انا تعبان ومش عارف اخذ قرار ؟

[misho]

؟مشكلتى فى خطوبتى ومش عارف اعمل ايه ؟

1- انا خطبت فتاة انا اكبر منها بحوالى 6 سنوات

هى متوسطة الجمال الحالة الاجتماعية بسيطة و
كالاتى :

1- والداها نقاش وانا مش قابل هذا بس رضيت بالامر الواقع انا والدى مدرس

2- المهم تمت الخطوبة وبعد كدت ظهرت اشياء لكنت اتوقعها مثل ؟

1- الجمال المتوسط بعد ماراح الكمياج بقى اقل من المتوسط وانا تعبت من الموضوع

2- ضعف جسمها من تعب الى تعب

3- قالت لى بعد حفلة الخطوب ب عشرة يوم انها عملة عملية فى المخ من 3 سنبن وكانت عملية خطيرة وبعد كدة ربنا وقف معها ونجت وهى الان كويسة و الشىئ اللى تعبنى انها مقلتش اللى بعد الخطوبة

4-انا بكون معها ومش معها وكل مافتكر انا جد اطفالى نقاش اتعب

واخيرا انا فى حبرة مش عارف افك الخطوبة ولا لا

معلومات : انا اعرفها من 7 شهور ( 4 تعارف + 3 خطوبة رسمى )

وهى تحبنى كثيرا :

وانا مش عارف اعمل ايه

ارجو الرد الحكيم وليس التعزية

وhttp://www.agape-egypt.org/VB/images/smilies/ccc.gif

[elphilasouf]

الزواج السليم يحتاج الى التوافق فى كل شئ
فى الحاله الاجتماعيه والماديه والاخلاقيه والحياه الروحيه وغيرها
مش تساوي لكن توافق يعنى تكون مناسبه او متقاربه الى حد مناسب معقول ....

متهيألى المشكله بالنسبالك ان هى والدها نقاش
متهيألى المفروض تغير نظرتك للناس مش حسب عملهم لكن حسب اخلاقهم
متهيألى كمان ان المفروض تقف امام هذا الرجل بأحترام وتقدير لانه قدر يصرف ع بنته ويربيها كويس
بجد لو مقدرتش تغير نظرتك لوالدها وتحولها لنظره احترام وتقدير يبقى انت هتظلمها وهتعيرها بعد كده ولو حتى معيره من غير كلام بالنظرات بس

[الماكس مايكل]

لو بتحبها مش هيهمك ابوها ايه
لو بتحبها مش هيهمك شكلها ايه لان الشكل الحلو والجمال
كل ده وقتى لازملما نختار نختار صح
ربنا معاك

[بونبونه سكر]

كلام فيلو مظبوط المفروض انك متاخدش الناس بالطريقه دى وانك مش مرتاحلها لمجرد ان والدها نقاش ثانيا انت مش عاجبك جمالها البسيط صدقنى متاخدهاش بالطريقه دى بصراحه نظرتك ليها دى ورايك كمان مش عاجبنى معلش بس انصحك متكملش معاها علشان متظلمهاش

[KOKO SPA]

احساسى انك بتدور على مبررات عشان تسيبها لان والدها شغال نقاش ده اكيد عرفتها قبل الخطوبه ليه رافضه دلوقتى

دور ع السبب الاساسى اللى جواك اللى مخليك عاوز تسيبها


بس تصيحتى سيبها

[kamer14]

انت كدة مش بتحبها شايف كل الحاجات السلبية ومقولتش ولاميزة وزى ماقالولك لازم تحترم مهننة باباها وطلما مش عاجباك كنت خطبتها ليه من الاول ؟ وكمان بتقول ان شكلها مش حلو بس صدقنى الشكل مش كل حاجة وممكن تلاقى واحدة اجمل منها بكتير بس تعزبك طول حياتك

المفروض بصراحة مكنتش خطبتها من الاول سيبها احسنلك واحسنلها

[emmmy]

مهنة ابوها دى حجة بتقنع نفسك بيها لانككنت عارف دة من قبل الخطوبة ارجوك اقعد مع نفسك ودور على السبب الحقيقى جواك ولو حسيت انك مش هتكون سعيد معاها ولا هتقدر تسعدها سيبها احسن وخطوبة فاشلة احسن مليون مرة زواج فاشل

[mrm29r]

بتهيقلى انت مش جد فى خطوه الخطوبه دى انت اكيد كنت عارف ان باباها نقاش من قبل الارتباط والنقاش مش عيب يعنى لكن لو انت شايف كده يبقى سبها وحرام عليك الوقت اللى بيضيع وانت رابطها جنبك انت شكلك مش مقتنع مش موضوع باباها قرر بجد وقرر صح وصلى كتير قبل اتخاذ القرار ولو ليكوا نصيب فى بعض هيكون ولو لا يبقى ربنا مختار ليكوا الاحسن اكيد

