حب فظيع ملوش حل بجد ههههههههههههههههههه

[kamer14]

السعودية فى 28 يونيو
عـزيزتى منى:

بكتب ليكى يامنى ونا فى الصحرا وانا عارف ومتأكد انك بتتسرمحى عندك مع الى يسوى والى ميسواش.الغربة صعبة يامنى وبتخلى الواحد يتهيألة حجات. انتى تعرفى انة كان مستحيل اسيبك واسافر بس لولا خطبتنا الى طولت اكتر من اللازم؛ وملقتش شقة تلمنا من كلام الناس بسعر مناسب
انتى عارفة يامنى انتى مضطر بس سنة واحدة ياقلبى وهرجعلك بالفلوس الى تعيشنا مبسوطين انا وانتى
بس بترجاكى يامنى تمسكى نفسك وتحترمى غيابى وتبطلى سرمحة. اسف يامنى ان كانت الفاظى زبالة لكن انتى عارفة . الغيرة بتعمل فيا اية؛وخصوصا انك معروفة بأنك اصيع بت فى الحتة.
امسكى نفسك يامنى لو مش علشانى يبقى علشان سمعتك ونبى الى بقت زى الطين ياقلبى.منى انا شايفك يامنى وانتى بتطلعى لسانك. منى لمى الدور يامنى.منى ..منى ..انتى يابتتت


القـاهره فى 8 يـوليو
عـزيزى هيثم:

نتيجة الثانوية العامة خلاص هتزهر يمكن النهاردة بليل.انت عارف ان دى سابع سنة لولاء فى الثانوية؛ولو سقطت السنة دى بابا هيرميها من البلكونة زى مارماها السنة الى فاتت.لكن زى مانت عارف علشان احنا ساكنين فى الدور الارضى فما حصلهاش حاجه ولاء خايفة اوى وبتعيط من امبارح لانها حسة انها هتسقط..وكل دة بسبب التفاضل والتكامل..وبابا مش عارف ازاى بتسقط بسببهم كل سنة مع انها ادبى ومابتدرسش تفاضل وتكامل اساسا

انا مبسوطة قوى ياهيثم انك لسة بتغير عليا وعايزة اقولك ان مبارح قعدت مع عريس لقطة وربنا مايترفضش؛لكن هو الى مارضيش بيا لما عرف ان انا مخطوبة
هيثم..ادع من قلبك علشان ولاء تنجح؛جرس التلفون بيرن.دى لازم النتيجة..لازم امشى دلوقت.باى باى ياهيثم ماتقطعشش الجواباااااااااات.....


السعودية 19 يـوليو
عـزيزتى منـى:

مش كنت تطمنينى على نتيجة ولاء يابت قبل تبطلى كتابة.عملت اية ولا فى الثانوية؟
لو سقطت مش هاستغرب لان البت دى اغبى من الجاموسة الحقيقة يامنى عيلتكم كلها فيها غباء عجيب مش عارف جايبينة منين.خلى بالك من نفسك لغايه لما ارجعلك
ومش قلت لك بلاش سرمحة كتير؟مش مكسوفة وانتى بتقولى كنت اعدة مع عريس وانتى لسة مخطوبة؟ وقعتك سودا بس اما اجيلك ياروح امك
امبارح اتعرفت على شاب باكستانى لية نفس ظروفى وبيكافح زي وعلشان اخواتة التسعتاشر. اصل ابوة متجوز تلاتة فى باكيستان.على فكرة هو اسمة سجاد؛وهم بيفتكرو ان اى اسم عربىبينفع لتسمية البنى ادمين
بيشتغل الصبح فى مطعم وبليل فى محل حلاقة؛ولما بيروح بيشتغل على ماكنة خياطة وبيفصل هدوم للجالية البكاستنية هنه وبيفضل يخيط لغايه الفجر لما يطلع يقوم نازل على المطعم.. انا مش عارف بيستحمل الشغل دة كلة ازاى


الـقاهـرة فى 27 يـوليو
عـزيزى هـيثم:

