اختلاف المستوى الروحى بين الزوجين

[بيفام]

انا متزوجة من اربع سنين بعد قصة حب جميلة لانها كانت مليانة بمساندة المسيح لى انا وزوجى لان باختصار كان فيه اعتراض شديد من بابا ولكن لان ارادة الله كانت مسندانا و احنا اتأكدنا من ده مع اول احساس بالحب اتأكدنا بالصلاة علشان منهدرش مشاعر جميله عطاهالنا المسيح لزوج المستقبل بس المسيح حب يمتحن ايماننا الصغير لمدة اكتر من3 سنين وبصراحة كانت ايام قاسية وصعبة لكن طلعنا منها بسنين صلاة و لجاجة و احساس ما بعدة احساس ان احنا نلاقى السما بتبارك زواجنا و المسيح بيسند ببساطة اى عريس ييجى كان بابا طبعا موافق عليه حتى و لو شرير و سمعته زفت بس هو عايز يخلص المهم واحنا نكثف صلاتنا ونفاجأ كل مرة الموضوع يبوظ بطرق عجيبة و احنا نتهل و نقول امور الله عجيبة المهم ان زوجى كانت صلاته بالاجبية و يتخللها صلاته الرتجالية لكن انا كنت بصلى صلاة ارتجالية بس فطلعنا انا وزوجى مختلفين فى مستوى ايماننا هو طبعا كانت وقفاته اطول واعمق منى فايمانه زاد عنى فدلوقى اى مشكله تواجهنا انا بكون مضطربة و قلقانه على الرغم من انى عرفت ربى و حبييى وليا معاه زكريات مساند عجيبة مش هنساهه ابد يعنى بكون عارفة ان المسيح هيمد ايده لكن قلقانه و مش قادره استنا الوقت اللى المسيح محدده لكن حبيب عمرى معلش نفسى استبدل لفظ زوجى بحبيب عمرى هو كلامه ربنا حنين ... الله ضابط الكون .......مفيش حاجة فى الدنيا تستاهل قلقك ....انت مش واثقه ان ربنا موجود و ما شبه الالفاظ دى المهم انا بقى نفسى اعرف رايكم ده اختلاف فى مستوى ايمان راجع لاختلاف اسلوب صلاتنا و لاانه بدا ميحسش بى ولا ايه وارجوكم صلولى كتير و ربنا يبارك حياتكم الروحية و الجسدية .............. واخير عايزة اقول اى حد مقبل على الارتباط صدقنى المستوى الروحى مهم جدا هو عامل مهم من عوامل السعادة للاسف بلاقى كتير يرفض التنازل عن المستوى الاجتماعى او المادى او التعليمى لكن للاسف المستوى الروحى نادر الل بيهتم بيه خلى بالك ده اهم عامل سعادة فى حياتك الزوجية .................... اذكرونى فى صلاتكم

[كرستينا بنت المسيح]

†
اولا باشكرك على كلامك الجميل
ثانيا بالنسبة للاختلاف بينك وبينه هوة مدى الثقة بالله
لان ثقتك بيه هاتخليكى ترمى الحمل عليه وعلى مدى الثقة دى على مدى اللى انتى هاترميه عليه
علشان كده اى ضيقة تقابلك قوليله يارب كل الحكاية فى ايديك وسيبيها له
وفعلا عندك حق المستوى الروحى اهم حاجة بس المهم انه يكون ايمان ومحبة لربنا حقيقية مش مزيفة
وربنا يبارك ايمانكم الجميل ده ويبعد عنكم عدو الخير
صلى من اجل ضعفى
†:em4600::em18:†

[مينا اوحنا]

