ماهو الصح وما هو الخطا

[اللة يرعانى]

محتاجة رائيكو فى هذا موضوع وهوانى شخص حب يتقدم لبنت وفقت علية وبعد ما جب الشبكة وعزم الناس اكتشف انها تحب انسان اخر ماذا افعلاية صح واية الخطا ولية كدة هل دة حظ ولا نصيب هل اكرة الدنيا ماهو عيب الشاب الطيب الذى لايعرف اضحك على ناس ياترى الطيبة الزمن دى بقى عيب مش ميزة ماذا افعل:em4400:

[nrmo]

ميرسى على السؤال يامريم
بس انا عاوزه اعرف ليه هى وافقت من الاول على الخطوبه مادام هى بتحب شخص تانى وهل فعلاالخطبه تمت ولا لسه ياريت معلومات اكتر علشان االموضوع مش واضح اوى

[larasmy]

مادام هي وافقت علي الخطوبه يبقي عايزاه هو الا لو كانوا اهلها خطبوهاله بالعافيه

[اللة يرعانى]

اشكرك يا نرمر على مرورك هى الحمد للة الخطوبة متمتش ثانيا هى كانت موافق وبعد كدة قبلت واحد تانى فعجبها وبس

[nrmo]

بس انا شايفه ان اللى هى بتعمله ده غلط خالص المفروض تحدد موقفها لان الموضوع ده مش حاجه صغيره لازم تكون مقتنعه وتفكر كويس علشان تقدر تقرر

[minabobos]

اضم راى لنرمين ف الموضوع
واضيف حاجه
انها لزم تكون اكتر حكمه وقرر لان الموضوع ده مش محتاج اعجاب بس لان التانى واخد حطوه ايجابيه ف الارتباط انما اللى هى اعجبت بى ممكن ميكونش عارف حاجه
وياريت انها تصلى كتير
وربنا يرشدها للخير
اسف انى طولت عليكى
وافر النعمه معاكم

[مينا نشأت]

صدقيني بسوع دايما بيحبنا وما بيجبلناش حاجه وحشه انا عايز اقول للشاب الي اتقدم انه اكيد افضله الي حصل اي كان الظروف لان الاكيد ان فيه احسن منها منتظراه والي بيجمعهم الرب في السماء لايمكن يفرقهم انسان علي الارض مادام الشاب طيب اكيد في الطيبه الي مستنياه

[اللة يرعانى]

اشكوركو جميعا على مروركو ورائيكو ربنا يبارك حياتكو

[aymonded]

السلام لنفسك يا محبوبة ربنا يسوع
في الحقيقة أنا مش فاهم ملابسات الموضوع وترتيبة

* هل هي احبته مثلاً وقبلته بتسرع أو اندفاع !!!
* هل هناك ضغط في قبوله من الأهل مثلاً !!!
* هل أحبت شخص آخر في البداية وتركته وارتبتط بهذا !!!
* هل ارتضت بهذا الشخص وبعدها اكتشفت انها لا تحبه والتفتت لشخص آخر !!!

أنا عموما مش قادر افهم الملابسات لأن الموضوع في لخبطة جامده جداً

فيا أما حالة من حلات تقلب المزاج ، والمراهقة هي الغالبة على الموضوع
يا أما اندفاع المشاعر المضطربة أدت لهذا
ولا أعلم ما هي الحالة بصراحة لأن التفاصيل تنقصني كثيراً جدا

النعمة معك وأرجو الإيضاح !!!

[Team Work®]

المتخصص جية ورد وسأل ارجو الرد علية

واكيد فى حل بأذن ربنا

[اللة يرعانى]

اشكرك يا استاذنا على مرورك بالنسبة للسوال هى كانت موافقة وظهر شخص تانى فى حياتها بعدالموافقة على خطوبة بعد ظهور الشخص دا كان فى اجبار من اهلها

[aymonded]

آه كده أنا فهمت
عموما الإجبار من الأهل على الدوام هو أسباب فشل إي علاقة أو زيجة ، حتى لو كان الشخص لا يعيبه شيء
ولكن ما أنصح به :
هو جلسة هدوء مع النفس في جو من الصلاة والصوم لله الحي مع التناول من الإفخارستيا ، والتركيز على ماذا أريد وما هي دوافعي لمحبة شخص آخر بعد موافقتي ، هل لأني اشعر أن أهلي يرغموني على الزواج بشخص فتحولت مشاعري لآخر !!!

