مش عاداتنا

[george1980]

ارجو من جميع الأعضاء مساعدتى الجادة فى هذا الموضوع بالإجابة عن التساؤل التالى:
هناك بعض العادات التى لا تمت للمسيحية بصلة و المطلوب ما هى هذه العادات التى قد تكون مررت بها او سمعت عنها او شاهدتها او قرات عنها ؟
و يمكن تقسيم هذه العادات الى ما يلي
1- الفاظ غير مسيحية نستخدمها في حياتنا
2- سلوكيات غير مسيحية نسلك فيها
3- عقائد غير مسيحية نؤمن بها
اخيرا اقول انى لا اقصد دين بعينه و لكنى اطلب اي عادة من اي معتقد او دين حتى العادات الوثنية التى ما زلنا نؤمن بها
ارجو المساعدة

[george1980]

فين يا جماعة مشاركاتكم

[jakleen]

كلامك صح كله يا جورج ... احنا بقينا ناخد حاجات غريبة من الديانات التانية متلقيش أبدا بـولاد المسيح

1- الفاظ غير مسيحية نستخدمها في حياتنا
مثل على كده .. كتير من المسيحيين تلاقيهم بيحلفوا وده مش عندنا في المسيحية
2- سلوكيات غير مسيحية نسلك فيها
برده مثل على كده الحجاب والسحر حاجات كتيرة بنقع فيها وطبعا مش مسيحية

3- عقائد غير مسيحية نؤمن بها
وده برده في امثلة كتير ليها...
مرسي بجد موضوع جميل جدا... ربنا يباركك ويحافظ على شعبه

[emmmy]

الموضوع جميل يا جورج بس مش عارفة افيدك كان نفسى افيدك يا جورج
ياريت يا جماعة اللى يعرف يقولنا
انا اعرف معاكم

[george1980]

شكرا يا كرستين و انت يا ايمى يكفينى مشاركتكما الجادة و ربنا يبارك حياتكما
و اتمنى من الجميع انهم يساعدونا فى هذا البحث لأجل الاستفادة

[george1980]

من الألفاظ التى نستخدمها هى الحلفان و الأكثر من ذلك بأشخاص و أماكن ليسوا من ايماننا
أيضا الإيمان بالقضاء و القدر و المكتوب
كذلك مظاهر السبوع و تخطية النار و الرقية وغيرها كثيراً

[Nana_English]

[QUOTE=george1980;575880]ارجو من جميع الأعضاء مساعدتى الجادة فى هذا الموضوع بالإجابة عن التساؤل التالى:
هناك بعض العادات التى لا تمت للمسيحية بصلة و المطلوب ما هى هذه العادات التى قد تكون مررت بها او سمعت عنها او شاهدتها او قرات عنها ؟
و يمكن تقسيم هذه العادات الى ما يلي
1- الفاظ غير مسيحية نستخدمها في حياتنا
والنبى ( للرجاء او التمنى)_ لا ترحم ولاتسيب رحمة ربنا تنزل

2- سلوكيات غير مسيحية نسلك فيها
النفاق حسب المكان والوضع _ بالنسبة للبنات( اللبس الاوفر اللى خلاص بقى بتاع المسيحيات بس) _ نظام الحموات وزوجات الابناء والمشاكل المستمرة بينهم

3- عقائد غير مسيحية نؤمن بها
السحر والاحجبة زى ماقالت جوجو والعادات الغريبة بتاع الافراح والسبوع والامراض....

[george1980]

كلامك صح أستاذة نانا و شكرا ليكى على مشاركتك
صلى عنى

[manshi55]

1- الفاظ غير مسيحية نستخدمها في حياتنا
أ - ربنا شافوه ولا عرفوه بالعقل (مقولة غير مسيحية طبعاً إحنا شوفناه بالتجسد وسكن جوانا بالروح القدس ومن الصعب على أى عقل بشرى ان يحوى الله مهما كان)
ب - البقية فى حياتك (طبعاً استحالة حد بيكمل عمر حد)
ج - الأعمال بالنيات (مش ينفع النية كويسية والعمل سيئ لأن من فضلة القلب يتكلم اللسان)
د - إمسك الخشب
2- سلوكيات غير مسيحية نسلك فيها
أ - الدخول بالرجل اليمين
ب - فرد الخمس أصابع عند الخوف من الحسد (السيد المسيح قال لا تسقط منكم شعره إلا بإذنى)
ج - رش الماء والملح للحماية من الحسد
د - رشم الصليب عند دخول الحمامات
3- عقائد غير مسيحية نؤمن بها
أ - أن روح الميت تبقى فى البيت ثلاثة أيام ويجب صرفها بالصلاة
(السيد المسيح قال للص اليمين اليوم تكون معى فى الفردوس)
شكرا بجد يا جورج على الموضوع الشيق ده
وربنا يباركك