[misho]

متهيألى المشكله بالنسبالك ان هى والدها نقاش
متهيألى المفروض تغير نظرتك للناس مش حسب عملهم لكن حسب اخلاقهم
متهيألى كمان ان المفروض تقف امام هذا الرجل بأحترام وتقدير لانه قدر يصرف ع بنته ويربيها كويس
بجد لو مقدرتش تغير نظرتك لوالدها وتحولها لنظره احترام وتقدير يبقى انت هتظلمها وهتعيرها بعد كده ولو حتى معيره من غير كلام بالنظرات بس كلامك فواقنى( صاحنى) :
بس انا وصلت لى قرار وهو انى هيدى نفسى فرصة كبيرة ادرس الموضوع بكل جوانبه اى اختبار نفسى من ناحية مشاعرى وعلى المستوى ككل شكرا جداَ ليك ولتعب محبتك وشكرا للمرور كل اخواتى على الموضوع وردهم واحترامى الشديد لارائهم القوية

ودلوقتى محتاج : اعرف رايك وراى اخواتى فى قرارى :
وماهى الفترة المناسبة لحسم الموض

[armia1987]

حقيقى كل اللى لازم اقوله ان الموضوع ده مرة واحدة فى عمرك واصعب حاجة انه تختار فارجو الاختيار والملاحظة الدقيقة التى تاتى فى فترة الخطوبة

[kottah_sh]

بصراحه بالطريقه دى مش هينفع تكمل معاها
انت كده هتظلمها وتظلم نفسك
لازم تسيبها وبسرعه
علشان حرام تعلقها بيك اكتر
وانت بتقول انها بتحبك

ربنا يوفقك ويوفقها ويختارلكوا الصالح

[Shosei]

انا بقولك سيبها منغير متفكر بس مش بقولك سيبها لانى موفقاك فى نظرتك للناس بلعكس علشان متتعبهاش معاك العيب فيك مش فيها ولانك تعبان وشايف انى الناس مستويات ومتصغر انى بباها نقاش بعدين هتتعبها جداا نصيحة منى فكها ومتفكرش تخطب الا لما تعدل العيب اللى جواك ولو كانت هى قلتلك على العملية بعد الخطوبة فدا مش عيب فيها لاا دا عيب انك مش عارف تاخد قرار مستنى حد يقولك تعمل ايه علشان متحسش انك ظلمتها انتا هتظلمها لو اتجوزتها وهتوجعها اكتر لو قلتلها انتى بباكى نقاش هى مش هتحرج من دا ولا هتتكسف الا لو كانت قليله اصل بس لانك وقتها هتنزل من نظرها جداا اسفة لو كلامى ناشف

لاحظت انك متردد من قبل الخطوبة فى موضوع قرار مصيرى
واضح انك متردد من قبل متخطبها طاب ايه جبرك على كدا مش لاقى بنات مثلا خايف من التعامل مع بباها خايف انك تدفع 12 الف جنيه على الفاضى محتار ومربوك اوى وشايل الدنيا فوق دماغط متلخبط اوى معانى الموضوع من الاول مش مستاهل دى متنفعكش لانك من الاول مش مقتنع بيها شريك حياتك لازم تصلى كتير علشان ربنا يبعتهولك علشان تعرف انى دا ربنا عاوزة ليك شريك حياتك مش حد بيدخل فى الموضوع وكاهن بيكلل لاا دا ربنا بيجمع اتنين ويكون وسطهم شريك حياتك لازم تكون مرتاحلة ولو مش مرتاح من الاول ومش بتحبه يبقى تكمل ليه الخطوبة دى مش عيب لما تتفك العيب لو كملت وفشلت وهى كل مقدماتها فشل بتررددك دا متظلمهاش معاك شوف حد قريب من سنك يناسب نظرتك للناس مش عيب مش عيب اننا نغلط العيب اننا نكمل فى الغلط
اوعى تقول دى انا مش مقتنع بيها بكرا وبعده هقتنع بيها كداب اللى يقولك كدا لو مش مقتنع بيه من الاول عمرك مهتقتنع بيه ولو مرتحتش هتحاول تعمل فيها مرتاح لكن برضو عمرك مهترتاح

[jesus_insideme]

