ارجو منكم يا اخوتي سرعه الرد

[larasmy]

انا حاسه اني وحيده جدا و اصدقاءي تخلوا عني. انا محتاجه ناس جنبي لكن مش لاقيه حد يساعدني. كل شويه الاقي نفسي بحب واحد وانا ساكته حاسه اني رومانسيه زياده عن اللزوم و مش عارفه اعمل ايه في نفسي. في فتره الكليه كنت بحب واحد اوي لمجرد انه كان دايما بيبصلي بنظرات حب كنت بحبه من جوايه بس و عمري ما حاولت اني ابين ده لكن مع الوقت كان بيبان علي غصبن عني لكن لما لقيته ما بيحاولش انه يتكلم معايه حسيت انه عيل و بيلعب معايه كان عامل زي بتوع الشارع اللي بيعاكسوا البنات وهي رايحه و هي جايه. انا كنت خجوله اوي و ما بديش اي فرصه للتفاهم و كان كل الولاد في نظري بيلعبوا بالبنات فبصراحه كنت بخاف منهم. لكن مع الوقت بقالي اخوات ولاد وبقيت باتعامل مع الجنس الاخر باحترام لاني شوفت في بعضهم محبه لربنا و جهاد ضد الخطيه. يمكن اكون بنيت حكايه من لا شيء لكن المشكله اني مجرد انه ما يكونش في ولد شاغل تفكيري بلاقي نفسي بدور علي حد تاني. و كل ده جواي يعني لابكلمه في مواضيع شخصيه بيني و بينه ولا بقابله غير انا دايما باحاول اهرب منه و ما واجهوش بخاف يبان علي الاعجاب ده. كمان انا دايما حاسه انه ماحدش بيحبني دايما باحاول اساعد الناس لكن هما ما بيساعدونيش لما اكون محتاجاهم. انا نفسي اني الاقي رأي اب كاهن و راي متخصص نفسي في موضوعي لاني مفيش امكانيه ليا اني اتكلم مع اي حد من الاتنين . علي فكره انا بحب ربنا جدا و مش ممكن افكر اني اتمم عمل حاجه ممكن تزعلوا مني ارجوا الصلاه من اجلي با اخوتي.:10800:

[Team Work®]

اللى اقدر اقولوا ان ربنا معاكى ويحافظ عليكي والرد على الموضوع دة هايكون فى اقرب فرصة

ومن خدم كبير او متخصص نفسي

مش تقلقى كل الموضوع ان فى حبة فراغ بس فى حياتك وانتى محتاجة حبة حنان ومحبة تملاكى من جواكى

دة رأيى بصراحة الحل بتاعها بسيط قوى سلمى حياتك لربنا وحاولى تملى الفراغ دة

وكل شيء سوف يكون تمام

ربنا معاكى ويفرح قلبك امين

[ظريف]

عزيزتى / ؟ مافيش شئ هيعوضك الفراغ اللى بتتكلمى عنه إلا أنك تسلمى قلبك وعقلك وروحك لربنا يسوع المسيح بنيه صادقه وقلب صافى وهو هيرشدك أحسن من طلبك معونة بشر
الرب بروحه القدوس يرشدك

[اللة يرعانى]

ربنا معاك وبيعتلك الى يسد فراغك وتكونى مبسوطة بس خلى بالك من اى حد تعجبى بى ربنا معاك

[MICKEY]

كلامك تعبني داخليا
والفونت الصغير تعب عيني

بجد يااختي انا هنصحك نصيحه
اولا دي مش عيب .. بالعكس دي ميزة
لأن في ناس مبتعرفش تحب وبتحاول لكن مش بتعرف
انتي رومانسية اوي وممكن تستغلي حبك الكتير اوي ده لربنا يسوع
انا بحسدك علي كمية الرومانسية اللي عندك
بصي وفري حبك لحد يستهلوا .. يعني متحبيش اي حد مايستهلش
وانا اتحداكي انك هتكوني من اكتر الناس السعيده في حياتها الزوجية
لأن زوجك هيلاقي كل الحب ده اللي انا بحسده عليه
ربنا يتمجد ويعمل الصالح ويخليكي تفكري بعقلك اكتر من قلبك
اذكريني انا الضعيف في صلواتك

[deedodo]

الموضوع ده مش جديد لان معظم البنات بيحصلها كده
وخصوصا بنات ربنا لانهم حساسين ورومانسين ومؤدبين
انا راى انك توجهى حبك للمسيح لانه بيحبك وكل يوم بيعبرلك عن الحب ده
وعمره ما هيسيبك
وان قابلتى فى يوم حد واعجبت بيه حاولى تهربى لو حسيتى انه مفيش امل ولو 1%
وانتظرى الرب ليتشدد ويتشحع قلبك وانتظر الرب
ربنا يفرح قلبك بمحبته الكبيره

[minabobos]

الرب يحافظ ع اولاد من كل شر
ربنا يكون معاكى ف كل وقت

[larasmy]

ميرسي جدا يا اخواتي علي اراءكم الجميله الي انا استفدت منها جدا و منتظره اسمع الاراء الباقيه

[mora]

[SIZE="6"][CENTER]ربنا معاكى و يساعدك انك تتغلبى على الموضوع ده
صلى كتير و اتكلمى مع ربنا و اطلبى معونته فى الموضوع
و ربنا عمره ما بيسب اولاده و بناته

[مرمر]

الجميع تركوني.... ولكن الرب وقف معي وقواني..

