اطول بكثييييييييييييييييير من طولها
اي ان الكنيسة اذا تم بناء الهيكل فيها ناحية الشرق فسيكون الناس شبه واقفون بجانب بعض وليس خلف بعض لان عرضها اكبر من طولها زي ماقلنا وهنا طبعا الدورة بالنسبة لابونا في المناسبات هتعمله مشكلة بجانب الشكل الطقسي للبيعة هيبقي غير مالوف مع الشكل الجمالي
اذا افترضنا بقي ان المذبح بني ناحية الغرب هنا هتبقي العملية سهلة جدا والشكل فوق الممتاز
انا مذكرتش رايي انا بسال بس عشان محدش يتهمني بحاجة
مستني اسمع ارائكم

[croconile_co]

أنا فيه نقطة مش فاهمها
انت بتقول إن عرضها أطول بكتير من طولها
طيب لو انت خليت الهيكل ناحية الغرب , حتبقى المشكلة هي هي
مش المفروض يبقى الهيكل ناحية الشمال أو الجنوب عشان المشكلة تتحل
أرجو التوضيح
http://www.eastwestfinancialservicesinc.com/files/17851/east_west_logo2%7E001.JPG

[elphilasouf]

مش هتفرق شرق صح ولا غرب كده
لو هتغير المفروض تغير تحطها شمال او جنوب
بس فى كل الاحيان احنا مالنا مش ليكوا اسقف تسالوه :p

[كراكيب]

أنا فيه نقطة مش فاهمها

انت بتقول إن عرضها أطول بكتير من طولها
طيب لو انت خليت الهيكل ناحية الغرب , حتبقى المشكلة هي هي
مش المفروض يبقى الهيكل ناحية الشمال أو الجنوب عشان المشكلة تتحل
أرجو التوضيح
http://www.eastwestfinancialservicesinc.com/files/17851/east_west_logo2%7e001.jpg


اولا اشكرك يا كروكوديل التوضيح هو انها عرضها كبير يعني تخيلي معايا الموقف وليكن مثلا عرضها 500 متر عرض في 60 طول لو تخيلتي معايا الموقف هتفهمي
شكرا

[كراكيب]

بس فى كل الاحيان احنا مالنا مش ليكوا اسقف تسالوه :p



انا مبعرضش مشكلة عشان تتحل لا انا عاوز اعرف رد فعلكم من جهة المشكلة
شكرا للمتابعة يافيلسوف

[tottas]

موضوع جميل أشكرك على طرحه بش انا متفق مع رأى croconile_coلان لو عرضها فى ناحية الشرق هيكون العرض المقابل هو الغرب ودى نفس المشكلة فلو ممكن تتحل اما فى الجنوب او الشمال (الطول للارض ديا )وانا مش عارف هل هذا ينفع ولا لا لان الهيكل لابد ان يكون فى الشرق
شكرا للموضوع ده وانا هسال عليه

[كراكيب]

شكرا لردك ياتوتاس ونورت المنتدي والموضوع
ومستنيين باقي الاراء

[hard_age]

مقدرش ارد لان الامور الطقسية لها ناسها بس الى اقدر اقولهولك الى ربنا عايز بيتة شكلة اية هو الى هيتعمل
يعنى الى هيتعمل هو ربنا الى اختارة
ميرسى لموضوعك الجميل
http://www.s3udy.net/pic/thankyou002_files/10.gif http://www.s3udy.net/pic/thankyou002_files/10.gif

[كراكيب]

شكرا كتييييييييييير ياايوب
انا برده عاوز اعرف وجهة نظركم ايه
ياريت نفرق بين روح الطقس وشكل الطقس

[magdy totti]

من وجهة نظرى المتواااضعة
انا شااايف انه لا مااااانع من تغير الوضع
ربناا موجود فى الشرق والغرب
هو طبعاا النظاام وتطبيق الطقس يبقى ااحسن بس فى مشكلة زى دى لامااانع وزى ماا قولت ربناا موجود فى كل نااحية وكل مكاان
شكراا كراااكيب على طرح المشكلة
وبجد الوااحد بياااخد معلوماات جميلة من المشااكل دى

[كراكيب]

شكرا ياتوتي
معلش انا مش هعلق وانت عارف ليه
في انتظار باقي الاراء

[magdy totti]

اوك كراااكيب وفى انتظااااار الاراااااء

[emmmy]

