دواء المجروحين بالفراق

[MICKEY]

الموضوع ده من زمان كان نفسي اتكلم فيه
الموضوع ده مهم جدا ياجماعه بجد ان احنا نتكلم فيه واحب اسمع ردودكم الجميلة علي الموضوع ده
انا اولا اطلقت عليه هذة التسمية لأن لو واحد مجروح بفراق حبيبه بيكون عاوز يسمع اي كلمة حلوة تهون عليه الأمر
وانا بعتبر المشاركات علي الموضوع ده هتكون دواء المجروحين
يعني كل واحد يحب يفضفض او يشارك ونشوف حلول مع بعضينا وايه اللي فيها
كلنا اولا واخيرا اخوات وكلنا ممكن نتعرض لحاجات زي دي ولازم يبقي عندنا خبرة في اختيار شريكة الحياة
وفي كتير مننا اتعرضلها واتجرح وخلاص وممكن يفيدنا بخبرته عشان محدش يتجرح تاني

حبايبي اعضاء المنتدي الجمال ربنا يديكم الصحة ويبعدكم عن عذاب الفراق
يوجد ثلاث نقاط من وجهة نظري تجرح من يحب
1- اللي يحب حد ويلاقي صديقة بيحب نفس الحد ده يقوم الأولاني يضحي بحبه عشان زميله
وده طبعا مش من فراغ لا لأن صديقه هو اللي راح وخد رايه فبالتالي هيضحي بحبه
ولو جدع من وجهة نظري
يحاول يقربهم لبعض


2- تاني حاجه لو حد فضل يحب واحده معينة فترة .. وده لمجرد انها بتعامله بنوع من انواع الاعجاب اللي هو للأسف بيترجمه لحب متبادل
ويوم مايجي يصارحها بحبه يتصدم لما تقوله لا احنا اخوات وانا معجبة بيك كصديق وكأخ


3- تالت حاجه لما واحد يحب بنت وهي تبادله نفس المشاعر وبعد كده تتغير مشاعرها لدخول واحد تاني حياتها وقلبها
ودي بتكون صدمة قاتله ودي من وجهة نظري اصعب حالات الجراح والفراق


نصيحتي لكل شخص قبل مايحب اولا يكون جاهز نوعا ما .. يعني مايكونش في اولي جامعه ويحب حد
انا عارف طبعا ان الحب ده اجمل شئ بالوجود وبيجي غصب عن الواحد
لكن نصيحة من اخوكم الكبير فكروا بعقلكم مش بقلبكم
بقولها تاني فكروا بعقلكم مش بقلبكم
ولو حسيت انك هتحب فكر بعقلك وشوف ينفع ولا لا
ومتقولش ماهو فلان متجوز واصغر مني بسنتين
لا ظروف فلان مش زي ظروفك
لو ظروفك تسمح اوك
لكن انا بقول الكلام ده برضه لأن من اسباب فشل الحب
الولد يعلق بيه البنت بالسنين بحجه الدراسه
وبعد كده يحاول يشتغل والمرتبات دلوقتي قليله جدا ومتفتحش بيت
طب حرام عليك يابني متعلقش حد بيك وفي الأخر الظروف تخليك تسيبه وتتعزبوا انتوا الأتنين
من اقوال في الموضوع ده
عذاب جهنم اهون بكثير من عذاب الفراق
وربنا يديلكم البصيرة يااخواتي ويختارلكم الصالح
مستني ردودكم الجميلة علي الموضوع عشان اخد خبرات من ردودكم كلها واستفاد منها
ورجاء محدش يزعل من كلامي .. دي نصيحة اخ اكبر لأخواته الصغنططين الحلوين البنات والولاد

ومتنسوش تذكروني في صلواتكم

[اللة يرعانى]

بصراحة كلام جميل اوىىىىى ومفيد هو كل واحد يحافظ على قلبو من اى جرح مفيش احسن من حب ربنا شكرا ليك

[MICKEY]

بصراحة كلام جميل اوىىىىى ومفيد هو كل واحد يحافظ على قلبو من اى جرح مفيش احسن من حب ربنا شكرا ليك