[Nana_English]

كلامك كله رائع يا مانشى
لكن امسك الخشب دى صحيح مش طقسية ولا
لها اصل عقائدى بس هى مش غلط
هى رمز للصليب الخشب وبتتقال بغرض ان هو اللى بيحمى من الشر والحسد
وده مجرد اصل رمزى للكلمة سمعته و محستش انه فيه حاجة غلط

[elphilasouf]

ج - الأعمال بالنيات (مش ينفع النية كويسية والعمل سيئ لأن من فضلة القلب يتكلم اللسان)
ههههههههه
ماهى فلا يا مانشي الاعمال بالانيات
يعنى انت ممكن تتكلم وتقصد حاجه والتانى يفهمك بطريقه غلط
او انت كنت مثلا تقصد تساعد واحد وفجأه بدل مانت جيت تساعده غلطت فى حاجه فضيفته اكتر

كمان من العادات الغير مسيحيه زفه العروسه للاعلان والاشهار واحنا جوازنا علاقه مع الله مش اعلان واشهار
ميرسي للموضوع

[manshi55]

كلامك كله رائع يا مانشى

لكن امسك الخشب دى صحيح مش طقسية ولا
لها اصل عقائدى بس هى مش غلط
هى رمز للصليب الخشب وبتتقال بغرض ان هو اللى بيحمى من الشر والحسد

وده مجرد اصل رمزى للكلمة سمعته و محستش انه فيه حاجة غلط
ميرسي ليكي يا نانا على تعليقك
وبصراحة اول مرة اسمع ان (امسك الخشب)
المقصود بيها الصليب
لأنها مش بتلمح للصليب صراحةً
لكن بجد معلومة جديدة
ميرسي ليكي وربنا يباركك

[manshi55]

ج - الأعمال بالنيات (مش ينفع النية كويسية والعمل سيئ لأن من فضلة القلب يتكلم اللسان)
ههههههههه
ماهى فلا يا مانشي الاعمال بالانيات
يعنى انت ممكن تتكلم وتقصد حاجه والتانى يفهمك بطريقه غلط
او انت كنت مثلا تقصد تساعد واحد وفجأه بدل مانت جيت تساعده غلطت فى حاجه فضيفته اكتر
قدام ربنا مفيش فرق بين الداخل والخارج
لأن من فضلة القلب يتكلم اللسان
والنية الكويسة لازم تظهر فى الأعمال والتصرفات
والسيد المسيح قال "ما يخرج من الفم هذا ينجس الانسان"
يعنى مش هتنفع الحجة دى قدام ربنا مش الناس
ميرسي لتعليقك

[soha labib]

سلوكيات لا تليق بنا

النفاق ومحاولة التقرب للرؤساء بغرض الوصول لمنصب وليس لزيادة التعلم من الرؤساء
الافصاح باسرار الناس بحجة انى صريح ولا احب الكذب
مجاملة الناس لدرجة اتباع خطاهم بحجة عدم احراجهم مثل الذهاب معهم لاماكن لا تليق بنا او ارتداء ملابس وصباغة الشعر بالوان لا تليق بنا

[asmicheal]

ارجو من جميع الأعضاء مساعدتى الجادة فى هذا الموضوع بالإجابة عن التساؤل التالى:
هناك بعض العادات التى لا تمت للمسيحية بصلة و المطلوب ما هى هذه العادات التى قد تكون مررت بها او سمعت عنها او شاهدتها او قرات عنها ؟
و يمكن تقسيم هذه العادات الى ما يلي
1- الفاظ غير مسيحية نستخدمها في حياتنا
2- سلوكيات غير مسيحية نسلك فيها
3- عقائد غير مسيحية نؤمن بها
اخيرا اقول انى لا اقصد دين بعينه و لكنى اطلب اي عادة من اي معتقد او دين حتى العادات الوثنية التى ما زلنا نؤمن بها

ارجو المساعدة





:em2900::em2900::em2900:


موضوع جميل فعلا ا/جورج


بالنسبة لرصد التغيرات فى سلوكيتنا
فهى كثيرة لا حصر لها
هى كل ما هو غريب عن اللة والكنيسة
لكن الاهم

اعتقد هو السبب الذى اعتقد انة
اننا كمسيحيين ترفهنا جدا
واصبحنا نتكلم عن ربنا اكتر ما نعيشة وننفذ وصاياة بجد

[george1980]

:em2900::em2900::em2900:


موضوع جميل فعلا ا/جورج


بالنسبة لرصد التغيرات فى سلوكيتنا
فهى كثيرة لا حصر لها
هى كل ما هو غريب عن اللة والكنيسة
لكن الاهم

