ليه الاجتماع كده؟؟؟

[فضفضلي]

ليه الاجتماع كده؟؟؟

انا بواجه مشكله مع مخدومين الخريجين احيانا بحس ان الشباب فى الاجتماع بيروحو الاجتماع مش عشان يستفيدوا لكن عشان يشوفوا ايه الفضايح اللى حصلت فى الاجتماع او عشان يتسلوا شويه , يهزروا شويه , يعلقوا تعلق رخم على خادمه هى وبتتكلم وبرضه البنات يعنى مثلا الجروب بتاعى بنروح الاجتماع عشان نشوف بعض ونحكى شويه مع بعض ونعرف اخبار بعض و نص الكلام ممكن نسمع فقره عجبتنا لكن برضو بنلاقى تعليق سخيف من حد من الشباب 0000000000
بنواظب على الاجتماع بس برضه الخريجين مختلفين تماما عن الجامعيين 0
كنت بروح اجتماع الجامعيين لانى بستفاد منه بجد من غير ماحد يستظرف لكن اتضح لى ان تفكير الخريجين مختلف عن الجامعيين 0
فى جامعه كان كل الاجتماع حاسس بالاجتماع لو فى ترنيمه كلنا بنقولها , لو مناقشه كلنا شغالين 0 مش الخريجين الخدام فى وادى والمخدومين فى وادى تانى بعيييييييييييييد
لما بروح الاجتماع وبكون حاسه بيه ونفسى استفيد الاقى غيرى من صحابى يلهينى فى اى حاجه تانى
مش عارفه انا حاسه كده لوحدى ولا فى خريجيين زيي ؟ لو فى زيي هونوا عنى شويه

ربنا ماكم

[peetr]

ارجو مراسلتى بمسابقة فى سفر صموئيل الثانى وفقرات خاصة باجتماع الشباب

[emmmy]

الشباب عادة بيكونوا حاسين انهم خلاص كبروا بقى على انهم يعقدوا ويسمعوا الانكل والمس وانهم المفروض يسمعوا الكلام ويحترموا بيت ربنا والكلام دة خلاص محدش يقدر يقولهلهم لانهم فعلا كبروا علية
هما عايزين يحسوا انهم كبروا ومش عايزين اوامر من حد او انتقاد من حد وبيجوا الاجتماع علشان ترفية او مقابلة مع الاصدقاء ودة طبيعى بحكم سنهم يا عزيزتى ومرحلتهم
الخادم الشاطر بقى اللى يتحمل كل دة ويفهم انة طبيعى ويحاول يحسسهم ان الاجتماع بتاعهم هما ويخليهم هما اللى يعملوة
بمعنى
انهم يعملوا فقرات ومسابقات ويكونوا مسئولين عن رحلات وايام روحية ومؤتمرات وينظموها ويحسوا انهم قدورا يسعدوا الاخرين بمهارتهم وتفكيرهم وابداعهم علشان يفجروا الطاقات اللى جواهم وكلة تحت عين الخادم المسئول وبعد مراجعتة ولو فى بينة وبينهم محبة المركب بتمشى حلوة اوى بسلام وهدوء عادى خالص
وطبيعى انة يبقى فى فرق بين الجامعيين والخرجيين دا فى مثل بيقول الاكبر منك بيوم يعرف عنك بسنة اكيد كل يوم بيعدى علينا زى ما بنكبر فى العمر بنكبر خبرة وتعليم وتفكير واسلوب ومهارة وكل حاجة وبنتغير يا عزيزتى
احساسك ممكن يكون صح وبيحصل من دة كتير بس عادى والمفروض الكبار يكونوا قدوة للصغار بالفعل مش بالكلام
اشكرك على الموضوع الجميل اقبلى منى كل تقدير ومحبة

[بشارى]

انا رأيي ان هذا طبيعي ان يكون هناك انتقاد
و عشان كده لازم نبذل جهدنا في الخدمة التى نقدمها و نحاول بصفتنا خدام لاجتماعات الخريجين ان لا يؤثر فينا هذا و يؤدى بنا الى مزيد من الاحباط بل الى مزيد من الصلاة و العمل و الايمان بعمل الله.
حاجة تانية هو ان الخريجين يتعرضوا لضغوط من العمل و خلافه و بيحب بعضهم يستظرف شوية بين الحين و الاخر كنوع من المرح
و عشان كدا لابد ان يكون برنامج الفقرات المقدمة لايترك وقت لمثل هذا.
نقطة ثالثة انه احيانا يصاب الاجتماع بالفتور و ده طبيعى و لكن الشطارة هي ان بعد كل كبوة قيامة سريعة.
لمزيد من النجاح و ثقة في يد الله التى تعمل معنا. آمين