شكرا لمرورك يامريم
وفعلا الواحد ياريت يشغل نفسه بحب ربنا اكتر من اي حاجه تانيه

[ظريف]

http://www.orsozox.com/forums/images/icons/heart01.gifhttp://www.orsozox.com/forums/images/icons/heart01.gifhttp://www.orsozox.com/forums/images/icons/heart01.gifhttp://www.orsozox.com/forums/images/icons/heart01.gif القلوب دى لسه خضراء http://www.orsozox.com/forums/images/icons/heart01.gifhttp://www.orsozox.com/forums/images/icons/heart01.gifhttp://www.orsozox.com/forums/images/icons/heart01.gif بتنبض بالحب http://www.orsozox.com/forums/images/icons/heart01.gif لا تعرف غير الحب http://www.orsozox.com/forums/images/icons/heart01.gifhttp://www.orsozox.com/forums/images/icons/heart01.gif ربنا خالقها فقط http://www.orsozox.com/forums/images/icons/heart01.gif للحب http://www.orsozox.com/forums/images/icons/heart01.gif لاتعرف http://www.orsozox.com/forums/images/icons/heart01.gif غير الحب
من سن 5 إلى 15 حب الطفوله الفطرى
16 إلى 25 أخطر سن ( الطياش )
وهو ده السن اللى يقصده ميكى بصراحه اللى هيحاول يحب فى السن ده هينجرج جرح عمره ماحينساه وهيجى هنا المنتدى يقول أشعار

[MICKEY]

هههههههههههه
شكرا كتير لكلامك ياظريف
انا مش لاقي حد عاوز يشارك في الموضوع المهم ده
منتظر مشاركتكم

[Freag]

بصرحة انا شايف ان الموضوع هام جدا جدا مش يقصد ملك الكومدية اي سن علي الحب الحب بيجي في اي و قت بس بااختلف المراحل مرحلة الطفولة مش زي المراهق مش زي سن الكبار كل مرحلة و له طريقة تفكرة ممكن و احد و هو في سن المراهقة يحب و ينجرح و لكن بعد ميكبر و يفكر في الي كان بيعملة هيقول اذاي انا كانت بفكر كدة و انا مش جاهذ او مش مخلص دراس و حجات كثيرة

[MICKEY]

فعلا
ميرسي كتير لمرورك يا فريج

[bright]

اعتقد زي منتا قولت انه مع ان الجرح مؤلم الا انه مفيد جدا لانه يثقل الانسان بالخبرات و بيخلي الانسان يفكر كويس قبل اي ارتباط يعني العقل يكسب القلب ووجود ربنا وروحه القدوس يكسب العقل و القلب لانه مش هيسمح للانسان انه يمر بتجربه الا اذا كان يقدر يتحملها يعني حتي لو الانسان اتجرح لازم يكون قلبه مطمن ومتاكد انه كدا الافضل لمصلحته وبعدين انت ملك الكوميديا ايه النكد ده بس الموضوع جميل ياريت الكل يدخل يستفاد منه شكرا ليك يا ميكي يا عسول المنتدي

[ZEZOMERO]

يا جماعة بلاش حد يحب فى اسن دا من 18 لغية 25 سنة علشان هاتقعد تحب وتحب وتحب وتسبل بعنيك وفى الاخر يجى عريس ياخدها ويمشى بلاش يا جماعة ارجوكو بلاش حب فى السن داان مجرب واتجرحت جامد اوى اوى اوى

[Team Work®]

كلامك كبير قوى يا ميكي مش عارف انت ابن عمى بجد

[حياة الروح]

فعلا واهم حاجه لو حبيت صح يكون الحب من الطرفين
لانه مستحيل حب من طرف واحد ممكن يكمل
ولازم تتاكد ان الى جواك ده حب مش اعجاب
في ناس كتير بتبقي معجبه بالشخص اللى قدامها لدرجه انها تتخيل ان ده حب
الحب احسن حاجه في الدنيا بس فعلا جرحه صعب جدااااا
وبيبقي صعب على السنين والايام انها تداويه
ولو داويته اكيد بتسيب اثر
بس اكيد اى حد انجرح بيتعلم من جرحه
وبيفكر بعد كده ميت مرة بعقله قبل قلبه
موضوعك رائع ياميكى
ربنا يفرح قلبك

http://www.7neenel7ob.com/uploads/346thank3256.GIF

[ماريانا]

موضوع حلو اوى بس محبط بقه اوى اوى
ميرسى على الموضوع ده اوى بس هو ده اللى بيحصل فعلا هنعمل ايه

[تمثيل جامد]

ممكن اعرف مين اميرة الحب و الاحلام

[white_angle]

الموضوع جميل اووى

بس لازم الواحد يتجرح علشان يتعلم

[rossaa]