[melanora]

متهيالي انك محتاجة تملي وقت فراغك لانة طول ما انتي فاضية الشيطان هيلعب في افكارك ده راي الشخصي ولكن انتي محتاجة لاب كاهن
وربنا يعطيكي نعمة

[اس اسامة عوض]

انا واقف على الباب واقرع من يفتح لى ادخل واتعشة معة.. افتحى قلبك الى يسوع لكى يدخل فية بصلاة والتناول والاعتراف ولو عندك مشكلة اوعى تقولى يارب انا عندى مشكلة قولى يا مشكلة انا عندى رب .. ربنا معاكى ويحفظ عليكى الرب قريب الى من يدعوة؟؟؟

[dolagy_jesus]

محبتك كبيرة لان ربنا جواكى اطلبى منة وهو يرعاكى
وقولى لحبيبك المسيح يرشدك فى كل خطاكى
ربنا معاكى
وصلوا من اجلى

[SAMOOOOO]

قبل اى كلمه بطلب من ربنا بس يحافظ عليكى لانك انسانه واضح عليكى انك تستاهلى كل خير ويابخت اللى هتكونى من نصيبه لان معتقدش ابدا حد يكره الحب والحنان ده كله
بس هو يمكن مساله الفراغ اللى عندك هو اللى بيخليكى بتفكرى كده بس بجد حاولى توفرى الحب ده كله لصاحبه لان حرام اى حد ياخده ويكون مش يستاهل ده كله
صلى كتير وقربى من ربنا اكتر وهو اكيد مش هيسيبك ابدا
ربنا يحافظ عليكى

[Michael_Sabry]

بصى منغير شعارات او اى كلام كبير الحاله دى موجوده فى ناس كتير اوى مش انتى اول واحده بس عشان تخلصى من الموضوع دى لازم تعلقى نفسك فى حاجه تانى وطبعا مافيش حاجه غير ربنا تستاهل اننا نتعلق بيها طبعا انا عارف ان الموضوع صعب واحنا عايزين نتعلق بربنا ونفسنا نئبا كويسيين بس مش عارفين نعمل ايه
الموضوع صعب فى الاول بس حاولى تفتحى قلبك للربنا وتكلميه انشاله حتى فى وقت صغير اوى واكيد هتلاقى وقت تتكلمى معاه مش لازم تفضى نفسك و تصلى صلاه طويله خالى الموضوع دى قدام شويه بس ابتدى تتكلمى معاه كانه صديق فى اثناء اى حاجه بتعمليها و تاكدى ان ربنا هيسمعلك وربنا يقويكى ويحافظ عليكى دايما كدا يا رب
ولازم تعرفى ان الحاله الانتى فيها دى عاديه خالص ومافيهاش اى حاجه معظم الناس بيمرو بفتره بتئبا مشاعرهم كدا بس خالى بالك من مشاعرك كويس

[كراكيب]

انتي مش محتاجة حد نفسي لكن ممكن اب روحي انا هرشحلك اب كاهن راهب ممكن يريحك او اكيد هيريحك قوي لانك بجد في خطر وممكن تتخطبي كذا مرة وتفسخي برده كذا مرة عشان يعني انا حاسس انك متعرفيش تعيشي من غير حب وده هو اللي بيخليكي تتسرعي شوية
ابونا ده اسمه ابونا تيموثاوس السرياني وهو من دير العدرا السريان لكن بيبقي متواجد في منطقة اسمها اتريس ولو عاوزة رقم التليفون الخاص بالمكان هناك انا ممكن اوفرهولك
ربنا معاكي

[بنت الراعي]

اختي الحبيبه اولا سلام لك من ملك السلام
ثانيا ليكي عندي خبر حلو وهو في حد بيحبك اوي واكتر من اي حد تاني لدرجة انه مات علشانك ومستعد يموت تاني
مش عيب عليكي يبقي في حد بيحبك كده وانتي مش حاسه به
ادي له قلبك وعقلك وحياتك وهو قادر يملي حياتك وكل حاجه
ثالثا :بقي تبقي بنت المسيح اللي عنده اولاد وبنات كتير اووووووووووووووووووي
وتبقي حاسه بوحده ياحبيبتي كلنا اخواتك واصحابك ولو محتاجه حاجه او حد تتكلمي معاه انا تحت امرك وربنا يفرح قلبك

[بنت الراعي]

اسمعي ترنيمة زياد بتاعة غيرربنا ماتروحش لحد
هاتلاقي فيها حالتك بالضبط

[jannis]

انتي فعلا انسانه رقيقه جدا وعندك كميه كبيرة من الحب حاولي تستغليها في انك تخدمي وتكوني خادمه حاولي تنزلي خدمه وتعطي الحب اللي عندك لاولادك في الخدمه وبالتدريج هتتعودي تتكلمي مع الكل عادي ومتحاوليش تتعلقي بحد واحفظي مشاعرك للذي يستحقها وربنا معاكي

[thered flower]

بجد موضوعك مهم جدا وفعلا فى بنات كتير جدا بيتعرضو للحكاية دىخصوصا فى فترة الكلية بس صدقينى الرومانسية دى مش حاجة وحشة هى بس عايزة الانسان اللى يستاهلها فكرى كويس لما تقابلى انسان وتحسى انك معجبة بيه وتشوفيه يستاهل والا لا قبل ما توجهى مشاعرك نحوه وصلى واكيد ربنا هيعمل اللى فيه الصالح ربنا معاك

[marean]

صلى كتيرجدا