انا عضوة في المنتدي

[غير مسجل]

هاي انا بجد محتاجة اتكلم لاني بجد تعبانة انا من اعضاء المنتدي بس حابة اني مقولش انا مين


انا عندي 20 سنة من صغري وانا عندي اصحاب زي اي حد يعني اصحاب في المدرسة وفي الدروس وفي الجامعة بس المشكلة اني بالنسبة ليهم مش حد اساسي يعني محدش يسال عليا ولا حتي بيتصلوا بيا يسالوا عليا لو غبت ... مش بيتكلموا معايا زي ما بتكلم معاهم لما بكون متضايقة ... دايما انا حد مش مهتمين بيه ... دايما يقولولي اني طيبة اوي وتقريبا بسبب الطيبة دي معرفش هما مش حابيني ولا ايه ... شخصيتي مش قوية يعني مش بحب ازعلهم ولا اعمل حاجة تضايقهم ... ولما دخلت الجامعة بقي عندي صاحبة انتيم اه بتحكيلي علي كل حاجة بس دايما تتنرفز عليا وتحرجني قدام اصحابنا مش بتراعي مشاعري خالص ولما نتخاصم انا اللي اصالحها واخر مرة لما اتنرفزت عليا زعلت وخاصمتها وبقالنا شهر ونص محاولتش تصالحني ( ده بالنسبة لاصحابي )

اما بالنسبة للحب ... انا عمري ما نجحت في حب حبيت كتير حتي لما ارتبطت عاطفيا في الجامعة وقعدت سنة مرتبطة متوفقتش وسيبنا بعض ... مش بيجيلي عرسان زي البنات مع اني الحمدلله مش وحشة واخلاقي كويسة وتعليمي عالي


انا بجد حاسة اني لوحدي وده مش احساس دي حقيقة معرفش ليه الناس متجهلاني نفسي احس اني انسانة زيهم يحبوني زي ما بحبهم ... لما بفكر انا بعمل معاهم ايه وحش بلاقي اني مش بعمل حاجة تزعلهم لدرجة اني ساعات اجي علي نفسي في حاجات كتير عشانهم


ليه كده ... ليه الناس مش بتحبوني ... ليه انا دايما لوحد ... ليه لما بزعل مش بلاقي اللي يواسيني ويمسح دموعي زي كل الناس ؟؟؟؟؟؟؟؟؟؟؟؟؟؟؟؟؟؟؟؟

[armia1987]

بالنسبة لاصحابك انتى عودتيهم على كده فبالتالى اصبحوا يعاملونك على الطريقة دى للاسف
تسمعى عن المقولة اللى بتقول الانطباع الاول يدوم طويلا هكذا انتى
ولكنمش تزعلى ربنا عامل كل حاجة بسبب جايز ايه جايز دى دا اكيد ليه حكمة محدش يعرفها علشان يحصل كده

اما بالنسبة للحب اعلمى تمام الثقة انه لي له ميعاد صدقينى يباجى من حيث لا تعلم

ومش تزعلى ادينى رديت عليه
دا ربنا بيقول عصفور اللى بفلس ربنا مش ناسيه شوفى انتى غالية عليه ازاى ازاى هينساكى ربنا معاكى ويوفقك

[KIRLOOS]

+ ربنا يكون معاك و ينقي ليكي الكويس ( جميع الاشياء تعمل معا للخير للذين يحبون الله الذين هم مدعون حسب قصده ) الرب معك +

[samerco75]

ايتها المحبوبة يسوع يحبك كثيرا جدا
قربى ليسوع شوية معتقدش انك حا تحسى ابدا ان فيه فى قلبك مكان محتاج حب لا ن وجود الله فى القلب يجعل الانسان محب لكل انسان بدون احتياج حب فى المقابل
اعملى علاقة قوية بربنا واهو قادر ان يملىء حياتك بالفرح والسلام ويدبر حياتك بقدر لا تتخيليه
اذكرينا فى صلاتك

[emmmy]

لية بتقولى كدة كلنا بنحبك وكلنا اخوات فى المسيح يسوع ربنا
واعضاء فى الكنيسة الواحد بنخاف على بعض حتى لو مشفناش بعض
يبدوا انك متضايقة من حاجة معينة بس مش ممكن تدى الحب وتحصدى التجاهل
انتى بس حاولى تكونى اجتماعية وتشاركى معانا فى كل المجالات اللى بتحبيها وتشجعى اخواتك
وشوفى هيعملوا معاكى اية
وصدقينى انا دخلت منتديات كتير ملاقتشى اروع من منتدى ارثوذكس هتلاقى الاحترام والحب والتقدير
واحساسك دة سامحينى انتى وحدك المسئولة عنة وانتى وحدك اللى فى ايدك تعالجية وبلاش الاوهام دى ومتخليش الشيطان يدخل من السكة دى ويوهمك باشياء مالهاش اساس من الصح
احنا كلنا تحت امرك فى اى حاجة تحتاجيها وربنا يبارك حياتك ويحافظ عليكى

