المساعد الشخصي الرقمي

مشاهدة النسخة كاملة : مخنوقة و بقع


المفدية
01-09-2010, 02:31 PM
انا مش عارفة اية اللى حصلى بس انا فجأة بقيت ببحث عن الحب عند اى حد و انا محصلييش حاجة وحشة لحد دلوقت بس انا مختقرة نفسى و مش قدرة استحمل نفسى
ممكن حد يقولى لية حصلى كدة ؟و ازاى ابطل بحثى عن الحب بين الناس و ارووح لربنا

aymonded
01-09-2010, 02:46 PM
سلام لنفسك يا محبوبة الله الحلوة
أعتقد أنك في سن تتفتح فيه المشاعر ، والبحث عن الحب شيء طبيعي جداً في هذا السن ، ولكن احتمال توجد أسباب نفسيه أخرى ناتجه من التربية أدت للجوع والعطش للحب الذي تبحثين عنه ...
ولكن أولاً لازم تفهمي نفسك بمعونة مرشد محنك يفهم حالتك النفسية كويس جداً بمعرفة ظروفك المحيطة ونوعية التربية في الجو الأسري حتى يقدر أن يوجهك التوجيه السليم والصحيح لعبور هذه المرحلة بسلام ..

عموماً لكي تسيري في خطوات صحيحة وسليمة ، أولاً لا تحتقري نفسك أبداً ، بل حاولي تفهمي ذاتك وتعرفي جوانب شخصيتك وتركزي على الجانب الإيجابي فيها وتقويه ، وتلجأي في نفس ذات الوقت للصلاة بهدوء وببساطة ، وتكون صلاتك دائمة وبلا توقف مهما كانت الظروف أو الضعفات ، حتى يعطيكي الله الحكمة والقدرة على فحص الذات وتقبلها بهدوء لتصلي للميناء الهادئ ، وتخرجي من هذه الحالة بوعي وتتقدمي في حياتك بلا عائق أو مانع ...

عموماً حاولي تعرفي الجوانب الإيجابيه في شخصيتك ، مثلاً من مواهب وغيرها من الأشياء المحببة والمفيدة لنفسك ، وركزي عليها واتركي السلبيات واعرفي ان كل إنسان له سلبياته وممكن أن يتخلص منها بالتركيز الأكثر على إيجابياته ، وابحثي عن اشخاص لهم عمق أصالة المحبة لله وإيجابيين في حايتهم ...

أقبلي مني كل تقدير يا محبوبة الله الحلوة ، النعمة معك

marian magde
01-20-2010, 11:24 PM
:em0400:اولا اهلا بيكى معانا فى المنتدى وثقى تماما انك مابين صحاب واخوات اكتررر ثانيا انتى مالك قلقانة لية كدة وخايفة لكل وقت تغيرات فى العمر فى الجسم وفى العقل والاحتياجات ودة طبيعى جداااا بس المهم ان كل دة مش يبقى مسيطر عليكى لا يبقى عقلك متفهم وحبك وتقربك من ربنا حاجز عن انك تبقى عبدة لاحتيجاتك وخليكى كدة مش خايفة من الخطية خليكى واثقة فى نفسك وماتخليهاش تتحكم فيكى بل بالعكس خليكى واثقة ان ربنا مش هيوقعك فى خطية بحبك وجهادك ضدها وصلى وكلمى ربنا صدقينى هتحسى بطمأنينة فظيعة وانك مش خايفة وربنا معاكى وهستنى اسمع منك تانى وطمنينى عليكى

