شوية رومانسية [الأرشيف] - †† ارثوذكس ††

مشاهدة النسخة كاملة : شوية رومانسية

Mmk_media

12-10-2007, 04:18 PM

هي لازم تفهم اني مش مَدَبّ
كنت جالس بجوار صديقي على المقهى
امسك لي الشيشة بيد و اشيح بالاخرى في وجهه
انا مش مَدَبّ.. انا مش عارف هي جابت الكلام ده منين؟
اهدى بس -
كل ما اقولها حاجة.. تقولي انا مَدبّ.. حمارة مبتفهمش في المشاعر
احكيلي ايه الي حصل -
*******
قاعدين في الكافيه
قاعدين على ترابيزة مدورة وهي قدامي
قولتلها أديني جايبك حتت نضيفة اهه ماروحتيهاش قبل كده
طلبنا برتقان و موكاهازلنت.. وبكلمها يا عم وعمّال اقولها الكلام الكبير بتاع المشاعر
و هي غاية في الغباء
عمال المّح لها و اقولها انا بتصل بيكي كتير وبكلمك كتير.. و بسأل عليكي
لكن مش معنى كده اني مهتم بيكي
انا بعمل كده مع الناس كلها.. علشان انا مهتم بالانسان مش بيكي انتي بس
علشان تفهم اني اجتماعي
و هي آخر غباء
اقولها انها تخنت والمفروض تقلل من البيبسي وتبطل أكل شوية بالطفاسة اللي هي فيها دي علشان تفهم اني مهتم بيها وبرشاقتها و خايف عليها من كتر الاكل
و هي آخر حمورية
أقولها حاولي تلبسي لنسيز علشان النظارة دي مبيناكي عجوزة ومش حلوة على وشك وخصوصا انه مش حلو قوي
علشان تفهم اني باخد بالي من التفاصيل
ودي اللي طالع عليها بتخلّف
*******
اقولها ان بعض تصرفاتها مش عجباني و انها بترغي كتير في الموبايل
تقولي: ما انا بكلمك برضه
اقولها ماهو ده قصدي.. انتي بترغي وبتكلفيني كتير في الفاتورة
علشان تفهم اني مدبر واقتصادي
و هي آخر جهل
لما جه الشيك علشان ندفع
كانت حاتدفع فأخدت منها الشيك وقولتلها انا اللي حادفع
وضحكتْ وقلتلها مافيهاش حاجة لما أدفع ده كمان.. ما احنا المرتين الي خرجنا فيهم انا اللي صرفت عليكي
علشان تفهم اني جدع معاها
و هي نازل عليها بغباء
قعدت تحكي في القراءة والثقافة
و انت عارف محسوبك تقيل في الحاجات دي
لغاية ماقالتلي على الكاتب اللي بتقراله دلوقتي ومدى حبها ليه وبكتاباته
قولتلها انه حمار واللي بيقروله بهايم
علشان تفهم اني مثقف وداري بما يدور في الساحة الثقافية
ومطلع على جميع الكتاب و الاصدارات
ولا حياة لمن تنادي
*******
دفعنا الشيك و خرجنا
سيبتها عند الباب ولما قالتلي مش حتوصلني
قلتلها لأ طبعا
سيبتها في الشارع و ركبت العربية ومشيت
علشان تفهم اني مش مدلوق عليها
حلو لحد كده يا عم؟
عاطفة و اشواق وحب على أبوه من الأصلي
هي دي الرومانسية
شوف بقي غباوتها اللي جايه
قلت أكلمها بالليل و انهي الموضوع و اقولها إني معجب بيها والكلام الكبير ده بتاع الارتباط والحب والجواز
و انها هي الكسبانة والموضوع حيقع عليّ بخسارة
كلّمتها وقلتلها الكلمتين
قالتلي اني ظريف وطيب بس هي عايزة واحد رومانسي
ضحكتْ و قلتلها انتي حمارة بقى.. ههههه.. كل ده ومش رومانسي
انتي لازم تعملي اختبار ذكاء.. ههههه.. غباء غريب
دا انا وديتك اماكن ماروحتيهاش وصرفت عليكي
و كلمتلك عن وشك وجسمك يا تخينة.. هههههه
دا احنا مثقفين زي بعض وبلاش كده
و قعدت أقول: الو الو الو.. ومحدش رد
قفلت واتصلت بيها ومحدش رد
وفي الاخر البني آدمة تبعتلي مسج تقولي
انت مدب.. مدب.. ومبتحسش.. انت مدب.. مبتفهمش
شفت اخرتها
انا مدب
بنت غبية.. مبتفهمش.. مبتفكرش
*******
في حمورية و غباء كده.. قولي
في حد كده ؟

