الحب

[ايساك]

انا عاوز اطرح موضوع مهم جدا فى حياة الشباب وهو الحب. وانا عاوز ابين احساس الشاب اللى بيحب. وعاوز اعرف هو دا الحب ؟؟؟؟؟؟؟؟؟
يحس الشاب كانة داخل امتحان صعب. وقلبى بيرتعش اول مااشوفها وسرحان علطول وسهر طول الليل

[Team Work®]

ربنا يعطينا النوم من عندوا

[منى ارسانيوس]

واضح انك بتحب
على العموم اسهل حاجه تعرف بيها انت بتحب الانسان دا ولا لأ
انك تكون مش عارف

[مرموره]

معلش يا منى مش هتفق معاكى فى كلمت مش عارف

ميرسى يا ايساك على الموضوع الجميل ده
بس حكاية قلبه بيترعش و يسهر طول ليل ده شويه كلام افلام
الحب مش كلام افلام
اه سعات ممكن تسهر بس مش هتسهر تقول ياترى انت فين
انت ممكن تسهر من قلق على الشخص التانى

كون انك بتعرف بتحب ولا لأ
هو الشخص بيأل قلبه هو ده شخص الى مستعد تقدى حياتك كلها معاه ؟
لو كان الاجابه " اه " او " لا " هتعرف
لو قعت تتطلع فى عيوب و ده فيه كذا و كذا و كذا يمكن مستحملش يبقى الاجابه كده لاااااااااا


اصل الجاكيه مش قلق و امتحان
ديه قلوب و احساس

معلش طولت بس ده مجرد رأى صغير :)
ميرسى للموضوع:)

[ظريف]

وقلبى بيرتعش اول مااشوفها وسرحان علطول وسهر طول الليل
ما كملتش ليه يامينا الموضوع وعدم تناول طعام وعدم تركيز فى المذاكره وزغلله فى العين وأرتفاع ضغط الم وبوادر سكر وشحوب فى لون الوجه ولين عظام وفى النهايه أنتحار
شوف يا مينا مثال لينا السيد المسيح من كتر محبته بذل شخصه لينا والحب عطاء وتضحيه مش أخذ وأنانيه أما تحب أنسان هتبقى عاوزه تشوفه 24 ساعه فى اليوم وتحس براحه نفسيه وأنتا معاه وأى أمور معقده معاك تتحل بسهوله وتتمنالو يكون أحسن شخص فى العالم

[ايساك]

ِ شكرا لمروركم يا شباب. وانا عاوز اقول ان السهر بتاع الحب مش كلام افلام ولكنة سهر وقلق على الحبيب.ورغبة فى الحياة مع الانسان اللى بنحبة.وانا عاوز اقول ان حكاية القلب بيرتعش ان الانسان اللى بيحب بيكون فرحان لدرجة غيرعادية سواء بالكلام مع حبيبة او مقابلتة او حتى التفكير فية. وشكرا لمروركم مرة تانية يا شباب. وصلولى ان انا اعرف انام

[ايساك]

من مشاركتم د عرفتم ان انا بموت فى حبيبتى مش بحبها بس. وشكرا على مشاركتك مرمورة ومنى وحيب مارجرجس واستاذ ظريف

[ظريف]

انا بموت فى حبيبتى مش بحبها
أيه ياعم مينا أنتا بتحب طربه طب روحوا موتو بعيد أنتو الأتنين
( بهزر )

[ايساك]

كلامك كلة حكم استاذ ظريف. ما الانسان اخرتة اية صندوق متر فى متر ويحطوا فى تربة غير التربة اللى انا بحبها.ههههههههههه

[fady love]

شكرا مينا على موضوعك. ربنا يعوضك

[mora]

يا رب دلوقتى بقه تعرف تنام بعد ما عرفت انك بتحبها

[melanora]

بتسهر وسرحان اية دة انت بتذاكر شريعة اسلامية ولا اية اصلي انا بيحصلي كدة لما بذاكر شريعة اسلامية بس بقي انا عارفة انة كرهة مش حب اما عن حالتك مش عارفة ممكن يكون حب او اعجاب مثلا مش عارفة عموما الريفو كويس اوي بس خدة قبل ما تنام
متزعلش انا بهزر

[SAMOOOOO]

اولا ازيكم كلكم يارب تكونو بخير
ثانيا بالنسبه لرايى فى الموضوع ده ان الحب ده حاجه جميله جدا جدا جدا وبتدى طعم للحياه للانسان اللى بيحب بس كل الكلام ده لما يكون حب صح وصادق ونهايته تكون تجمع مش فراق
بس بجد ناس كتير بتفهم الحب غلط ومش بتعرف ايه الفائده بتاعته لانه مش بيكون مترتب بخطوات
بس اجمل حاجه فى الحب لما يكون الاتنين متفاهمين مع بعض وعارفين تصرفات ورد فعل بعض ويكون فى صراحه بين الاتنين من اوله وربنا يحافظ على كل الشباب والشابات المسيحيين ويوفقهم
سامو - المرشد السياحى

[ايساك]

شكرا لمروركم يا شباب .انا مش زعلان خالص احنا كلنا اخوات فى المنتدى.حتى لو كانت حاجة تزعل انا مش بزعل

[marooooo]

الحب مش كلام خالص الحب كله مشاعر بس واحساس لكن اي كلمه مش تبين اي حاجه عن الحب ابداربنا معاك

[جاسيكا]

هههههههههههه
ياترى بقيت بتنام ولا لسة يا ايساااااااااك
هههههههههههههه
على فكرة حلو رد مرمورة قوى وكمان بتاع استاذ ظريف وكمان بتاع سامو وكمان
مارووووووووووو

[bebotop]

بجد كلامك ممكن يكون صح بس في حالات معينه يعني حسب شخصية الشاب اللي بيحب

المهم ان تكون بتحب من قلبك مش من وراه