يـــا تــــري هتفضـــل تحبــها ولا هتقـــدر تنســــاها

[Team Work®3]

السؤال ده جه في دماغي نتيجة تجربة مر بيها كتير من اصحابي وعاوز أعرف رأيكم ايه في الموضوع ده

الأول ( للشبــاب ) : تعمل ايه لو كنت بتحب بنت جدا وقبل ما تصارحها بحبك ده ليها اكتشفت إنها بتحب صاحبك اللي مش حاسس بيها ؟

ثانيا ( للبنــات ) : تعملي ايه لما تعجبك شخصية صاحبك وتلاقي نفسك بتحبيه وتحسي ان هو كمان بيبادلك نفس الشعور وفجأة يقولك إنه بيحب بنت تانية خالص ؟

:em19:

[nrmo]

لولقيته بيحب واحده تانيه اكيد انا هعرف ان الحب ده من طرف واحد بس فاكيد انى هشيل الموضوع خالص من دماغى وخصوصا لو البنت دى صاحبتى وحتى لو مش صحبتى اكيد مش يتفع افكر فى الموضوع خالص لانه كده مش بيحبنى

[Team Work®]

اية الكلام الكبير دة يا خلوا مش عارف بجد اقولك اية بس اول ما اخوض التجربة هاقولك على طول

[ميرووو]

لما ابقى اخش فى التجربه دى هقولك ههههههههههههه

[القطة كيتي]

توء توء توء كل الاشياء تعمل معا للخير للذين يحبون الله وانا بحب ربنا جدا يبقا اكيد اكيد هيختارلي الصالح صح بردو ولا اية مرسي ياثكر علي الموضوع الدميل دة

[نانانادر]

انا لو حبيت واحد وطلع بيحب واحدة تانية اكيد مايستهلنيش...
وهكون واثقة ان اختيارى كان غلط .................................
واكيد اكيد ربنا هو اللى هيختارلى الصالح ليا.......................
( يا ابتاة اعطنى ان اقرا فى كل حركة طول يومى ما هى مشيئتك واتممها باسرع ما يكون وبفرح عظيم عندئذ سارى من حيث لا ادرى انى فى حضن ابى (ابونا بيشوى كامل)

[مايكل عبد الشهيد]

المشكله بجد اننا بندور على تعبنا سؤال حلو ولله بس عارف ممكن تحب وتتحب كمان بس الظروف ماتخلكش تاخد اللى تحبه عارف هو السؤال ممكن يكون صح لو قلت انت عملت ايه عشان تستاهل اللى تحبه؟ ولو ماقصرتش يبقى هو ده مربط الفرس هل هو بقى يستهلك ولا لا وبرضو كل ده ترتيب الهى من الاول للاخر وتقبل نقدى واسف على الازعاج

[اللة يرعانى]

هتبقى صدمة كبيرة جدا

[lawyer]

شوف يا هيما موضوعك جميل جدا و هرد عليك
صدقني يا حبيبي لو كلن بيحبها بجد يتمنى لها السعادة حتى لو مش معاه
مش زي ناس تانية تفضل تدبر و تخطط علشان واحد منهم يكرة التاني
ثانيا:لازم يكون واثق من ان كل الاشياء تعمل للخير
ولو طرف مش حاسس بحب التاني هو يحاول يلفت انتباة المحبوب(الولد) للحبيب(البنت)

اذكروني في صلواتكم

[SOSOGAD32]

الحب موجود بس نادر جدا علشان كدة مندورش علية لحد ما ربنا يبعتة واكيد لو انا بحب واحد لازام اعرف اذ كان بيحبنى ولالا علشان متعبش نفسى على الفاضى

[وردة حزينة]

من راى اكيد الاول هاازعل وهاتعب لكن خلاص هااحاول انساة واكيد ربنا مدبرلى الصالح ليا فى الوقت الصالح ليا
وكل الاشياء تعمل معانا للخير للذين يحبون اللة
ميرسى على السوال