انا محبطة

[emmmy]

انا خادمة فى سن اعدادى فى القرى
بس بناتى مش بيحضرواالاجتماع اناعملت لهم افتقاد وسالت عنهم
بس مش جايب نتيجة كل مرة يقولولى حاضر يا مس هنيجى يا مس معلشى يا مس
اصل عندنا ظروف عندنا مذاكرة عندنا ضيوف المهم اى حاجة الا ربنا ولاجتماع
انا هتكلم معاكم بصراحة انا رايى ان التقصير فى هدايا التشجيع ليها تقصير كبير على نجاح الاجتماع اية رايكم
وانا الخدمة عندى مستواها محدود والامكانيات محدوة لانى مش باخد حاجة من الكنيسة ولا ابونا كلة على الخدمات واهو ربنا بيبعت
انا بقولكم الكلام دة مش علشان اوجع دماغكم بس علشان محدش يقولى طيب اية المشكلة
هاتى لهم هدايا تشجيع
تفتكروا انا صح ولا غلط انا معزورة ولا لا

[elphilasouf]

مممممممممممم
بصراحه موضوع محير وصعب
بس مفيش حاجه صعبه ع ربنا

اول حاجه انتى تصلى طبعا من اجل خدمتك ويكون ايمانك قوي ان ربنا هيستجيب لصلاتك وتضرعاتك من اجل الخدمه
تانى حاجه هنقلك بعض الافكار البسيطه الى شوفتها فى اجتماع فى كنيسه فى اعدادي بردو بس دي ولاد
المهم فى الكنيسه جيبنلهم بلاي ستيشن وشطرنج واللعاب كده يعنى والى بيخسر بيدفع بس مبالغ بسيطه اوي منها دخل للاجتماع ومنها بردو حافز انهم يجو
طبعا انتى بتتكلمى ع الامكانيات فهدايه بسيطه اوي ليهم فى الافتقاد او لما يجو الاجتماع هتشجع او تشوفى ايه الى ممكن يشدهم انهم يجو

تانى حاجه بيقولوا اهم حاجه فى الخدمه هى الافتقاد ويمكن ده الى مخلى الكنايس التانيه متفوقه فيه عن الارثوذكس
فالافتقاد مهم جدا طبعا
وطبعا لازم يكون الاجتماع مش ممل وتقيل كده وهما ياريت يحضروا فقرات ويقدموها بنفسهم ودي هيشجعهم كتير ع انهم يجو
كمان انك تتكلمى معاهم فى مواضيع تهمهم وتشدهم مواضيع سخنه يعنى وتخدي ارائهم ده مهم
اخر حاجه انتى ممكن لو تعرفى تعدي عليهم تجبيهم او تتفقى مع عربيه تلمهم او حاجه زي كده يعنى وربنا يعوض تعبك فى الخدمه

دي بعض الافكار يمكن تساعدك انا بقولهالك بواقع خبره بسيطه كمخدوم لانى مخدمتش ابل كده بصراحه :)

[hard_age]

هو فى عدة اشياء مع بعض هى الى عاملة المشكلة لو درست كفريق وليس كفرد سوف تتغلبون وليست (تتغلبين) عليها
1-الامكانيات لو كنتم فريق سوف تتغلبون على المشكلة بسهولة
2-النظام فى الافتقاد وليس الافتقاد الدينى فى البداية ولكن الافتقاد الاخوى ثم بعد فترة لللافتقاد الدينى
3-المعاملة بما يحبوا ان يعاملوا وليس بما تحبوا ان تعاملوهم ودا حتى فى البداية مبدايا
4-الترفية لان الطفل فى هذا السن يحب الترفية
5-احساسهم باهميتهم فى عمل فريق لمناقشة امورهم ومنها الى الناحية الدينية بعد ذلك
وصدقينى اى مشكلة لو درست من عدة جوانبها كفريق عمل وليس كشخص سوف تثمر عن حلها طبعا مع الصلاة المستمرة
واسف للاطالة
http://www.redcodevb.com/smiles/smiles/39/www.hh50.com-Photos-Images-Expressions-Forums-0478.gif (http://www.redcodevb.com/smiles/)

[elphilasouf]

2-النظام فى الافتقاد وليس الافتقاد الدينى فى البداية ولكن الافتقاد الاخوى ثم بعد فترة لللافتقاد الدينى

مممممممممم
طب ويعنى ايه الاتين وايه الفرق بنهم ؟

[andro dodo]

بص انت ممكن تعمللهم حفلة كل اخر اسبوع فى الشهر
وممكن الى يخضر الشهر كله يكون لة هدية مع حضور القداس والتناول
وممكن تعرفى اعياد ميلادهم واصدقائهم يقولو لهم هابى بارزى تيو هيفرحو جدا انك فكرة اعياد ميلادهم
بالنسبة للهديد ممكن تكون رمزية جدا وممكن تلمى منهم العطا ودة هيسعدك على انك تجيبى هدايا
وفى العاب كتير بكون حلوة ومش مكلفة مثل البالون ويتربت فى رجليهم
مثل خيرتين ويتربتو والبنات تكون ربطة ايدية ويحولة اكل الخيار وفىلعب كثير
معلش طولت عليكى
ومتنسيش الخدمة محتاجة صلة كتير وربنا يدبر كل احتياجتكم ربنا معاكى

[emmmy]

انا حقيقى بشكر محبتكم جدا جدا على اهتمامكم ونصائحكم
فى حاجات هيكون صعب تنفيذها لان عددهم قليل جدا حوالى 8 مش اكتر ومش بيحضروا كلهم كمان داممكن ترسى على 3 بنات يجوا لدرجة ان احيانا الشيطان بيقولى سيبك منهم بقى
اما بالنسبة للفقرات اللى ممكن يعملوها بنفسهم انا سبق وقلت لهم عليها لكن رفضوا محدش وافق ودة لانهم معندهمشى ثقة فى نفسهم
دة لانهم عرفوا المسيح على كبر مش من صغرهم دول كانوا خراف ضالة وابونا جابهم بالعافية يعنى الخبرات محدودة جدا
هو ممكن انفذ فكرة هدية المواظبة اللى قالت عليها اندرو وهديا اعياد الميلاد كمان اوعدك انى هحاول
اما بالنسبة للافتقاد يا hard
انا بفتقدهم بس من على الباب ودى رغبة ابونا وراى ابونا
اما انت يا فيلو كل كلامك جميل بس انت بتقول هاتى لهم عربية مش كدة الحقيقة دى فكرة رائعة بس مستحيل يا اخى احنا لاقين ناكل

[ريم الخوري]

اخت ايمي
هو صحيح الجانب المادي لية دور وكل اللي حكيوة بس ابداعك وافكارك انتي الشخصية لية دور اكبر

احنا في بداياتنا كنا ضعاف مادياً
دلوتي بنعمة وعمل ربنا فينا وفي الاولاد تحسنت اكتير الامور للافضل
بقينا بنعتمد على نفسنا مثلآً....
******الاعمال اليدوية بيعمل الاولاد اعمال يدوية مثل ايقونات او بعض ازهار من الصوف او براويز صور خشبية ويلزقوها على الخشب بطريقة كتير حلوة وييعملوا بازار والمبلغ لكل قطعة بيغطي الكاليف والفائض بيروح للخدمة....ميش شرط في نفس المنطقة يكون البازار ممكن تشاركو في بازارات تانية لو في وتكلفي الطلبة نفسهم يشرفوا على الموضوع ......
***ممكن لو كل داء ميش ممكن تعمليلهم رحلات سيران داخل القرية مع ابونا او حتي مع عائلاتهم مثلاً ميش مكلفة ....وتعملى الدرس الديني
***ممكن تعمليلهم لقاءات مع مراكز تانية في قرية قريبة منكم ...مسابقات العاب مائية بالونات .. هادي كلها اشيا بسيطة وميش مكلفة