Team Work®

12-12-2007, 06:57 AM

لا تعليف بصراحة

kemo

12-12-2007, 11:38 AM

ههههههههههههههههه فيش غباء أكتلا من كده

mora

12-18-2007, 05:09 AM

واضح انه مش مدب خالص

melanora

01-14-2008, 11:26 AM

هههههههههههههههههههه
انتو الاتنين اغبية
ههههههههههه
بس متزعلش
متهيالي خليك في الميديا احسن

madoona

01-14-2008, 09:48 PM

بصراحة مينفعش اعلق

nrmo

01-14-2008, 11:23 PM

ههههههههههههههههههههههههه هههههههه
ههههههههههههههههههههههههه هه
ايه الرومانسيه دى كلها بصراحه انت عملت اللى عليك
ههههههههههههههههههههههههه هههههههه

الخاطية الضعيفة

01-14-2008, 11:39 PM

بصراحة ومن غير مجاملة هى اللى خسرته ,ده تحفة

مالى سواك

01-19-2008, 10:41 AM

ايوا يابنى فى بنات اغبيا كده ومش بتقدر معلش ربنا يعوضك ببنت تفهمك وتقدرك
اللى يعيش ياما يشوف

اسامه

01-22-2008, 10:07 AM

ده واخد وسام فى الغباء واعتقد انه رئيس اتحاد الشاب المدب هههههههههه موضوع لذيذ قوى ربنا يبارك حياتك

hanon22

01-22-2008, 03:37 PM

بصراحة انت عملت اللى عليك وربنا معاك

SAMOOOOO

01-22-2008, 04:41 PM

هو الواحد مش عارف يقول ايه؟
بس معقول فى بنات كده دلوقتى ماعتقدش خالص بصراحه
او اقولك حاجه هى يمكن مش غبيه بس يظهر انها لئيمه اوى اوى اوى
وربنا معاكم
سامو - المرشد السياحى

مايكل رومانى

01-24-2008, 05:36 PM

غير انا احمد ربنا انى راجل مش بنت مئدرش اقول ان كل واحد منه لله وربنا يرحم البنات من امثالك وانا اسف

rossaa

01-25-2008, 10:42 PM

كلام جميل وكلام معقووووووووووووول مادرش اقول حاجه عنه والحمد لله اني مش البنت دي
معرفش كنت هعمل ايه

rose

01-25-2008, 11:44 PM

دة طلع مدب بصحيح
ربنا يكون فى عونها
وميرسى ع الموضوع
ربنا معاك

ميرووو

01-26-2008, 11:02 PM

ههههههههههههههههههههههههه ههههههههههه واضح جدااااااااااااااااااااااا انه .................. رومانسى بطريقه فظييييييييييعه ههههههههههههههههههههههههه لا ربنا معاه ويكمله بعقله ............ اقصد يكمله برومانسيته هههههههههههههههههههههههه لا بجد موضوع جميل

irene abd al saed

07-29-2008, 08:02 PM

ههههههههههههههههههههههههه ههه مدب

روفــــا

07-30-2008, 07:48 AM

ههههههههههههههههههههههههه ههههههه
لاء بجد انتوا الاتنين اذكياء