الحبب طبعا هو الى بيخلية يعمل كدجة.اكيد بيحب خطيبتة وعايز يموت نفسة علشانيرضيها..مش زى خيبتك التيلة:مابتشتغلش غير 12 ساعه بس ياموكوس
ادينى العنوان بتاع الشاب دة اراسلة لانى معجبة بية جدا
ولاء نجحت تقدر تصدق؟..هى نفسها مش مصدقة لغايه دلوئت وفاكرة اننا بنضحك عليها وبنقولها كدة علشان تخف.نسيت اقولك ولاء فى المستشفى فى العناية المركزة اصلها كانت حاسة انها هتسقط فاول ما التلفون رن قالت بدل مابابا يرمينى من البلكونة ارمى نفسى انا السنادى فراحت نطت لكن حظها وحش ان كان فية عربية معدية فاخدتها فى سكتها ..ونزلنا لمناها من كل حتة فى الشارع علشان يركبوها فى المستشفى مسكينة ولاء من سوء حظها برضو ان الدكتور الى كان فى المستشفى وقتها كان لسة متخرج ومعندهوش خبرة فركب ليها رجليبها بالعكس.دلوقت كل ماتحاول تمشى لقدام ترجع لورا ادع ربنا يشفيها


السعودية فى 5 اغسـطس
عـزيزتى منى:

الف سلامة على ولاء.زعلت كتير جدا علشانها. البنت دى دايما منصابة كدا؟ انا فاكر من سنتين لما سقطت للمرة الخامسةفى الثانوية وبوكى اتنرفز وحدفها من البلكونة وقعت بالصدفة فى بلاعه ورحنا جبناها من الملاحات فى اسكندرية
على فكرة الشاب البكستانى مش خاطب ولا حاجه بس هو مجتهد؛وماتفتكريش ان الواحد لما بيشتغل يبقى بيشتغل علشان خطبتة وبس.. عموما ناو ريتة صورتك الى دايما شايلها فى الشراب وقال ان زوقى معفن


الـقاهره فى 15 اغـسطس
عـزيزى هيثم:

ولاء احسن بكتير من الاول اتعودت دلوئت تمشى بالطريقة الجديدة لان بتتنى ركبتها لقدام
يعنى لما تحب تمشى قدام بتعمل كأنها راجعه لورا وخلاص.
قالو لنا مافيش غير دكتور واحد فى العالم كلة هو الى ممكن يعمل يعالجها لانة متخصص فى الحالات الى زى دى؛لكن مصاريفة غالية جدا..دة غير عيادتة الى فى اخر الدنيا
اسمة د.بسطاويسى عبد الحق وعيادتة فى كفر الدوار
بابا حلف انة مايصرفش على علاج ولاء ولا مليم لان هى الى رمت نفسها مش هو الى رماها زى كل سنة .ولاء بتحوش ياهيثم دلوقت من مصروفها علشان تعملا عملية.هى محوشة لغايه دلوقت اربعتاشر جنية وخمسة وتلاتية قرش.ربنا يسهل .
بقى البكستانى بيقول ان زوقك معفن؟ انت بتحاول توقع بينى وبينة علشان بتغير منة لانة اشطر منك. ماشى ياهيثم.
انا مضطرة بقى ابطل كتابة دلوقتى لانى خارجة رايحة السينما اذاكر لان النور هنا مقطوع..باى..


منقول
:em19:

[Team Work®]

هههههههههههههههههههههههه

شكرا ومنور بجد الموقع

[kamer14]

ميرسى بجد بس انا منوره مش منور هههههه هناك فرق

[minabobos]

ههههههههههههههههههههههههه
شكرا ليك ومنور

[kamer14]

المنتدى منور باعضائه الجمال ميرسى على المرور والمشاركه

[stert]

النور دا جامد على عنيا

[kamer14]

هههههههه معلش البس نضاره شمس

[barbie2]

حلوة خالص خالص

[kamer14]

ميرسى ياباربى على الرد الجميل

[andromeda]

ههههههههههههههههههههههههه ه
لا بجد حب جديد من نوعه فعلا
موضوع عسول بجد
ربنا يباركك

[kamer14]

ميرسى على الرد العسول ده وربنا يباركك

[ghada2000]

mwdo3 kwis awy. t3eshy we tktby

[kamer14]

ميرسى بجد ياغاده ربنا يباركك

[venaadel]

ههههههههههههههههه بجد حلوه قوى قوى

[ايساك]

حلو اوى اوى .ربنا يعوضك

[kamer14]

ميرسى ليكم بجد