حوار تيتة أطاطا مع حفيدها....منك لله يا ستى

[kamer14]

-يارب.. تنجح يا نون يابن ابنى وأشوفك دكتور أد الدنيا

-ياستى بس أنا فى تجارة

-وماله يابنى هو يكتر على ربنا...... ده ربنا قادر على كل شئ

-ياستى ونعم بالله بس اللى بيطلع دكتور لازم يكون فى كلية الطب مش التجارة

-ياللا تجارة تجارة ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا

-ياستى التجارة اللى فى الوكالة حاجة واللى فى الكلية حاجة تانية

-ع العموم شد حيلك أنته وانا أخلى جدك يخدك معاه الوكاله عشان تتدردح وتتودك فى السوق

-جدى إيه اللى هايخدنى معاه .....ده جدى مات من زمان ياستى

-يامصيبتى عبد الواحد مات..ياحبيبى ياأخويا..مكنش يومك ياسبعى

-ياستى ده ميت من تلتين سنة

-تلتين سنه..ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت سيرته..ده كان بخل الدنيا فيه..أن ما عمره دخل عليه ببطيخة ولاكيس جوافة

-ياستى حرااام عليكى عايز أذاكر بقى

-يوه..وأنا ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون

-ياستى دبلون إيه..أسمه البكالوريوس

-أنته عتضحك عليه ياوله..أسمه الدبلون الواد ابن فايزة جدع زيك كده فى مدرسة التجارة وخد الدبلون

-خلاص دبلوم دبلوم ياستى ..سيبينى بقى عشان أذاكر

-ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك عبير بت رئيسه....دىإيه ياواد.. أدب- وأخلاق..وعلام كمان

-ياستى عبير دى معاها أعدادية

-وماله يابنى ...الراجل مايعبهوش إلا جيبه

-راجل ...راجل مين ياستى...عبير دى بنت

-عبير ...عبير مين ياوله..أنته بتعرف بنات من ورانا

-لا إله إلا الله....أبوس رجلك ياستى أرحمينى بقه

-طب ذاكر....ذاكر جتك نيله وأنته طالع براوى كده زى أمك....قطعت وقطعت سيرتها...أنامش عارفه أبوك كان أجوزها على إيه..حكم...قال لبس البوصة تبقى عروسة..بس واللى نبى النبى نبى لكون مبوظه الخطوبة دى ومجوزاه أنيسة بت أختى

-ياستى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوك مش بنت أختك ..وأساسا إنتى ملكيش إخوات بنات

-صحيح ياوله ..أنته عندك حق أنا مليش إخوات بنات..أصلى أناأمى ماكنتش بتخلف صبيان

-حرااااااااااااااااااااااا ااااااااااام ............ستى ماتطلعى البلكونة شويه ...ده الهوا حلو بره

-لأياخويا....فى جدع كده حليوه وشعره مسبسب فى البلكونه اللى فى الوش بيقعد يعاكسنى

-خلاص روحى المطبخ ...أهو زمان أمى خلصت الرز

-رز...رزإيه يابنى....هوأنا ليه سنان للرز...أناهطلع البلكونه أحسن

-طب أبقى خلى بالك م الهوى ياستى
-هوى لما يلطشك

الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني وحليت كويس لكن للأسف المراقب سحب مني الورقة قبل ما أكتب أهم حاجة فيها

ياترى أنا كان إسمى إيه؟؟ ياترى كان إسمى إيه؟؟

[@M@R!N]

ههههههههههههههههههههههههه ههههههههههههههههههههه
ههههههههههههههههههههههههه هههههههههههههه
ههههههههههههههههههههههههه هههههه
اااااااااااااااااااه الست دي ممله انا كنت هتشل منها ههههههههههههههههههههههههه
ااااااااااافففففت عليهاااا

ده كويس انه كان ناسي اسمه بس

هههههههههههههههه ميرسي اوووي

[kamer14]

ههههههههههه انا جايباها هنا مخصوص عشان تشلكم هههههههههه ميرسى على الدر الجميل

[Team Work®]

هههههههههههههههههههههههه

حلو الحوار دة

[kamer14]

ههههههه اه مانا عارفه ههههههههه

ميرسى على الرد الجميل بجد

[مينا بشرى]

ههههههههههههههههههههههههه ههههههههههههههههههههه
ههههههههههههههههههههههههه ه
ههههههههههههههه
ههههه
هه
جاااااااااااااااااااااااا اامدة الحوار جامد
بجد ربنا معاك ويفرح قلبك

[kamer14]

هههههه ميرسى على الرد الجميل وربنا يباركك

[bolalover]

هههههههههههههههه كويس انه نسي اسمه بس منسيش كل حاجه

[kamer14]

ههههههههه الحمدلله شكرا لردك

[berlla]

hya 7elwa awy bas ana mesh fhmt 7aga mn el a7'er

[kamer14]

فى الاخر هو نسى يكتب اسمه من كتر ما تيته دوشته يعنى وجننته

[MeRooBe@r]

ايه يا قمورة القمامير
انتي فاضية والله
وده ازاي فاكر مذاكرتو كلها ونسي اسمو.. ده ظلم والله ههههههههههههههههههههه
ميرسي على الموضوع الحلو ده

[nrmo]

هههههههههههههههه
ههههههههههه
ههههه
ميرسى ياقمر على الموضوع

[kamer14]

هههههههههههه ميرسى لردودكم الجميله بجد

[ghada2000]

mawdo3 gamel. rabna m3aky

[kamer14]

انتى ايلى جميله ميرسى على ردك الجميل

[dolagy_jesus]

هههههههههههههههههه
حلو جدا الحوار دة
تصدقى يا قمر انا كنت قربت انسى اسمى
ههههههههههههه
ربنا يباركك
صلوا من اجلى

[kamer14]

ههههههه معلش

[mask of zoro]

ههههههههههههههههههههههههه هههههه
حلوة اوى يا قمر
ربنا يعوض تعبك يا جميل

[kamer14]

ههههههههه عفوا اى خدمه

[مايكل رومانى]

هههههههههههههههههههه جميله مرسى جدا يا قمر بس انا عاوز اعرف هو البنات كلهم كده لما بيكبر بيبقو مومملين