في خدمتي الاول كان الاطفال بيزهقو كتير وما بيظاينوا في الصف اكتر من خمس دقايق
شو عملت جبت العاب بسيطة مثل ليقوا مو كتير غالية بتصور ودفتر الوان ولو ما عندك ورق ابيض وتخيلو الدرس وارسمو.... هون بتشغلي مداركهم وبنفس الوقت بتعطي بعد روحي للموضوع وبترسخي المعلومة ويالا بلشوا العبو ولونو ... وهم بيلعبو اشرحي الدرس وكانك بتشريحية لكل واحد على حدي .. انا جربته هل طريقة وفعلآ الاطفال حبوها

***رح احكيلك عن تجربة حسيت حبوها المخدومين في مدارس الاحد بسيطة وغير مكلفة وبنفس الوقت هادفة
في مرة جبت قصة اسمها القطة ورأس الدير
انا بعد الصلاة حكيتلهم في ضيف كتير مهم رح يجي ويتعرف عليكم بس ما رح يعرف عن نفسة الا بعد اللقاء ... انت شفتوة وبتعرفوة
واتفقت مع الاخت التانية تاخد مكاني في التنظيم ورحت اختفيت ورا الستار ولعبت الادوار وغيرت بنبرة الصوت بين القطة وصوتها وبين صوت الراهب وغيرها.....اااكتير حبو الفكرة وطلبو يكرروها .... ميش مكلفة تحتاح الى ابداعك وافكارك وحسن انتقاء لابعاد القصة الروحية


** هادي افكار بسيطة
هل امور يجب واكيد لزم تعطيها بعد وجانب روحي وتصليي وتطلبي من ربنا انة يساعدك بعمل ونعمة الروح القدس

اسفة الرد طويل ..... حبيت اساعد
الرب معك ويساعدك

[emmmy]

مرسى اوى يا ريم على محبتك وابداعك فى الرد
انا فعلا بتعلم منك بس انا مش بخدم اطفال يا ريم دول كبار سن
ثانوى حتى لما قلت اعداى دا لانهم تفكيرهم بسيط لكن سنهم كبير وبعدين العدد قليل جدا
عموما الحاجة اللى فعلا لازم انفذها انى اصلى لربنا يتدخل ويبارك ويساعدنى
شكرا مرة تانية يا حبيبة قلبى

[ريم الخوري]

اختي ايمي
انا فهمت عليكي بس لو لحظتي انا ابتدت بالامور اللي بتناسب الكبار اولاً...
وصلاً حتى سن الاطفال الصغيرين ....على شان يبقي الرد شامل ومفيد اكتر لمجموعتك وللفئات الاخري
وواضح ان ظروف الخدمة عندك كتير صعبة بس مع الرب كل شي مستطاع
الرب يساعدك ويبارك خدمتك

[emmmy]

اوك يا ريم مرسى يا حبيبة قلبى
ربنا يعوضك

[emadmofid]

انا عايز اقول ان ممكن تكون الامكانيات ضعيفة ،لكن اهم حاجتين هما الصلاة والمحبة ..صلي من اجلهم وحسسيهم انك حقيقي بتحبيهم.. ممكن تكون كلمة احسن من هدية..لو افتكرتيهم في اعياد ميلادهم..اشكتيهم في اي عمل معاك.. عرفتي ظروفهم..سالتيهم عن مشكلهم..وساعدتيهم في حلها..اكيد ممكن يكون في نتيجة..المحبة كوية كالموت

[emmmy]

انا عايز اقول ان ممكن تكون الامكانيات ضعيفة ،لكن اهم حاجتين هما الصلاة والمحبة ..صلي من اجلهم وحسسيهم انك حقيقي بتحبيهم.. ممكن تكون كلمة احسن من هدية..لو افتكرتيهم في اعياد ميلادهم..اشكتيهم في اي عمل معاك.. عرفتي ظروفهم..سالتيهم عن مشكلهم..وساعدتيهم في حلها..اكيد ممكن يكون في نتيجة..المحبة كوية كالموت

مرسى يا عماد على مشاركتك ومحبتك
وحاضر اوعدك انى هعمل بنصيحتك
الرب يبارك حياتك

[ehab200549]

بسم الثالوث القدوس
اولا احب ان اقول شيئا ان مفيش حاجة اسمها احباط في الخدمة والا نقعد في بيوتنا احسن
ولكنها حروب الشيطان والتي تمنع وصول كلمة الله الي المحتاجين
احب ان الفت نظرك الي اني انا ايضا خادم ومعاي خدمة في منطقة بعيدة ولكن هم يحضرون الي كنيستنا مواصلات
وهذه المنطقة هي قرية كاملة اطفال شباب ياتون الي كنيستنا ونخدمهم انا ومعاي ثلاث خادمات اخاريات
المهم اني عايز اقولك انك تصلي اولا
وثانيا في حاجة حلوة ممكن تعمليها تشجعيهم علي الحضور وهي تسمي "" المعرض "" وهو انك توزعي علي اللي بيحضر بدل من الصور كرت صغير او كوبون او مارتيروس او ماريا انتم مصممينه علي حسب راحتكم ويتم توزيعه في بداية دخولهم الكنيسة في ميعاد مدارس الاحد واللي يجتهد يجاوب او يكون كويس في الانتظام برده ياخد كوبون
وننيجي في اخر كل شهرين وبالعطاء اللي معانا نجيب هدايا صور ايقونات ميداليات كشاكيل اقلام مساطر وهكذا........
ونعمل كل حاجة من اللي احنا جبناها يكون تمنها كذا كرت اوكوبون
وبكدا نكون شجعناهم ان اكتر واحد هيحضر هيكون معاه اكبر عدد من الكوبونات وهيشتري حاجات كتير بي الكوبونات دي

من ضمن الفقرات برضه المجلة المسموعة او المقرؤة ، مسابقات مكتوبة في الكتاب المقدس وتكون ليها هدايا ولو بسيطة

اسف للاطالة ولو عايزة اي معلومات عن فكرة المعرض ايميلي علي الياهو [email protected] ([email protected])
سلام

[my_life]

سلام المسيح ليكى ايمى
بصى يابنتى
بما انك خادمه وبتدى مدارس احد
الهدايا ليها دور كبير لتشجيع المخدمين فى تفوقهم وحضورهم فى الخدمه
مفيش مشكله اجمعى كل الخادمات اللى معاكى
وكل واحدة فيكم تحط اللى تقدر عليه وبكدة هتكونى قدرتى تجمعى الهدايا
وقدمى كل شهر هديه للى مواظب 4 اسابيع ورا بعض
يعنى لو خدمتك يوم الجمعه مثلا
يبقى لو المخدوم جه 4 جمع ورا بعض بأستمرار يبقى يستحق الهديه ولو غاب فى نص الشهر او جه اسبوع وساب اسبوع يبقى يتحسبله من الاول وبكدة هيغير ويقولوا اشمعنى فلان دة بييجى وبياخد وهتلاقيهم معاكى وبيحضروا
الرب يعوضك ويبارك خدمتك

[my_life]

وصدقينى هتلاقي بناتك فى الخدمه زى الاول واحسن
وصلى من اجلهم ربنا يهديهم ويحميكى ويقدرك ويباركك فى خدمتك

[emmmy]