للاسف كلمه الحب ناس كتير متعرفش معناها كويس
انا حبيت وانجرحت جرح كبير قوى
لدرجه انى حاسه انى مبقتش اثق فى اى حد
وحاسه ان حاجات كتير جوايا ماتت
بس بحاول اقول لنفسى عادى خلاص بقى

[sawsaw]

تالموضوع كبير وحلو
بس على فكره
الشباب فى فتره المراهقه مبتبقاش مشاعرهم ثابته
ودايما متغيره
فبالتالى\فى السن ده
ممكن الشاب او الشابه
وبسهوله ممكن تتغير مشاعره ناحيه حبيبه
ويحب حد تانى
ومن الاخر
ومن راىى
ان الحب فى السن من 18 الى 25
مش حب هة مجرد اعجاب
لكن مش حب حقيقى
وللاسف مش بنعرف نفرق بين الحب والاعجاب
وربنا يحفظنا كلنا
وربنا يفرح قلبك يا ميكى
ومرسى جدا على الموضوع الجميل ده

[mrm29r]

بجد موضوع جميل اوى بس ياريت حد يقولنا تداوى الجرح ازاى
الجرح كالخنجر المسموم الذى يرشقة الزمن فى القلب

[الناى الحزين]

موضوع جميل فعلا يا ميكى
وانا احب اعلق على نقطتين اول نقطه



1- اللي يحب حد ويلاقي صديقة بيحب نفس الحد ده يقوم الأولاني يضحي بحبه عشان زميله
وده طبعا مش من فراغ لا لأن صديقه هو اللي راح وخد رايه فبالتالي هيضحي بحبه
ولو جدع من وجهة نظري
يحاول يقربهم لبعض


2- تاني حاجه لو حد فضل يحب واحده معينة فترة .. وده لمجرد انها بتعامله بنوع من انواع الاعجاب اللي هو للأسف بيترجمه لحب متبادل
ويوم مايجي يصارحها بحبه يتصدم لما تقوله لا احنا اخوات وانا معجبة بيك كصديق وكأخ


3- تالت حاجه لما واحد يحب بنت وهي تبادله نفس المشاعر وبعد كده تتغير مشاعرها لدخول واحد تاني حياتها وقلبها
ودي بتكون صدمة قاتله ودي من وجهة نظري اصعب حالات الجراح والفراق








احب اضيف نقطته رابعه
ان ممكن يكون فيه اتنين بيحبوا بعض جدا
ووصلوا لدرجه عاليه جدا من الحب والاحساس والمشاعر لبعضهم
لكن يكون قدامهم شئ يمنعهم من الارتباط ببعض

ويضطر طرف من الطريفين انه يسيب الطرف التانى
بس علشان مصلحة الطرف التانى
والطرف الاول بيضحى بكل شئ علشان الطرف التانى يكون سعيد
فعلا التضحيه للاجل من تحب شئ صعب جدا جدا
وانا شايف برضوا يا ميكى ان ده نوع فعلا من اصعب انواع الفراق

النقطة التانيه



من اقوال في الموضوع ده
عذاب جهنم اهون بكثير من عذاب الفراق





المقوله دى فعلا صحيحه










لكن نصيحة من اخوكم الكبير فكروا بعقلكم مش بقلبكم
بقولها تاني فكروا بعقلكم مش بقلبكم
ولو حسيت انك هتحب فكر بعقلك وشوف ينفع ولا لا





شكرا على النصيحه الغاليه قوى دى يا ميكى
لان الانسان لو حكم مشاعره قبل عقله
هتئدى بيه المشاعر الى الهدم
لكن لو حكم عقله قبل مشاعره
هيئدى بيه العقل الى البنيان


شكرا يا ميكى على الموضوع والدردشه الجميله
ربنا يفرح قلبك

[@ حبيبة البابا كيرلس @]

ميرسى ليك يا ميكى الموضوع حلو اوى اوى بجد تحفه على فكره كل ما الانسان يكون مجروح كل ما يقول كلام حلو بجد انا مش عرفه اقول حاجه خالص

[الماكس مايكل]

بجد كلامك كبير اوى
بصراحه المفروض بلاش حب فى السن ده
وهو اساسا بيبقا مش عارف هو حب ولا اعجاب
ليه تحب وانت عارف ومـتأكد ان الحب ده عمره ما هيكمل
ليه تتعب قلبك وروحك بلاش منه احسن
ميرسى جدا على موضوعك الجامد ده
والف شكر على النصيحه يا احلى ميكى