[بيفام]

متزعليش اللى انت حاساه ده حال اغلبية الناس دلوقتى الاغلبيه كده محدش حاسس بحد و لا حتى الزوج بيحس بالام زوجتة فية اقرب من كده بس انا عايزه اقولك اهم حاجة حافظى على قلبك ابيض علشان المسيح يقدر يأخده يديه هديه للى يستاهله

[بيفام]

متزعليش اللى انت حاساه ده حال اغلبية الناس دلوقتى الاغلبيه كده محدش حاسس بحد و لا حتى الزوج بيحس بالام زوجتة فية اقرب من كده بس انا عايزه اقولك اهم حاجة حافظى على قلبك ابيض علشان المسيح يقدر يأخده يديه هديه للى يستاهله

[goneer]

سلام ليكى ياصاحبة القلب الطيب...واسمحيلى اقولك يابختك بطيبة قلبك على الاقل مش بتعانى من نفسك وكارهة اللى حواليكى....وبعدين ياقمر لسة ربنا مقدملكيش الشخص اللى بجد يستاهلك علشان يفرح قلبك...مفكرتيش ان ربنا ممكن يكون بيعلمك ومستنى منك تغيرى وجهة نظرك دى..اوممكن يكون مستنيكى انك تشوفية هو الاول مستنى منك تسالى علية وتتكلمى معاة هو دايما جنبك يبقى ازاى تقولى انك وحدك...انا لو مكانك اجرى لحضنى واقولة سامحنى مكنتش فاهمة ومكنتش شايفة.............

لازم تعرفى معلومة صح جدا ومن قبلك كتير جربها "لكل شئ تحت السماء وقت" اصبرى ومتستعجليش علشان مترجعيش تندمى....ربنا معاكى

[Shosei]

اوعى تقولى كدا بس مشكلة المصرين حبهم مش بيبان غير فى المصايب بوصى حواليكى هتتاكدى من دا
بوصى لو على الاصحاب فى الزمن دا بجد عملا نادرة بجد صعب تلاقى صاحب بجد يوقف جنبك والكلام دا
الحب انتى لسه صغيرا مكبرتيش على الكلام دا طاب انا ملاحظة من كلامك انك حد خجول جداا ومعندهوش ثقة فى نفسه ونفسك فى حد يوقف جنبك صاحب او حبيب تستردى ثقتك منه ليه متنزليش خدمة وتحضرى مؤتمرات فى الكنيسة انا واثقة جداا انك مش بتحبى الاجتماعات منتظرة ردك

[جانو]

ليه كده ... ليه الناس مش بتحبوني ... ليه انا دايما لوحد ... ليه لما بزعل مش بلاقي اللي يواسيني ويمسح دموعي زي كل الناس ؟؟؟؟؟؟؟؟؟؟؟؟؟؟؟؟؟؟؟؟
تسمحيلى اشارك برأيى انتى مش لوحدك وعمرك ماكنتى وحدك يابنتى ده كفاية ان ليكى واحد دايما بيسال عليكى وبخبط على بابك كل يوم وبيطمن عليكى بس يمكن انتى مش حاسة بكده
ما انتى معانا اهو هو احنا منعتبرش اصدقاء ليكى او اصحاب
واذا كان على الارتباط دلوقتى ياستى يجيللك اللى واقع فيكى اوى وصدقينى هتلاقى فيه حد بيحبك ومعجب بيكى بس مستنى الفرصة اللى يصارحك فيها بس فى وقتها ربنا شايف انه مش دلوقتى هتعترضى يعنى
فارجوكى متحسيش بالاحساس ده تانى طالما انتى معاه
واتمنى انى اكون افدتك

[سيزر الروش]

على فكرة انا زيك بالظبط وقررت اعمل حاجة واحدة والحمد لله نشكر المسيح نجحت انا بعت عنهم خالص وقلت مش عاوز حد يسائل عليا وبجد انا لغاية دلوقتى مش لاقى حد يحبنى ويخاف عليا زى حضرتك المهم انا بعت عنهم لقتهم واحدة بواحدة بقوا كويسين معايا وبقوا حلوين وبعدين اغلبية الاصدقاء مش بيسائلوا غير لما يكون ليهم حاجة عندك او عاوزينك تسعديهم ربنا يفرح قلبك ويقرب كل الناس منك

[evan]

شفتي يا أختي العزيزة الردود على مشكلتك .....يعني في ناس بتحبك و مهتمة بيكي حتى من غير ما يعرفوكي ...مشكلتك كتير من الناس بتعاني منها...أسفة قلت مشكلة لأن إنو الأنسان يكون طيب مش مشكلة بالعكس ديه نعمة من ربنا....الواحد لازم يشكر الرب على النعمة ديه...صدقيني يا أختي بالرغم من أنو الناس مبتهتمش بالطيب بس في أوقاتها الصعبة مبتروحش الأ عندو ....لأنها مبتكونش واثقة بأحد غير الأنسان الطيب...أبقي طيبة على طول و ربنا معاكي...