اعتقد هو السبب الذى اعتقد انة
اننا كمسيحيين ترفهنا جدا
واصبحنا نتكلم عن ربنا اكتر ما نعيشة وننفذ وصاياة بجد
أشكرك على كلماتك الرقيق و أتفق معك فى الرأى تماما فلقد أصبح الجميع وعاظا و لا يوجد من يستمع أو يعمل
ربنا يرشدنا إلى طريقه و يبعد عن كل سلوك لا يليق بنا

[elphilasouf]

قدام ربنا مفيش فرق بين الداخل والخارج
لأن من فضلة القلب يتكلم اللسان
والنية الكويسة لازم تظهر فى الأعمال والتصرفات
والسيد المسيح قال "ما يخرج من الفم هذا ينجس الانسان"
يعنى مش هتنفع الحجة دى قدام ربنا مش الناس
ميرسي لتعليقك
اشكر ردك الحلو الرائع بس عاوز اوضح اولا انا مقصدش فى ردي الاول اي تهكم لتكون فهمت كده فانا اسف بامانه مقصدش
ثانيا هحكيلك موقف وتفسرهولى بعد اذنك

مممممم موقف وتملى بيحصلى
سين من الناس عضو جديد انا جيت اتعرف عليه واشجعه ..
وطبعا حلو انك لما تتعرف جديد ع واحد انك تحب توطد العلاقه شويه فتبتدي تهزر معاه
هو اضايق من الهزار مممممم يمكن فهمه تريقه ... يعنى انا كان قصدي انى اشجعه بس هو فهم ان قصدي اتريق عليه
ده قصدي يعنى فى فرق بين النيه والكلام الى خرج من الفم

وبالنسبه للايه الكتابه فيمكن مفهومه غلط لان المقصود فى الايه " ليس ما يدخل الفم ينجِّس الإنسان بل ما يخرج من الفم هذا ينجِّس الإنسان" [متى 15 : 11].
المقصود من الايه هنا بحسب تفسيرها
هو اعلان السيد المسيح
- ان سرّ الحياة والقداسة لا يكمن في الأعمال الخارجيّة الظاهرة، وإنما في الحياة الداخليّة. إنه لم يتجاهل ما يدخل الفم تمامًا، لكنّه ليس هو الذي يُنجِّس، بل ما في داخل الإنسان والمُعلن خلال ما يخرج من الفم.
عندما تنجّس قلب الأبوين الأوّلين الداخلي اهتمّا لا بعلاج الداخل، إنّما بستر جسديهما في الخارج، كمن يُزيّن بيته المُنهار عِوض معالجة أساساته. هكذا اهتم قادة اليهود بغسل الأيدي قبل الطعام حتى لا يتنجّسوا، ولم يهتمّوا بما يصدر عن قلوبهم من نجاسات تظهر خلال كلماتهم المملوءة رياءً وإدانة.

اي ان المقصود هو الاهتمام بنظافه الداخل من الخطيه عن الخارج .. لانه حين ينظف الداخل ينظف معه الخارج
وليس تعبيرا عن ان كل مايخرج من الفم هو من فضله القلب

راجع تفسير الجزء لابونا يعقوب ملطى
http://st-takla.org/pub_Bible-Interpretations/Holy-Bible-Tafsir-02-New-Testament/Father-Tadros-Yacoub-Malaty/01-Engeel-Matta/Tafseer-Engil-Mata__01-Chapter-15.html

[abanoobwadie]

هاااااااااااااااااااى
المضوع جميل جدا لان فى اشياء كثيرة بنعملها ومش عارفين انها حرام زى
1_ الحلفان
يا جماعة الحلفا حتى لو كان صادق فهو حرام ( ليكن كلامك نعم نعم لا لا وما زاد عن ذلك فهو من الشرير )
2 _ التفاؤل والتشاؤم
يا جماعة اولاد المسيح مينفعش يتفألو ويتشأمو باى شى
مثل التشاؤم بالغربان والبوم او بيوم معين من الايام او باحد الاشخاص لان هذا كفر بالمسيح وعدم ايمان
aba

[george1980]

هاااااااااااااااااااى
المضوع جميل جدا لان فى اشياء كثيرة بنعملها ومش عارفين انها حرام زى
1_ الحلفان
يا جماعة الحلفا حتى لو كان صادق فهو حرام ( ليكن كلامك نعم نعم لا لا وما زاد عن ذلك فهو من الشرير )
2 _ التفاؤل والتشاؤم
يا جماعة اولاد المسيح مينفعش يتفألو ويتشأمو باى شى
مثل التشاؤم بالغربان والبوم او بيوم معين من الايام او باحد الاشخاص لان هذا كفر بالمسيح وعدم ايمان
aba