[miso]

ميرسى الاول على الموضوع
رقم 1 انا معاك فنفس الرايى
رقم 2 ده العيب من الولد اللى فسر الاعجاب على مزاجه هو
رقم 3 ده صعب اوووووووووووووووووووووووو وووووووى وده اللى ممكن نسميه الخداع

بالنسبة بقى للحب عامة
انت قولتها لازم يكون الواحد على الاقل عنده الامكانيات اللى هتعيش البنت فنفس مستواها مش هقول اعلى علشان احنا فعلا ظروف الحياة دلوقتى صعبة
او لو اقل من المستوى اللى كانت عايشة فيه بشوية صغيرة وده لانها بتحبه
لكن فى نقطة انا عايزة اقولها مختلفة معاك فيها
انا دايما اقول يا جماعة اللى يحب ميفكرش بقلبه بس غلط لان قلبه مش هيخليه يشوف حاجات كتير
ولا بعقله بس لانه هيبقى الحكم قاسى اووووووووووووووى على الاتنين
بس نقدر نقول نفكر بالعقل بنسبة اكبر من القلب

وفى الاخر بقى فى اتقالت قدامى ودى حقيقة
محدش بيموت من الحب
ولا من فراق حبيبه عنه
زى ما تقول ربنا بيعوض
او ربنا عاررف انك زى ما اتجرحت هتتداوى بس بعد وقت
وميرسى تانى على الموضوع الجميل

[Hanyking]

3- تالت حاجه لما واحد يحب بنت وهي تبادله نفس المشاعر وبعد كده تتغير مشاعرها لدخول واحد تاني حياتها وقلبها
ودي بتكون صدمة قاتله ودي من وجهة نظري اصعب حالات الجراح والفراق

بصراحة يا ميكى موضوعك جميل ورائع ومفيد جدا جدا هو انا محصلش معايا انى اتجرحت من الفراق قبل كدا ببساطة اللى حصل معايا النقطة رقم 3 اللى انت عرضها دة كان ايام الجامعة انى اعجبت ببنت وهى كانت مبينة انها معجبة بيا الاول وبعدين اكتشفت انها بتلعب نفس اللعبة مع واحد من اقرب اصحابى يعنى بتمثل عليه الاعجاب انا لما لقيت كدا كلمت صحبى وقولتله لو هى فعلا معجبة بيك مفيش اى مشكلة وبمنتهى الروح الرياضية باقولك شيل يا معلم وانا مش زعلان وحقيقى انا من قلبى مكنتش زعلان لسبب بسيط انى عرفت الموضوع اخره ايه وكويس انى عرفت كدا فى اولها احسن مليون مرة ما كنت ابقا مخدوع وفاكرها معجبة بيا وبتاع المهم صاحبى قالى بص من الاخر ولا انا ولا انت سيبك منها ونفضلها ودة اللى حصل فى الاخر انها خدت صابونة مننا احنا الاتنين وربنا يشهد الكلام دة حصل فعلا وربنا يعلم انى فضلت اقوله لو انت معجب بيها صدقنى كمل معاها وانا مش زعلان ومش فى دماغى اصلا بس هو خاف لحسن صدقتنا انا وهو وخصوصا انه اقرب الناس لقلبى انها تتاثر بموضوع زى دة وفعلا انا وهو فى الاخر قررنا منعرفهاش تانى بس كان نفسى اعرف هى شعورها كان ايه ساعتها ...
المهم يا ميكى انا مبسوط بالموضوع الجامد دة وفعلا مش غريب عليك تطرح المواضيع الجامدة والجميلة ويارب التجربة اللى ماريت بيها تعرف الشباب انى مفيش حد يستاهل انه يتزعل عليه اصلا ولو حد اتجرح يعرف انه اكيد اختار غلط من البداية وربنا يباركك ويعوض تعبك

[سمر ماهر]

3- تالت حاجه لما واحد يحب بنت وهي تبادله نفس المشاعر وبعد كده تتغير مشاعرها لدخول واحد تاني حياتها وقلبها
ودي بتكون صدمة قاتله ودي من وجهة نظري اصعب حالات الجراح والفراق
فعلا يا ميكي دى اصعب حاجة و بتجرح القلب فوق مما تتخيل
ربنا يباركك يا ميكي و مستنية مواضيعك الرائعة
ميرسي ليك كتيررررررررر