لمن لة خبرة

[love_lorn199]

انا طالب جامعى سنة اولى واحتاج بعض النصائح للتعامل مع الاخرين و خصوصا الاخوة البنات.

[ظريف]

أبعد عن الشر وغنيله يا love_lorn199

[جاسيكا]

اهوة قالك استاذ ظريف ابعد عن الشر
بس انا احتج احنا شر
طيب ماشى ماشى
المهم هقولك على الحاجات اللى بتضايق البنات فى الكلية ومتعملهاش
اولا الاستزراف بتاع الولاد دا استنى اصلى ساقطة عربى هى استظراف بتتكتب ازاى
هههههههههههههههههههه ثانيا متخليش البنت ماشية وتعمل زى صاحبك هى الساعة كام
وانت فى ايدك الساعة متتنيل تبوص فيها مش انت اللى بيعمل كدا ههههههههههههههههه
ثالثا بقى موضوع المحاضرات دا بيضايقنى اوعى تروح لبنت تقولها هاتى المحاضرات
الا اذا كنت تعرفها
رابعا بقى انا مش عارفة اوعى تكون فهمت حاجة من اللى قولتة
ههههههههههههههههههههههههه ههههههههههههه
انتظرونى فى المحاضرة القادمة
اختكم جاسى

[ماريان]

هههههههههههههههههه
احنا شر
ماشى هعدهالك المرادى
يابنى عاملهم زى اخواتك
بس خلاص

[nrmo]

ههههههههههههههه
اسمع كلام جاسى واتكل على الله
انا شايفه انك لازم تتعامل معاهم بشكل طبيعى جدا يعنى ولا تحسسهم باهتمامك الزايد بيهم علشان فى بنات مش بتحب كده ولا تحسسهم بانك مش بتعبرهم علشان هيفتكروك بتتنك عليهم
ومتخفش البنات مش شر ولا حاجه علشان تبعد عن الشر
ههههههههههههههههههههههههه هههههههه

[Team Work®]

تعامل بطبيعتك وبمحبة وربنا معاك

واكيد فى ناس افضل كتير منى هايفيدوك فى الموضوع دة

اسمعهم

شكرا

[اللة يرعانى]

عملهم زى ما بتعامل اخواتكمحبة والاحترام والادب وليس المظاهر واظهار المال

[aymonded]

حبيب قلبي الغالي في ربنا يسوع
غنى النعمة ووافر السلام لشخصك الحلو
أولاً يا حبيب قلبي مش في حاجة اسمها حد يملي عليك ماذا تفعل أو حتى نصيحة عابرة عن الموضوع ، لأن الموضوع أبسط مما تتخيل ، لأن الأساس هو محبة الله في القلب والقاعدة هي كلمة الله التي تربي الضمير بالروح القدس على أن يتصرف بما يليق بأولاد الله أن كنا حقاً أولاد لله

فنصيحة أن تكون طبيعياً جداً وتتصرف حسب اللياقة وما يملية عليك الروح القدس بواسطة كلمة الله من خلال تربية الضمير على ضوء محبة المسيح الحلوة ...

الأهم أنك تكون شخص محب للكل بلا تفريق بين ولد أو بنت من ناحية الأحترام المتبادل والصداقة الحلوة في إطار اللياقة الجامعية وعليك يلقى عاتق إظهار نور الله في المجتمع الجامعي للجميع بلا استثناء أو تفريق بين دين وآخر وبين شخص وآخر أو الأنحصار في إطار مجموعة معينه ، لأن انحصارك في إطار مجموعة معينة أو أفراد معينين أو الأنحياز لأشخاص أو لأناس معينين أو لبنت أو ولد هذا سيجعل علاقاتك مضطربة غير سليمة أو صحيحة قد تؤثر عليك وعلى راي الناس من حولك

أقبل مني كل تقدير لشخصك الحلو
النعمة معك

[mora]

مفيش حد يقدر يقول حاجه بعد كلام الستاذ ايمن طبعا
انت لازم تسمع كلامه و تنفذه بالحرف
ميرسى ليك يا استاذ ايمن على الرد المفيد ده

[aymonded]

مفيش حد يقدر يقول حاجه بعد كلام الستاذ ايمن طبعا
انت لازم تسمع كلامه و تنفذه بالحرف
ميرسى ليك يا استاذ ايمن على الرد المفيد ده

العفو يا احلى مورا
وأشكرك حقيقي على رقة كلماتك الرقيقة
ولنصلي بعضنا من أجل بعض حتى نكون قادرين أن نحب بعضنا بعضاً بقلب طاهر بشدة
وأن نصير نوراً للعالم وشهادة حسنة لله
النعمة معك ومع الجميع آمين

[sameh2]

المحبة شيئ عظيم جدا و لو صار بين الشباب لدقت اجراس الكنائس باستمرار:em19::10600::11700:

[جاسيكا]

ياااااااااااااا اخيراً وصلت بسلامة
ههههههههههههههههه
اصلى بقالى كتير بدور على الموضوع دا ونسيت كان في اى قسم
لكن الحمد لله وصلت




اما بالنسبة للموضوع فا انا كنت بتكلم فى الاول بنوع هزار
لكن لو فكرت انى اتكلم مش هقدر اقول حاجة بعد كلام استاذ ايمن بجد
انت تقدر تستفاد من كلامة الجميل كتير قوى
واحنا كمان بنستفاد من ارائة كتير
وفى الاخر بقولك عاملهم زى اخوتك
واللى تحب ان الناس يعملوك بية انت كمان عامل الناس بية
وربنا معاك ويوفقك

[melanora]

ههههههههههههههههه احنا شر
طاب لو البنات شر يبقي الاولاد اشر ههههههههههههههههههه
انا عاوزاك تبص فوق فوق فوق كمان فوق شوية لامش اوي كدة لحد متوصل لكلام الاستاذ ايمن وله مني اكبر تقدير من عضوة جديدة

[melanora]

ونصحتي اعمل زي ما الاستاذ ايمن قلك لاني انا عرفت كتير من اصحابي وقعو في مشاكل كتير لعدم التزامهم بالكلام دة

[poula adel]

اولا بشكرك على الموضوع الجميل دا وبشكر جميع المشاركين في المنتدى تانيا الموضوع اللي انت بتكلم عليه لازم تكون اكيد تتعامل معاهم باحترام وحب وحنان وتعامل البنات متل اخواتك باللضبط مش لازم بعد ما تكلم بنات سواء ان كانت بنت كويسة او مش كويسة تروح تقول للشباب عنها دا مش لازم