فعلا كلامك صح
و أشكرك على مساهمتك الجادة الرب يعوضك كل خير و نورتنا يا أبانوب و أهلا بيك و كل أهل الاسماعيلية

[george1980]

اعتقد أن فيه بعض الممارسات الريفية الخاصة بيوم الزفاف مازالت سائدة و هى ليس لها علاقة بالمسيحية أرجو أن يساعدنى أحد فى جمعها

[سارة@]

انا عضو جديدة بس عايزة اقوللك حاجات كتير احنا اخزناها نظرا لقربنا منها مثلا السلام عليكم وفى المسيحسة بنقول السلام لكم كما كان السيد المسيح يقول نسيت اقوللك ان هزا الموضوع دة جميل بجد ربنا يعوضك صلى من اجلى

[george1980]

خلاص مفيش أى ردود تانية ؟؟؟؟؟؟؟؟؟؟؟؟؟؟؟؟؟

[MOSHAOK]

امتنعوا عن كل شبه شر (1تس 5 : 22)

[ayman77_2_8]

ب - فرد الخمس أصابع عند الخوف من الحسد (السيد المسيح قال لا تسقط منكم شعره إلا بإذنى)
ج - رش الماء والملح للحماية من الحسد

الكلام ده منقول من manshi55 ولكن انا بأكد على كلامه ان الحسد ( تاثير العين ) ليس له وجود فى المسيحية ومع ذلك الناس بتخاف منه جدا وهذا الخوف يخليهم ينكروا نعم الله احيانا علشان ماحدش يحسدهم او يكدبوا وخطايا تانى كتيير ..
أرجو من المجتمع المسيحى التخلص من هذه الافكار الغريبة ...

[كراكيب]

هذه بعض منها وانا كاتب سلسلة وصليلي اكملها


اشياء نرفضها بصفة عامة 3 الحذاء المقلوب (http://www.orsozox.com/forums/f37/t47905/)

[بيشوي تامر جيد]

انا عضو جديدة بس عايزة اقوللك حاجات كتير احنا اخزناها نظرا لقربنا منها مثلا السلام عليكم وفى المسيحسة بنقول السلام لكم كما كان السيد المسيح يقول نسيت اقوللك ان هزا الموضوع دة جميل بجد ربنا يعوضك صلى من اجلى
انا بحب اوضح لسارة ان السلام عليكم اصلها من المسيحية ولو حابه تتأكدي راجعي قراءات يوم الجمعة العظيمة هتلاقيها في رسالة بولس الرسول إما في الساعة الثالثة او السادسة وشكرا
واذكروني في صلواتكم

[محتاجلك]

سلام الرب يكون معكم . انا بشكر كل من ساهم فى هذا المنتدى لانى بجد استفادت كتييييييييييييييير قوى منه .
بالنسبة للعادات والتقاليد فى حاجة عايزة اقولها بس ياريت الرد السريع وباقناع عليها :
المتزوجين اللى لسه ربنا ما رزقهمشى بطفل وهما عمله كل ما فى وسعهم من الذهاب الى الدكاترة وكل حاجة علمية على الرغم انهم ما عندهمشى اى حاجة وهما واثقين فى ربنا جدا بس لازم الشيطان يدخل فى ناس كتير قالولهم على عادات وتقاليد واقناعوهم ان فى ناس كتير بتعمل كدا وربنا رزقهم وهما قالو احنا كدا مش بنغضب ربنا وكمان احنا بنتعلق فى قشاية من العادات دى 1) شق الترب 2) العقد والاستحمام به
كان ردى على هذا الموضوع ان دى اعمال شيطانية وان فين ثقتنا بربنا كان الرد ان دى حاجة مش حرام واحنا بنجرب مش هنخسر حاجة وربنا بيسبب الاسباب وممكن تيجى فى حاجة زى كدا وهكذا .............
ارجو الرد السريع على هذا الموضوع وهل هو حقيقى اعمال شيطانية وارجو الاقناع بالادلة واتمنى لو اب كاهن يساعدنى فى الموضوع ده وشكرا . واسفة للاطالة

[buffon italy]

موضوع تحفه و أنا فى حاجه هى أتقالت قبل كده بس أنا عاوز أأكد عليها لأنها كارثه أننا بقينا بنؤمن بالقضاء و القدر و المقدر و المكتوب عادى موووت و المصيبه أننا بنعتبر ده كمان من الأيمان و التدين و لو ناقشت حد فى الموضوع ده أحتمال يقول عليك كافر أو ملحد مع أنه أصلا الأيمان بالقضاء و القدر من أساسيات عقيدة دين الأغلبيه فى مجتمعنا بس أحنا من تأثير 1400 سنه أتعلمنا حاجات كتييييييييييييير غلط