انواع البنات على النت

[kamer14]

انواع البنات ع النت :10600:


العاقله!!


لما تفتح متكلمش حد.. تستني الكل يرحب بيها وهي تبتسم وتقول شكرا..
واذا حد بعتلها لها فايل او رابط اغنية حطت له علامة استفهام وتسكت نص ساعه ماتكلموش..
ولما تكون متحمسه في الكلام.. تكتب كل كلمة في سطر وتضغط انتر.. تخاف من الاخطاء الاملائيه.
وضحكتها عبارة عن ابتسامه واذا كانت مبسوطه اووي تحط ثلاث ابتسامات.



المصلحجية!!


متسلمش عليك الا مرة في الشهر.. تدخل عليك فجأه وتحط لك ورده.. مع انها كل يوم متواجده وساكته..
وتستخدم مشغول او في الخارج.. واذا احتاجت مساعدة تجيك وتسلم عليك وتقول فينك من زمان مشفتكش؟ مبتسألش عليا ليه؟ وحشتني وشوية تلييف برضه من النوع ده
ساره اختي كل يوم تفتح واوصيها تبلغك السلام لاني مشغووولة في الدراسة..
وبعد ماتخلص مصلحتها تقولك عن اذنك حروح اكمل مذاكره واختي حتقعد مكاني


الرسميـة!!


ترتب المجموعات الى قسم العائله و قسم الزملاء فقط.. طبعا مافيش قسم اصدقاء.. واغلب كلامها زي .. احترم نفسك.. او
رجاء دي امور خاصة بيه.. ولما تسالها ايه اخبارك؟ ترد انا كويسه وتسكت.. واذا سلمت عليها ترد هاى وتسكت..
ولما تعطيها اهداء تقولك اشمعنا انا بالذات؟ .. واغلب وقتها تقرا مواضيع في المنتديات
في قسم الرأي الاخر.. وتعشق برنامج الاتجاه المعاكس.ههههههههههههههههه� �ه


المجنونه!!


دي كل كلامها ضحك.. وكل شويه تكتب نكته وتضحك مع نفسها.. وضحكتها طويله تقريبا تلت سطور..
واغلب كلامها بالصور.. تستخدم كل صور وغلطاتها الاملائية كتيرة.. وتجمع عدة اشخاص في صفحة واحده.. وتتكلم عن ثلاثة مواضيع في وقت واحد....وكل شوية تغير الصورة الجانبيه.. .. ولون الخط ههههههههههه


الغلسه!!

تغيب أيام طويلة متعرفش بتروح فين وترجع فجأة.. وكلماتها مثل.. ايه اخبارك يا غلس متزعلش من اختك انا بهزر
.. وثقافتها ماتعدى المتوسطه .. وضحكتها زي كده هع هع هع
..وتكتب بلون اسود لانها ماتعرف تغير الالوان ههههههههههه.


البطــــة!!

طباخة ممتازة وتحب تتكلم عن الاكل.. ودايم جوعانه.. ونقطة ضعفها الجالاكسي جواهر والمكرونة الاسباجيتي.. وقبل معاد العشا بساعه يكون مزاجها مش رايق ..
ولما ينادوها للعشا تقفل بسرعة البرق.. ههههههههههههههه..
ودائما تتكلم عن تجاربها الفاشلة في الريجيم .. مستحيل تشوفها في النهار لان الجو حار.. اوقاتها من العصر و طالع.
دمها خفيف ومرهفة المشاعر وأقل موقف ممكن يبكيها.


البريئــة!!

عمرها يكبر وعقلها مايتغير.. مازالت طفله وعلى نياتها.. تثق في كل الناس وبسرعة تتأثر.. وكل يوم تسألك عندك كام سنة؟
تعشق سبيس تون وبينك بانثر وهزيم الرعد و تحب تتكلم عن الأزياء والتسريحات وباربي.. تتواجد في العصر و المغرب لانها تنام بدري.. ماعدا يوم الخميس طبعا
شعارها الدنيا حلوة.. احيانا تجيك سكتة قلبية من غبائها ومع ذلك هي الاولى في المدرسه.. لو بلغتها باسرارك بتفضحك في كل المنتديات..
تخاف من الأرنب والقطه و أي شي يمشي على اربع رجلين.. حتى انت لو تمشي على اربع بتخاف منك


الكذابة

اسمها الحقيقي فردوس .كريمه.زينب . فتكات .. وتجي على النت وتقول اسمي نانسى او هيفا ودايما تنتقد و مايعجبها العجب.. واذا شافتك مشغول

الرد بيكون هوالشتايم
ههههههههههههههههه

تحتار ازاى ترضيها.. تد يها اغنية تقولك مابحبش الاغاني.. ..كل حاجة تضايقها وكل حاجة تزعلها..
.. ماتعرفش تجامل ولاتمدح الا نفسها.. دايم توصف نفسها بالجمال والرشاقه..


