وادى علوم

[bisho03]

عجبنى قوى موضوع ROSE بتاع الهندسه واديكو شفتو اخرة الهندسه
فقررت اوضحلكم مدى معاناة طلاب علوم امثالى ولو حد نفسه يبعبر يبعبر فنحن واد حرية البعرير
ييا بييينا

بعد اللف وبعد الدوخة وبعد ماقلنا نخش علوم
بدل الطب فى اخر ادنيا او حتى اسنان الفيوم
لوصنا وتاهت بينا الدنيا زى غريق مابيعرف عوم
مش هتكلم عن جغرافيا ولا هشكيلكم اى هموم
مانتم زيى غلابه ياعالم وعليكو محاضرات بالكوم

اللى فى قسم علوم طبيعيه ماشى وبيخر معادات
لابس نضاره عائليه شورت وفوقه قميص كاروهات
كل حياته بالارقام اكله وشربه بالحسابات
اى مشاكل يوم بتقابله بيحـللها لمعادلات
ويقول ديه معادلة حركة وديه معادلة متجهات
حقا ان الله مع الصابرين وخصوصا من هذا القسم
ده اللى يعيش فيه يوم يتجنن او يطفش على اقرب قسم
واللى يعاشر واحد منهم يبقى الاريح ياخد سم

واللى فى قسم بيولوجى يعنى ماشى تمللى وراسه لتحت
بيدور على ضفدع طازة ويقطعه بالطول والعرض
ويقول ده انا طالب من حقى اشوف العملى بعينى بجد
وفى امتحان الفاينال يصرخ يطلب لو تتشق الارض
اصل جابولوه ضفدع عصعوص عنده الحصبه وناقصالوه عين
ويكونوا سارقين منه الزايده ويسألوه راحت على فين
واما بكل بساطه يجاوب ويقول الضفدع غلبان
وانا مش هاخد زايده فى جيبى ولا راح اكلها ده انا شبعان
يسقط ياخد صفر بحاله دى نهايته ماهو الخسران

والى فى قسم جيولوجى ياحسره تلقاه دايما ع الكورنش
عمال يحفر وسط الرمله على بترول وياحسره مافيش
ويروح بيتهم متعكنن ولا بيدوقش لقمة عيش
اصله ياعينى بيعمل بحثه على بترول لكن مالاقيش
نفسه فى حد يجيبله الحفار او بريمه لحد البيت
ويقول ده انا جيولوجى ياعالم بس سيبونى اطلع زيت
كل هوايته انه ينقب كان فى الصحرا او فى الغيط

شفتو ياعالم مانا قلتلكم ن علوم دى اخرها جنان
مالها تجاره ولا المعهد ده كفايه حتى الثانوى العام
هى نصيحه للى هيخسر فى علوم حاجه من الاتنين
يا المستقبل ..... تنسوا شبابكم
يا شبابكم ........ وتكونو فاشلين

[kamel]

بجد رااااااااااااااااااااائع
دكتور.. حضرتك
يلاهووووووووووووى على الرقة والحلاوة
الرب يباركك

[bisho03]

مرسى كامل على ردك بس انا مش دكتور ولا حاجه انا معيد 3 سنين
فى سنه تانيه بس
بس ربنا تاب عليا وبطلت

[Team Work®]

فعلا الكملمات حلوة قوى قوى اشكرك جدا جدا عليها

وربنا يفرح قلبك

[bisho03]

مرسى هيما على ردك
بس اتمنى ان ربنا يخلصنى ويعدينى منها على خير

[nrmo]

هههههههههههههههههههههه
ههههههههههههه
ههههههههه
ايه البهدله دى كلها

[عماد حسنى]

ربنا معاك يا بيشو
حلوه اوى اوى

[bisho03]

هههههههههههههههههههههه
ههههههههههههه
ههههههههه
ايه البهدله دى كلها
بتضحك او بتضحكى ؟؟؟
معلش ليك او ليكى يوم
وعشان انا زقت من اسلوب الاشاره
مسيركو هتقولو ان الله حق

[bisho03]

ربنا معاك يا بيشو
حلوه اوى اوى
ميرسى ليك كتير عمده لكن واقعيا
انا عااااااااااااااااااااايز
مصر
كلها تدعيلى

[كيرو رافت]

ههههههههههههههههههههههههه ه
لا بجد تحفه يا بيشو
ازاى ماشفتش مواضيعك دى قبل كداااااااا
اسلوبك بجد تحفه ورائع
بس قولى عملت ايه بقى عديت من سنه تانيه ولا لسه
طمنى عليك
مبسوط بجد بكلماتك واشعارك الرقيقه

[bassem8800370]

حلو اوووووووووى يابيشو
كلمات معبره وطريقه جدايده

[bisho03]

ههههههههههههههههههههههههه ه
لا بجد تحفه يا بيشو
ازاى ماشفتش مواضيعك دى قبل كداااااااا
اسلوبك بجد تحفه ورائع
بس قولى عملت ايه بقى عديت من سنه تانيه ولا لسه
طمنى عليك
مبسوط بجد بكلماتك واشعارك الرقيقه

هو انا فى الواقع عديت تانية وكتبتلها قصيده
وتالته ومكتبتلهاش حاجه عشان بلطت فيها 3 سنين
بس بمزاجى
حاكم انا كييف علم
ورابعه اهو لسه مخلصها للمره التانيه على التوالى

[bisho03]

حلو اوووووووووى يابيشو
كلمات معبره وطريقه جدايده

شكرا باسم
على مرورك الرقيق