اخويا العزيز :- قبل ما تكون صريح مع الناس لازم تكون صريح مع نفسك الاول انت ذكرت سببين الاول مهنة والدها والتانية انها متوسطة الجمال ، طب منتا عارف دا من الاول ولا العملية هي اللي غيرت نظرتك ناحيتها ، مهنة ابوها مش عيب بل بالعكس اكيد مستواهم المادي حلو لان المهنة دلوقتي مربحة اكتر من الموظفين ، لازم تسأل نفسك ايه اللي خلاك تخطبها وانت عارف كل ده؟ ، الحجات اللي بتقول عليها مش عيوب وان كانت عيوب دور علي الايجابيات وانشاء ربنا ايجابيتها هتغطي السلبيات(انا راجل خاطب ومريت بظروف ولكن بدأت ادور علي الايجابيات لغاية لما بقيت السلبيات متهمنيش فحاجة وتلاشت مع الوقت ومليش غيرها دلوقتي)راجع نفسك دا مستقبل اسرة والموضوع مش محتاج خلل ، صارح نفسك واطلب ايد ربنا تدخل وانشاء الله لازم تسمعنا عنك اخبار حلوة وتقوللنا انك اتجوزت كمان(ربنا معاك)

(ملقين كل همكم عليه لانه هو يعتني بكم)

[لولا الشقية]

صدقنى لو الحب من ربنا لا هيفرق شكل او جمال جسدى او مكانة اجتماعية او غنى و فقر و الحب ده مش هتلاقيه غير عند إنسان بيعرف ربنا و وواخد من حب ربنا غير المحدود و حنانه الحب الذى يصعب وصفه بالكلمات اختبر حبك لخطيبتك بس خد الحب ده من يد يسوع و صدقنى هتلاقيه احلى و اعمق و اشد و دائم طول العمر و مهما قابلت عيوب حتى فى الشخصية و الطباع

[flower_love]

بص أنا مش كبيره أوي أنا كل اللي عندي 15 سنه بس احب أقولك انك محتاج تفكر كتير اوي في وضعك و لازم تحس ان محبتك ايها ممكن تنسي كل ده

[نايف ميدع]

ارجو المعزره منك يا أخي أنت لاتحب خطيبتك حتى دخلت في مقارنه في الوضع الأجتماعي ورأي ان تترك هذه الخطوبه مع اقل الأضرار للأنسان وفقة على الرتباط معك . (تذكر المسيح كان نجار وفخور بذالك )

[جاسيكا]

بصراحة انا قرأت الموضوع وقرأت كمان كل الردود
ومش لاقية غير انك انت خايف من نظرة الناس ليك وكلامهم عنك وعن خطيبتك لما يقولو دا خطب واحدة والدها نقاش
ودا مش سبب مقنع انك تفك خطيبتك لان الشغل مش عيب اهم حاجة النقاش دا بيشتغل شغل محترم علشان ميمدش ايدة لحد ويربى ولادة بفلوس حلال
العيب الوحيد اللى يخليك تسيب خطيبتك لو كان بباها شغال حرامى مش نقاش وبعدين اكيد فعلاً انت كنت عارف كدة من اول معرفتها
وكمان البنت اية زنبها ان بباها نقاش ربنا مختارلها كدة ودا مش عيب
لانو مبيعملش حاجة غلط
انما دا مش سبب انك تكون محتار الحيرة دى
انت محتار علشان مش عايز حد يقولك انت خاطب واحدة والدها كذاااا
او مش جميلة انما انت كدة بتدور على المستوى الاجتماعى والجمال
والاتنين دول هما السبب الاساسى انك مش مقتنع بخطيبتك
دول مش اهم حاجة تختارهم فى شريكة حياتك اهم حاجة انها تكون بنت محترمة بنت تعرف ربنا كويس قوى
بس لو انت من جواك متردد علشان شغلة بباها وجمالها بلاش تظلمها معاك وتعلقها بيك اكتر من كدة وسيبها بالرغم من ان دا هيكون صعب عليها لانك بتقول انها بتحبك
وياريت لما تسيبها متقولهاش لية السبب علشان متنزلش من نزرها او تسببلها جرح اكتر من اللى هتكون فية
وربنا يختارلك الصالح
ويارب تكون قدرت توصل لقرار

[marian magde]

:em0400:اعتقد ان من البداية انت غلط غلط كبر لما اهونت فى حاجات كتير واقولهم واهمهم هو السن كدة فى فرق كبير جداا ودة مشكلة بس حوار الشكل دة ممكن يفرق مع ناس وناس لا وممكن تكون عادية بس روحها وعلاقتها بربنا كبيرة واحسن سورى منك ومنى والحاجة التانية ان فترة التعارف بسيطة والخطوبة كمان يعنى لو كنت صبرت كنت عرفت من قبل الغلط وصلحتوا وبعدت بس دلوقتى بقى من راى المتواضع ويارب مااظلمهاش ولا اظلمك ان تحاول تصبر عليها وتشوف ولو ماقدرتش بجد هتبقى بتعمل غلط اكبر لو اتجوزتواوالخطوبة معمولة عشان التعارف والتاكيد على استمرار العلاقة ولا لاوصلى بجد وربنا معاك ومعانا