المساعد الشخصي الرقمي

مشاهدة النسخة كاملة : الفيس بوك


dieu
08-11-2009, 06:31 AM
انا لسة داخلة جديد على الفيس بوك وسمعت ان ليه مخاطر وانا اول مادخلت حسيت احاسيس غريبة ورغبة فى تركه وبدات يوما بعد يوم احبه واتعلق بيه عند استيقاظى افكر فيه ووقت فراغى ادخله ولا افعل اى شىء بالمنزل غيره واتخانق مع اخوتى للدخول له وضعفت روحياتى ودخلت شهوات اشعر بأننى استطيع تركه ولكن كيف فانى جديدة وسيتفاجأ الجميع بدخولى وخرجى السريع واحببت اشيء كثيرة بيه

kottah_sh
08-11-2009, 11:07 PM
انا شخصيا مش بحبه خاااااااااااااالص
لانى بجد مش شايفه ان ليه لزمه
ومخاطره كتير اوى

واتكلمنا فى موضوع الفيس بوك ده كتير جدا
والانيا موسى اسقف الشباب
كان بيحزر البنات انها تحط صور شخصيه ليها عليه




ليا عندك استفسار صغير اوى

اشعر بأننى استطيع تركه ولكن كيف فانى جديدة وسيتفاجأ الجميع بدخولى وخرجى السريع واحببت اشيء كثيرة بيه

يعنى ايه سيتفاجأ الجميع بدخولك وخروجك السريع؟

وياترى حبيتى ايه فيه ؟

ماروجيرافك
01-23-2010, 08:45 PM
هو الفس بوك للاسف معظم الناس فاهمها غلط فاهمه انه عباره عن هزار وتهريج
ومع احترامي للبنات الي فرحانه بنفسها وحاطه صورها في كل بروفيل احب اقولهم قصه صغيره حصلت فعلا من قريب جدا مع احد الخاديمات (مع الاسف)
كانت طبعا فرحانه اوي بصورها وبتعليق الزوار عليها (ياقمر يا سكر مش عارف ايه وكده)
المهم احد الاصداقاء عندها في الفس بوك اخدبعض الصور ليها واستعمل برنامج للتركيب (وما اكثرها واسهلها اليومين دول )
ووضعها في اشكال طبعا لاتليق جدا ووضعها في احد المواقع الاباحيه مع اميلها واسمها كأنها هي الي عامله الموضوع
وبعت ليها لينك الموقع ولما دخلت طبعا فجات بلموضوع وبصورها (العاريه تماما) وتحتها الاميل والاسم لمن يرغب في المتعه
وساومها طبعا علي نفسها ايما تكون معا ايما يبعت باقي الصور لكل المتديات وكمان للجوربات المسيحيه الي هي مشتركه فيها
طبعا انهارت
بس الحمد لله نشكر الرب ان كان في احد الخدام يعرف واحد في مباحث الانتر نت وتم القبض علي الشاب والضغط علي لحد ما اعترف وسلم كل الصور وطبعا الجهاز المستعمل في العميله
ولكن الخادمه الي الان في حاله انهيار وفي احد المصاحات للعلاج النفسي
فاريت ناخد بالنا شويه من نفسنا
وانا مش بدخل في خصوصياتكم او حرياتكم لكن من خوفي عليكم قلتلكم علي الي حصل
الرب يبارك حياتكم