[مينا ابن الراعي]

انتى السبب لما تصحبى صحبى اللى زيك
صحبى اللى قلبه ابيض مش كله شر انتى طيبه ربنا معاكى

[انا عابر]

اختي الكريمه ..
انتي كيف مقتنعه انو محدش بحبك..والرب يسوع معانا..
يا اختي..
انتي زيي بالزبط انا كمان عندي صاحب بعشقه وهو صاحبي من 17 سنه
بس هو لما نزعل مع بعض
قلبو بقسى علي..
لكن فكرت فيها وقلت...
الي ما بيسألش فيي مش حسأل عليه
ودلوقتي بقالي كتير معاه ارجعنا لبعض لكن عيوني فتحت...ان غلط فيي انا اخد موقف منو
لانو الحياه كلها لحب شخص واحد
هو ابونا وصاحبنا وحبيبنا..
ربنا يسوووووووع
احنا طول محنا بعاد عنو..حيكون هو مش بعيد لكن..بستنى المبادره منا
ابكي للرب وصدقيني مش حتلاقي..حد حنون على دموعك غيرو
الرب يسوع بحبنا فدانا بالام الصلبيب..ومفيش حد حيعمل كده لاحبابو
حتى الاب والام مش حيقبلو انهم ينصلبو...عشانا احنا
وبالنسبه للزواج
صدقيني بسبب طيبت البك..الرب حيحن عليكي بزوج يقدرك ويقدر طيبت البك يا عزيزتي
ربنا يسوع معاكي ومش حيسيبك ابدا...بس عشان قبك ابيض
اتركك بحفظ ربي يسوع

[غير مسجل]

بجد يا جماعة ميرسي علي اهتمامكم وعلي الكلام الجميل اللي قولتهولي .. وبجد انا فعلا اتاكدت اني مش لوحدي لان فعلا ربنا معايا وبدليل انه اداني اصحاب واخوات حلوين زيكم .. بجد كلامكم قواني اوي وفرحني بوجودكم واهتمامك بجد ميرسي يا احلي اصحاب واخوات .. ربنا يعوض تعب محبتكم ويديكم الخير والنعمة

[emill]

بصى انا اخوكى اميل وعاوز اقولك انك مش لوحد ربنا مبيسبش حد لوحدة وميزتك الحلوة انك طيبة انا بعتبر الطيبة ميزة واكيد الطيب الزمن دة مش بياخد حقة واكيد ربنا هيعوضك باصحاب طيبين زيك وعلى العموم لو انتى مش متضايقة منى اعتبرينى زميلك وربنا يبارك حياتك ولو فى اى مشكلة معاكى انا موجود (ربنا يبارك حياتك) سلام

[mandoo]

متقوليش كدة ربنا مبيسبش حد وبالنسبة للحب كل واحد لية اوانة

[RimoneRizk]

انت حساسة زيادة شوية - المشكلة أنك عاوزة الناس حواليكى تفهمك و تحس بيكى و تعاملك بحسب شخصيتك. و ده طبعا هايريحك. بس ده مش الحل عارفة ليه؟ لأنك منتظرة أن يأتى لك الحل من الاخرين يعنى لو الاخرين مش أتغيروا معاكى و بقيو زى ما انت عاوزة هاتفضلى تعبانة.
الصح بقى نشوف أيه المطلوب من نفسنا عشان نعرف نعيش كويس و مش نحس بمشكلة مع الناس بطبيعتهم ده زى ما هى.
الاحساس بالوحدة من الاحاسيس المؤلمة جدا و التخلص منه مطلوب منك مش من غيرك.
بصى انصحك تقرى كتاب أسمه شفاء المشاعر الجريحة تأليف ديفيد سيماندرز هاتلاقيه فى مكتبة المحبة أو الاسقفية فى شبرا.
الكتاب ده أساسى فى الحل لما تقريه هايسعدك فى جزء كبير للتخلص من الأحساس ده.
ريمون

[RimoneRizk]

I sent reply for this subject, I am wondering where is my reply? and why you didn't publish it
Rimone