سلام ونعمة ومحبة ربنا يسوع المسيح للجميع, يا اختى هو انت عايزة ايه بالظبط, على فكرة انا اظن انها مجرد فتور روحى بسبب الضيقة التى تمرين بيها, فليس هناك ادنى مشكلة بالنسبة لزوجك, يعنى حضرتك كنتى عايزة تتجوزى حد اقل من مستواه الروحى, ولا تاخدى شخص مستواه الروحى اعلى فيأخذ بيدك , ولا تأخذى مثلك ويكون حين حدوث مشاكل ان تتأثر حياتكما,طبعا الأفضل بكل تأكيد حسب وجهة نظرى ولا اعلم وجهة نظر الآخرين انه من الجيد ان يرتبط شخص روحى بشخص اقوى منه روحيا, فهذه ميزة وليست عيب وبالتأكيد سوف يتساوى الأثنان لو كانت لكم صلاة مشتركة من وقت لآخر ويبقى قولى صلاتك الأرتجالية وحاولى كمان تصلى بالأجبية فالكنيسة علمتنا من الصغر الصلاة بيها, اما مشكلتك الحقيقية هى انك لم تعرفى قوة المزامير والصلاة بها, فمهما كانت قدرتنا على التعبير لن تصل لقوة التعبيرات التى نطق بها داود وروعة مشاعره التى تخاطب كل مشاعرنا من ضيق وحزن والم وتسبيح وفرح ومخافى اسمه القدوس وكل المشاعر, ونجد كل القديسين تعلموا المزامير وحفظوها حتى القديسين الذين لم يعرفوا القراءة او الأعمياء,اختى ايضا لقد لاحظت كلماتك فوجدت ما يحزن قلبى وهو انك حينما تقعين فى ضيقة بتكونى متأكدة انه هيمد يده بس بتكونى مضطربة وفى هذا نقيض اكيد, احب ان اشرح للك ما يحدث, هناك فرق بين التسليم لربنا وبين مقولة انتظر ربنا هيعمل ايه انا مش بايدى حاجة, وبالتأكيد هذا ليس صائبا فلابد ان نتعلم من داود, وخدى بالك من داود كيف ننتظر الرب:انتظر الرب ليتقو ويتشدد قلبك وانتظر الرب, وقد تكررت هذه العبارة بالذات اكثر من مرة, وكذلك يقول لماذا انت حزينة يا نفسى ولماذا تزعجيننى توكلى على الرب فانى اعترف له خلاص وجهى هو الهى, يعنى مش نحط ايدنا على خدنا ونستنى عمل ربنا,ولو اتكلمنا عن داود وكلامه المعزى مش هيكفينا الوقت بجد, هذه هى القوة التى يكلمك بها زوجك من خلال حبه للمزامير التى يتغنى بها داود, المهم كيف ننتظر الرب فده شىء مهم يا اختى الغالية انتظر الرب واصبر له , تلذذ بالرب فيعطيك سؤل قلبك,هذا هو جوهر انتظارنا لعمل الله اننا نصلى ونثق انه سوف يعمل الصالح وليس ما طلبنا منه , لأنه من عرف فكر الرب او صار مشيرا له, من انت ايها الإنسان حتى تملى طريقتك على الله , بصى يا اختى الله لا يعطيك فقط مفاتيح للأبواب المغلقة فقط ولكنه قد يصنع ابوابا جديدة لا تخطر على بالك,هكذا فعل الله للمولود اعمى, وهكذا فعل الله لشعبه فى برية سيناء حين شق البحر الأحمر,وصدقينى جوزك ده لقطة حد يكره بردو ويعترض على انه يرتبط بزوج له صلاة بالمزامير!صدقينى على كده تلاقى معظم البنات اللى قروا رسالتك دلوقتى غيرانين من جوزك,هو فى حد لاقى كتير من دولا!واسف لو كان رأيى دايقك,اخوكم مينا \اداب علم نفس

[بيفام]

رأيك يا مينا جميل وانا من اول مقالك معجبة بكلامك خالص واحب اعرفك انى مش زعلانة من جوزى بالعكس دا انا حبيت انصح كل المقبلين على الجوازالاهتمام بالمستوى الروحى لانى بتدايق جدا لما بلقى احدى الخادمات تتخطب لاى حد و بس ممكن يكون بيدخل الكنيسة فى اقل من المناسبات لانه غنى و على فكرة انا هحتفظ برأيك وانا لو اعرف ان البنات ممكن يغيروا مكنتش كتبت بس يلا صليلنا و ربنا يبارك حياتك

[ادروسيس]

ربنا يفرح قلوبكم ويسعد حياتكم يارب
يكفى ان قلوبكم مع المسيح ودة كفاية