محتاااااااااااار جدا ردوا عليا بسرعة

[ثقتى فيك]

انا طالب بالثانوى الفنى وكنت بشتغل فى الاجازة الصيفية وفى الاجازة دى طلب منى صاحب العمل اللى انا بشتغل معاه انى اكمل معاه فى ايام الدراسة بأنى اذهب الى المدرسة الصبح وبعد المدرسة اذهب اليه وانا عايز اخد درس خصوصى ومش هينفع انى اخد درس واذهب الى الشغل مش هينفع وانا مش عايز ازعل صاحب الشغل واقوله هاجى وفى نفس الوقت عايز اخد درس عشان احسن من مستويا فى الدراسة ومحتار كتييييييييييييييييييير مش عارف اعمل ايه ارجوكواادونى حل من الاتنين يااما انتبه لدراستى ولا اخلينى فى الشغل؟

[aymonded]

سلام بمحبة لشخصك الجميل
كونك تختار أنك تعمل في الصيف ده شيء جميل وواضح أنك إنسان تحب المسئولية واستثمار الوقت بما هو مُفيد وهذا جميل اشجعك عليه جداً ، ولكن لكل شيء تحت السماء وقت ، ووقت الصيف هو ملكك ينبغي أن تستفيد به وتثتثمره ، أما الدراسة هي مستقبلك وتحديد مصيرك العلمي والدراسي ، فانتبه لدراستك واللي يحبك مش هايزعل انك تهتم بحياتك ومستقبلك ، فالأهم دراستك الآن وفي الأجازة ممكن أن تصنع ما تشاء ، ومن يُريد أن يزعل فليزعل أفضل مما أنك تزعل وتفقد أهم ما في حياتك وتحديد مستقبلك يا جميل ؛ أقبل مني كل حب وتقدير يا محبوب الله الحلو ، النعمة معك

[abanoub_msg]

انتا وقت اجازتك الصيفية انتا بتشتغل ماشى كويس
بس وقت ميجى الدراسة اوعى
خليك فى دراستك ومستقبلك احسن
لو انتا عايز تشتغل وانتا بتدرس
حاول تنظم وقتك بين وقتك فى المدرسة ووقتك فى الشغل ووقتك فى الدروس الخصوصية
وتقبل منى مرورى.

[همس الليل]

الدراسة هي مستقبلك و متل هذه الفرصة ما بتيجي بالعمر مرتين و لو حصل و اجت ما رح تكون متل الا قبلها ، لانه لكل شيء لذته و تمبزه ...

نصيحتي لك ،،، تكمل دراستك و تنتبهلها كتير منيح لمصلحتك و بالعطلة الصيفية ارجع اشتغل عند نفس الشخص بعتقد هيك انتو الاتنين بتكسبوا ...



همس الليل

[emmmy]

اوعى تسيب دراستك او تهمل فيها لاى سبب هى مستقبلك وحياتك
حدد هدفك واسعى لتحقيقة والشغل مش هيخلص
بتقول انك مش عيايز تزعل صاحب الشغل يا ترى دة عن حب ولا عن خوف
لو علشان خايف لا متخافشى ربنا هدبرلك احسن منة ولو عن حب يبقى هو كمان لازم يحبك ويخاف على مستقبلك ومستواك العلمى والدراسى ويتمنى ليك النجاح
اسفة للتطويل
ربنا معاك

[ثقتى فيك]

كل اللى الكلام اللى انتو قلتوه جميل جدا جدا جدا بس انا فى ثانوى فنى مش زى الثانوى العام وانا قصدى على الدروس الخصوصية وشكرا جدا ياجماعة على الردود دى

[aymonded]

كل ردودنا يا جميل مناسبه ليك في إطار أننا نعي أنك في ثانوي فني لأنه لو حتى أنك في ثانوي فني ومش عام - وكما يُشاع أنها لا تحتاج لمجهود أو دراسة مع أن هذا خطأ فادح وخسارة كبيرة - ممكن تركز وتتفوق جداً فيه بالدراسة وبالتقوية بالدروس الخصوصية ، وتحاول تتفوق بكل طاقتك لأن على ما أعرف أنك ممكن من خلالها تدخل هندسة ، فأيه المانع أنك تتفرغ للدروس الخصوصية وتحاول أنك تتفوق وتدرس بتوسع وتعمق وتبحث في كل مجال المعرفة الخاص بدراستك !!!

ربنا يوفقك يا أغلى أخ حلو ، النعمة معك