بسم الثالوث القدوس
اولا احب ان اقول شيئا ان مفيش حاجة اسمها احباط في الخدمة والا نقعد في بيوتنا احسن
ولكنها حروب الشيطان والتي تمنع وصول كلمة الله الي المحتاجين
احب ان الفت نظرك الي اني انا ايضا خادم ومعاي خدمة في منطقة بعيدة ولكن هم يحضرون الي كنيستنا مواصلات
وهذه المنطقة هي قرية كاملة اطفال شباب ياتون الي كنيستنا ونخدمهم انا ومعاي ثلاث خادمات اخاريات
المهم اني عايز اقولك انك تصلي اولا
وثانيا في حاجة حلوة ممكن تعمليها تشجعيهم علي الحضور وهي تسمي "" المعرض "" وهو انك توزعي علي اللي بيحضر بدل من الصور كرت صغير او كوبون او مارتيروس او ماريا انتم مصممينه علي حسب راحتكم ويتم توزيعه في بداية دخولهم الكنيسة في ميعاد مدارس الاحد واللي يجتهد يجاوب او يكون كويس في الانتظام برده ياخد كوبون
وننيجي في اخر كل شهرين وبالعطاء اللي معانا نجيب هدايا صور ايقونات ميداليات كشاكيل اقلام مساطر وهكذا........
ونعمل كل حاجة من اللي احنا جبناها يكون تمنها كذا كرت اوكوبون
وبكدا نكون شجعناهم ان اكتر واحد هيحضر هيكون معاه اكبر عدد من الكوبونات وهيشتري حاجات كتير بي الكوبونات دي

من ضمن الفقرات برضه المجلة المسموعة او المقرؤة ، مسابقات مكتوبة في الكتاب المقدس وتكون ليها هدايا ولو بسيطة

اسف للاطالة ولو عايزة اي معلومات عن فكرة المعرض ايميلي علي الياهو [email protected] ([email protected])
سلام

مرسى يا ايهاب على مشاركتك الجميلة وكلامك وفكرتك الرائعة
بس للاسف انا مش خادمة مدارس احد انا خادمة ثانوى مينفعشى عندى الفكرة دى لان العدد قليل جدا
الظروف عندى مختلفة شوية عنك وانا مش معايا خدمات كتير هى واحدة بس
عموما انت عندك حق كلها حروب شيطان وربنا موجود وانا صدقنى بصلى من اجلهم
وبالاسم كل واحدة كمان والباقى بقى على ربنا
ربنا يبارك حياتك

[emmmy]

وصدقينى هتلاقي بناتك فى الخدمه زى الاول واحسن
وصلى من اجلهم ربنا يهديهم ويحميكى ويقدرك ويباركك فى خدمتك


مرسى لمحبتك ومشاركتك
انا فعلا عملت هدايا مواظبة واعياد ميلاد وهما فرحوا جدا
بس لسة فى نفوس قاسية شوية عايزة صبر وصلاة
ارجوكم صلوا من اجلى كلكم
ربنا يبارك حياتك وخدمتك

[ehab200549]

سلام المسيح معكم
اولا فكرة المعرض او الهديا كل شهر للي مواظب هما نفس الفكرة ولكن المعرض بيكون اكبر وبيضم حاجات كتير وبيشجع جدا علي المواظبة والالتزام والتفوق
وبعدين احنا عندنا المعرض بنعمله لكل الناس من حضانة لغاية الخدام
يعني اي حد يخص مدار س الاحد سواء مخدوم حضانة ابتدائي اعدادي ثانوي او الخدام دول كلهم ليهم معرض وبعمله ثلاث مرات في السنة اول واخر الصيف وفي نصف السنة
يعني المعرض ينفع للكل
وبالنسبة للفلوس والدعم من العطاء اللي بيجي ولو انت ومعاك بعض الخادمات الاخريات جمعتوا اي حاجة من بعضيكم صدقيني هتعملي حاجة حلوة جدا
وربنا يعوضك
سلام
ايميلي علي الياهو
[email protected] ([email protected])

[jesus for me]

انتي ممكن تعملي حفلة كويسة اوي بس بعد 8 اسابيع بس يكون فية كبون مع كل بنت مكتوب فية
1. التناول


2.الالتزام بالميعاد (ميعاد الاجتماع)


3. المواظبة



4.التفاعل عن طريق المناقشة في الاجتماع

طبعا هياخذوا هما الكبون معاهم وانتي كل اللي هتعمنلي تمضي بقلم مكان كل صفة ولو حد مثلا متناولش متمضيش لية مكان لصفة في الكبون


وبكدة متبقاش مواضيع هدايا وبس يبقي حضور القداس ولاجتماع كمان والالتزام بالمواعيد بس في الاسبوع الثامن تبقي حفلة شوفة مين اللي جاب عدد اكبر من الصفات ويطل يختار هديتة الاول ولو في امكانية ان الاول يبقي مميز هتبقي جميلة كلة هيتنافس علي انة الاول بالذات في التفاعل في الاجتماع ولو قالتي علي الهدية اللي هياخذها الاول قبل 8 اسابيع هتشوقيهم اكتر اكتر
وبكدة تبقي خلقتي جو المنافسة بينهم وخلتيهم تفاعلو ومع الوقت هيلاقوا المواضيع بتاعت الاجتماع عجبتهم وهيواظبوا علي الحضور لوحديهم بس حاولي تستغلي الفترة دي كويس اوي وتتكلمي في مواضيع كويسة تشد زهنهم وتفكيرهم

علي فكرة الطريقة دي مجربة قبل كدة وحققت نجاح كبير اوي


سوري بجد لو طولت عليكي

ربنا يباركك

معلش مش هخش في الدراسة

اذكروني في صلواتكم

مينا

[emmmy]

انتي ممكن تعملي حفلة كويسة اوي بس بعد 8 اسابيع بس يكون فية كبون مع كل بنت مكتوب فية
1. التناول


2.الالتزام بالميعاد (ميعاد الاجتماع)


3. المواظبة



4.التفاعل عن طريق المناقشة في الاجتماع

طبعا هياخذوا هما الكبون معاهم وانتي كل اللي هتعمنلي تمضي بقلم مكان كل صفة ولو حد مثلا متناولش متمضيش لية مكان لصفة في الكبون


وبكدة متبقاش مواضيع هدايا وبس يبقي حضور القداس ولاجتماع كمان والالتزام بالمواعيد بس في الاسبوع الثامن تبقي حفلة شوفة مين اللي جاب عدد اكبر من الصفات ويطل يختار هديتة الاول ولو في امكانية ان الاول يبقي مميز هتبقي جميلة كلة هيتنافس علي انة الاول بالذات في التفاعل في الاجتماع ولو قالتي علي الهدية اللي هياخذها الاول قبل 8 اسابيع هتشوقيهم اكتر اكتر
وبكدة تبقي خلقتي جو المنافسة بينهم وخلتيهم تفاعلو ومع الوقت هيلاقوا المواضيع بتاعت الاجتماع عجبتهم وهيواظبوا علي الحضور لوحديهم بس حاولي تستغلي الفترة دي كويس اوي وتتكلمي في مواضيع كويسة تشد زهنهم وتفكيرهم

علي فكرة الطريقة دي مجربة قبل كدة وحققت نجاح كبير اوي


سوري بجد لو طولت عليكي

ربنا يباركك

معلش مش هخش في الدراسة

اذكروني في صلواتكم

مينا

مرسى يا مينا على مشاركتك ومحبتك
وعموما كلامك فى الاعتبار
انا هحاول لان زى ما قلت العد قليل عندى جدا
الرب يبارك حياتك