هل هي حالة تقلب مزاج وحالة مراهقة تلازمني وعدم نضوج وحالة تردد ، أم قد رأيت أن هذا الشخص لا أريد أن أعرفه أو فيه عكس ما اطلب !!!

عموما أن وجدت أن هذا الشخص لا يتفق معها لا ذهنا ولا فكراً ولا ثقافة أو علم الخ ، أو قادر أن يتجاوب معها في شد مشاعرها نحوه ، من جهة إقناعه بشخصيته ليها وشعوره باحتياجاتها الفكرية والنفسية ، وأنا أقصد لغة الحوار بينهم وليس حركات الجسد طبعا ...

أما أن رأت أنها لا تقدر أن تتعايش معه بأي شكل ، تبحث عن الأسباب لكي ما تقدر أن تقول كلام منطقي في رفضه مش كلام هلامي ليس له معنى لأنها تريد شخص آخر وخلاص ...
ولابد من أن تحاول اكتشاف اسباب اعجابها بىخر وتسأل نفسها لماذا أعجبت به ، ولا تقول احببته كده وخلاص ده كلام هلامي بلا معنى يدل على حالة تخبط وكلام لن يفيد لأن هذا وهم وعدم شعور بالمسئولية ، الحب مش وهم ولا كلام هلامي ، أحببت وخلاص أو من أول نظرة شدني آخر ، كلام مش صح ابداً ...

ثم تستجمع كل شجاعة بمحبة وهدوء بعد ما تعرفت على دوافعها وأسبابها بوضوح
وتجلس مع الأهل لتوضيح الموقف
لا من أجل من أحبت بل من أجل أنها لا تقدر أن ترتبط غصب بشخص لا تميل نحوه ولا تريد شركه معه لسباب محدده ومنطقية !!!

وعلى قدر هدوئها وصبرها وشجاعتها لمواجهة الأب والأم كل منهما على حده لإقناعهم بموقفها ستنجح وتسير وفق اختيارها مع قياس كل الأمور بهدوء لا على أساس انفعال أو اضطراب أو حرب ضد الأب أو الأم ، أو صوت عالي أو منازعة أو غضب ، ولو وجدت الغضب سيبدأ تنسحب من الجلسة بهدوء وتؤجلها مرة أخرى في وقت تكون الابتسامة على الوجوه ...
ولنلاحظ :
أننا لا نحارب آباءنا إنما نظهر إننا مسئولين عن اختيارنا الحر بالاتفاق مع أبوينا بهدوء وحب شديد ، لأن لنا شخصيتنا ورأينا واختيارنا الحرّ في اتجاهات حياتنا مع مشورة الأبوين الذين يحبوننا جدا أكثر من أي شخص آخر ...

أما لو الموضوع سار في اتجاه الحرب فالخسارة ستكون ملازمة للطرفين وتنهار العلاقات وتسير في جو شاحن سيصل لطريق مسدود والأهل ظاهراً سيربحون إنما الخسارة ستكون أكبر حينما تقلب الحياة لجحيم بين الزوجين الجديدان والأهل سيحزنون على أولادهم التعساء !!!

مع ملاحظة أن المستعجل برجلية يخطأ
هذا هو رأيي في عجالة جداً

مع أهمية اختيار الوقت لمحادثة الوالدين ويفضل كل واحد على حده الأول مع مراعاة الاحترام الشديد وعدم الصراخ أو الصوت العالي لأن هذا يدل على عدم الثقة في النفس والاضطراب الطفولي ...

النعمة معك ومعها وأعانها الله وقواها
وأي سؤال أنا تحت أمركم

[اللة يرعانى]

شكرا ليك سا استاذ ايمن على ردك على سوال بس اظاهر انى ناس اتغيرت اوى وطيب فى زمن دة ملوش مكان شكرا ليك

[melanora]

طاب هي لية وافقت علي الخطوبة من الاول
وفية حاجات غامضة كتير في الموضوع

[melanora]

فعلا الطيب ملوش مكان وفي زمننا ده يبقي عبيط واهبل وبيضحك علية
متهيالي اه كل واحد يثق في نفسه وبس

[اللة يرعانى]

مرسى للمروك ربنا يعوضك تعب محبتو

[مالى سواك]

من وجهة نظرى ان هى غلطت بس المهم متكملش فى الغلط ولازم تنفصل عن اللى خطبها علشان متظلموش وتظلم نفسها معاه

[SAMOOOOO]