انا رايى ان طبعا اكيد ربنا فى كل الاتجهات شرق وغرب بس دة لو انا بصلى فى بيتى او ظروف خاصة بى انا مش عارفة انفذ فيها الطقس اللى اتعلمتة لكن لو هنبنى كنيسة يا كراكيب يبقى فيها كلام تانى لان دة طقس ومن بداية كلامك واضح انك عارف وفاهم دة
بس مينفعشى لان دة نظام لو مثلا جة طفل ذكى سال ماما لية بنصلى ناحية الغرب هتقولة اية معلشى يا حبيبى علشان الكنيسة تبقى شلكها حلو
صعبة قوى انا اسفة للمثل بس صدقنى ممكن وغيرة كتير انا من رايى مش مهم شكل الكنيسة اد ما مهم طقس الكنيسة ونظامها يتنفذ واية المشكلة لو وقفنا جنب بعص فى كنايس كدة كتير
شكرا على موضوعك وربنا يباركك

[كراكيب]

انا رايى ان طبعا اكيد ربنا فى كل الاتجهات شرق وغرب بس دة لو انا بصلى فى بيتى او ظروف خاصة بى انا مش عارفة انفذ فيها الطقس اللى اتعلمتة لكن لو هنبنى كنيسة يا كراكيب يبقى فيها كلام تانى لان دة طقس ومن بداية كلامك واضح انك عارف وفاهم دة
بس مينفعشى لان دة نظام لو مثلا جة طفل ذكى سال ماما لية بنصلى ناحية الغرب هتقولة اية معلشى يا حبيبى علشان الكنيسة تبقى شلكها حلو
صعبة قوى انا اسفة للمثل بس صدقنى ممكن وغيرة كتير انا من رايى مش مهم شكل الكنيسة اد ما مهم طقس الكنيسة ونظامها يتنفذ واية المشكلة لو وقفنا جنب بعص فى كنايس كدة كتير
شكرا على موضوعك وربنا يباركك

شكرا كتييييييير ياايمي
بس انا مقصدشي الشكل الجمالي بس للكنيسة لا كمان الشكل الطقسي لان في مثلا دورة الشعانين ابونا بيلف علي ايقونات الكنيسة كلها بشكل معين الشكل ده هيبقي منعدم لو كانت الكنيسة بالعرض الكبير دهة مع انعدام للطول
انتوا يمكن مش عارفين بالظبط شكل الارض ايه
وبالنسبة لو طفل سالت مامته مثلا وقالت له كدة اعتقد برده مفيهاش مشاكل لانها هتفهمه الصح وبرده تقول لخدامه يقوله ع الصح
عامة برده انا مقولتش رايي ولا حاجة انا بس بشوف ارائكم

[emmmy]

طيب عايزين نسمع رايك يا كراكيب انا بجد حاسة انك ناضج وعايزة استفيد منك
ولا مش دلوقتى

[كراكيب]

طيب عايزين نسمع رايك يا كراكيب انا بجد حاسة انك ناضج وعايزة استفيد منك
ولا مش دلوقتى

ربنا يخليكي يارب
انا مش عارف انا عارفك ولا لا اصلنا من كنيسة واحدة
عامة انا مش هقول ردي لاسباب سياسية ههههههههه

[croconile_co]

اولا اشكرك يا كروكوديل التوضيح هو انها عرضها كبير يعني تخيلي معايا الموقف وليكن مثلا عرضها 500 متر عرض في 60 طول لو تخيلتي معايا الموقف هتفهمي
شكرا


أنا متخيل و فاهم , بس أنا مش قاصد نسب العرض و الطول, أنا قاصد إن العرض (ال500 متر) من ناحية الشرق , هو نفس العرض من ناحية الغرب .

و ده معناه إنك تقصد إن مذبح الكنيسة يكون ناحية الشمال أو الجنوب عشان المشكلة تتحل
و المشكلة دي موجودة في كنيستنا , و المذبح متوجه للشمال الشرقي , و الآخر للجنوب الشرقي و ده مش بيمثل مشكلة , لأننا بنعتبر الشرق هو المذبح , و المذبح هو الشرق .

[كراكيب]

بالظبط ده الي انا اقصده ياكروكوديل
عامة بغض النظر في الشمال او الجنوب بس هو كدة مش هيبقي في الشرق
شكرا للمتابعة والتوضيح