emmmy
01-24-2010, 01:35 AM
كلام ماريو صح وبيحصل يا جماعة وكتير صدقونى وسيدنا الانبا موسى حزر من موضوع الصور دة كتير اوى
عموما الفيس بوك موقع زى اى موقع فية الحلو وفية الوحش وزى اى منتدى فية الحلو وفية الوحش ولو فى حد مش بيعرف فية وخبراتة قليلة يبقى الاحسن ميدخلشى ويشترك فية
يا احبائى ممنوع تضيفى حد متعرفهوش ممنوع منعا باتا الصور الشخصية ممنوع تدى اميلك لحد متعرفهوش بجحة المعرفة والدردشة
هو طبعا ربنا اللى بيحافظ علينا بس بردوا ربنا ادانا عقل نفكر بية وحكمة نميز بيها حتى الجروبات صدقونى ياريت متشتركيش فى جروب انت مش عارفة مين عاملة ومصدرة اية انا كنت مشتركة فى جروبات كتير ولما عرفت انة ممكن واحد يعمل جروب علشان يحصل على خصوصياتك خرجت من معظم الجروبات اللى كنت مشتركة فيها وفضلت فى اللى انا عارفة اصحابهم
اللى بيحب الفيس بوك بيدخل يشوف موضوعات حلوة ويستفاد مفيش مانع ويكلم اصحابة اللى عارفهم بردوا مفيش مانع
وياريت محدش يسمح لحاجة انها تتسلط علية سواء الفيس بوك او غيرة
كل الاشياء تحل لى ولكن لا يتسلط عليا شئ --- كل الاشياء تحل لى ولكن ليست كل الاشياء توافق

grees
01-24-2010, 09:07 AM
:em2900:مرحبا اختي الحقيقة أنا ما كنت أعرف شو الفيس بوك لحتى قريت التعقيبات وأنا برأي انك تقارني بين الموقع الحلو اللي فيه متل هالأخوة اللي بحبو يساعدو بعض واللي بتكوني مرتاحة وانتي وداخلة عليه وبين الفيس بوك اللي بتدخلي عليه وانتي خايفة من كل شي ممكن تساويه ياريت تقارني وانتي بتلاقي الجواب لحالك الرب يسوع يكون معك

mony_nnn
02-28-2010, 02:11 AM
طيب يا جماعة انا معاكو فى كل اللى انتوا بتقولوه بس انا عايزة اقول حاجة انا داخلة فى الفيس بوك ومش بضيف حد عندى انا معرفهوش وكل اللى عندى هما اصحابى واقاربى بس انا منزلة صور عليه بتاعتى بس مش فيها اى حاجة مخلة او لابسه فيها مايوه مثلا وعاملة انه مفيش حد يشوف صورى غير اصحابى بس او اى معلومات عنى غير اصحابى بس عايزة اعرف فى مشكلة فى كد وايه المشكلة لو سمحتو بلييييييييييييز ردوا عليا ولو سألتونى بستعملوه فى ايه الفيس بوك ده عادى بجد بعرف اخبار اصحابى منه بنكلم بعض احيانا عليه بشترك فى جروبات دينية ونتكلم فى مواضيع حلوة وبشارك فيها ايه المشكلة بقى؟؟؟؟؟

ماروجيرافك
02-28-2010, 09:23 AM
08]طيب يا جماعة انا معاكو فى كل اللى انتوا بتقولوه بس انا عايزة اقول حاجة انا داخلة فى الفيس بوك ومش بضيف حد عندى انا معرفهوش وكل اللى عندى هما اصحابى واقاربى بس انا منزلة صور عليه بتاعتى بس مش فيها اى حاجة مخلة او لابسه فيها مايوه مثلا وعاملة انه مفيش حد يشوف صورى غير اصحابى بس او اى معلومات عنى غير اصحابى بس عايزة اعرف فى مشكلة فى كد وايه المشكلة لو سمحتو بلييييييييييييز ردوا عليا ولو سألتونى بستعملوه فى ايه الفيس بوك ده عادى بجد بعرف اخبار اصحابى منه بنكلم بعض احيانا عليه بشترك فى جروبات دينية ونتكلم فى مواضيع حلوة وبشارك فيها ايه المشكلة بقى؟؟؟؟؟
[/size]
احنا مش قصدنا انك حاطه مثلا صور مخله لا انا الي ذكرته ان ممكن الصور دي تاخذ ويعدل فيها من قبل اي شخص
وموضوع انك عامله خاصيه الخصوصيه ان محدش يشوف صورك غير اصحابك احب اقولك ان الشخص الي عمل الصور وعدل عليها كان من اصحاب هذه الفتاه (راجعي قصتي في الردود)
وبصراحه انا مش شابف معني نهائي لوضع الصور
لو ليها مخزي او غرض رجاء افادتي
الرب يعطينا روح الحكمه والتصرف السليم

mony_nnn
02-28-2010, 11:09 PM
سورى بس اكيد مفيش شخص هيعمل كدا مع واحدة الا لو كان هو شخص غير مهذب او بدون اخلاق اصلن انا مدام واثقة فى صحابى اللى عندى ايه المشكلة انى انزل صورى مثلا مع صحابى فى الكلية وفى المناسبات صحابى يشوفها ممكن يعملو عليها كومنت يخدوها عندهم لو العلاقة بنا مش بنشوف بعض مثلا يعنى مش هعرف اوصلها الصور ايه المشكلة بقى؟؟؟؟؟؟؟؟؟؟؟؟

