محتاجة حد يرشدنى اعمل ايه .

[غير مسجل]

أنا بنت عندى 22 سنة مشكلتى بإختصار ان حصلى اعتداء وانا طفلة صغيرة من احد الاقارب ومكنتش اعرف كدة . المهم انا الموضوع ده دلوقتى مضايقنى وخصوصا وإنى مخطوبة حاليا لأنسان كويس وبيحبنى ومش قادرة اصارحه ولا اصارح أى حد تانى ومش عارفة اعمل ايه رغم انى مليش ذنب ومكنتش أعرف , يا ترى ابعد عنه ومظلمهوش معايا واتحمل ذنب انا مليش فيه ,, ولا أعمل ايه انا مش عارفة ياريت تساعدونى وترودوا عليا .

[ديدى2010]

انا من رايي تكلمي اب اعترافك بالموضوع ده وممكن تقعدي انت وخطيبك واب اعترافك بعد طبعا لما اب اعترافك يعرف وتصارحيه ولو هو بيحبك بجد يبقي هيتفهم الامر لان من حقه انه يعرف

[ملكه الاحزان]

من رائي تكلمي اب اعترافك يقعد معاكي انتي وخطيبك وتحكي قدامهم
ربنا معاكي

[remon_fans]

الصراحه هي مشكله لكن ان شاء الله ربنا هيحلها
بس الافضل بلاش تقولي لخطيبك
لانه لو قولتي لاي حد عمره ما هيوافق وان وافق في الاول ممكن بعد كده يفكرك بالموضوع
غير كده هيسأل مين هو الشخص المعتدي
والنفسيات هتكون مش خالصه
غير كده وهو الاهم حضرتك مظلومه في الموضوع كله
دا راي متواضع بس انا هحاول ابعت مشكلتك لبرنامج بيت علي الصخر
رغم اني جربت كتير قبل كده
وياريت تنزلي الحلقه دي مش فاكر في اجابه لمشكلتك ولا لأ
1- | التحرش الجنسي للأطفال |
اولا : فيــــديــــــــــــــو
الجودة :rmvb
الحجم :60 MB
أضغط هنا (http://www.orsozox.com/prot/?8LdkH)
ثانيا : صـــــــــــــــــوت
الجودة :WMA
الحجم :8 MB
أضغط هنا (http://www.orsozox.com/prot/?98P5n)

†† † † † † † † † † † † † † † ††

[انا عابر]

متابع وربنا حيحلها

[emmmy]

انتى كنتى صغيرة عندك كام سنة
يعنى لو كنتى طفلة ومش مدركة خالص اللى بيحصل يبقى متخافيش
ربنا مش هيحاسبك على ذنب انتى مش عارفاة
لكن لو كنتى مدركة وفاهمة بس مقتدرتيش تقاومى يبقى هنا فعلا مشكلة لاننا فى مجتمع شرقى والرجل الشرقى بيكون متذمت جدا
عموما اب اعترافك فعلا لازم يعرف وهو الوحيد اللى ممكن يساعدك ولو حاسة انك مش قادرة تتكلمى معاة شوفى اب روحى تانى يكون على مستوى كبير من الفهم والثقة والروحانية
ربنا معاكى وارجوكى ابقى طمنينا عليكى اول باول

[غير مسجل]

أأنا فعلا متشكرة على اهتمامكم بس انا نسيت انى اوضح أن كان عندى حوالى 8 سنين وقتها .