وطبعا كل الانواع ديه مش عندنا فى المنتدى

[Team Work®]

ههههههههههههههههههههههههه هههه

[kamer14]

شكرا على الرد

[ghada2000]

kda bardo. btfar7y awlad elmontda fena. 3la fkra hea 2alt mafesh el2nwa3 de hna mashy. msh 3yza ashof rd mostafz. ok . rabna m3aky

[kamer14]

هههههه انا بتكلم على النوعيات ايلى مش فى المنتدى مش ايلى هنا ايلى هنا دول ملايكه طبعا ههههههه خايهم بس يتكلموا كلمه هيشوفوا ايلى هيجرى فيهم بقى هه

[ظريف]

شكر ليكى يا قمر على تصنيفك للبنات شكرا يارب أننى مش بنت

[kamer14]

ههههههههه لالالالالاللااااااااااااا ااااااااااااااااااا انا كمان شويه هنزل موضوع انواع الشباب على النت هههههههه هتقعد تدعى ليل ونهار وتقول يالليتنى كنت بنت نيههااهاهاهاهاهااها

[ظريف]

طب أجدعنى وأكتبى كده على الشباب وأبسطينا
شكلك هتتخطفى من المنتدى

[kamer14]

اتفضل قال اتخطف قال
المرحلة الأولى :

( الي يدوبك لسه متعلم يدخل نت )

طبعا العمر يتراوح من 18 الى ما فوق ... وتلاقيه اول ما يدخل هاي ممكن
نتعرف انا فلان ومن الحته الفلانيه وتحسي ان فيه حنفيه معلومات اتفتحت
واي حاجة تقوليهاله يقولك يعني ايه مش فاهم وبعد كل كلمة يقولك اصل
انا لسه جديد في النت

والنوعية دي تنقسم لقسمين :
1- يا اما متحمس وحط ف دماغه موضوع النت وعايز يتعلم
2- يا اما سمع من صحابه عن النت والبنات وجاي يجرب حظه


المرحلة الثانية:

( الي بيقعد على النت بس مش كتير )
النوع ده كل كلامه انا مشغولياتي كتير ومبحبش النت والكلام ده وبعد ما
يكلم شوية يقولك ممكن نكمل كلام في التليفون انا اصلي مبدخلش النت
كتير ومليش خلق للكتابة والحاجات دي

والنوعيه دي تنقسم الى قسمين:
1- يا اما يبقى لحوح ويفضل يطلب نفس الطلب وصباح الملل
2- يا اما يبقى عنده عزة نفس وميلحش بس هيتعصب وهيقولك اعمليلي بلوك


المرحلة التالته :

( الي قاعد على النت ليل نهار )

ده بقى شرحه يطول وينقسم لعدة انواع

1- المقموص

ده بقى قاعد وحاطط ايده على زرار الزعل اي حاجة تقوليها تبقي بتقصديه
او بتقللي من شانه وبعد كام مرة كلام ممكن يقولك اديني نمرة تليفونك
ولما تعتذري هيقولك انا هحترم رغبتك وهيركبلك الوش الخشب ومن وقت
للتاني هتاخدي البلوك ف وشك فنصيحه من اولها كده اديله بلوك وديليت

2- ابو دم خفيف ( النوع ده فى منه كتير أوى هنا )

ده شلل مركز ومتعرفيش مين الي خدعه وقاله ان دمه خفيف وكل كلامه قفشات
وضحك والمفروض انك تكوني مجامله وتضحكي بس منصحكيش تيجي على اعصابك

3- المودي

دي بقة شخصية بتتنوع كل يوم على حسب المود وهتحسي انك بتكلمي واحد
عنده انفصام ف الشخصية النهاردة رزين وعاقل وبكرة لاسع وبعد يومين رخم
وبعدها كيوت وفريندلي طبعا الحكايه مش ناقصة جنان كفايه الي الواحد
فيه

4- اللزقه

والنوع ده عايز حزم ف التعامل معاه لأن كل كلامه انتي فين ؟ بتتاخري
في الرد ليه؟ انتي بتكلمي حد ؟؟ ياعم وانت مالك بتتحشر
ليه ......ولو قلتيله ثواني هيقولك ليه رايحة فين؟ متتاخريش ... ايه
ده انتي لسه مجيتيش ؟؟؟

5- الناصح

صباح الصداع مع كل جمله هتقوليها هتاخدي نصيحة وفيه عرض خاص قولي
جملتين وخدي اربع نصايح العرض مستمر حتى نفاد الكمية ........ولو على
منتدى زينا كده هتلاقيه بيقولك ليه حطيتي التوبيك ده وليه شيلتي
الصورة دي وحطيتي التانية انا انصحك انك تخليه يحصل اخواته الي فاتوا
يعني بلوك وديليت

