محتاجة بجد حد يرد علية

[غير مسجل]

انا مش عارفة ابتدى الموضوع ازاى لانة موضوع حساس و محرج شوية بس محتاجة فعلا حد يرد علية لانة الموضوع دة محيرنى اوى و ماثر علية جامد
الموضوع باختصار انى انا متزوجة من قريب و جوزى بيحبنى اوى اوى و انا كمان بحبة اوى و نفسى بجد اسعدة و اخلية اسعد زوج فى الدنيا كلها بس المشكلة انة ساعات بيطلب منى حاجات غريبة شوية يعنى قصدى سورى يعنى فى العلاقة الخاصة ما بينا بس انا حاسة ان الحاجات دى غريبة شوية انا اول مرة اعرفها فلما برفض او اتردد فى عملها يقولى انى انا مش باهتم بسعادتة واننا يعنى خلاص متجوزين و مافيش بينا حاجة حرام او عيب و بيزعل منى
فانا بجد مش عارفة الموضوع دة صح و لا غلط و ساعات اقول يمكن انا اللى غلط يعنى علشان يمكن معنديش الخبرة الكفاية بالموضوع دة
و كمان اللى محيرنى اكتر الوصية اللى فى الاكليل اللى بتقول لا تسلط للمراة على جسدها بل للرجل و العكس
انا اسفة بجد انى باتكلم فى موضوع زى دة بس انا مش عارفة اتكلم فية مع حد و بجد الموضوع دة تاعبنى جامد
لو سمحتوا حد يرد علية و يقولى انا غلط و لا صح

[React!on]

سلام المسيح ليكي اختي سلام المسيح ليكوا كلكوا
سيبينا نترجم سؤالك بطريقه تاني واللي هي
ما هو المسموح والغير مسموح به في الزواج المسيحي من الناحية الجنسية؟
دي حاجه مجيب عنها ابائنا ومراكز المشوره وخليني اوريكي الاجابه مختصره
ــــــــــــــــ
الكتاب المقدس يخبرنا أن "ليكن الزواج مكرماً عند كل واحد، والمضجع غير نجس. وأما العاهرون والزناة فسيدينهم الله" (عبرانيين 4:13). الكتاب المقدس لا يذكر أي شيء عن ما هو مسموح أو غير مسموح به في الزواج من الناحية. ولكن يوصي الكتاب الزوج والزوجة " لا يسلب أحدكم الآخر، الا أن يكون علي موافقة، الي حين، لكي تتفرغوا للصوم والصلاة، ثم تجتمعون أيضاً معاً لكي لا يجربكم الشيطان لسبب عدم نزاهتكم" (كورنثوس الأولي 5:7). وهذا الجزء يوضح لنا مبدأ العلاقة الجنسية في الزواج. فأن أي شيء يجب أن يتم برضا الزوج والزوجة. ولا يجب علي أي طرف الضغط علي الطرف الآخر لممارسة أي شيء غير مريح أو يعتقد واحد منهم أنه نجس. ولكن ان اتفق الزوج أو الزوجة علي أي شيء كان فأن الكتاب المقدس لا يمانع.

ولكن هناك بعض الأشياء التي لا تتفق مع تعاليم الكتاب المقدس في الناحية الجنسية من أي زواج وأن اتفق الزوج والزوجة علي ممارسته. فمبدأ "تبادل الزوجات" أو تعدد الزوجات" هو زني (غلاطية 19:5 و أفسس 3:5 وكولوسي 5:3 و تسالونيكي 3:4). الزني خطيئة وانت كانت بعلم الزوج أو الزوجة. ومشاهدة الأفلام والصور الأباحية خطيئة "لأن كل ما في العالم: شهوة الجسد، وشهوة العيون، وتعظم المعيشة، ليس من الآب بل من العالم" (يوحنا الأولي 16:2). وفيماعدا ذلك لا يوجد أي شيء في الكتاب المقدس غير مسموح به في الزواج – حالما تتم ممارسة العلاقة برضاء الطرفين
ـــــــــــــــــــــــــ ـــ
اما انا اسف عن الاوضاع او ماشابه واعزروني ف التعبير (( اسف جدا ع التعبير ))
ماتسمحيش ان تكوني كاداه تُهاني انت محبوبه من الله ومكرمه كبنت للمسيح فمتسمحيش يحصل كدا فالمسيح قدس الزواج لانه يبني عائله تمجد اسمه
وسمح ان تكون العلاقه دي ووضعها شهوه ف الانسان علشان يكون في اولاد يمجدوا اسمه ويعطيهم من حبه
** ممكن يكون كلامي مش واضح او مش قادر اتكلم اكتر من كداا بس علي ما اظن انه اتفهم مهماا ان كان انا قلت ايه سامحوا ضعفي انا اخوكم انسان خاطي
وهو ده رائيي اللي هداني ليه تفكيري
اذكروني في صلواتكم