[trakok]

بصى يا اختى اسمعى اخوكى الخاطى انا خادم زيك فى الكنيسه وكنت ماسك خدمه اطفال زيك وكان فى الاول عدد قليل بس بعد دخول ربنا وصلوات الاباء وصل العدد الى اكتر من 450 طفل كانوا يجيوا القداس وكل طفل لازم نخليه يتناول وبعديها الاجتماع الحل هو ايه انك ممكن تعملى فكره حلوه تفوتى على طفل وتجيبيه معاكى وبعد مايتجمعوا كلهم تاخديهم للكنيسه ولو كمان ممكن ابونا اول مره يلف معاكى يجمعهم من بيوتهم مره على مره هايجوا لوحديهم واكيدد ربنا مش بيضيع تعب اولاده لانى كمان هو بيحب الاطفال اوى وربنا يعوض تعب محبتك وارجو من كل المنتدى صلواتكم ليا اخوكم الخاطى

[اس اسامة عوض]

اعملى خدمة فردية لكل بنت
واقعدى معهم اخت لخت
مش ميس
ةشوفى اية المانع
دة

[emmmy]

بصى يا اختى اسمعى اخوكى الخاطى انا خادم زيك فى الكنيسه وكنت ماسك خدمه اطفال زيك وكان فى الاول عدد قليل بس بعد دخول ربنا وصلوات الاباء وصل العدد الى اكتر من 450 طفل كانوا يجيوا القداس وكل طفل لازم نخليه يتناول وبعديها الاجتماع الحل هو ايه انك ممكن تعملى فكره حلوه تفوتى على طفل وتجيبيه معاكى وبعد مايتجمعوا كلهم تاخديهم للكنيسه ولو كمان ممكن ابونا اول مره يلف معاكى يجمعهم من بيوتهم مره على مره هايجوا لوحديهم واكيدد ربنا مش بيضيع تعب اولاده لانى كمان هو بيحب الاطفال اوى وربنا يعوض تعب محبتك وارجو من كل المنتدى صلواتكم ليا اخوكم الخاطى

الاخ المحبوب فى المسيح
انا مش خادمة اطفال يا ريت كنت فى خدمة اطفال لان احنا معندناش مشاكل فى خدمة اطفال
الاطفال مهما كانوا امرهم سهل
انا خادمة ثانوى مرحلة الدلع والنمردة والتمرد والعصيان على كل حاجة عموما
مرسى على المشاركة الجميلة والمحبة دى
الرب يبارك حياتك

[emmmy]

اعملى خدمة فردية لكل بنت
واقعدى معهم اخت لخت
مش ميس
ةشوفى اية المانع
دة

انا فعلا بعمل كدة يا اسامة بس بيقدمولى اعذار واعذار مالهاش اخر
ولما نتفق واقولهم وقت ربنا لازم يكون فى المقام الاول يوعدونى انهم هيجوا
واستناهم ومش بيجوا الموانع من جواهم هما والحجج كتير جدا
وانا اللى مش عارفة اعمل اية ؟

[باتريشيا]

انا هقول حاجة صغيرة انا لما كنت فى اولا اعدادى كان الجتماع رخم جدا ومكنش حد بييجي
بس دلوقتى انا فى ثالثة اعدادى فلمسات بدأو يعملو حفلات جميلة وكانو عملين حفلة من اول اليوم بعد القداس وجبة اغابى وبعدها بيبدأ الحفلة وكان عنوان الحفلة بنت الملك وهى عبارة عن فقرات وبدأو يقسمونا فرق وعملين كل فقرة فى حتة من الكنيسة وبتبدأ الفقرات1 : الاتيكيت 2 : اكتشفى سر جمالك (وهى عبارة عن مس بتشرح للبنات حاجات فى البنت بتحرمها من دخول الهيكل وان الحاجة دى نجاسة ) 3 : بنات الملك فوق الكل (وهى عبارة عن بيجيبوا زجاجة بها ماء وحبة زيت وبيشرحو ان احنا الزيت دايما بنكون ع القمة والماء هم اناس اللى غرقانة ولما نرج الماء وزيت هيكون فى زرات زيت فى الماء من تحت ودى بترمز بناس اللى كويسين بس بيغرقو ) 4: كونى جميلة دايما ( وهى عبارة عن بيعلمونا ازاى نعمل مسك لوشنا علشان تكونى جميلة )
5 : اكتشفى نفسك ( وبيدونا ورق فى اسئلة عن حاجات انتى بتعمليها ولا لأ وفى الاخر بيكون فى نتيجة لحلولك وبتكتشفى نفسك انتى ايه كأيبة عسولة رخمة ..يعنى )
وبعد كدة بيجمعونا وبيعملولنا مسبقة وكل وأعدنا كل فرقة تعمل تحدى مع الفرق التانيا
وكانت النتيجة فى الاخر ان الفرقة بتعتى هيا الكسبانا طبعا وبيجيبو ابونا هو اللى يوزع الهدايا وبس لو عيزة حاجة تانى انا عندى كتييييييييير بس انتى اطلبى
وصلولى علشان امتحانات ثالثة اعدادى قربت

[emmmy]

باتريشيا انا بشكر محبتك كتير على المشاركة الحلوة اوى دى
بجد انا استفدت منها كتير ولما اكلم خادمة او خادم غير لما اكلم مخدومة لذيذة زيك لانك هتعرفينى انتوا عايزين اية؟
وبتحبوا اية علشان احنا نعملة ياااريت رجاء محبة وبطلبها بالحاح تقولى كل اللى عندك وكل افكارك يا حبيبة قلبى
اشكرك حقيقى مرة تانية على محبتك ومشاركتك الرائعة ربنا يفرحك يا قمر

[باتريشيا]

ميرسى بجد يا amy...ولا مس amy"
انا عندى فكرة جديدة انشا اللة هنعملها فى الجتماع وهي :
ذي مسرحية متسلسلة تتعمل كل اسبوع
هى عبارة عن واحدة تلبس الخالة نوسة ويفضل تكون مس لانها اول حلقة هتدخل ومعاها بنتين محضرين اسئلة وهما يطرحو عليها الاسئلة وهي هتجاوب
تانى حلقة فى السبوع التانى مش هيحضروا اسئلة دا هيسيبو البنات اللى عندها سؤال تسال والمفروض الخالة نوسة تجاوب جواب يقنع البنات علشان كدة يفضل انها تكون مس تقدر تجاوب على أى سؤال...وبلحال دة كل اسبوع ... وبس

ممكن اعرف مس amy انتى خادمة فى كنيسة ايه او فرع ايه

[emmmy]

ميرسى بجد يا amy...ولا مس amy"
انا عندى فكرة جديدة انشا اللة هنعملها فى الجتماع وهي :
ذي مسرحية متسلسلة تتعمل كل اسبوع
هى عبارة عن واحدة تلبس الخالة نوسة ويفضل تكون مس لانها اول حلقة هتدخل ومعاها بنتين محضرين اسئلة وهما يطرحو عليها الاسئلة وهي هتجاوب
تانى حلقة فى السبوع التانى مش هيحضروا اسئلة دا هيسيبو البنات اللى عندها سؤال تسال والمفروض الخالة نوسة تجاوب جواب يقنع البنات علشان كدة يفضل انها تكون مس تقدر تجاوب على أى سؤال...وبلحال دة كل اسبوع ... وبس

