عشان أنت مصري

[soly_777]

عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل وداني
عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك
ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله
بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق
هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت
عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟
منقوووووول

[عماد حسنى]

تعيش وتنقل يا جميل
حلوه بجد
ربنا يباركك ويكون معاكى

[Team Work®]

امممممممممممم

اية الكلام دة ربنا يستر لا مش للدرجة يعني

بس كويس

[بيشوي يونان عبد المسيح]

جميل بس أنا أخاف أتكلم في السياسة

[soly_777]

شكرا على الردود وعلى فكرة انا كمان مبحبش اتكلم فى السياسة
ههههههههههههههههههههههههه

[bisho03]

كل اللى هقوله حاجه نفسى اقولها من زماااااااااان
حسبيا الله ونعم الوكيل
ههههههههههههههههههه

[soly_777]

حسبيا الله ونعم الوكيل
دى فيا ولا فى مين ولا انت كمان مبتحبش تتكلم فى السياسة

[bisho03]

مانا كنت ناسى انى مصرى كافى خيرى شرى
بقوم الصبح بدرى وبشقى ويتقطم ضهرى
واقول عديها يكفينى اروح البيت واتلم بين ناسى واهلى
بس واضح انه حلم
او كنت ناسى وانتى فتحتيلى بصرى
شفت الحقيقه مغيمه
واللى كانو بيقولو عليها شمس طلعت بجد مضلمه
ورغيفنا بعد المينى بقى ميكرو
لحد فين رايح يا مترو ؟؟
رايح بلاد تانيه
ورزقى ورزقك على اللى خلقنا
قلتله الغربه صعبه
قال بحكمته
مش اصعب من اللى لساك هنا منتظرو

[beshoy20]

حلووووووووووووووة حلووووووووووووووووووووووو وووووووووووووة

[soly_777]

حلوة جدا بجد معلش اتأخرت فى الرد

[ramaa]

عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل وداني
عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك
ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله
بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق
هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت
عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟
منقوووووول














جميلة جدااااااااااااااااااااااا