6- الحبيب

انا فيا جاذبية وكل البنات بتعجب بيا ....... ايام ما كنت ف الكليه
كنت عامل ازمه والبنات بتتخانق عليا...... المصيبة بقى ان اي جمله
هتقوليها هيفهم ان انتي معجبه اصله مش بمزاجك هتحبيه يعني هتحبيه



8- الكداب

من اول الأسم والسن واي معلومة خدتيها كدب في كدب ومتعرفيش ليه ده بقى
انصحيه وخليه يغير اسمه على الماسنجر ويخليه مسيلمة الكداب

9- العبيط

ده هتلاقيه على طول حاطط صورته وذنب عليكي تتفرجي ويشيل الصورة دي يحط
التانية وكل شوية يفتح الكاميرا مع نفسه


10- بابا اوبح

ده ممكن يكون على النت من سنة 96 واتخرج واشتغل واتجوز وجاب عيال ولسه
قاعد يتعرف على بنات وكل ما يكلم واحدة يقنعها انه مش متجوز وبيدور
على عروسة وصباح السرحان ولو جربتي كل يوم تدخليله بايميل غير التاني
هتسمعي قصة حياته كل يوم مختلفة

[Malak sokar]

بجد بجد انا لو شتك ياكمي هضربك
بس سماح عشان انت بجد فرتكت الاولاد
وجبت اخرهم كمان
معلش يابنات ماتزعلوش منة
++هههههههههههههه

[kamer14]

هههههههه على فكره انا بنت

[اللة يرعانى]

ههههههههههههههههههههه موضوع جميل اوىىىىىىى

[kamer14]

ميرسى يامريم بجد

[nagi]

عندك حق وكلامك منطقى

[nagi]

عندك حق كلامك منطقى

[kamer14]

شكرا ياناجى على الرد والمشاركه

[b o b b a]

جامد جدا الموضوع ربنا معاكي

[zoooom]

شكرا ليكى بس ياريت تخليك على البنات احسن

[kamer14]

البنات والولاد وميرسىى لردك

[SAMOOOOO]

الغلسه!!

تغيب أيام طويلة متعرفش بتروح فين وترجع فجأة.. وكلماتها مثل.. ايه اخبارك يا غلس متزعلش من اختك انا بهزر
.. وثقافتها ماتعدى المتوسطه .. وضحكتها زي كده هع هع هع
..وتكتب بلون اسود لانها ماتعرف تغير الالوان ههههههههههه.


ههههههههههههههههههههههههه هههههه
بجد قريتهم كلهم وعمال اضحك على كلامك
بس النوع اللى كتبته انا ده
مليان فى المنتدى
هههههههههههههه






بس مش كتير

ههههههههههه
ميرسى يا بت يا قمر

[kamer14]

ههههههههههه ميرسى لردك

[ELMAGEK]

المجنونه!!


دي كل كلامها ضحك.. وكل شويه تكتب نكته وتضحك مع نفسها.. وضحكتها طويله تقريبا تلت سطور..
واغلب كلامها بالصور.. تستخدم كل صور وغلطاتها الاملائية كتيرة.. وتجمع عدة اشخاص في صفحة واحده.. وتتكلم عن ثلاثة مواضيع في وقت واحد....وكل شوية تغير الصورة الجانبيه.. .. ولون الخط ههههههههههه

ههههههههههههههههههههههههه ههههههههههه
ماشى يا قمر بس يا ترى المجنونة دى مش بتفكرك بحد
ههههههههههههههههههههههههه هههههه
على فكرة فى كتير منهم هنا فى المنتدى على فكرة
ولا اية
ههههههههههههههههههههههههه ههههههههههههه

[kamer14]

ههههههههههههههه قصدك ايه انتا ان بنات المنتدى مجانين :em3000:

ماشى ياابو الفدا ميرسى لردك

[marmartadros]

ميرسى على الموضوع يا قمر

[kamer14]

العفو ياقمرايه ميرسى ليكو انتى لردك الجميل

[ELMAGEK]

ههههههههههههههههههههههههه ه
لالالا مش كلهم مصابين بهذا المرض
ههههههههههههههههههههههههه ه
بس فى بعضهم وفى كمان
مصلحجية وفى عاقلين
وفى كل شكل ولون
ههههههههههههههههههههههههه ه

[kamer14]

هههههههه ماحنا عارفين ان فى وفى بصراحه افدتنى افاده عظيمه:em4500: ميرسى للافاده ياابو الفدا

[سعد101]

بصراحة معلومات استفدت منها والى اعجبني البنت البرئه حاجه تجنن

[kamer14]

ميرسى لردك وربنا يبارككك

[كريستين غريب]

موضوع حلو اوى يا قمر واحلى حاجه فيه تصنيف الولاد

[kamer14]

ميرسى ليكى وربنا يباركك