لولا الشقية
01-21-2010, 04:51 PM
اللى بيحصل ده طبيعى جدا لآن كل الناس مخلوقة عشان تحب و تتحب بس المهم ندور على الحاجة اللى تشبعنا مش اللى نشرب منه و نعطش تانى فعشان كدة ممكن كل الأبواب اللى بتطرقيها دى بحثا عن الحب تعطيكى حب بس مش هو ده اللى يكفيكى و يبنيكى و يبقى جنبك مهما فيكى من عيوب و مهما حصل لك من أزمات فحب البشر متغير بتغير الظروف لكن الله فقط الذى يعطى الحب الحقيقى الذى لا يتغير او يقل مهما بعدتى عنه و مهما حبيتى العالم اكتر منه حتى لو حبيتى نفسك او اناس عاديين اكثر منه هو وحده يفضل فاتح بابه ليكى مهما جرى فربنا هيخليكى تجربى كل الطرق و بعدين هيثبت لك ان كل ده كان سراب بس هو برضه عينه عليكى و بيبعد عنك كل شر بس رجاء صلى له و قولى له عايزة ادوق حبك انت لأن انا عارفة انه له طعم و معنى اجمل بكتير من اللى انا بدور عليه ده هو ينبوع الماء الحى الذى لا ينضب ابدا و هو الماء الحقيقى اللى لما الواحد يشرب منه لا يمكن ان يعطش ابدا اطلبى منه ان يديكى تختبرى ده و قولى له انك عارفة انه اللى بتعمليه ده غلط بس انت هتوجهنى للصح لآنى صرت كبهيم عندك

ادروسيس
01-23-2010, 09:39 PM
ممكن تسمعى رايى بس ياريت تاخديها بصدر رحب ومن
اخت اكبر بالعكس يمكن اكون فى سن ماما
شوفى حبيتى انا مش هااتكلم من الناحية الروحية نهائى لانك اكيد
بتقرئى بتسمعى
اولا: ياجميل انت سنك صغير 18 سنة عارفة يعنى اية 18 سنة
مش هااقول انك طفلة بصرف النظر انك ممكن تكونى طفلة فى محبتك وفى قلبك
لكن اقصد فى خبرتك فى الحياة عارفة يعنى اية حب
يمكن فى نظرك وفى مثل سنك بينظروا للحب على انها الاحلام الوردية
الخالية من الشوئب ومن الاشواك والمشاكل احلام بقة
ثانيا: البنت تاكدى تمام التاكد ان لو عملت علاقة عاطفية اتحسبت عليها
فانتى لسة فى مقتبل العمر شوفى بقة وانتى معندكيش خبرة كام صدمة هاتاخديها
انا طبعا مش عايزة ااقول كلمة تانى يمكن انتى هاتقدرى تفهى
واوعى تفتكرى ان فى حاجة فى مجتمعنا ممكن تتدارى مش ممكن
والانسان ال ممكن بعد كدة يتقدم اكيد هاايسال عن البنت ال هاتحمل اسمة وهاتحافظ
على كرامة بيتة طبعا انتى اكيد فاهمة
ثالثا: كل واحد مننا محتاج للحب بس فى فرق بين الحب ال مفيهوش شخص ربنا
والحب ال من اجل الحب بس والحب ال فى شخص ربنا
انتى عايزة تحبى ماشى اطلبى بالجاجة من ربنا ان يضع امامك الشخص المناسب
ال فيه خوف ربنا ال يحافظ عليك ال ميكنش سبب لاهانتك فى يوم
ومنتسيش الطلبة دى لما تخلصى دراستك وتعرفى الاول تشبعى من ربنا
علشان ربنا لما يشوفك انك جادة فى حياتك الروحية تاكدى انه مش هايبخل عليك
بانسان جميل فى كل المواصفات ال انتى تتمنيها
وكلمة جميلة بيقولها البابا ياريت الواحد يطبقها فى حياتة
أعقلى واتقلى

كراكيب
01-31-2010, 03:24 PM
وايه المشكلة لما تبحثي عن الحب ولكن الطريقة تختلف ابحثي من خلال الله لاتحبي من اجل انك تريدي ان تكوني محبوبة بل اتركي مشاعرك تسير في مسارها الطبيعي وحبي من خلال ربنا وكويس انك بتانبي نفسك قبل اي حاجة وانشاء الله ميبقاش في حاجة وحشة خالص