'طيب ياجماعه سورى فى الكلام بقى كلكم جايين مع البنت للسف محدش فيكم فكر ايه زنب الشخص اللى متقدم؟
المهم ان الايام دى البنات مبقيتش زى زمان البنت دلوقتى عاوزه تعرف اكتر من ولد ده على اساس لو مش حبها ده يحبها التانى او التالت وتتجوزه للاسف دلوقتى اغلبا لبنات واخده موضوع الجواز عباره عن تجاره فقط
محدش فيكم فكر ايه ذنب الشخص المتقدم ده وعلى فكره دلوقتى الطيب هو اللى بيتاكل وخصوصا مع البنات لان الحنيه بتخلى البنت طماعه وممكن تبص لواحد تانى
المهم ان اى بنت المفروض تتخطب تنسى الدنيا كلها مش تقعد لسه عاوزه تعمل علاقات مع شباب تانى اعتقد ده غلط اوى اوى اوى
ياريت محدش يزعل من كلامى فى البنات لان دى الحقيقه
سامو- المرشد السياحى

[aymonded]

حبيب قلبي الغالي في ربنا يسوع
أنا عن نفسي مش جيت عليه ولا تعرضت لمشكلته في تقدمه للبنت ، لأني لا أعلم عنه شيئاً ، ولم يقل أحد أن له أي ذنب أبداً ...

أحنا قلنا نعالج المشكلة من جهة البنت وكما طُرح الموضوع من جانبها ، وكان واضح أن للأهل دور في الضغط من جهة القبول لهذا الشخص المتقدم لها ، وهي لو استمرت معه ها تظلمه فعلاً بسبب أنها متعلقة بشخص آخر ، وهذا ليس سليم ، ويعتبر غش لو كملت مع شخص ليس له أي ذنب في انه أعجب بها وحب يتقدم ويكمل حياته معها بالحب الصادق !!!
والانفصال هنا بصراحة يكون أفضل من أن تبنى حياة كاملة على غش ومشاكل لا تنتهي !!!

وكما قال مالي سواك : (((هى غلطت بس المهم متكملش فى الغلط ولازم تنفصل عن اللى خطبها علشان متظلموش وتظلم نفسها معاه )))

وصدقني مش في حاجة اسمها بنت والا ولد ، الاثنين مظلومين وأحياناً ظالمين !!! يعني مش في حد ظالم أكثر من الآخر ، والموضوع مختلف من شخص لآخر ، ليس حسب الجنس إنما حسب الشخصية ...

والموضوع مش موضوع مين طيب والا مين مش طيب ، لأن الموضوع باختصار هو في النهاية عدم حكم صائب لأسباب تتعلق بنفسية كل شخص ومشاكله النفسية والتربوية ونضوجه وقدرته على الانفتاح ...

ومن عرف نفسه عرف طريقه وعرف كيف يسلك !!!

أقبل مني مع الجميع كل تقدير بمحبة

[اللة يرعانى]

اشكركوم كلو على كلامكو بس المظلوم هو الشاب مش البنت

[aymonded]

تمام يا مريم ومش حد قال انه ظالم أبدا
لأنه مظلوم فعلاً مش له ذنب
ولكن احنا حاولنا نحط النقط فوق الحروف ونطالب أن البنت تستيقظ واي حد في نفس الموقف أن لا يدخل فيه من البداية لأن أصعب حاجة جرح المشاعر
النعمة معك وشكراً على الموضوع الحلو

[اللة يرعانى]

شكرا ليك يا استاذ ايمن ربنا يسمحها بقى

[aymonded]

آمين ويصحح حياتها ويعطيها نعمة
وهي محبوبة يسوع برضو ولازم نصلي ليها كتير لينعم الله عليها بانضباط الحياة
لأننا كلنا بنتسرع أحيانا كثيرة وممكن نخطأ ولا يوجد من لا يخطأ

النعمة معك يا محبوبة ربنا يسوع

[اللة يرعانى]

بشكرك يا استاذ ايمن على كلامك الجميل كنت محتجاة رائك اوى مرسى ليك

[aymonded]

العفو يا محبوبة ربنا يسوع
أقبلي مني كل تقدير بمحبة
النعمةة معك

[انسطاسيا]

ربنا معاها وينعم عليها بالسلام الداخلي حتي تستطيع السير في الحياه
وربنا مع الشخص اللي اتقدملها وباذن ربنا هيلاقي البنت المناسبه
وربنا ليه حكمه كبيره في كل حاجه اكيد بردو كان هيبقي في مشاكل مع بعض لو كمل الموضوع
نشكر ربنا علي كل حال
ربنا معاكم جميعا

[اللة يرعانى]

اشكرك على كلام ومرورك الاجمل انسطاسيا