ممكن اعرف مس amy انتى خادمة فى كنيسة ايه او فرع ايه


مرسى يا روح قلبى على محبتك ومشاركتك الجميلة دى
بس المس هتلبس الخالة نوسة هدوم من عند ماما قصدك وطرحة يعنى وعباية ولا اية ؟ علشان يحسوا انها كبيرة
طيب البنات عندى مش بيعرفوا يسالو انا بفضل اتحايل عليهم وابوس ايديهم علشان يسالوا ياريت انا اتمنى ومستعدة اجاوبهم على كل اسئلتهم بس للاسف يا باتربيشيا محدش علمهم يسالوا ويكون عنهم جراة وفكر
ها يا جميل نعمل اية بقى معاااهم ؟
لو انتى حاسة انك مش بتعرفى تسالى المس تعمل اية علشان تعرف تطلع اللى جواكى ؟


وبالنسبة لسؤالك يا ستى انا خادمة بنات ثانوى تابع كنيسة مارجرجس البدرشين صاحبة موقع ارثوذكس
خادمة فى احد القرى التابع لها

[باتريشيا]

هو انا حقيقى مش بعرف أسال او بيكون عندى سؤال بس مترضددة او خيفة مكسوفة بيكون نفسى فى الحظة دى حد يقولى عايزة تقولى ايه بس مفيش حد
بس مش ممكن هتروحى وتقولى لكل بنت عايزة تقولى ايه
فى حل ممكن تعملى ندوة فى الكنيسة وتجمعوا المسات كلكم وتتكلموا على الجورأةتكون ضرورية امتى وتكون ازاى وان حلو اوى ان تسالوا حتا لو سؤال اهبل علشان نصحح المفاهيم الخطأ اللى عندهم وحاولو تخلوهم يتشاركو معاكم فى الحوار وهم لما هيشوفوا الحوار شيق وان انتو هتحسسوهم انهم لازم يعيشو الحياة ولازم يكون فى ليهم دور فيها وانهم لازم يكونوا جريئين ولازم يكون لكل واحدة شخصية معينة وحاولو تدوهم ثقة بنفسهم
وممكن تستشيرو ابونا فى الموضوع دة
انا عنفسى لو مكنهم هطلع كل اللى فى معاميعى

[bassem8800370]

منقاشات رائعه

[باتريشيا]

هى الخلة نوسة المفروض تلبس ذى فى الفلم خالتى نوسه وتمشى زيها برضو

وبعد الندوة حاولو تشوفو مين استفاد وحاول يبقى جرئ ومين اللى مش بيحاول انه يكون جرئ وحاولو تشوفو اه السبب

[emmmy]

مرسى يا باتريشيا على محبتك وانا هحاول اشوف الفكرة دى فى الحدود الممكنة اشكرك يا حبيبتى ولو افتكرتى اى اقتراح تانى او فكرة او حتى حاجة عملتوها وعجبتك ابقى اقوللنا عليها علشان نتعلم منك --- وربنا يعوضك يا سكرة

[نانا3]

اختى الحبيبه ان لم تكونى فى شركه حقيقيه مع الهك وانا تكونى فى صله دائما معه فيبقى التقصير ليس من المخدوم انما من الخادم لان الخادم كى يكون ناجح لازم تتوافر فيه عدت صفات اهما ان يكون فى صلاه دائمه مع الهه ثانيا يكون خفيف الظل ويتمتع باالقبول لدى الطفل ان كان الخادم كشرى او لا يداعب الطفل بيخسر اى جوله مع الطفل او المخدوم ربنا يباركك خدمتك وينجحها رب المجد

[emmmy]

اشكرك يا نانا على مشارك الجميلة وطبعا عند عندك اكيييييد الخادم لازم يكون لية علاقة حقيقة وحية مع ربنا لانة لا الغارس ولا الساقى ينمى بل اللة مفهوم طبعا وانا موافقة كل كلمة قلتيها من غير ربنا مهما عملنا مش هتجيب ثمر ومهما عملنا كلنا عبيد بطالون
حبيبة قلبى انا بدور على افكار جديدة تنمى وتنشط الاجتماع وتخلى البنات يحبوا يجيوا وطبعا بالاضافة للروحيات مفيش مانع من نشاطات وابداع واكتشاف مواهب
وعلى فكرة
انا مش خادمة اطفال هو طبعا الخادم لازم يكون بشوش مرح مش بس للاطفال لكل المراحل كمان
مرسى مرة تانية على محبتك ربنا يباركك

[باتريشيا]

فى حاجة حلوه اوى بيعملوها عندنا
وهى عباره عن بيخلو فى يوم جمعة الخادمات ميحدروش فقرات وبيخدوها بالترتيب من أولى اعدادى تكون هى اللى تحضر الفقرات والاعاب واسكتات كلو ده طبعا بمسعدة
المسات بس فى وقت العرض يعملو لوحديهم كل الفقرات مع مساعدة قليلة من المسات
وبعد كدة يبدأو تانية اعدادى تعد الفقرات ويقدموها بعد شهر تقريبا وبعدها ثالثة اعدادى
بس بجد احنا كنا بننبسط اوى وكنا بنس ان احنا بنعمل حاجة
بس فحاولى تخليهم يطلعو مهراتهم ويشاركو فى الجتماع

[باتريشيا]

حلو اوى انك تساعديهم انهم يكتشفو مهراتهم
انا على فكرة مكنتش اعرف ان انا بمثل وبرسم وبألف هما خلونى اكتشف الحاجات دى كلها
ومش انا بس ده كل اصحابى والاجتماع كله

[emmmy]

بتمثيلى وترسمى وتالفى بسم الصليب عليكى يا عسل ربنا ينمى مواهبك يا حبيبة قلبى ومرسى على محبتك حقيقى مش عارفة اقولك اية وانا اكيد هجرب فكرتك الجميلة دى بس يارب هما يرضوا بقى
ومستنية منك اى حاجة تانية تفتكريها
ربنا يبارك ويعوضك انتى هتبقى خادمة جميلة اوى فى المستقبل على فكرة ربنا معاكى
حقيقى شاكرة محبتك كتيرررر

[بنت الراهب الصامت]

اولا* صباح الخير
ثانيا* انا اسفه على تاخيرى فى ارد على السؤال بتاع ايمى بجد
ثالثا* العبه بجد روعه ميرسى اوى ليكى ياريم على اللعبه دى
اخيرا بقى انا هجاوب على سؤال ايمى من الفترة اللى مسكت فيها فصل بنات اعدادى وثانوى فى خدمه قرى فى صعيد سوهاج اوك

دة سؤال ايمى



سؤالى وبجد محتاجة فية كل ابداع اية الافكار اللى ممكن تجذب بنات اعدادى وثانوى للاجتماع علشان يكون اجتماع ناجح ومثمر لاجل مجد اسم اللة لانهم زهقوا من الطريقة التقليدية والشرح بالطريقة القديمة