[armia1987]

let the past for the past
ولكن استعينى باب الاعتراف

[admin2020]

انا شايف ان الافضل انك تنسى موضوع الاعتداء دة وتصلى كتير علشان ربنا يساعدك تنسية ويشفى الجرح الى سببهولك واما بالنسبة لخطيبك فبلاش تحكى الموضوع دة لية لانة ممكن يفضل عالق فى دماغة بقية حياتكم مع بعض بعد باذن يسوع لما تتجوزا وبالتالى هيفضل يفكرك بية وممكن يولد جواكم كراهية كبيرة جدا للشخص الى عمل كدة , ماضيكى ملك ربنا , المهم ان حياتك بعد ارتباطك تكون مرضية امام الله اولا وامام شريك حياتك , وبأكد عليكى تانى بلاش تحكى لخطيبك , واطمنى انتى مش هتظلمية لو ما حكيتيش الموضوع لية لانك كنتى طفلة وحسب كلامك كنتى مش مدركة يعنى مش فاهمة الى حصل, واخيرا ممكن تشوفى اب كاهن يكون مليان بنعمة الروح القدس وترتاحى للكلام معاة وتكلمية فى الموضوع بردة زيادة تأكيد , بس ماتنسيش تصلى كتير وتطلبى ارشاد ربنا وتطلبى من الرب يسوع انة يشفى جرحك من الموضوع دة ويساعد تنسية . والرب يسوع يكون معاكى ويرشدك بنعمة روحة القدوس ويكملك ارتباطك بالشخص الى بتحبية وبيحبك ان كان الارتباط دة حسب مشيئتة الرب امين.

[كارلا]

انا من رايى انك تنسى الموضوع ده خالص ومتقوليش لخطيبك وبعدين انت كنت صغيره قوى انسى وربنا يسعدك انت وخطيبك وتعيشوا فرحانين ببركه ربنا

[emmmy]

أأنا فعلا متشكرة على اهتمامكم بس انا نسيت انى اوضح أن كان عندى حوالى 8 سنين وقتها .

طيب 8 سنين يعنى طفلة مش عارفة حاجة
لا بلاش الاحساس بالذنب دة خالص ومتخليش الشيطان يحاول يعكر صفائك ويخطف سلامك
بس الاعتداء دة انتى خسرتى فية بتوليتك ولا كان مجرد ملامسات
لو كنتى بنت وبتول يبقى انسى خالص الموضوع دة ومتفكريش فية نهائى صدقينى دا بيحصل كتير وخصوصا بين الاقارب والاطفال بيلعبوا مع بعض
مارسى حياتك طبيعى وعيشى خطوبة وجواز عادى ومتجبيش سيرة لاى حد اى كان مهما كانت مكانتة عندك وخطيبك من حقة يعرف عنك كل حاجة من لحظة ما خطبك غير كدة مالوش عندك حاجة ومفيش داعى تفتحى على نفسك ابواب مالهاش لازمة
اما اذا كان الاعتداء دة انتى خسرتى فية بتوليتك لاقدر الله يبقى لازم تقولى لاب اعترافك
ابقى طمنينا عليكى بقى ربنا معاكى

[marian magde]

:em0400:اتعقد ان من الاحسن انك تنسى وتفكرى فى حياتك وتبعد عن مشاعر الخوف وتحاولى بدا حياة جديدة وفيها ربنا وماتحوليش ان دة يعتبر فى حياتك عقدة تفصلك عن ممارست حياتك الطبيعية وخاصة انوا مش زمبك دة يعتبر زمب اهمال وثقة الخطاء من الاهل وربنا معاكى ومعاانا

[raoufmounir2008]

من وجهة نظري ان تقول لاب اعترافها ولخطيبها بالمشكلة بصراحة لان الزواج المبنى على الحب والصراحة يعيش اما الزواج المبنى على الكتمان لا ينجح لا أايد فكرة ان تنسى الأمر وانما تكون شجاعة وتصارح وأكيد خطيبها طالما بيحبها هيفضل متمسك بيها وربنا هيبارك هذا الزواج وهنا نرى يد الله لا تترك الاثنين .
* الله يبارك الزوج لانه تقبل هذا الامر
* الله يبارك الزوجة لانها واجهت الأمر بصراحة
ليس عبد بلا خطية ولا سيد بلا غفران
ربنا يكمل هذا الموضوع تحت ظل السيد المسيح الذي بارك عرس قانا الجليل
اذكروني في صلواتكم