ماروجيرافك
03-01-2010, 09:14 AM
سورى بس اكيد مفيش شخص هيعمل كدا مع واحدة الا لو كان هو شخص غير مهذب او بدون اخلاق اصلن انا مدام واثقة فى صحابى اللى عندى ايه المشكلة انى انزل صورى مثلا مع صحابى فى الكلية وفى المناسبات صحابى يشوفها ممكن يعملو عليها كومنت يخدوها عندهم لو العلاقة بنا مش بنشوف بعض مثلا يعنى مش هعرف اوصلها الصور ايه المشكلة بقى؟؟؟؟؟؟؟؟؟؟؟؟

الي اقدر اقولهولك خدي بالك بس مش اكتر
الرب يبارك ثمره المحبه

emmmy
05-14-2010, 01:07 AM
مونى يا حبيبتى ممكن تسمحى لى اقولك حاجة وتسمعيها بقلبك وبلاش عناد مع نفسك انا بنت زيك بالظبط ومشتركة فى الفيس بوك من زمان اوى من اول ما عرفت النت اول حاجة عرفتها كانت الفيس بوك اتعلقت بية بدرجة غلط زيك كدة لما بتقولى فى بداية كلامك بس صدقينى بكل امانة مع مر الوقت والايام لقيتة ميستهلشى هو كل الحكاية انة بيكون فية اصحابك اللى بتكلميهم بس مالوش روابط مالوش كبير محدش مسئول فية عن حاجة كل اللى عايز يقول حاجة بيقولها او عايز يعمل حاجة بيعملها مهما كانت
متقوليش اصحابى بس اللى بيشوفوا صورتى لا يا حبيبتى حلوة طيبتك وقلبك الجميل دة بس للاسف مينفعشى فى الزمن الوحش دة ممكن جدا حد من اصحابك يستغل الصورة ويعدل فيها ويعملها بالشكل اللى هو عايزة وبعدين يهددك بيها وممكن صورتك توصل لحد مش من اصحابك عن طريق اصحابك لان اى حاجة هيعلق عليها صديق من عندك على مقولة او صورة او اى حاجة هتظهر على صفحتة هو وكل اصحابة هو هيشوفوها فهمتى يعنى الصورة مش بتكون متوقفة على اصحابك بس
وانتى مش هتستفيدى اى حاجة من وضع الصورة خالص بالعكس الشباب هيشوفها ويقولك انتى حلوة طيب وبعدين ؟؟؟
صدقينى انا بدات اكرة الفيس بوك دة بقيت بدخلة ابص واخرج سريع كدة لانة اخد اكتر مما يستحق وكلة مخاطر فعلا
اسمعى الكلام يا مونى ربنا يخليكى علشان خاطر متندميش يا حبيبتى احنا كلنا خايفين عليكى
ربنا معاكى ويحافظ عليكى

romanynabeeh
05-14-2010, 01:31 PM
احذري مما لاتعرفيه

krkr.bebo
05-14-2010, 01:41 PM
ممكن حد يقولى لو دخلت فى جروب وعايزة اخرج منة ازاى

essam_7
05-14-2010, 03:27 PM
كل الاشياء تحل لي لكن ليس كل الاشياء توافقني

emmmy
05-15-2010, 03:48 PM
ممكن حد يقولى لو دخلت فى جروب وعايزة اخرج منة ازاى


ممكن طبعا
بصى بتضغطى على اسم الجروب بيجبلك الصفحة بتاعتة هتلاقى تحت الصورة بتاعت الجروب حاجة اسمها مغادرة المجموعة اضغطى عليها هتخرجى على طول بس سهلة خالص صح