بصى يا ايمى بجد
انا استعملت معاهم الطريقه دى بجد ونفعت فعلا ومنها تغير برضو فى طريقه المعامله مع لبنات
بصى
انا اول مامسكت الفصل
لقيتهم قليلين اوى ف العدد
قلت ابتدى بيهم وهنشوف
ابتديت اصلى واشرح الدرس لقيتهم زهقانين ومش ناوين يسمعوا
قولت لربنا بسرعه ارشدنى اعمل ايه ؟
وبجد الاستجابه كانت سريعه اوى منه ليا
قولت ااجل الدرس المرة دى واكلمهم فى مشاكلهم شويه
واول ما قعدت معاهم ونزلت لمستواهم وابتديت تكلم بامانه لقيتهم فرحانين واتكلمو معايا بكل صراحه
اول موضوع اكملوا فيه
هو الحب بين الولد والبنت
وهل فعلا فى حاجه اسمها حب وبتحس بايه لم تحبى وازاى تقولى للولد انك بتحبيه
واسئله كتير بجد عن الحب
وانا بصراحه وقتها مكنتش جربت الحب بس بشوفه فى الافلام الرومانسيه او على اد ماقدرت وقتهاجاوبت عليهم بكل صراحة وفهمتهم المرحلة اللى هما فيهم بتبقى ازاى على اد معلوماتى لقيتهم حلوين معايا قابلين الكلام دى لانى مش كمان كرهتهم فى الحب ولا قولتها لازم تبطلى اللى بتعمليه
لا سيستهم وخدت كلام لاخر لحظه وفهمتهم بالراحه والحمدلله بعدها زاد الكلام معايا فى الحصه واتكلمنا بوضوح
ويد ربنا عملت معايا فى الموضوع دة
وقولت لازم اغير طريقه الشرح كمان حاجه كده تجذبهم انهم مش يزهقوا قولت اقسم الحصه لمرحلتين
اولا اشرح الدرس طريقه الاطفال مستوى الاطفال يعنى ومبسط جداااا
المرحلة التانيه نتكلم عن الحب او اى موضوع عايزين نتكلموافيه
ولقيت الفصل عدده بجد زاد لان البنات عرفوا ان الدرس بيتشرح بطريقه حلوة ومش طويل وممل ومبسط مش لازم كمان ادرس يبقى طويل اجعلى الدرس بسط وقصير خدى النقط الهادفه فيه وكمان خلى تعليم الدرس حاجه تخص حياة البنات وتلمسهم
والتانى علشان بنتكلم عن الحب او اى مشكله تخصهم هما تخص حياتهم
وبجد نتيجه بقيت حلوة اوى اوى
ولازم كمان يكونوا حبوا الخادمه اللى بتديهم لانهم لو فى قبول ومحبة بين المخدوم والخادم هيقدر يعدى به الشط ويوصله
لامان وكمان المخدوم هيقبل منه كلام ونصيحه
بعد الفترة دى والفصل كان كويس وعدده حلو
ابتديت خادمه جت معايا فى الفصل نقسم الشغل الفصل علينابمحبه ودى كمان اثرت على المخدومين محبتنا انا والخادمة اللى معايا فى الفصل لما شافونا فى احترام لبعض قدامهم ودى نقطه مهمه فى الخدمه الاحترام بين الخدام وسط المخدومين لان هما كمان هيحتروا بعض لو شافوا الخدام قدامهم كده هما بتمثلوا بينا
وهى فكرت تعمل مسابقات على الدرس اللى بنديه للمخدومين
ونعمل جوايز كل شهر غير المواظبه طبعا
والى يطلع المستوى الاول له جايزة كبيرة
وفعلا المسابقة نجحت بتفوق واستمرينا كده
والحمدلله بالطريقه دى المخدومين زادوا


انا اسفه طولت عليكوا سامحونى بس حبيت اقولكم على تجربه معاهم ونفعت وجابت نتيجه مع الخدومين بتوعى
يارب اكون قدرت اساعدك يا ايمى بالريقه لل عملنهاها انا فى الخدمة

وميرسى ليكى تانى ي ريم على اختيارك للموضوع دة جد متعه الكلام فيه
ربنا يباركك
اسفه بجدمعرفش ان الاجابه تكون هنا

[ريم الخوري]

يسلمو بنت الراهب افكارك كتير حلوة وعن جد مفيدة وفعلاً الخادم لازم يتمتع بالمحبة اولاً في شركة مع الرب يسوع المسيح من خلال عمل النعمة التي تعكس محبتة على الاخر بمحبة وتوثر على حياتة وحياتة الاخرين بالمشاركة ليعرفوا انكم ابناءي
انا استفدت من افكارك بتمني تشاركينا على طول بهيك موضوعات للخدمة
الرب يباركك ويحفظك بشفاعة امنا العذراء

[emmmy]

مرسى يا نانا حقيقى على محبتك بجد بشكرك من قلبى ربنا يخليكى انا كمان بدات اعمل زيك بالظبط صدقينى بجد كل اللى قلتية جميل وصح وانا بعملة
بس انا
لما قربت منهم وبدوا يحبونى ويتكلموا معايا قابلتنى مشكلة تانية ان المخدومين مش كلهم سن واحد غير كدة فيهم اللى مش بحب التانى وقالوهالى فى جلسة افتقاد بصراحة يا مس انا مش بحب فلانة وعملت المستحيل علشان اوصل ليهم ان دة مش تفكيرنا ولا مبدانا احنا ولاد المسيح ومميزين بالمحبة لبعض
عندى بنت عاملة لى مشاكل لانها مش كويسة او بتصرف تصرفات غلط حاولت معاها بس ظروفها وحشة جدا كلهم نافرين منها خالص ورافضينها تماما ويمكن دى من عوامل عدم نجاح الاجتماع بالصورة المطلوبة
انا عارفة انها مشكلة صعبة بس للاسف دة الحال عندى دا لدرجة ان البنات اهاليهم بيحذروهم من التعامل مع البنت دى
عموما كل دة ما يمنعشى انى استفدت منك كتير وانا بدات فعلا اخليهم يتكلموا عن مشاكلهم واكلمهم عن مرحلتهم وكانوا مبسوطين جدا وعلى فكرة هما فعلا بيكرهوا التطويل جدا الا اذا كانت مناقشة معينة بقى هما اللى طالبوها
وبعمل فقرة اسئلة ودردشة حوالى 10 دقائق ومعاها شكولاتة مثلا او بونبون لو صيام وبيكونوا مبسوطين جدا
وممكن تعملى ليهم فقرة موضوع ثقافى يا نانا تتكلمى عن حاجات متنوعة زى العناية بالنظافة الشخصية والاهتمام بالصحة والغذاء واسباب الضعف وعدم التركيز وفوائد المشى والرياضة والبشرة والشعر وكتير جدا هما طلبوا الفقرة دى وبيعشقوها ويطلبوها جدا برضوا بيكون ليها حوالى 15دقيقة كل اسبوع جربى كدة تعمليها
انا اللى طولت عليكى اهو معلش
مرسى ليكى مرةتانية ولمحبتك ربنا يبارك خدمتك ويعوضك يا حبيبة قلبى

ويخللنا ريم كمان اللى كانت السبب فى انك تشاركينى وتقوللى كلامك الجميل دة

[باتريشيا]

حلو اوى الكلام ده بجد وبلمونسبة انا عندى فى الجتماع بنات كدة ليهم تصروفات مستفزة والبنات مش بتحبهم واهليهم بيحزروهم من البنات دى ومن ضمنهم بنت كانت دايما مع بنات مسلمة ومش كويسة خالص ووصلت انها تمشى مع ولاد مسلمين وتكلمهم فعندينا المسات لحظو انها مش بتيجى الاجتماع وسالو عليها البنات قالولهم كل حاجة عنها فخلو مس تكون مسؤلة عنها تروح طفتاقدها وتحاول تخليها تتكلم معاها وترتحلها بعد كدة تاخدها ويروحو يعترفو ويتناولو وتعدى عليها علشان الاجتماع والبنت دى دلوقتى علطول فى الجتماع مع المس "فحاولى تخليكى وراء البنت دى لحد ما تيجى ما تقرب من ربنا وتشارك فى الجتماع وبعدها البنات هيحبوها
وفى حاله تانى كانت واحدة صدقتى بس لما شفتها بتهرب من الحصص على طول من اول حصة لاخر حصة مع بنات معروفين فى المدرسة بنات وحشة جدا وبتوع ولاد والكلام دة وشفتها فى يوم بتكلم ولد فانا خفت اوى عليها ورحت قلت لماما عليها فماما قالت لمامتها وطلعت مامتها عرفة وبتدربها ومفيش فيدا فأخددلها اجازة لحد الامتحانات وراحت لابونا ودلوقتى مامتها مش بتسيبها لحظة حتا الدروس وبعد ما ابونا ارتاح انها فى امان طلع ان فى بنات كتيير
سؤال :
هو لي البنات بتوعنا احنا بيدحك عليم بسرعة وتحسى انهم مش عرفين الصح من الغلط