[aymonded]

خدمة بدون المسيح وبالجهد الشخصي والحكمة البشرية للتوافق مع ما يُريد الناس ، كما نرى في هذه الأيام الصعبة والتي اختلطت بها الأمور ، كما أن كثرة الفقرات في الاجتماع بعيدة عن التعليم وروح المسيح جعلت الاجتماعات تُقلب لموضوعات اجتماعية فكرية وفقرات كثيرة وكأنها منتدى ، بدون الدخول في سر لقاء الله كشخص حي وحضور مُحيي ، فلا يوجد اجتماع صلاة يصلي فيه الكل أو الأغلبية ، صلاة مركزة وقصيرة كما تعلمنا من الآباء القديسين والمعاصرين ، وأيضاً خلو الناس من مخافة الله ومهابة المكان ، جعلت الخدمة في كل مكان وان عظمت تصير وكأنها لقاء اجتماعي فارغ من حضور الله ولا تمجده ، وهذا بالطبع ينطبق على معظم الاجتماعات وليس جميعها ، ولا عجب من عدم التقوى وعدم احترام بيت الله لأنه اين الله الذي يراه الناس في الخدام بروح التقوى ، ومن أين نظن أتت روح الاستهانة للمخدومين !!! أفلا يُراجع الخدام أنفسهم في ضوء كلمة الله الفاحصة القلب وأعماق الضمير !!! ..

فنحن نحتاج أن نستفيق ونطلب الله بروح التوبة والتقوى والوقار ، والخدام محتاجين أن يصوموا ويصلوا مجتمعين في اجتماع على الأقل مرة كل 15 يوم منتظمين لأجل الصلاة من أجل الخدمة ، لأن بدون صلاة مستحيل يستقيم اجتماع ويتمجد الله فيه على الإطلاق ، لأنه في النهاية كل واحد هايفتخر بنفسه واجتماعه وكأن كل اجتماع منفصل عن الآخر وتبقى الأفضلية والكأس والفائز هو الأفضل ، وهذا ما لم نعرفه في المسيح ولا الكنيسة ، لأن الكنيسة كلها واحدة تتفق بروح واحد في سر التقوى ، أما انفراد الاجتماع للأفضلية كشكل هو من الناس وفقدان حضور الله الذي يجعل الأثنين واحداً ويغير القلب ويطهر الضمير ويغسل النفس من الخطية ، حتى أن كل الحاضرين يقولوا في قلوبهم حقاً الله هنا ...

النعمة معك كل حين

[bassem8800370]

مناقشه جميله جدااااا

[Nagy shenouda]

[color="rgb(65, 105, 225)"]فى أوقات كتير المشكلة بتكون منى أنا ...بمعنى أنا النهاردة نازل الإجتماع يا ترى نازل أقابل مين أصدقاء أم من قيل عنه إذا أجتمع أثنين .............فهناك أحل وأكون فى وسطهم
أنا نازل الأجتماع أستفاد ولا لمجرد أنى أكون وسط أصدقائى ..أوقات كتير أفتقادات النعمة بتبقى محتاجة أذن حساسة تسمع وتقبل وتعمل بالكلمة وممكن تبقى زيارة النعمة فى ترنيمة سمعتها كتير لكن المرة دى بقولها بروح أفضل وبصليها من قلبى
أنا ممكن أنشغل بأصدقائ لمجرد أن الموضوع سمعته قبل كده أو أن المتكلم مش بستظرفه لكن دايماً بنسى أن كلمات الروح القدس ربنا ممكن يستخدمها على لسان أى حد
بصراحة وخلاصة بقى لى أن أنشغل بهذا الإجتماع وأعمل على تطويرة وليكن الله فى قلبى وفى ساعدى

[emmmy]

عشان مفيش عشرة حقيقة مع ربنا ومدقتوش حلاوتة
انتوا بتيجوا ومواظبين بس مش ملتفتين للصوت ولا سامعينة