[menovich]

سلام المسيح يكون معك وينير قلب زوجك

يجب احترام جسد وهيكل السيد المسيح حتى لو متزوجين

[twins]

نأسف على خذف الرد

[dr mina]

نقلا عن نيافة ابينا الانبا بولا : من برنامج بيت على الصخر بخصوص سؤالك : هناك حدود مفترضة فى العلاقة بين الرجل وامرأته اولهما الاحترام وتواجد الرغبة عند الطرفين , فلا تحامل احد على احد او من احد , أما بخصوص العلاقة الزوجية فقد ذكرها بولس الرسول فى رسالته مبيحا اياها بين الازواج بشرط الامتناع عن المعاشرة الخلفية ) anal intercourse < لأان بها تشبها بقوم لوط و عدا عن ذلك فلم يمنع شيئا , أما عن وجهة نظرى التفاهم والحوار يؤدى الى السعادة فتفاهمى معه وتخاطبى بصراحة عما يرضيك وعما لا يرضيك شكرا

[غير مسجل]

متشكرة اوى على اهتمامكو بالرد على سؤالى انا بجد استفدت كتير من الردود بتاعتكم
و انا اسفة مرة تانى انى سالت فى موضوع زى دة بس بجد كان الموضوع تاعبنى
ميرسى اوى ليكو

[كراكيب]

سيدنا الانبا بولا انا سمعته قال جملة جميلة قوي قبل كدة لو الازواج طبقوها هيعيشوا في سلام هو قال ان الفرد المفروض يقدم للاخر مايسعده هو لانها علاقة حب وعطاء اذن لو هناك توافق ستستمر محبة الله فيكم

[مرمرينا]

كل اللى عايزة اقوله انى فرحانه جدا بوجودى فى المنتدى وبعد ما قريت تعليقاتكم على هذا الموضوع حسيت انكم منقادين بروح الله روح الحكمه والقوة لانكم ما اردتم ان تدخلوا ارائكم الذاتية بل استخدمتم كلمة الله واراء اشخاص ذى دراية ومعرفة ولا استطيع ان اضف على ما قلتوه شىء الرب يقويكم ويثبتكم فيه الى الابد ويعوض تعبكم
:8:

[mno-z]

اختنا اللي محتاجة حد يرد عليكي ...
سر الزواج مقدس بالكنيسة ... والحقوق اللي بيمنحها للرجل مقابلها بيلزمو بواجبات
والبيوت اسرار والعادات تختلف باختلاف المجتمع انا مع القول : انو بالاتفاق والمحبة يحصل كل شيئ
اما بغير زلك فلا .. اي انتي اذا كان هناك ما ترفضيه وهو حق من حقوق العلاقة الزوجية الشريفة والشرعية ضمن عادات كنيستنا وتقاليدا فبلومك .
اما اذا كنتي مكروهة او مجبرة ع فعل اي شي لا يتنافه مع الاخلاق والتربية المسيحية فاكيد لاء
فيكي تكوني صريحة اكثر اذا سالتي اي ست كبيرة عن اللي بيريدو زوجك ع اساس بتحكيلها قصة عن حد تاني وفيكي تشوفي ردة فعلها وتقيمي الموضوع .
او تراجعي ابوكي الروحي او كاهن الرعية باعتراف ودي والله يوفقك

مع كل الاحترام
حررت : 20:00 م 14\3\2010
سوريا اللاذقية


اخوكي : mno-z