[باتريشيا]

على فكرة فى الاجتماع حاليآ عاملين ندوة اسمها " اسلاميات "
جامدة جدا وبيشرحو كل حاجة مرتبطة مابينا واثباتولنا ان كل كلمة عن سيد المسيح فى القران بتثبت انه الاله وحاجات كتير بس هما لسه هيكملولنا يوم الجمعة اللى جاى لوعايزة الموضوع بالتفسيل ممكن اجبهالك

[emmmy]

انتى فيكى كمية طعامة ملهاش حد يا
باتريشيا (http://www.orsozox.com/forums/member.php?u=96436) حقيقى بشكرك على محبتك ومشاركتك الرائعة دى انا اتعلمت منك كتير وطبعا اااااة انا عايزة منك كل افكارك وكل اقتراحتك حتى لو لاقيتها مش مناسبة التنفيذ عندى بردوا هتكون خبرة ليا انا منك يا عسل ربنا يعوضك
وبالنسبة لسؤالك
:
هو لي البنات بتوعنا احنا بيدحك عليم بسرعة وتحسى انهم مش عرفين الصح من الغلط
علشان البنات بتوعنا الشيطان عايز يفترسهم لانهم ابناء النور يا حبيبة قلبى الشيطان هيحارب بنات العالم لية ما هما كدة ولا كدة معاة
لكن ابناء النور بيكون الضغط عليهم رهيب والاغراءات كبيرة وللاسف فى نفوس ضعيفة بتجرى ورا السراب وبيكونوا احيانا عارفين ومع ذلك بيضعفوا امام مغريات ابليس واعوانة علشان كدة بنقول احنا لوحدنا مش هنقدر نعمل حاجة لكن بالمسيح استطيع كل شئ فى المسيح الذى يقوينى
عرفتى بقى لية بناتنا بيكونوا معرضين للحرب ربنا يحافظ على كل بناتة واولادة ويبارك حياتك بالنعمة

[باتريشيا]

سورى بجد مس ايمى انا معرفتش اجيب الموضوع الجمعة اللى فاتت بس ادعيلى افتكر واعرف اجيبهالك بنص الجمعة اللى جاية

[emmmy]

ولا يهمك يا قمر مرسى لمحبتك بس عايزاكى تشتركى معانا فى المسابقة اللى بعتهالك على برفايلك هستنى منك رسالة تحكى فيها كل ابداعك ومهارتك يا حبى

[مرموره]

بصى يا طسونى أيمى
بعد الصلاه لخدمتك و مخدوماتك وولادك فى الخدمه

اعمللهم الحاجه الى تشتدهم ياعنى انتى عارفه ولادك
اكيد فى منهم بيحب الموسيقى اعمللهم مسابقات موسيقيه
فى المتميز فى الديكور اعمللهم مسابقه
اعمللهم حفلات صغيره
هتلهم ناس تكلم عن مواضيع تهمهم فى السن ده
و حولى ميكونش الموضوع عن المذاكره و ربنا هتلهم حاجات شبابيه
حولى تقربى منهم اكتر و انزلى بتفكيرك لسنهم
يمكن فى منهم بيكسل
روحلهم فى معاد الخدمه و خديهم معاكى و استنيهم لغاية مايجهزوا
زي ما كان الخدام بيعملوا و احنا صغيرين
لسه برضو هما محتاجين حد يشجاعهم

صدقينى هتجيب نتيجه لأنها جابت عندنا نتيجه فعاااااااااااااااااااله

و ربنا يسنتك فى خدمتك و تأكدى لو طلبتى من ربنا المعونه فى خدمتك
هيعينك و هيبعتلك المساعده الى بتتطلبيه
عشان ديه مسؤاليه كبيره و دول ولادك برضو ربنا هيسألك عنهم
ربنا يعينك و يعوض كل تعبك

[emmmy]

مرسى يا مرمورة على مشاركتك الجميلة وكلامك الرائع بس انا معنديش خبرة عن الموسيقى ولا الديكور ولا هما كمان دول بنات قرى خبراتهم خبراتهم محدودة جدا وربنا جابهم على يد اب كاهن على كبر من الضياع والضلال يعنى مش متربيين جوة الكنيسة من ضغرهم ومن حضانة
انا بعملهم مسابقات فى الكتاب المقدس معلش وبيفرحوا بيها جدا وبشاركوا فيها حلو وبالنسبة لقربى منهم بحاول صدقينى على اد ما اقدر والموضوعات الشبابية والاجتماعية انا بكلمهم وفكرةمتكلمين من برة لسة كنت بفكر فيها يادوب وهنفذها بنعمة ربنا
صيليلى انتى كتير علشان ربنا يساعدنى والخدمة تثمر لمجد اسم اللة
اشكرك مرة تانية الرب يبارك حياتك

[مرموره]

انا كنت بدى مثال بس لانى مش عارفه اهتمامتهم هتكون ايه
و لو محتاجه ايه مساعده أأمرى
و ربنا يعينك و يرجعهم يحضوروا تانى

[EBRAM FARAG]

ربنا موجود
كله للخير
مسيرها تنتهى

[Ge-Ro]

الاخت ايمي الموضوع رائع جدا
انا لسه مشترك في المنتدي معاكم والموضوع شدني جدا وانا كمان يمكن بتقابلني نفس المشكلة اللي معاكي ويمكن اكبر شوية واستفدت جدا من ردود الاخوة والاخوات علي موضوعك
الاول انا عندي حل بسيط لك لموضوع تمويل الخدمة
هو ممكن تتفقي مع اب اعترافك وتحطي عشورك في الخدمة ومن الممكن نفس الاقتراح تقترحيه علي الخادمة اللي بتخدم معاكي بنفس الفصل وزي ما انتي بتقولي انها خدمة قرية بتبقي مهما كان تكاليفها بسيطة واي شئ بسيط بيفرحهم ببركة ربنا

المشكلة بقي اللي عندي
انا بخدم جديد ومعنديش خبرة الخدمة وفي نفس الوقت بخدم خدمة مشتركة لولاد وبنات في سن اعدادي واحيانا كتير بحس معاهم بالعجز في التصرف او عدم الخبرة لدرجة اني فكرت اعمل الموضوع دا في موضوع جديد واطرحه للمناقشة
اذكروا الخدمة واذكروني في صلواتكم

واسف علي الاطاله

[emmmy]

الاخ Ge-Ro اشكرك كتير لمشاركتك الجميلة
واهلا بيك معانا فى منتدانا ويارب يكون سبب بركة ليك واستفادة روحية
ومتقلقشى الخبرة هتاخدها من التجارب والصلاة وطلب معونة ربنا ليك دايما وباستمرار
بس انت بتقول بتخدم الولاد والبنات مع بعض طب خلى بالك جدا وخلى عينك دايما عليهم واوعى تسمح باى تجاوزات ويارت يكون معاك خدام على مستوى عالى من العلم الروحى والثقافة الروحية علشان تكملوا بعض
واول حاجة تعملها مع مخدومينك انك تصاحبهم وتفهمهم انهم اخوات وبس يخافوا على بعض ويحافظوا على بعض فى محبة المسيح
ربنا يقويك ويبارك خدمتك

[مرموره بنت الملك]

بصى يا ايمى انا بمانى فى اعدادى واعرف ناس مش بتروح الكنيسه وحاولت معاهم كتير انا راى ان ممكن تروحى مره كانك بتزورى حد من صحابك وتدخلى وتطلبى انك تكلمى البنت على انفراد وتقوللها انتى ليه مش بتحبى تيجى هو حد ضايقك فى الخدمه لو حد مضايقك قوليلى انا زى اختك وحاولى معاها وكمان تبقى جميله اووووووى لو ابونا مثلا فى القداس قرر عمل يوم مثلا باسم دور الام والاب بالنسبه للكنيسه ويتكلم ويدعيهم للكنيسه لان فى اهالى مش بترضه هى الى تودى عيالها
وربنا معاكى يا قمر بجد وانا فرحانه اووووووووووى انك بتحبى خدمتك وبتخافى عليها
وياريت راى يعجبك وياريت تردى عليه

[emmmy]

اولا :
اهلا بيكى معانا يا مرمورة منورة ارثوذكس يا حبيبتى
ثانيا :
انا بشكرك حقيقى على مشاركتك الجميلة وواضح انك انتى كمان بتحبى الخدمة
عموما موضوع البنات دة موضوع قديم يا مرمر وانا فعلا كنت بعانى منة جدا
بس دلوقتى انا قدرت بنعمة ربنا اكسبهم واحدة واحدة بالصبر والصلاة والافتقاد وفقرات بعملها لهم بيحبوها واتخطيت مشكلة الحاجز اللى كان بينى وبينهم بالصداقة والحب
ثالثا :
انا دلوقتى سبتهم يا مرمر للاسف بس اتعلمت معاهم ومنهم ومن خدمتهم حاجات كتير جدا وكانت ايام جميلة
فكرتينى انتى بيها بحوارك الجميل
هههههههههه مرسى ليكى يا قمر على مشاركتك الحلوة
ربنا يبارك خدمتك

[مرموره بنت الملك]

ميرسى على ردك عليه يا قمر

[MOSHAOK]

ازيك يا ايمي
شوفي انت لازم تخدي بالك من كذا حاجة وانا بخدم اعدادي برضو
1- هل البنات مش بتيجي في اواقات مختلفة ام في اوقات معينة يعني دلوقتي الدنيا مش امان وفي ناس كتيير بتخاف تنزل بناتها الشارع حتى لو رايحين الكنيسة

2- مواعيد الامتحانات بتكون لها تاثير كبير على كل الخدمة وكل الكنائس

3- حاولي تطلبي خادمة تاني تنزل معاك الافتقاد وده مش لأنك مقصرة ولكن وجود فكر جديد ومختلف في الخدمة والوجه الجديد في الافتقاد لأني رما ان البنات إعتادو عليك وممكن يعتبروك صحبتهم ومش بيتكسفو منك لكن لو خادمة جديدة نزلت تفتقدهم معاك ممكن يكون ليكم انتم الاتنين تأثير افضل

ارجو ان اكون ساعدتك على قد قدرتي
ومتفقديش الثقة في خدمتك ابدا طول ما انت مش بتقصري
ربنا معاك ويقويك وهيجي يوم ربنا هيفرحك بخدمتك وتعبك

[viyola]

ازيك ايمي اسفة لو مشاركتي ممكن تضايقك لكن انا مختلفة مع راي ابونا مافيش افتقاد من علي الباب انا جربت ده في خدمتي وطبعا فشلت فشل زريع الاطفال حسوا اني مش مهتمة ولا الكبار كمان كأنها اداة واجب وبعمله مش مهم ان حضروا او ما حضروش ياريت تقضي وقت اطول في الافتقاد وتتكلمي معاهم اكتر وتشرحي لهم علي الحاجات اللي ممكن تشدهم علشان ممكن تصادفي اسئلة منهم مش علي بالك وبتكون مهمة بالنسبه ليهم الافتقاد في رايي هو اول وسيلة للاهتمام بيهم والحوار معاهم حقيقي مهم جدا . وبكدة انتي مش بتشجعيهم هما بس لا وكمان اهلهم.اما بالنسبة للانشطة فانا واثقة اني افكارك جميلة اوي وياريت بلاش حكاية نجيب العاب واللي يخسر يدفع دي فكرة مش حلوة مع احترامي لفيلسوف طبعا لكن فيما بعد ممكن تقلب حاجة تانية خاالص .وربنا اكيد معاكي وهيبارك خدمتك وانا واثقة ان الرب لا يترك خرافة ولا يضيع اجر خادم ربنا معاكي ويباركك.

[emmmy]

فعلا يا سامح اوقات الامتحانات والدروس ليها عامل كبير وتأثير كبير على الخدمة بصفة عامة
بس تعرف لو البنت اتعلمت تنظم وقتها طول السنة وحبت الاجتماع جدا هنقلل من التأثير دة كتير بس لو الاهالى كمان يبطلوا يخافوا على ولادهم الخوف المضر ليهم ولحياتهم الروحية


أبونا وقتها قال بلاش الافتقاد داخل البيوت بسبب مشكلة حصلت لخادمة معينة يا فيولا
ابونا كان خايف على الخادمات من تكرار التجربة
هو المفروض ان الخادمة لما تنزل افتقاد يكون معاها حد لازم خادمة تانية او خادم كبير فى مكانة اب

وبكدة اعتقد ان الموضوع هيكون افضل

[مايكل كوجى]

بصى يا تاسونى ايمى انا شايف ان اهم حاجة فى الموضوع ده هو الافتقاد لان خدمة من غير افتقاد كجسد بلا روح ومينفعش تكون الخدمة من عالباب.
انا فاهم ان ابونا خايف عليكى خصوصا دى قرية فى الصعيد وميصحش عندكم فى الصعيد ان تاسونى تلف لوحدها بقترح عليكى ان يكون فى خادم كبير معاكى يكون معاكى فى الافتقاد
كل الافكار اللى اتقالت من اخواتى كلها افكار جميلة وانا استفدت منهم بس صدقينى عن تجربة الافتقاد بيكون علاقة جميلة بين الخادم ومخدومينه .. ودة عن تجربة انا خادم اعدادى وثانوى بقالى 8 سنين وصدقينى الافتقاد ليه سحره
وطبعا اهم من كل ده تدخل وعمل الرب يسوع فى الخدمة وربنا يبارك خدمتك وصلى لأجل ضعفى

[emmmy]

عندك حق طبعا يا مايكل
وعجبتنى جدا الكلمة دى

خدمة من غير افتقاد كجسد بلا روح
وفعلا عن تجربة انا كمان على مر سنين الخدمة
الافتقاد من اهم عوامل نجاح الخدمة وعلاقة الخادم بالمخدوم
الافتقاد لانة لية تأثير فعال جدا فى الخدمة فدايما الشيطان بيحارب
اى خادم بيحاول يفتقد المخدومين فعلا لانة عارف النتيجة الافتقاد دليل على الحب
شكرا ليك ولمشاركتك الجميلة ربنا يثمر خدمتك

[مايكل كوجى]

ربنا يخليكى يا تاسونى ايمى وصليلى كتير علشان عندى امتحان فى الاكليريكية الاسبوع اللى جاى وربنا يبارك خدمتك

[emmmy]

ربنا معاك ويوفقك وان شاء الله بالنجاح